Германија пушти во употреба универзален билет со кој има намера да го револуционизира својот железнички систем и да го промовира користењето на транспортот низ целата земја. Номинативниот билет, чија цена е девет евра, ќе биде достапен на ограничено време.

Со исклучок на ICE (брзите) и меѓуградските возови (Intercity), кои ги задржуваат своите вообичаени тарифи, мерката се однесува на останатите метрополитенски услуги, приградски возови, автобуси, трамваи, метро и возови низ целата земја. Мерката, која стапи на сила на 1 јуни, ќе биде достапна и во текот на месеците јули и август. Инвестицијата што ја одвои Владата на Олаф Шолц за финансирање на нејзината цена е околу 2.500 милиони евра.

Секој што сака да го побара овој ваучер мора да оди во „Дојче Бан“ за да го добие физички или дигитално. На децата под шест години не им е потребен овој билет, па затоа патуваат бесплатно. Истото не важи за децата на возраст од шест до 14 години, на кои им треба сопствен билет. Од друга страна, оваа мерка не го вклучува бесплатниот превоз на велосипеди, иако овозможува можност за резервирање на билетот за други лица кои го сакаат.

Во овој случај, секој што сака да го резервира билетот за друго лице, мора да ја избере опцијата „Билет за друго лице“ во процесот на резервација и да го внесе името на корисникот на билетот, бидејќи тие се номинативни билети. Според Здружението на германски транспортни компании (ВДВ), се очекува продажба на околу 30 милиони билети низ целата земја.

Од германската влада оваа мерка ја гледаат како „успех“ и како „блокбастер“. Ова го изрази министерот за транспорт, либералот Волкер Висинг, откако мерката беше ставена во функција.

Број на продадени билети само во Берлин достигнува 40.000, според верзијата што ја нуди Берлинската транспортна компанија (БВГ), а ја објави германскиот медиум „Франкфуртер алгемајне цајтунг“.

Мерката во главниот град ја заменува цената на месечната претплата за транспорт која изнесува 86 евра.

The post Ќе чини само девет евра: Германија пушти во употреба универзален билет за јавен транспорт appeared first on Република.

Директорот на ЈСП Скопје, Иван Илиевски денеска информираше повеќе за новиот хартиен билет, кој во текот на месецов треба да биде во употреба за граѓаните.

Со новиот хартиен билет, кој ќе се продава во билетарниците, ќе биде даден на користење и на хотелите, туристичките агенции и ќе си најде широка примена во градот. Ќе важи од 5 часот наутро до 12 часот на полноќ и ќе биде неограничен, односно ќе важи за сите линии. Неговата цена ќе биде 120 денари, изјави Илиевски во емисијата „Утрински брифинг“.

Според него, оваа цена е поевтинување од претходниот електронски билет кој можеше да се користи преку електронски паричник и чинеше 270 денари.

Ова значи дека со користењето на овој хартиен билет цената на возење ќе поевтини околу сто проценти. Овој билет е наменет за сите граѓани и за луѓето од внатрешноста кои не користат „Скопска“ електронска картичка, посочи Илиевски.

The post Директорот на ЈСП: Со новиот билет од 120 денари, цената на возењето ќе поевтини appeared first on Република.

ЈСП „Скопје“ воведува дневен билет за возење во автобусите од јавниот превоз. Билетот ќе чини 120 денари и со него ќе може да се вози цел ден.

Овој билет ќе биде пуштен кон крајот на овој месец. Ќе биде хартиен како билетот за едно возење. Го воведуваме како опција за граѓаните кои користат повеќе автобуси во текот на денот, а ќе биде од голема корист и за туристите - велат од ЈСП „Скопје“.

Од пред една недела, јавното претпријатие ги врати ноќните линии кои беа укинати поради пандемијата на ковид-19. Автобуси после 23 часот има на линиите 2, 5, 7, 22, 24, 41, 50, 57, 61, 63 и 65Б. Автобуските линии 2, 22, 24, 41, 57 и 65Б сообраќаат секој ден, а преостанатите се во функција во деновите од викендот или комбинирано, како и за време на празниците.

ЈСП „Скопје“ до крајот на март ќе го врати и бесплатниот автобуски превоз за пензионерите во вторник, петок, сабота и недела. За реализирање на оваа мерка доби 650.000 евра субвенции од Град Скопје.

The post ЈСП воведува дневен билет appeared first on Република.