Според астролозите, месецот на раѓање може да има значително влијание врз особините и темпераментот на поединците родени во ист знак. Подолу ви ги откриваме главните разлики помеѓу Бикот роден во мај и Бикот роден во април.

Карактеристики на Бикот роден во април
Биковите родени во април се познати по својата упорност, практичност и силна поврзаност со материјалниот свет. Поединците родени во овој месец често се многу одлучни и фокусирани на остварување на своите цели, што им овозможува да постигнат значителен успех на долг рок.

Практичност и материјална сигурност: Биковите родени во април имаат силно чувство за материјална сигурност, поради што често се стремат кон стабилност преку финансиска и лична сигурност.

Тврдоглавост: Оваа особина може да биде и предност и недостаток, во зависност од ситуацијата. Биковите родени во април цврсто се држат до своите верувања и тешко го менуваат мислењето.

Работна етика: Силната работна етика им овозможува да бидат исклучително вредни и доверливи во секоја работа.

Карактеристики на Бикот роден во мај
Биковите родени во мај споделуваат многу карактеристики со нивните колеги од април, но тие имаат и неколку разлики кои настануваат поради влијанието на сезоната на Близнаци, која започнува на 21 мај. Биковите родени во мај често се пофлексибилни и отворени за нови идеи.

Друштвеност и комуникативност:Биковите родени во мај обично се поотворени и подружељубиви. Тие полесно воспоставуваат контакти и се одлични во комуникацијата.

Флексибилност: За разлика од Биковите родени во април, мајските Биковите често се пофлексибилни, што го олеснува справувањето со промените и неизвесноста.

Креативност: Биковите родени во мај имаат и поизразена креативна страна, што се гледа по начинот на кој ги решаваат проблемите.

Без разлика на месецот на раѓање, секој Бик во суштина е хедонист кој ја цени стабилноста и луксузот. Разликите помеѓу Биковите родени во април и оние родени во мај ни покажуваат дека секој Бик има уникатен пристап кон животот и предизвиците што ги носи животот.

The post Биковите родени во мај се разликуваат од Биковите родени во април appeared first on Република.

Во астрологијата, сезоната на Бик се однесува на периодот кој започнува околу 20 април и трае приближно до 20 мај секоја година.

Овој период се карактеризира со поминување на Сонцето низ астролошкиот знак Бик, кој носи одредени енергетски промени и истакнува одредени квалитети.

Во астрологијата, сезоната на Бик може да донесе различни влијанија на поединците во зависност од нивниот личен хороскоп и планетарните позиции во тоа време. Сепак, пошироко кажано, оваа сезона поттикнува стабилност, практичност и уживање во материјалните и сензуалните задоволства на животот.

Сезоната на Бик најмногу ќе им одговара на самите Бикови, а на Девиците и на Јарците ќе им донесе добар период.

The post Доаѓа сезоната на Бикот, три знаци нека се подготват за убав период appeared first on Република.

Човек почина од повредите здобиени кога го удри бик на фестивал во источна Шпанија, соопштија денеска властите.

Шпанецот бил погоден во рамо од бик за време на одржувањето на фестивалот на бикови во градот Побла де Фарналс во регионот Валенсија во саботата, по што бил пренесен во болница, но подоцна починал, соопштија тамошните власти, пишува „Ројтерс“.

Тие изјавија дека истиот бик удрил по нога друг Шпанец и дека тој е во болница во стабилна состојба.

На фестивалот, биковите се пуштаат на улиците, а тркачите се тркаат пред нив, традиционален настан во повеќе од 1.820 шпански општини секоја година, според неодамнешното истражување на групата за заштита на животните AnimaNaturalis.

Ваквите фестивали се популарни, а активистите за правата на животните велат дека се опасни и сурови и се залагаат за нивно укинување во последните години.

The post Бик уби човек на Фестивал во Шпанија appeared first on Република.

Влеговме во второто ретроградно движење на Меркур оваа година, кое почна на 21 април во Бик и ќе трае до 15 мај. Ретроградниот Меркур во овој прагматичен знак не повикува да направиме промени во финансиските и имотните области на животот.

Ова е време кога имаме можност да ги консолидираме нашите ресурси, подобро да видиме како управуваме со парите и кои се нашите верувања за парите.

Тешко ми е да заработам за живот...

Парите никогаш не се доволни...

Не знам како да постапувам со пари и не ми е важно...

Ова се само дел од можните верувања кои можат да донесат постојани предизвици во таа област од животот. Затоа е добро да прегледате, согледате, подобро планирате и елиминирате се што ве спречува да создадете поголема стабилност и сигурност на егзистенцијално ниво. Промената започнува од нас, пишува „Сенса“.

Овој Меркур е поучен и на некој начин не подготвува за влегување на Јупитер во знакот Бик. За подобро искористување на придобивките на Јупитер, неопходно е да се отстранат пречките и предизвиците, и надворешни и внатрешни.

Парите многу често ни покажуваат колку се цениме себеси. Колку веруваме во себе. Како и колку го цениме сето знаење, искуство и вештини што ги стекнавме низ годините.

Ако сакаме да имаме фиксна финансиска состојба, добро е да тргнеме од самите себе, од почитувањето на себе и нашиот внатрешен капитал, кој никој не може да ни го одземе, освен самите нас.

Имаме можност да се зајакнеме, да бидеме посилни од нашите стравови и да се осмелиме да направиме некои животни, деловни или љубовни промени кои можат да го подобрат квалитетот на нашиот живот.

А Меркур сега ги успорува настаните за да можеме подобро да видиме, разбереме и да станеме свесни. Затоа, не се нервирајте ако сè не оди според планот и во рокот што ќе си го поставите. Само вклучете се во тековните настани.

Бикот е симбол на сопственост, чувство на сигурност и создавање на она што таа сигурност може да ни го донесе. Но илузијата е дека сигурноста се крие само во добрата плата и заштедата, сигурноста е нешто што се создава во нас. Тоа чувство кога знаеме дека можеме да најдеме подобра работа, подобар однос, дека знаеме и можеме да ги решиме проблемите пред нас и покрај препреките.

Сега го расчистуваме просторот на кој ќе градиме и ќе создадеме нешто што ќе има долгорочна вредност за нас. Затоа, смирено погледнете се себеси и вашиот живот. Препознајте ги пречките, шаблоните, сето она што ве кочи за да верувате повеќе во себе и да имате повеќе сигурност, повеќе пари, повеќе стабилност во иднина.

Некои од темите кои би можеле да станат важни во овој период се храна, имот, купување и продавање недвижности, сопственост.

Овој циклус, во текот на кој може да има некои неуспеси, одложувања, па дури и неслучајни дефекти, ќе заврши на 1 јуни кога Меркур конечно ќе излезе од сенка и ќе почне да ги развива и спроведува плановите кон кои се стремите.

The post Влеговме во ретроградниот Меркур во Бик: Ќе има силно влијание врз финансиската состојба и можноста да се заштеди appeared first on Република.

Младиот сточар Марјан Стојов од делчевското село Град е еден од ретките кој одгледува повеќе грла добиток и е задоволен од поддршката што им се дава на сточарите. Покрај крупен добиток одгледува и млади јунци, како и млади цицалчиња.

Задоволен е од цената за произведеното млеко и додава дека мора да се работи бидејки е татко на три деца, а во одгледувањето му помагаат сопругата и неговите родители.

Имам околу 17 молзни крави и 38 телиња. Вршам и товење на јунци, имам околу десетина со тежина од 300 кила и неколку цицалчиња на млеко што ги појам. Млекото што го произведуваме го даваме на млекара, а во моментот како што може да видите, обезбедуваме храна за прехрана на стоката. Малку е напорно ама мора да се работи. Цената на млекото за мене е добра, 30 денари го плаќаат луѓето редовно, од државата субвенциите ги пуштаат редовно, ако така продолжат ќе работиме, нема каде да одиме, вели Стојов.

Во делчевското село Град, освен Стојов со сточарство се занимаваат уште десетина семејства, за разлика од пред 20 и повеќе години кога домашни животни одгледувале речиси секое трето семејство.

Она што неодамна му го нарушило мирот на младиот сточар е немил настан пријавен до делчевската полиција во кој негов бик нападна брачен пар во нивниот овоштарник во село Град. При нападот, како што стои во информацијата од полицијата, домашното животно оштетило дел од овоштарникот на сопружниците, како и нивниот автомобил што се наоѓал во близина.

Во понеделник во 15.20 часот во СВР Штип било пријавено дека во нива на место викано „Низамски ниви“ во с.Град, делчевско, С.С. и неговата сопруга Ј.С. биле нападнати од бик, сопственост на соселанецот М.С., при што биле направени оштетувања на овоштарникот и на нивното возило. Увид на местото извршила увидна екипа на ОВР Делчево, при што се работи на комплетирање на случајот, а против М.С. е поднесена соодветна пријава, се вели во пријавата поднесена до делчевската полиција.

Сопственикот на домашното животно, потврдува дека откако бил известен, заедно со полицијата излегле на лице местото каде се случил немилиот настан. Не отфрла одговорност и посочува дека полицијата е таа која треба да открие дали има прекршок и доколку е така апелира да превземат соодветни мерки.

Ако има некој прекршок нека ме гонат, ако оштетените ако имаат штета исто така нека ме гонат прекршочно. Јас ако сум виновен ќе одговарам, но како што кажав за однесувањето на самиот бик имам сведоци од Илиово до Истевник. Не барам од никој привилегии ни врски, само сакам нека да дојдат сите во судот и да ја кажат како се однесувал бикот, дали бил агресивен или не, кога ги осеменувал кравите, додава Стојов.

Со сигурност тврди дека досега неговиот бик нема направено штета никому, за што како сведоци ги повика луѓето кои ги побарале неговите услуги при оплодување на кравите.

Мојот бик што го чувам на ланец во цело Делчево од Илиово до Стар Истевник сите крави ги има изводено, со камиончето самиот го носам бикот ги осеменува кравите и пак си гo враќам назад. На никој досега не правел ништо може да ги прашате сите фармери дали нападнал некој газда да го брка или направил некој инцидент. Слободно од Илиово до Истевник може сите да ги прашате, а највеќе во село Вирче каде кравите се на мојот бик осеменети, вели пријавениот сточар Марјан Стојов.

Дописникот на МИА стапил во контакт и со лицето С.С кое го пријавило случајот опишувајки го немилиот настан што се случил во близина на неговиот овоштарник.

Тоа што се случи е голема траума за мене и сопругата, 45 минути како да бевме во Шпанија. Доживеавме големи трауми, имаме документи од брза помош извадено лекарско со записник, ставени инјекции, преглед од психијатар, извршен беше увид од самата полиција кои беа на лице место на самиот овоштарник. За самото лице не знам што да кажам, во тој момент се однесуваше некултурно со дофрлање погрдни зборови, иако лично не се сретнавме потоа за да кажеше барем „извинете". Значи тој стрес што го доживеавме е голем, ќе биде гонет кривично, а и приватно од наша страна. Мое мислење е дека тој бик еден ден ќе отепа некого, нас не не отепа, ама ќе отепа друг сигурно, бидејки има случаи кога напаѓал и други лица од селото, вели С.С.

Во делчевското село Град ова е прв ваков случај на пријава со учество на домашни животни. Село Град е село во кое освен Стојов со сточарство се занимаваат уште десетина семејства, за разлика од пред 20 и повеќе години кога домашни животни одгледувале речиси секое трето семејство.

The post Разбеснет бик бркал маж и жена низ овоштарник, сопственикот вели животното не било агресивно и тоа го знаеле во цела околија appeared first on Република.

Не барам врски, нека дојдат во судот и да кажат како се однесувал бикот, дали бил агресивен или не, кога ги осеменувал кравите, вели младиот сточар Марјан Стојов од делчевското село Град, чие домашното животно нападна брачен пар и оштети автомобил.

Стојов од делчевското село Град е еден од ретките кој одгледува повеќе грла добиток и е задоволен од поддршката што им се дава на сточарите. Покрај крупен добиток одгледува и млади јунци, како и млади цицалчиња.

Она што неодамна му го наруши мирот на младиот сточар е немил настан пријавен до делчевската полиција во кој негов бик нападна брачен пар во нивниот овоштарник во село Град. При нападот, како што стои во информацијата од полицијата, домашното животно оштетило дел од овоштарникот на сопружниците, како и нивниот автомобил што се наоѓал во близина.

Во понеделник во 15.20 часот во СВР Штип било пријавено дека во нива на место викано „Низамски ниви“ во с.Град, делчевско, С.С. и неговата сопруга Ј.С. биле нападнати од бик, сопственост на соселанецот М.С., при што биле направени оштетувања на овоштарникот и на нивното возило. Увид на местото извршила увидна екипа на ОВР Делчево, при што се работи на комплетирање на случајот, а против М.С. е поднесена соодветна пријава, се вели во пријавата поднесена до делчевската полиција.

Сопственикот на домашното животно, потврди дека откако бил известен, заедно со полицијата излегле на лице местото каде се случил немилиот настан. Не отфрла одговорност и посочува дека полицијата е таа која треба да открие дали има прекршок и доколку е така апелира да превземат соодветни мерки.

- Ако има некој прекршок нека ме гонат, ако оштетените ако имаат штета исто така нека ме гонат прекршочно. Јас ако сум виновен ќе одговарам, но како што кажав за однесувањето на самиот бик имам сведоци од Илиово до Истевник. Не барам од никој привилегии ни врски, само сакам да дојдат сите во судот и да кажат како се однесувал бикот, дали бил агресивен или не, кога ги осеменувал кравите, додава Стојов.

Со сигурност тврди дека досега неговиот бик нема направено штета никому, за што како сведоци ги повика луѓето кои ги побарале неговите услуги при оплодување на кравите.

Мојот бик што го чувам на ланец во цело Делчево од Илиово до Стар Истевник сите крави ги има изводено, со камиончето самиот го носам бикот ги осеменува кравите и пак си гo враќам назад. На никој досега не правел ништо може да ги прашате сите фармери дали нападнал некој газда да го брка или направил некој инцидент. Слободно од Илиово до Истевник може сите да ги прашате, а највеќе во село Вирче каде кравите се на мојот бик осеменети, вели пријавениот сточар Марјан Стојов.

Дописникот на МИА стапи во контакт и со лицето С.С кое го пријави случајот опишувајки го немилиот настан што се случил во близина на неговиот овоштарник.

Тоа што се случи е голема траума за мене и сопругата, 45 минути како да бевме во Шпанија. Доживеавме големи трауми, имаме документи од брза помош извадено лекарско со записник, ставени инјекции, преглед од психијатар, извршен беше увид од самата полиција кои беа на лице место на самиот овоштарник. За самото лице не знам што да кажам, во тој момент се однесуваше некултурно со дофрлање погрдни зборови, иако лично не се сретнавме потоа за да кажеше барем „извинете". Значи тој стрес што го доживеавме е голем, ќе биде гонет кривично, а и приватно од наша страна. Мое мислење е дека тој бик еден ден ќе отепа некого, нас не не отепа, ама ќе отепа друг сигурно, бидејки има случаи кога напаѓал и други лица од селото, вели С.С.

The post Не барам врски, нека дојдат во судот и да кажат како се однесувал бикот, дали бил агресивен или не, кога ги осеменувал кравите, вели газдата на домашното животно кое нападна брачен пар appeared first on Република.

Вработените во банката во Лод, централен Израел, утрово биле шокирани кога бик влегол во нивната филијала.

Тоа се случи во банката Леуми, а видеата објавени на социјалните мрежи покажуваат како вработени се обидуваат да го избркаат бикот.

Неколку луѓе се обиделе да го намамат на преминот во импровизирана стапица, што ќе им овозможи да го врзат.

Бикот му побегнал на сопственикот, жител на Лод, и бил снимен како оди по улица и удира во неколку автомобили на паркингот пред да влезе во банката.

Сопственикот бил повикан да помогне да го избрка бикот. Тој бил избркан благодарение на ветеринарите. Во овој инцидент нема повредени или материјална штета.

„Во раните утрински часови бик влегол во канцеларијата на банката Леуми. Тој бил фатен и изнесен надвор. Случајот бил пријавен кај локалните власти, а ветеринарната служба го решила инцидентот“ – се вели во соопштението на банката.

ניסיון ללכוד את השור. צפו עד הסוף pic.twitter.com/pbQNNxQP5R

— מאיר ליוש Meir Layosh (@MeirLayosh) August 22, 2022

The post Којзнае по што дошол: Бик влегол во канцеларија на банка appeared first on Република.

Постојат знаци во Зодијакот кај кои жестоката и страсна природа е видлива во сите аспекти на животот, особено во спалната соба

Жените родени под овие три знаци знаат да уживаат во сексот без граници.

1. Шкорпија

Имаат поголем сексуален апетит од сите други знаци. Нејзината жестока и страсна природа е видлива во сите аспекти на животот, особено во спалната соба. Сексот со неа е секогаш возбудлив, најмногу затоа што сака да пробува нови работи.

Сè што треба да направите е да се насмеете на одреден начин, да ѝ испратите порака со поглед или да ја допрете и таа веднаш ќе разбере на што мислите и ќе ја прифати играта. Луѓето кои стапуваат во сексуална врска со Шкорпиите треба да имаат силно либидо и да се подготвени добро да се испотат во спалната соба.

2. Овен

Жената Овен сака добар физички предизвик и нема подобар предизвик од сексот, нели? Сексуалниот апетит на Овенот е поттикнат од чист адреналин. Сака да освојува, а сексот со неа е секогаш полн со страст, игри и експериментирање.

Жените од овој знак се исклучително страсни, што изобилно го покажуваат во спалната соба. Се чини дека нивниот сексуален апетит е поврзан со немирност и желба за игра.

3. Бик

За жената Бик допирот е многу важен во сексот, а бидејќи сака да се држи за раце или постојано да се допира, нејзиниот сексуален нагон е секогаш силен. Таа е многу тврдоглава и никогаш нема да признае дека е иницијатор за секс, но и двајцата сте свесни дека таа секогаш ве искушува и индиректно алудира на секс.

Нејзиниот сексуален нагон е од физичка природа, затоа внимавајте на допирањето, галењето, па дури и на сензуалната масажа.

The post Жените во овие три знаци се незаситни во сексот: Имаат голем апетит за игри во спалната соба appeared first on Република.

Бикот е хороскопски знак кој секогаш е прв кога е во прашање жнеењето на плодовите од напорната работа. Го сакаат она што е добро и убаво и многу често се опкружени со материјални задоволства, а дополнително, многу се сензуални и тактилни.

Тврдоглавоста е особина која ги тера да ги туркаат работите до крај, за сите нешта да бидат според стандардите. Тие се многу креативни и уживаат да прават работи со свои раце. Ова може да се толкува и како целосна посветеност на задачата. Откако ќе донесат одлука, ретко скршнуваат од патот, без оглед на тоа дали се работи за љубовта или работата.

Како земјен знак тие се оптоварени со својата сигурност, а со тоа и заштита на куќата и семејството од негативни влијанија. Тие се одлични во правењето пари и имаат тенденција да заработат најефективни пари, да штедат и инвестираат пари со своите идеи и планови.

Кои се петте главни животни принципи на Биковите?

1. Бикот е слободоумен и сака авантури, но ако ви каже дека сака да биде сам, оставете го на мира.

2. Совршен ден за Бикот е ден исполнет со храна, сон и водење љубов.

3. Бидете внимателни кога Бикот ќе каже дека ќе направи нешто. Затоа што тоа сигурно ќе се случи.

4. Друштвени се, но само со луѓе кои им одговараат или имаат корист од нив.

5. Имаат одличен вкус за облекување, како и за сè останато во животот.

The post Пет животни принципи мора да ги почитувате доколку имате Бик во вашиот живот appeared first on Република.

Овен (21.03 – 20.04)

ЉУБОВ: Ќе почувствувате последици од некои промени кои ви се случиле. Ќе ви бидат исполнети желбите, но повторно нема да се чувствувате најдобро. Внатрешната празнина ќе ве излудува.

РАБОТА: Оваа недела работните задачи ќе ги обавувате просечно. Поддршка еднакво ќе давате и добивате од блиските лица. Надредените ќе ја оценуваат вашата работа, па можно е да бидете наградени со високи оценки

ЗДРАВЈЕ: Стабилно.

Бик (21.04 – 21.05)

ЉУБОВ: Оваа недела ќе биде романтична и бурна за вас. Ќе заборавите на последните разочарувања и конечно ќе постигнете баланс. Не се лутете постојано на грешките од партнерот, сфатете дека и тие се составен дел од животот.

РАБОТА: Засега не се зафаќајте со поголеми работи или деловни одлуки. Имате поддршка зад себе, но работите ќе се одвиваат потешко поради некои нешта кои се случиле а вие на нив не можете да влијаете. Намалете ги нервозите, за нив не сте платени.

ЗДРАВЈЕ: Ќе се чувствувате одлично. Ќе бидете полни со енергија.

Близнаци (22.05 – 22.06)

ЉУБОВ: Марс во знакот на Девица, на полето на вашите емоции, ќе ви донесе интересен период во љубовта. Поминатото време со партнерот постојано ќе ви носи насмевка на лицето. Оние во долги врски, конечно ќе сфатат дека покрај нив стои животниот сопатник.

РАБОТА: Меркур, вашиот владетел се наоѓа во Вага и ви носи позитивна енергија. Преговорите и договорите на работа ќе ве направат многу важна личност на работното место без која никој нема да сака да работи.

ЗДРАВЈЕ: Ќе се чувствувате добро и енергично цела недела.

Рак (22.06 – 22.07)

ЉУБОВ: Неодамнешното флертување на работното место или со личност поврзана со вашата работа ќе биде раскрсница во вашиот живот. Се чини дека ќе направите некој чекор за кој семејството и пријателите нема да ве поддржат.

РАБОТА: Вашиот духовен раст ќе ви обезбеди напредување и средување на сите досега нејасни работи. Во деловниот свет ви претстои стабилност и сигурност, а и финансиската страна ќе ви биде значително подобрена.

ЗДРАВЈЕ: Иако се е во ред, добро би ви дошла дополнителна телесна активност.

Лав (23.07 – 22.08)

ЉУБОВ: Вашиот природен магнетизам и харизма оваа недела би можеле да бидат малку пригушени. Иако поради тоа нема да се чувствувате баш најдобро, не значи дека не треба да мислите на саканото лице на кое исто така му е потребна поддршка.

РАБОТА: Неодамнешните преговори кои сте ги воделе во врска со работата ќе ви донесат промени за кои дури при крајот на неделата ќе сфатите дека не ви одговараат, но ќе биде доцна за да направите пресврт. Некој ве спречува да бидете подобри, а тој некој најверојатно е мрзата.

ЗДРАВЈЕ: Внимавајте на белите дробови.

Девица (23.08 – 22.09)

ЉУБОВ: Совршената врска е само илузија со која многумина се занесуваат. Тоа е нешто кон што се тежнее, но не може да се очекува во животот. Ниту една караница не треба да ве спушти и обесхрабри, сфатете дека и караниците се дел од животот.

РАБОТА: Оваа недела би можеле да имате помали административни потешкотии. Се чини дека сите ваши идеи ќе наидуваат на пречки, или пак никој нема да ги слушне. Не се откажувајте, со мали задоцнувања сепак ќе дојдат промените на подобро.

ЗДРАВЈЕ: Збогатете го малку начинот на исхрана.

Вага (23.09 – 22.10)

ЉУБОВ: Вашата способност за пронаоѓање на баланс во се што ве опкружува ве прави одличен партнер за повеќето. Многу луѓе сакаат да бидете во нивно друштво бидејќи им давате хармонија. Сепак не ги занемарувајте и вашите љубовни потреби.

РАБОТА: Работата нема да ви оди толку добро како приватниот живот, но без грижа ова брзо ќе помине. Веќе од почетокот на наредната недела Сонцето доаѓа на ваш терен. Добрите деловни понуди во иднина ќе ви ја вратат вербата во успехот.

ЗДРАВЈЕ: Стабилно, но внимавајте не внесувајте многу масти.

Шкорпија (23.10 – 21.11)

ЉУБОВ: Големиот број на планети во вашиот знак ќе ве направи исклучително привлечни за сите околу вас. Нема да бидете сигурни кој вистински ве сака а кој само ве посакува. Не заборавајте на својот партнер кој отсекогаш ви бил потпора. Сослушајте го прво неговото мислење пред да донесувате некакви одлуки.

РАБОТА: Комбинацијата на Венера, Марс и Јупитер во Девица ќе ве направи многу одлучни во вашите намери. Ќе бидете особено одлучни кога станува збор за финансиите. Комерцијалните проекти се многу добра шанса да напредувате на финансиски план. Останете креативни како и секогаш.

ЗДРАВЈЕ: Ќе се чувствувате одлично, но сепак водете сметка здраво да се храните.

Стрелец (22.11 – 21.12)

ЉУБОВ: Динамичниот Марс ви дава сила на главен играч. Ќе барате многу од пријателите и саканото лице. Луѓето ќе ја забележат вашата енергија и ќе ви помогнат во вашите намери. Среќен љубовен период за вас.

РАБОТА: Вашите цели се поставени високо, а енергијата која ви е зголемена ќе ви овозможи сила да постигнете се што сте замислиле. Бидете одлучни и ништо нема да може да ве попречи.

ЗДРАВЈЕ: Добро ќе ви дојде некоја физичка активност.

Јарец (22.12 – 20.01)

ЉУБОВ: Кавгите со блиските лица би можеле да прераснат во нешто поголемо бидејќи имате многу нешта кои треба да ги решите од вашето минато, а вие сте ги оставиле за во иднина. Не им се нафрлувајте непотребно на пријателите, не се виновни тие за вашите лоши љубовни проценки.

РАБОТА: Оваа недела на работното место ќе покажете посебна храброст и ќе заземете сопствени ставови кои ќе ви помогнат да постигнете големи цели. Колегите ќе ве следат во чекорите, бидејќи и тие ќе извлечат нешто позитивно за нив.

ЗДРАВЈЕ: Енергијата ќе ви расте, но не заборавајте да се одморите.

Водолија (21.01 – 19.02)

ЉУБОВ: Се чини дека премногу се разликувате од вашиот партнер но сепак изнаоѓате начини како да се усогласите. Тоа е така благодарение на вашата природа која досега во многу нешта ви помогнала. Не се лутете на реткото јавување од страна на пријателите, секој има свои обврски во животот.

РАБОТА: Меркур, Венера и Сонцето ви даваат силна интуиција кога станува збор за работата. Ќе ви помогнат во откривањето на најкраткиот пат до успехот. Финансиски конечно ќе закрепнете.

ЗДРАВЈЕ: Добро, намалете го стресот со прошетки во природа.

Риби (20.02 – 20.03)

ЉУБОВ: Ова е одлично време за решавање на проблемите со партнерот и блиските лица. Комуникациските проблеми преку кои поминувавте во последниов период конечно ќе бидат олеснети благодарение на Венера, Марс и Јупитер во Девица.

РАБОТА: На деловен план следат важни промени. Ако сте подготвени, се чини дека и позитивните промени се подготвени за вас. Напредувањето ќе доаѓа бавно но сигурно. Бидете одлучни и се ке биде во ред. Некој поранешен колега многу ќе ви помогне во претстојниот период, па не заборавајте да му се заблагодарите.

ЗДРАВЈЕ: Обидете се со природни препарати да го подобрите имунитетот.

The post Водолијата финансиски конечно ќе закрепне, романтична недела за Бикот appeared first on Република.