„Милк“ во режија на Стефани Колк ја доби наградата за најдобар долгометражен филм на овогодишното издание на филмскиот фестивал „Бич филм фестивал“ што по седми пат се одржа во Охрид.

Фестивалот ја објави листата на наградени филмови:

„Голем бран, најдобар долгометражен филм – “Milk” во режија на Stefanie Kolk

Special Mention, најдобар долгометражен филм – “Pelican” во режија на Nikolina Bogdanović и Filip Heraković.

Мал бран, најдобар краткометражен филм – “How to be a human being” во режија на Jorė Janavičiütė

Најдобар краткометражен студентски филм според публика – “Quiet Drive” во режија на Savvaa Dolomanov

Стефан Сидовски Сидо, најдобро актерско остварување – Julie Ledru од филмот “Rodéo”

Special Mention, најдобро актерско остварување – Liber Ágoston од филмот “Summer to come”

Special Mention, најдобар краткометражен филм – “The walk” во режија на Тамара Котевска“, објави фестивалот.

The post „Милк“ на Стефани Колк со награда за најдобар долгометражен филм на „Бич филм фестивал“ во Охрид appeared first on Република.

На 20 јули, во 17 часот, на бродот Армада во рамки на „Beach Film Festival“ во Охрид ќе се одржи панел дискусијата на тема „ Неопходноста од филмска едукација во училишните програми, но и во рамките на неформалното образование во културните институции, организации и центри“ која е во организација на Кинотеката на РС Македонија и Гете-институт Скопје.

Оваа панел дискусија е дел од проектот филмЕД (filmED), во кој НУ Кинотеката на РС Македонија (петти партнер во спроведувањето на проектот) заедно со Гете-Институт Скопје, има за цел да развие и имплементира програми за обука за наставници и едукатори кои ќе стекнат знаења и практики за воведување на филмското образование во наставните програми.

Методологиите и практиките развиени во рамките на проектот преку веб-платформа ќе бидат достапни за сите оние кои сакаат да имплементираат филмска едукација наменета за деца од различни возрасти. Со оглед на проблемите со кои се соочуваат, потребно е да се постави прашањето, кои практики би биле од голема корист за просветните работници и наставниците во обидите да го интегрираат филмското образование во нивните програми. Панел дискусијата ќе се обиде да укаже на овие проблеми, да ја истакне нивната важност и да започне дискусија за нив.

Учесници на панел дискусијата ќе бидат  Дамјана Патчева (виш филмолог во Кинотека на Македонија), Саша Станишиќ (режисер и координатор на „Филмска училница FIMAY“), Гордана Бабоска (Стручен соработник за образовна соработка во Гете-институт Скопје), Ана Опачиќ (директор на фестивалот БФФ), Ивана Маховска-Шикалеска (наставник во ОУ „Григор Прличев“ во Охрид) и Емилија Ристановска (наставник во гимназијата „Никола Карев“ во Скопје).

The post Денеска на „Бич филм фестивал“: Панел дискусија за неопходноста од филмска едукација во училишните програми appeared first on Република.

Под отворено небо, филмот „Живи и Здрави“ на црногорскиот режисер, Иван Мариновиќ, синоќа го отвори седмото издание на фестивалот „Бич филм фестивал“ на плажата Славија во Охрид, кој ќе трае до недела.

The post „Живи и здрави“ го отвори 7. издание на „Бич филм фестивал“: До недела проекции на четири локации во Охрид- Плажа Славија, Брод Армада, Плажа Сараиште и Младински Центар Охрид appeared first on Република.

Од 17-ти до 21-ри јули на 4 локации во Охрид ќе се одржува седмото издание на „Фестивалот на нов европски филм BEACH FILM FESTIVAL ОХРИД  2024“. Овогодинешното издание нуди богата програма со филмски проекции, едукативни работилници и музички перформанси на четири локации во Охрид, и тоа: Плажа Славија, Брод Армада, Плажа Сараиште и Младински Центар Охрид.

Фестивалот ќе го отвори филмот „Живи и Здрави“ (Forever hold your peace), а во главната програма ќе се прикажат уште шест долгометражни европски филмови и тоа: Rodeo, Summer to come, Afire, Milk, Some birds и Pelican.

Покрај главната програма, на фестивалот ќе се прикажат и 14 краткометражни филмови, вклучувајќи и филмови од домашната продукција, филмови на Ана Јакимска, Елеонора Венинова,  Јане Спасиќ и Димитар Банов, а за музичката програма ќе се погрижат бендовите Sioto Jazz и Xarakiri, диџејките Baila, Dj MarТian и музичкото дуо SIZ.

Оваа година имаме четиричлено жири кое се состои од: Julián Génisson (во соработка со шпанската амбасада), Karla Šola, Agim Abdula и Jenńi Ƶyĺka (во соработка со Гете Институт), кое ќе ги додели наградите „Голем бран“ за најдобар долгометражен филм и наградата „Стефан Сидовски – Сидо“ за најдобро актерско остварување. Исто така е оформено и тричлено жири кое ќе ја додели наградата „Мал бран“ за најдобар краткометражен филм, а кое се состои од: Ѓоко Симјаноски, Веле Митаноски и Свето Стефановски.

Фестивалот од година во година станува препознатлив бренд на летната сезона во Охрид и посебно ја привлекува младата публика која го одбира Охрид за летен одмор, целно во периодот додека трае фестивалот. Поради тие причини оваа година фестивалот се збогати со уште еден тип на програма – филмови за најмалите посетители и нивните блиски, кои ќе бидат прикажани на градската плажа Сараиште, каде што секој ден од 17 – 21 јули со почеток од 20.00ч. ќе има проекции на детски филмови и влезот на истите е бесплатен.

The post „Фестивалот на нов европски филм BEACH FILM FESTIVAL ОХРИД  2024“ од 17-21 јули на четири локации во Охрид appeared first on Република.

Од 17. до 23. јули во Охрид ќе се одржи 6-то издание на Beach Film Festival под отворено небо.

„Живи и здрави” е првиот филм од официјалната селекција на долгометражни филмови со македонска премиера на официјално отворање првата фестивалска вечер. Филмот е македонска копродукција со „Круг Филм“ со Никола Ристановски во една од улогите и со музика од Тони Китановски.

На фестивалот ќе бидат прикажани филмови од Франција, Холандија, Германија, Унгарија на локации Плажа Славија и Брод Армада.

Четиричленото жири на 7. издание на БФФ во состав Julián Génisson, Karla Šola, Agim Abdula и Jenńi Ƶyĺka ќе ги додели наградите: Голем бран за најдобар долгометражен филм и Стефан Сидовски Сидо за најдобро актерско остварување.

Во склоп на Фестивалот ќе се одржи и Филмска работилница наменета за сите средношколци и студенти кои имаат интерес за како изгледа еден процес позади секој филм и чекор по чекор ќе се покаже како од идеја до реализација се работи еден филм, вклучувајќи пишување на сценарио, снимање и монтажа.

Оваа работилница „Филмски Колаж” ја организира @charade_film_production во соработка со БФФ и е поддржана од Министерството за Култура.

The post Македонска премиера на „Живи и здрави“ на Бич филм фестивал во Охрид appeared first on Република.