В среда (6 ноември) во 19 часот во Градската библиотека „Браќа Миладиновци“ – Скопје ќе се одржи разговор со поетесата и писателка Виолета Танчева-Златева, чиј роман „Бела Сама“ е книга на месецот. Разговорот со авторката и книгата на месецот се дел од големата кампања „Читаме современи македонски автори“ што ГБСК ја води трета година по ред.

„Бела Сама“ е семеен роман за тагата, загубата, осаменоста и себеприфаќањето. Тоа е книга за вечната борба меѓу доброто и злото, меѓу градот и селото, за комплицираните семејни релации.
-Бела Сама е и Бела и Сама, впрочем, како толкумина други девојчиња, девојки и жени кои поминуваат покрај нас со своето време што можат да го видат само нашите внатрешни очи. Виолета Танчева-Златева на топол хуманистички начин токму ним им дава право на глас и со тоа им нуди четиво за промислување, за сеќавање, за поддрша и дејствување – пишува Лидија Димковска.

Разговорот ќе го води книжевната критичарка Александра Јуруковска, а фрагменти од делото ќе чита актерот Андреј Серафимовски.

[caption id="attachment_834253" align="alignnone" width="600"] A5 Magazine Catalogue Mockup[/caption]

Виолета Танчева-Златева (1968, с. Бориево, Струмица) е поетеса, раскажувач, есеист, преведувач, лектор. Член е на Друштвото на писатели на Македонија од 2000 година и на Здружението на лекторите на Република Македонија. Била член на редакциите на списанието за книжевност и култура „АКТ“ и на списанието на ДПМ „Стожер“. Работи како лектор во Издавачки центар ТРИ – Скопје. Ги има објавено следните книги проза: Книга за сонот (куса проза, 1991), Враќања (роман, 1993), Враќајќи се во Бориево (раскази, 1999); епистоларниот роман за деца Шарени писма (2008), Раскази од минатиот век (2022), романот Бела Сама (2023).

Поезија: Мојот Пикасо (2007; и двојазично издание на српски и македонски јазик Мој Пикасо/Мојот Пикасо, Задужбина „Петар Кочиќ“, Бања Лука–Београд, 2008), Заробеници на молкот (2010), Огнена (2011), Нашата приказна (2013), Година без лето (2015, и на англиски A Summerless Year во издание на Струшки вечери на поезијата, 2016), Патот (2018), На работ на светот и Капе времето (2021), Глуво време (2023). Застапена е во повеќе избори, панорами и антологии на повеќе јазици и добитник е на повеќе значајни домашни и меѓународни книжевни награди.

Во рамките на кампањата „Читаме современи македонски автори“ месецот завршува со Клубот на читатели – неформална средба на оние што ја прочитале или сакаат да ја прочитаат книгата на месецот.

Кампањата „Читаме современи македонски автори“ на Градската библиотека „Браќа Миладиновци“ ѝ го донесе признанието Промотор на читачката култура што го доделува Македонската асоцијација на издавачи.

The post Разговор со Виолета Танчева-Златева во Градската библиотека во Скопје appeared first on Република.

Денеска (13 мај) од 19 часот, во Градската библиотека „Браќа Миладиновци“ во Скопје ќе гостува полскиот писател Војќех Јагелски. Разговорот ќе го води проф. д-р Лидија Танушевска од Филолошкиот факултет „Блаже Конески“ во Скопје, а настанот се одржува по повод Месецот на полската литература.

Пред разговорот со Јагелски ќе се отвори изложбата на студентите кои учествуваа на конкурсот „Графика на годината“, организиран од Графичкиот факултет при Академијата за ликовни уметности во Краков.

На 16 мај ќе гостува Роксана Јенджејевска-Брубел. Оваа писателка за деца ќе одржи и креативна работилница во Одделот за литература за деца во библиотеката од 17 часот.

Гостувањето на полските автори е дел од проектот „Полска на полица“, во кој партнер на Амбасадата на Полска е Градската библиотека „Браќа Миладиновци“. Настаните се со превод на македонски јазик.

The post Месец на полска литература во Градската библиотека „Браќа Миладиновци“: Разговор на проф. д-р Лидија Танушевска со полскиот писател Војќех Јагелски appeared first on Република.

В понеделник (4 март) во Градската библиотека „Браќа Миладиновци“ ќе се одржи разговор со авторката Лилјана Пандева,чија збирка раскази „Луѓенца“ е книга на месецот во Библиотеката. Настанот ќе се одржи во спомен-собата „Т’га за југ“ со почеток во 19 часот.

Разговорот со Пандева ќе го води книжевната критичарка Александра Јуруковска, а фрагменти ќе чита актерот Андреј Серафимовски.

Збирката „Луѓенца“ (ПНВ Публикации, 2022) содржи седумнаесет мајсторски раскажани раскази за колку обични, толку и необични луѓе, што можеби секојдневно ги среќаваме на улица.

Станува збор за приказни што импонираат како со тематската актуелност, меѓусебната суптилнаповрзаност меѓу приказните,така и со раскошната палета на наративни стратегии - ќе запише за „Луѓенца“ Владимир Мартиновски.

Лилјана Пандева е родена во 1964 година во Ново Село, Струмица. Таа е дипломиран професор по македонска и јужнословенски книжевности и македонски јазик. Доктор е на филолошки науки.

Автор е на повеќе дела, меѓу кои: „Новогодишни едночинки“, драмолети за деца во стих, поетската збирка „Љубов од Адо Шиобратно“, на збирките раскази „Возовите на Луцерн“ „Канцелариски колумни“,„Класифицирано“, „Заорани“, „Луѓенца“, „Хранителки“,на романите „Од агендата на Калина Калин“, „Дневници на една љубов“, „Два Божика“ „Доилката“, добитник на наградата „Стале Попов“ на ДПМ, на поемата „Капетаните“ за која ја доби наградата „Григор Прличев“ за најдобра поема, добитник е на Наградата 13 Ноември на Град Скопје за 2021 година, во областа култура за придонес во македонската современа книжевност и како лектор по македонски јазик, како и на повеќе награди за краток расказ. Автор е и на поголем број научни трудови од областа на македонистиката и книжевната критика. Нејзините дела се преведени на повеќе странски јазици.

Книгата на месецот, Разговорот со авторот и Клубот на читатели се дел од големата кампања на „Читаме современи македонски автори“ што Градската библиотека „Браќа Миладиновци“ ја спроведува втора година по ред, како силна поддршка за домашните автори, издавачи, но и македонскиот јазик.

The post Разговор со Лилјана Пандева, чија збирка раскази „Луѓенца“ е книга на месецот во Библиотеката “Браќа Миладиновци“ appeared first on Република.

Градска библиотека „Браќа Миладиновци“- Скопје ја продолжува големата кампања „Читаме современи македонски автори“, во чии рамки книга за месец февруари е романот „Суво мастило“ од Владимир Илиевски. Разговорот со авторот е утре (вторник, 6 февруари) во 19 часот во спомен-собата „Т'га за југ“. Модератор ќе биде книжевната критичарка Александра Јуруковска, а фрагменти од делото ќе чита актерот Андреј Серафимовски. Клубот на читатели посветен на ова дело е закажан за 29 февруари.

„Суво мастило“ е роман во кој авторот вешто ја користи историјата како моќна, објективна и вистинита книжевна подлога, а истовремено гради субјективен книжевен однос и перцепција кон таа вистинитост.

Опфаќајќи голем временски период таа приказна се плете и расплетува на цврст реалистички принцип, но со голема внимателност на авторот кон фактите и темелноста на историската оправданост. Овој исклучително талентиран прозаист развива прекрасна приказна за еден од најинвентивните личности на раниот дваесетти век, Едуард Пенкала, човекот чие презиме постојано го споменуваме кога ќе изговориме „пенкало“, за човекот кој покрај „пенкалото“ и „сувото мастило“ со кое пишува тоа, во својата листа имал уште осумдесет други пронајдоци без чија функција дури и денешниот, сѐ повеќе виртуелен, дваесет и први век не би можел да функционира, пишува критичарот Сашо Огненовски.

Владимир Илиевски (1970, Скопје) е прозаист, поет и книжевен теоретичар. Дипломира и магистрира на Филолошкиот факултет „Блаже Конески“ во Скопје. Ги има објавено книгите: Гледач на линија (поезија, 1997), Избор и случајности (поезија, 2000), Мојата лична амортизација (поезија, 2002), Цитатноста во лириката (книжевно-научна студија, 2007), Нема исти утра (поезија, 2008), Ноќна еротска програма (поезија, 2011), Лични податоци (поезија, 2014), Брзината не убива (поезија, 2016) и Пената на црниот бран (раскази, 2018). Дел од творештвото му е преведено на бугарски, хрватски, српски, руски, украински, полски, литвански, италијански и англиски јазик.

„Суво мастило“ е издание на Македоника литера и беше финалист за Роман на годината во 2020 година.

Во првиот циклус од кампањата „Читаме современи македонски автори“ (од септември 2022 - до мај 2023 година) ГБСК последователно претстави осум домашни автори и исто толку дела.
Во рамките на вториот циклус, од септември 2023 година досега, беа претставени авторите: Николина Андова Шопова со романот „Естом“, Елизабета Баковска и Сашо Димоски со фотокнигата „Во главата пишувам расказ“, Васко Марковски со монографијата „Урбани приказни“ и Андреј Ал-Асади со стихозбирката „Секој секому огледало“. Романот „Суво мастило“ е петта книга од предвидените осум од вториот циклус кој ќе трае до мај оваа година.

Кампањата „Читаме современи македонски автори“ е дел од стратегијата на ГБСК за силна поддршка на македонските писатели, издавачи, но и на македонскиот јазик.

The post Разговор со Владимир Илиевски во библиотеката „Браќа Миладиновци“ appeared first on Република.

The post Книжевен разговор со Јулијана Величковска, авторка на „Годишни времиња“ во „Браќа Миладиновци“ appeared first on Република.