Директорот на Управата за извршувае на санкции, Александар Пандов, сака да вработи неколку стотини лица во македонските затвори во текот на наредната 2025 година. Во интервју за МИА, вели дека во моментов недостасуваат околу 300 до 400 вработени во затворскиот систем.

Кога го говорам ова, тоа значи дека пред сѐ и над сѐ затворски полицајци, меѓутоа и луѓе во ресоцијализација, во финансии, во човечки ресурси, во правниот дел во управите што се на затворите. Се надевам дека тие вработувања ќе бидат одобрени во наредната 2025 година, вели Пандов.

Но освен намерата да вработи 300 до 400 луѓе во затворите, Пандов во интервјуто вели дека несостасуваат чувари бидејќи се плашеле за својата безбедност.

Тие луѓе чувствувале дека одредени затворени лица имаат таква поткрепа од дел од директорите или надвор од некои одредени моќни политичари, што никој ништо не им може што и да направат внатре и како и да се однесуваат кон затворските полицајци. Тоа е веќе заборавена приказна и затвореници кои така се однесуваат ќе бидат најстрого санкционирани во рамки на позитивните закони што ги имаме, а ги имаме доволно за да може да се справиме сега со нив, посочува Пандов.

The post Пандов: Нема чувари по затворите, се плашат за својата безбедност appeared first on Република.

На 71-годишна возраст, во Охрид почина професор д-р Томе Батковски, истакнат општественик, експерт од областа на безбедноста и автор на повеќе научни трудови.

Батковски е роден 1952 година во Охрид. По завршувањето на Факултетот за политички науки во Белград, во 1975 година, го продолжува своето професионално усовршување преку магистерски и подоцна докторски труд на Факултетот за безбедност Скопје во 1993 година.

Со над 30-тина објавени трудови, професионални настапи од областа на тероризмот и контраразузнавањето, проф. д-р Томе Батковски даде сериозен придонес во поставувањето и оддржувањето на националната безбедност на Македонија и пошироко на Балканот. Пренесувањето на неговото знаење како вонреден професор на Факултетот за безбедност, обезбеди многу генерации млади кадри со практично и теоретско знаење од областа на организираниот криминал и терористичко дејствување.

Посмртните останки на Томе Батковски ќе бидат изложени во капелата на Градските гробишта во Охрид, денеска во периодот од 12:00 до 12:30 часот.

The post Ин мемориам: Почина професорот Томе Батковски appeared first on Република.

Црвеното ниво на безбедност во Србија ќе продолжи уште некое време и дека сите безбедносни служби во државата работат на откривање на верските екстремистички ќелии. Тоа го изјави денеска српскиот премиер Милош Вучевиќ
Во изјава за белградски медиуми тој додаде дека на целата територија на Србија полицијата и БИА (Безбедносно информативна агенција) спроведуваат акција за уништување на сите екстремистички ќелии.

Тие спроведуваат понатамошни дејствија за разбивање на сите оние ќелии на екстремни верски организации кои ја злоупотребуваат религијата и верата заради постигнување одредени екстремни политички и терористички цели. Тие активности се вршат на територијата на цела Република Србија, освен во Косово и Метохија, инагласувам дека тие активности не се насочени против ниту една етничка или верска група, нагласи Вучевиќ.

Тој им порача на припадниците на муслиманската вероисповед да не се чувствуваат загрозени и ги замоли сите кои не припаѓаат на таа вероисповед да не ги гледаат своите соседи и сонародници како опасност.

Црвеното ниво на опасност ќе трае уште неколку дена и затоа е важно да не се даваат непримерни изјави на Бошњаците, бидејќи ова не е лов на нив, ова е борба против тероризмот. Ова е напад на државата, но ова е напад на наш граѓанин врз полицаец од нашата држава. Мислам дека ова е изолиран случај, но не можам да гарантирам дека ова нема да поттикне некој друг, рече Вучевиќ.

The post Црвеното ниво за безбедноста во Србија ќе биде на сила уште неколку денови appeared first on Република.

Одбројувањето до почетокот на Европското фудбалско првенство во Германија влезе во последната недела пред воведниот дуел меѓу домаќинот и Шкотска, на 14 јуни во Минхен.

По последното ЕВРО2020, кое беше одложено за една година, а се одржа во време на пандемија на коронавирусот и во дури 11 земји и 11 градови, овогодишното издание повторно ќе биде во една земја, а натпреварите ќе се играат во десет германски градови.

ЕВРО2024 се одржува во напната глобална клима со воени конфликти во Украина и на Блискиот Исток и затоа безбедноста е „главен приоритет“ за домаќините. Германците се подготвуваат за „сите можни сценарија“, од тероризам, хулиганство и сајбер напади. Формиран е привремен полициски центар во Северна Рајна-Вестфалија, каде се наоѓаат четири од десетте стадиони на кои се одржуваат натпреварите.

Никогаш не можеме да гарантираме 100% безбедност, но можеме да се подготвиме најдобро што можеме“, рече гувернерот на Северна Рајна-Вестфалија, Херберт Реул.

Безбедносните сили ќе имаат задача да заштитат околу 2,7 милиони навивачи, 24 базни кампови на репрезентациите низ целата земја и 10 стадиони на кои ќе се одиграат 51 натпревари помеѓу 14 јуни и 14 јули. Исто така, се очекува фан зоните да привлечат околу 12 милиони посетители.

Шампионската титула ќе ја брани Италија, која во финалето на Вембли ја победи Англија со 3-2 по изведувањето пенали. Тоа беше втора титула за Италијанците по славјето во 1968 година.

The post Германија се подготвуваат за „сите можни сценарија“, од тероризам и хулиганство до сајбер напади: Сериозни безбедносни мерки за ЕВРО2024 appeared first on Република.

По серијата напади, кои зачестија од пред две година, Албанија подготви нов закон со цел да го зајакне нивото на кибер безбедноста во земјата, со кој преку зголемување на капацитетите за спречување на софистицирани напади, планира да инвестира 111 милиони евра во следните пет години.

-Кибер-нападите се веќе многу софистицирани. Сегашните капацитети се недоволни да гарантираат високо ниво на безбедност во мрежите и информациските системи. Од витално значење е да се воспостави правна рамка во условите во кои се наоѓаме, а за да се одговори на зголемените напади, неопходно е да се воспостави современа правна рамка според директивите на ЕУ, изјави Игли Тафа, директор на Националната управа на седница на парламентарната законодавна комисија.

Албанија во последниве години се соочи со серија софистицирани кибер-напади за кои владата ја обвини Исламската Република Иран.

Во извештајот на компанијата „Мајкрософт“, која беше повикана од албанската влада да помогне во одбивањето и истрагата на сајбер-нападот врз Албанија, се вели дека успеала да пронајде четири групи напаѓачи поврзани со разузнавачките служби на Иран.

Како одговор на нападите врз владините мрежи од Техеран, официјална Тирана одлучи да ги прекине дипломатските односи со Иран во почетокот на септември 2022 година и им нареди на иранските дипломати и на вработените во амбасадата да ја напуштат земјата во рок од 24 часа.

Иранското Министерство за надворешни работи ги отфрли обвинувањата за нападот како неосновани, а одлуката за прекин на дипломатските односи како „краткогледа“.

Двете земји имаа тензични односи од 2014 кога Албанија прими 4.000 членови на протераната опозициска група Народна муџахединска организација на Иран, за кои изграден е посебен камп во близина на Драч.

The post Албанија ја зајакнува кибер безбедноста, за пет години ќе вложи 111 милиони евра appeared first on Република.

Албанската влада, на последната седница за оваа година, донесе одлука за засилени безбедносни мерки за носители на високи функции на истражни и правосудни органи, како и неколку институции, за што ќе биде ангажирана Националната гарда.

Според одлуката на Владата, припадниците на гардата ќе се грижат за безбедноста на првиот човек на Националното биро за истраги, обвинителите и судиите на Специјалното обвинителство и Специјалниот суд против организиран криминал и корупција. Засилена заштита се воведува и пред Агенцијата за информатичко општество и Националната управа за електронска сертификација и кибер безбедност, објавија медиумите.

За спроведување на оваа одлука се задолжени Министерството за внатрешни работи и Гардата на Република Албанија, а одлуката стапува во сила по објавувањето во „Службен весник“.

Сепак, не се наведува од кои причини се засилуваат мерките за заштита, иако, дел од медиумите тоа го поврзуваат со повеќето случаи кои се под истрага или веќе пред судот за корупција.

Вечерта на 22 месецов, во автомобилот на Националната гарда, во кое било семејството на шефицата на Специјалниот антикорупциски суд, Ирена Ѓока, во месноста Селита во Тирана, удри автомобил со странски регистарски ознаки, а го управувал припадник на сообраќајната полиција од Елбасан, кој се правдал дека „виновник бил дождот и влажниот коловоз“. Во истрагата веднаш беа вклучени албанската тајна служба, ШИШ и Националната гарда.

The post Албанската влада воведува засилени безбедносни мерки за државните институции appeared first on Република.

Министерот за надворешни работи Бујар Османи во однос на безбедносната состојба во земјава по подигнувањето на нивото на безбедност во европските држави изјави дека надлежните ја следат ситуацијата, но дека нема конкретни закани.

Во однос на состојбата во Македонија, тоа е надлежност на домашните служби, постојано сме известени за зголемувањето на сензитивноста без конкретни закани, но исто така сме во постојана координација и ги следиме состојбите преку надворешно политичката комуникација и преку внатрешната комуникација“, рече Османи, одговарајќи на новинарски прашања по прес-конференција со австрискиот покраински министер за европски и меѓународни прашања, образование и човечки ресурси на Штаерска, Вернер Амон.

Австрискиот министер рече дека безбедносната состојба е напната во сите европски држави и дека е зголемен степенот на безбедност.

Поради сѐ што се случува, треба да создадеме повеќе безбедност. Безбедносната состојба е напната во сите европски држави и затоа го зголемивме степенот на безбедност. Ќе мора да се обезбедат соодветни мерки, рече Амон.

Во однос на тоа дали ќе биде испратена хуманитарна помош во Газа, министерот Османи рече дека кога ќе се создадат услови за тоа, земјата е подготвена за такво нешто.

За брачниот пар кој се наоѓа таму, како што информира Османи, нема нови моменти. Се комуницира со нив, но единствениот излез преку Египет е сѐ уште затворен поради што не може да бидат евакуираат.

The post Нема конкретни закани по беазбедноста на Македонија, смета министерот Османи appeared first on Република.

Теми од областа на безбедносната и регионалната соработка, со прашања од областа на критичната инфраструктура, геополитичката ситуација и како таа се имплицира врз регионот, секако и од аспект на ситуацијата околу Украина, ќе бидат дискутирани и разгледувани на регионалниот Безбедносен форум „Улогата на НАТО во проектирањето на стабилноста на Западниот Балкан“ што во организација на НАТО – Маршал алумни организацијата од денеска се одржува во Охрид.

Оценка на учесниците на работилницата, меѓу кои професори од САД, од НАТО-колеџот во Рим, професори, експерти и дипломати од областа безбедноста од балканските држави и ЕУ е дека настаните во Украина и надворешната пропаганда претставуваат дополнителен притисок врз просторот на Балканот, регион што веќе го носи епитетот политички нестабилно подрачје.

Нерешената ситуација околу статусот и внатрешната стабилност на Босна и Херцеговина, потоа односите на релација Белград – Приштина, влијанијата врз внатрешните работи во Црна Гора со слабите институции, поделеноста на безбедносниот сектор во земјата, познатиот став на Бугарија кон Македонија, за експертите претставуваат прашања што дополнително го прават регионот ранлив и подложен на надворешни влијанија за остварување некакви интереси.

– Ситуацијата на Балканот во многу ќе зависи од исходот од кризата во Украина. Доколку Русија успее во Украина тоа нема да е добро по Западен Балкан оттаму што тоа ќе создаде нови апетити, Србија паритетно на Русија незадоволна од губењето територии може да покрене слична постапка…Од друга страна, ако Русија не победи ќе има обиди да се дестабилизира Западниот Балкан и на тој начин да се наштети на ЕУ и роцесот на интеграција на регионот во Унијата, процени професорот Мехмедин Тахировиќ од Црна Гора.

Според него, она што е симптоматично за регионот е дека времето покажува оти проблемите не се решаваат.

– Дали има некакви други намери за прекомпозиции на Балканот за кои сме зборувале и што Јанша ги соопшти, тоа ќе видиме. Времето покажува дека работите на Балканот не се решаваат. Клучното прашање е зошто. Ние сме во НАТО, и Северна Маедонија и Црна Гора, кандидати сме за ЕУ, а проблемите не се решаваат. Сметам дека се чека на безбедносно решение по однос нерешените територијални прашања, а дури потоа ќе се овозможи на земјите од Западен Балкан напредок во евроинтегративниот процес. На крајот сето тоа ќе зависи од исходнот на војната меѓу Русија и Украина, дали регионот ќе биде во втор или во прв план, рече професорот Тахировиќ.

Професорот Методи Хаџи-Јанев цени дека безбедносната ситуација во регионот се движи во сите можни насоки, а внатрешните проблеми во земјите од регионот стануваат основен апатет за оние што сакаат да ги искористат во надворешен план.

The post Безбедносен форум во Охрид: Војната во Украина дополнителен притисок врз безбедносната ситуација на Западниот Балкан appeared first on Република.

Пријавите и заканите од страна на ученици во нашите училiшта се рефлексија на случувањата во нашето соседство. Станува збор за едно детско невнимателно однесување кое сепак предизвикува реакции, посочи министерот за внатрешни работи Оливер Спaсовски.

Тој денеска коментирајќи ги заканувачките пораки на ученици во нашите училишта рече дека за секој еден случај се постапува. Информира дека засега не пронашле сериозност во пораките, но дека превентивно се постапува и се преземаат потребните акции за секој случај.

За секој случај кој што е идентификуван за секој се реагира, се постапува со социјалните служби, со раководството на училиштата, родителите во истиот момент и засега немаме состојба која укажува на сериозност во намерата да биде преземено било што, меѓутоа превентивно во секој момент кога ќе дознаеме било каква информација веднаш реагираме – изјави Спaсовски.

Испрати апел до родителите и до учениците за сериозно и одговорно однесување, а на раководставта на училиштата им порача да го подигнат степенот на одговорност и внимание. Оцени дека случувањата во Србија ја подигнале свесноста кај сите.

Ова што се случуваше во соседството ја подигна малку јавната свест кај сите нас за заеднички да делуваме. Ова е многу важно од семејството преку образовните институции па до секој еден од нас и медиумите секкао да ја подигнеме јавната свест – рече Спасовски.

Додаде дека Министерството и пред случувањата во Србија преземало активности, односно веќе постојат механизми насочени кон безбедноста на учениците, а тие механизми биле засилени по дојавите за поставени бомби во училишните објекти.

Секоја недела еднаш се прават опсежни контроли кои подразбираат контрола на лица, возила, безбедноста на сообраќајот се со цел да превенираме одредени активности и тоа дава извонредни резултати барем досега. Се покрена иницијатива пред сите овие случувања заедно со Министерството за труд и социјална политика и Министерството за образование и наука, токму во овој дел на преземање на други мерки кои би значеле дел од работа на социјалните служби и поврзување со Министерството за внатрешни работи заради безбедноста, се со цел да се работи со лица, ученици кои што немаат добро поведени или можат да направат одреден безбедносен проблем или нарушување на безбедноста – информира Спасовски.

The post Не е пронајдена сериозност во заканувачките пораки на ученици, тврди Спасовски appeared first on Република.

Од септември, кога почнува новата учебна година ќе има нови протоколи, прирачници и мерки коии се однесуваат на безбедноста во училиштата, изјави министерот за образование и наука Јетон Шаќири, кој присустуваше на конференцијата за италијански јазик во Ректоратот на Универзитетот „Св. Кирил и Методиј“ во Скопје.

Очекувам од септември да имаме повеќе протоколи, повеќе прирачници, ќе ја разгледаме воспитната програма, работата на центрите за социјална работа, изјави министерот за образование и наука.

Шаќири кажа дека Министертвото за образование и наука (МОН) ќе има состаноци со надлежни институции кои треба да проценат кои се ризиците од употребата на мрежата „Тик-ток“ за учениците за да се заклучи дали треба да се ограничи нејзиното користење. За безбедноста во училиштата ќе има интензивни состаноци со вклученост на педагози, психолози и родители.

Денеска ќе продолжиме со состаноци со институциите кои треба да проценат кои се потенцијалните ризици од употребната на тик-ток мрежата, какви материјали содржи и начинот како ја употребуваат учениците во основно и средно образование, рече Шаќири.

Како што рече, институциите за безбедност треба да проценат колку е лош материјалот на „Тик-ток“, со оглед и на неколку видеа од ученици за кои постапува МВР.  Ќе се вклучат Министерството за информатичко општество и администрација и Агенцијата за електронски комуникации, како и други институции од ИКТ-секторот за да се разгледаат начините на употреба на оваа апликација.

Шаќири вели дека сите институции треба да се координираат и да разменуваат информации – министерствата за образование и наука и за труд и социјална политика, секторите за образование по општини.

Ќе се разгледува и како стоиме со кадарот – психолози, педагози. Некаде има по двајца, но бројот на ученици е различен по училишта. Ќе имаме анализа за тоа што може да придонесе севкупниот број на стручниот кадар во училиштата – основни или средни, и тие заедно да соработуваат во препораките. Според информации што ги добивам, некои од училиштата почнаа со редовни состаноци, итни состаноци, состаноци со родители. Покрај со класните наставници, ќе почнат и со психолози и педагози, кои досега постапуваа само за одредени случаи, рече Шаќири.

The post Од новата учебна година ќе има нови протоколи, прирачници и мерки за безбедност во училиштата, најави министерот за образование Јетон Шаќири appeared first on Република.

Холандскиот министер за надворешни работи Вопке Хукстра и министерката за правда Дилан Јешилгес-Шехеријс претставија нова безбедносна стратегија, во која се предупредува на предизвиците за „геополитичката, дигиталната и економската безбедност“ на земјата и ги повикаа граѓаните да бидат внимателни.

Новата безбедносна стратегија поставува три главни цели дефинирани како: „безбедно Кралство Холандија во мултиполарен свет“, „отпорен демократски правен поредок“ и „подготвено и отпорно општество“, пишува бриселски „Еурактив“.

Рускиот напад врз Украина јасно покажува дека европската безбедност е загрозена, но тоа не е единствената закана. Предизвиците за „геополитичката, дигиталната и економската безбедност на земјата“ бараат „сеопфатен, проактивен, силен одговор, и на национално и на меѓународно ниво - рече Хукстра.

Тој истакна дека безбедноста на Холандија бара силна соработка во Европа и во НАТО, како и на глобално ниво.

Ги повикуваме граѓаните, компаниите, граѓанските организации и другите институции да преземат свои мерки против безбедносните закани - изјави Јешилгез-Сехеријус.

Апсолутна безбедност не постои, рече таа и додаде дека треба да се биде внимателен и подготвен за неочекувано влошување на безбедносната состојба.

The post Холандија претстави нова безбедносна стратегија, ги повика граѓаните да бидат внимателни appeared first on Република.

Францускиот фудбалски прволигаш Ница ги советуваше своите навивачи да не патуваат идната недела во Молдавија за да му дадат поддршка на својот тим на првиот натпревар од осминафиналето во Конференциската лига против Шериф.

„Ница мора да заземе одговорен став“, соопшти францускиот клуб, опишувајќи ја безбедносната ситуација за своите навивачи во Молдавија како „во најмала рака неповолна“.

Молдавскиот тим во шеснаесетфиналето му беше домаќин на Партизан зад затворени врати, но УЕФА вчера соопшти дека натпреварот меѓу Шериф и Ница може да се игра во присуство на навивачи.

Шериф доаѓа од градот Тираспол во близина на границата со Украина, но од безбедносни причини сите натпревари во европските купови оваа сезона ги игра во главниот град Кишињев.

The post Ница ги повика навивачите да не патуваат во Молдавија appeared first on Република.

Граѓанската иницијатива „Учебници и настава мора да има” испратила барање до Министерството за образование и наука да ја реши безбедносната состојба во училиштата, како што информира, „со временска рамка од 15 дена“.

Ние, родителите, веќе три години се бориме со образовните проблеми и денес повторно се спротивставуваме на насоката од МОН доколку има дојави за бомби учениците да следат настава на далечина од дома. Дојави за бомби нема еден месец, туку пет месеци. Го нарушија нашето секојдневие. Премногу стресно и тешко им влијае на децата и на поширокото семејство, се наведува во дописот во кој прашуваат: „кој ќе одговара за овие запоставени генерации?“, посочуваат од иницијативата.

Во барањето, потпишано од Драгана Спасевска, овластен претставник на оваа граѓанска иницијатива, се укажува на последиците од онлајн-наставата во корона-пандемијата кога, како што се посочува, 40 000 ученици не следеле настава зашто дома немале ИТ-уреди и интернет.

Ние, родителите, не сакаме реприза на пасивноста, анксиозноста и немањето волја за живот кај нашите деца. Затоа е време оваа власт да преземе одговорност, да ги седне на маса МОН, МВР и меѓународни сајбер-експерти и да го реши овој проблем. Во спротивно, ќе излеземе на протести и ќе ги искажеме и сите останати незадоволства, стои во дописот на Граѓанската иницијатива „Учебници и настава мора да има”.

The post Не сакаме реприза на пасивноста, анксиозноста и немањето волја за живот кај нашите деца, решете ја безбедноста во училиштата, бара иницијативата „Учебници и настава мора да има“ appeared first on Република.

The post МНР: Македонските државјани кои беа затекнати во загрозеното подрачје, го напуштиле и на пат се кон Анкара appeared first on Република.

Секое ангажирање на Противпожарната бригада на Град Скопје на задачи надвор од законот и нејзината надлежност го доведува во опасност главниот град на државата и ќе ја загрози основната заштита од пожари, смета проф. д-р Марјан Ѓуровски од Институтот за безбедност, одбрана и мир при Филозофскиот факултет за идејата пожарникари да ги обезбедуваат средните училишта во Скопје.

Доколку пожарникари обезбедуваат училишта, не може да се оствари брза интервенција на ППБ на Градот Скопје, со што ќе се загрози безбедноста на граѓаните од пожари, поплави и други евентуални непогоди каде пожарникарите имаат законски овластувања да постапуваат и реагираат. Согласно кој закон тие имаат надлежност да обезбедуваат објекти, имоти и лица, а најмалку пак ученици и како ќе користат методи, опрема и други средства за обезбедување кога за тоа немаат законски овластувања?, оценува Ѓуровски.

Според него, идеите државата и Градот Скопје да формираат Агенции за своите потреби се во најмала рака несериозни и спротивни на поставеноста на безбедносниот систем и надлежностите согласно Законот за обезбедување на имоти и лица.

– Градот Скопје има 23 средни училишта, а во смена во ППБ на град Скопје се 36 пожарникари, односно вкупниот ППБ на Град Скопје вкупно брои 192 припадници. Секое механичко играње со бројки и нивно прераспоредувале на нови задачи може да го доведе во прашање основното функционирање на градот во заштитата од пожари, смета Ѓуровски.

Тој оценува дека заканите и телефонските јавувања за наводно поставување на бомби во училиштата претставува сериозен проблем и има за цел да шири паника меѓу населението.

Само преку навремено информирање и десукиритизација на овој проблем може да ги успокои граѓаните, младите и да овозможи услови за непречена истрага од страна на МВР и истражните органи. Кога станува збор за безбедноста нема простор за импровизации и гимнастички идеи зошто современите системи каде припаѓаме за се имаат процедура, постапка и начин како да се справат, додава Ѓуровски.

Тој воедно нагласува дека овој негов став нема за цел да навлезе во политичките игри на Градот Скопје и нејзиниот градоначалник, туку да биде предупредување за размислување, бидејќи со безбедноста како и со огнот нема играње.

The post Ѓуровски: Идејата пожарникари да ги обезбедуваат скопските училишта ќе ја загрози основната заштита од пожари appeared first on Република.

Реформите на безбедносно-разузнавачкиот систем генерално се направени, системот функционира, сепак потребни се подобрувања, особено во делот на надзорот на работата на безбедносно-разузнавачките служби, како и во однос на физичкото одвојување од МВР на Агенцијата за национална безбедност. За подобрување на надзорот, пред се, со вклучување на граѓанскиот сектор, потребни се законски измени, согласни се и власта и опозицијата, која пак смета дека е потребна посуштинска измена, не само на еден член за Советот за граѓански надзор, туку носење посебен закон за надзор на службите, со кои ќе се зголемат ингеренциите на оние кои го вршат надзорот.

Ова беа дел од поентите на Годишната конференција во рамки на Програмата за реформи во разузнавачкиот и безбедносниот сектор во Република Македонија (2021-2026), што се одржа вчера во Скопје, во организација на женевскиот Центар за управување со безбедносниот сектор (ДЦАФ).

Претседателот на Собранието, Талат Џафери во своето обраќање меѓу другото нагласи дека направени се законски измени во безбедносната област во насока на реформскиот процес, кои се прилагодени на стандардите на Европската унија и НАТО, со кои се воведуваат одредени законски норми и стандарди за Собранието и впрочем за сите институции. Тој изрази и уверување дека со преземените мерки и активности согласно законските измени, ќе се обезбеди и зголемено ниво на отчетност од страна на сите чинители.

Демократското владеење и надзор е обврска на сите сегменти од општество и на целиот државен апарат. Секој треба да го даде својот максимум во своето работење, пристапувајќи на секое нерешено прашање со искрена намера за изнаоѓање на одржливо решение кое нема да служи само на политичкиот фактор на власт, туку ќе биде општо прифатено и почитувано подеднакво од сите. За тоа да биде така, секако дека решението треба да се разгледува инклузивно, со учество на сите политички субјекти и крајното решение да биде консензуално постигнато решение во склад со европските норми. Ова секако ќе се наметне како обврска и со отворањето на преговорите со ЕУ и првиот преговарачки кластер, односно Фундаменти, рече Џафери.

Во однос на спроведувањето на донесените законски решенија, најдобриот тест за квалитет на секој закон е неговата имплементација на терен, оти само тогаш, вели, се воочуваат празнините или недореченостите кои се несоодветно решени.

https://republika.mk/vesti/makedonija/dzaferi-garantiranjeto-bezbednost-na-gragjanite-i-drzavata-ne-smee-da-bide-alibi-za-krshenje-na-osnovnite-chovekovi-prava-2/

Според евроамбасадорот Дејвид Гир, реформите во безбедносниот и разузнавачкиот сектор се далеку од завршени, а процесот за интеграција во ЕУ, што сега добива моментум по отворањето на преговорите и носи дополнителни барања што се поврзани со заштитата на човекови права и основни слободи, треба да се искористи со цел да се движат реформите. На овој начин, додава тој, ќе се овозможи добро владеење и јавна доверба во институциите во овој многу чувствителен сектор, како и во други сектори. Дополнителни напори и волја се потребни од страна на Владата, Парламентот и политичките партии и другите чинители, не само поради процесот за преговарање со ЕУ, туку пред се заради интересите на граѓаните.

[caption id="attachment_563319" align="alignnone" width="640"] Фото: МИА[/caption]

Надзорот и контролата на безбедносните и разузнавачките служби и нивната реформа е комплексна работа, меѓутоа е многу важен процес. Парламентот претставуваше посветен партнер во овој процес. Ние очекуваме постоечкото законодавство за следење да биде променето, со цел комисиите за надзор во Парламентот да функционираат подобро и Советот за граѓански надзор да биде целосно функционален. Создавањето „заштитена соба“ треба да се случи без понатамошно одложување, истакна Гир.

И министерот за внатрешни работи, Оливер Спасовски, потенцира дека се направени успешни реформи на безбедносниот систем и успешно функционира системот на следење на комуникациите и на безбедносната служба, но тоа не е доволно и реформите треба да продолжат и понатаму. Фокусот на институциите треба да се насочи на ставање во функција на граѓанскиот надзор и контрола за што смета дека е потребно многу малку за тоа да се надмине и профункционира со допрецизирање на законското решение во Собранието.

https://republika.mk/vesti/makedonija/spasovski-na-konferencija-na-dcaf-napravivme-uspeshni-reformi-na-bezbednosnite-sluzbi/

Според министерката за одбрана Славјанка Петровска освен надзорот на оваа служба треба да се отвори и едно друго прашање, за кое, како што рече таа како министерка е подготвена да се откаже од своето дискреционо право, а тоа е назначувањето на раководител на оваа служба.  

-Во Министерството во рамките на основните закони се разбира пропишани се некои правила коишто јас не ги сметам за доволни. Затоа што ако сакаме да го постигнеме она што беше суштината на почетокот на оваа реформа, тоа е намалување на политичкото влијание врз работата на овие служби, во тој случај сметам дека и овој сегмент мора да биде предвид. Така што, ова нека биде со оглед на тоа што од оваа страна на салата гледаме луѓе кои исклучително ги ценам и почитувам за трудот кој го вложиле во делот на безбедносно-разузнавачката заедница се разбира и заштитата на човековите права и чие што знаење секако ќе биде добредојдено, нагласи Петровска.

Претседателот  на собраниската Комисија за надзор на работата на АНБ и АР, Љупчо Пренџов пред присиутните истакна дека во извештајот на ЕК е нотирано дека има подобрување во однос на претходните години, во безбедносно-разузнавачкиот систем во државата, но нагласи дека за да биде ефектен собранискиот надзор, мора да има можност за пристап до релеватни информации и непречени разговори со одговорните во разузнавачки служби. Прецизирање на поимот државна тајна, побара Пренџов, нагласувајќи дека не може 95 отсто од работите, да се класифицираат како државна тајна, а во нив да „нема месо“.

-Не треба да се фалиме дека сме имале надзор заради надзор, колку тоа да се каже или некаде да се запише. Ова е сектор кој во изминатите 30 години два пати крахираше на отворена сцена, тоа имаше сериозни последици и го урна имиџот на државата. Треба да сфатиме во оваа држава граѓаните се тие, кои ги плаќаат носителите на јавни функции, без разлика во која институција, а транспаретноста, учеството на јавноста и доброто владеење мора да важи и за оние кои се одговорни во безбедносно-разузнавачкиот сектор, рече Пренџов, кој смета дека се потребни измени на законот за следење на комункациите по терк на европските стандарди, и да има еден посебен закон за надзор на сите комисии, со што ќе се зголемат нивните ингеренции.

Директорот на Агенцијата за национална безбедност, Виктор Димовски истакна во однос на надзорот над работењето на АНБ дека во овој тригодишен период имале 15 средби со двете комисии што е повеќе од сите претходни мандати. Целосно се отворени кон контрола, а вели, друго е прашањето дали во работењето на комисиите за надзор има проблем.

Директорот на Агенцијата за разунавање Еролд Муслиу, пак, напомена дека тие како Агенција се отворени за надзор и контрола во рамки на законските ограничувања, имајќи ја предвид специфичноста на работата на АР.

Сме биле на располагање, даваме одговори, сме имале безбедносни брифинзи. Ние како  Агенција за разунавање сме отворени за надзор и контрола во рамки на законските ограничувања, имајќи го предвид разузнавањето во странство и имаме лимити без разлика што членовите на Комисијата имаат безбедносни сертификати, не можеме да одиме подлабоко, додаде тој.

Директорот на ОТА, Зоран Ангеловски, пак, нагласи дека во ОТА се врши организирано прислушување, но легално, и тоа е строго контролирано, но, вели, недостига ефикасен парламентарен надзор што тоа ќе го потврди.

Одговорно тврдам дека она што се случува во ОТА е строго контролирано. Ние изградивме комплетно дигитализиран систем сето ова е организирано на прилично модерен начин согласно стандардите на НАТО и ЕУ. ОТА е комплетно дигитализирана. Ние знаеме во ОТА дека сме комплетено чисти, но тоа не е доволно. Суштината е дека треба да дојде контрола тоа да го констатира на ефикасен начин и од таму и да излезе едно соопштение до јавноста дека се е во ред. Но, она што сакам да го кажам е дека по секоја контрола од собраниската комисија од претходниот и сегашниот парламентарен состав секогаш имаме горчлив вкус и тоа не е по вина на ОТА, ниту на парламентарната комисија, законите се напишани така како што се напишани, вели директорот на ОТА и нагласи дека е потребно технички експерти тоа да го проверат, за што апелира веќе три години.

Пратеникот Игор Јанушев, претседател на собраниската Комисија за надзор над спроведување на мерките за следење на комуникациите, се согласи дека проблемот е немање на технички експерти со чиј надзор би се покажало дека со ОТА се е во ред.

-Иако со сите проблеми со кои се соочивме при формирањето на оваа Комисија како работно тело во Собранието во однос на добивањето на безбедносните сертификати успеавме со запазување на законските рокови да објавиме јавен оглас, да спроведеме интервјуа, да ги избереме експертите, но еве веќе две години од страна на Собранието истите не се ангажираат и ние сме во немоќност да спроведеме ефективен надзор, вели Јанушев.

На дебата стана збор за уште еден проблем, а тоа е потребата од физичко одвојување на АНБ од МВР.

Би сакал АНБ и физички да биде одделена од МВР, а не само легислативно. Сметам дека големата проактивност треба да биде во делот на граѓанскиот надзор, изјави Спасовски.

Димовски, исто така, се согласи дека мора да се вложат дополнителни напори и покрај функционалното разделување од МВР треба да се направи и физичко одделување, како и да се реши просторното и материјалното функционирање на Советот за координација на безбедносните разузнавачки служби.

Беше потенцирано и значењето на зајакнувањето на сите сегменти на кибербезбедноста.Според Ангеловски државата во делот на кибер безбедноста е на недозволиво ниско ниво.

Во моментот реакцијата на државата на еден евентуален кибер напад е на ниво на мртов коњ, рече Ангеловски.

https://republika.mk/vesti/makedonija/direktorot-na-ota-imame-sistem-koj-na-kiber-napad-bi-reagiral-kako-mrtov-konj-mu-falat-samo-gulabi-pismonsci/

Во врска со акредитацијата, што се чека, Слаѓана Божиновска од Дирекција за безбедност на класифицирани информации, одговори дека интензивно се работи на случајот, но, како што рече, потребно е време бидејќи станува збор за комплексни процедури, но и заради можностите и капацитетите со кои работат.

Потребно е време, технички можности и во моментот интензивно се работи. Се прегледува потребната документација што е пропишана и во законот и воопшто во работата со класифицирани информации. Тоа е сегмент каде одередени работи што се пропишани нема маневри, изјави Божиновска. Додаде дека е факт оти техничкиот момент околу мерењето на зрачењето не е во нивна можност, но, истакна, постојат решенија, во соработка со партнерски служби во регионот и тоа да се оствари.

The post Безбедносно-разузнавачкиот систем прилагоден на стандардите на ЕУ и НАТО appeared first on Република.

Советничката група на ВМРО-ДПМНЕ и Коалицијата во Советот на Општина Куманово од министерот за внатрешни работи Спасовски и началникот на СВР Величковиќ бара итно и неодложно разрешување на командирот Зорица Вукановиќ.

Во продолжение следува интегрален текст од прес-конференцијата на Елена Доцевска Божиновска, советник во Советот на Општина Куманово:

Не верувам дека постои друг командир кој што има повеќе причини за разрешување од кумановскиот. По неусвоена полугодишна информација за работа на полициската станица за 2021 година, пред неколку дена Советот не ја усвои ниту годишната информација за работата на полициската станица за 2021 година.

Како советници укажавме негодување односно укажавме забелешки и на формата, и на содржината, и на методологијата со кои што е направена самата информација. Поставивме повеќе од 200 прашања, повеќе од 200 забелешки, препораки, меѓутоа и аргументирано укажавме на недостатоци и недоследности во самата информација.

За жал, не добивме одговор на ниту едно прашање, на ниту една препорака или забелешка од страна на претставниците на полициската станица.

Командирот Зорица Вукановиќ веќе во неколку наврати, во низа покажува елементарно непочитување кон Советот, и кон граѓаните кој што го избрале тој Совет. Командирот покажува непрофесионален однос, прекршување на член 25 од Законот за полиција, со свои постапки, како непрезентирање на самиот извештај пред Советот и пред граѓаните, доцнење неколкумесечно со доставување на извештајот за 2021 година и неодговарање на ниту едно прашање, неодговарање на ниту една забелешка од страна на советниците. Ненајавено отсуство на командирот од седницата на Советот, на која што треба да го презентира извештајот, и на која што треба да одговара на прашањата. И тоа на двапати. И на крај пуштање на претставник од полициската станица, кој што дојде целосно неподготвен, не успеа да одговори на ниту едно прашање поставено од советниците.

Заради сето наведено, меѓутоа и заради оние фрапантни показатели кои што ги добиваме со анализа на податоците наведени во информацијата. За еден поразителен, за еден константен и актуелен тренд на зголемување на кривични дела од дури 37% во второто за сметка на првото полугодие. Зголемување на сите кривични дела и прекршоци во кои што има елементи на насилство, прикривање и непишување на податоци во информацијата за тешки кривични дела како убиството, до ден денеска не добивме одговор зошто потфрлање и на превентивен план. Меѓутоа и во сообраќајот бележат фрапантни податоци кои што покажуваат на несериозен пристап. Во сообраќајот се зголемени бројки на случени сообраќајни несреќи во првото полугодие 7.05%, а во второто дури 17.42% за сметка на првото полугодие.

Меѓутоа казнената политика во сообраќајот бележи зголемена бројка од 41%, која што бројка ставена во корелација со зголемената бројка на случени сообраќајни несреќи пак покажува дека казнената политика е непродуктивна или била спроведена погрешно, на погрешни места и на погрешни чинители во сообраќајот.

И во извештајот на Хелсиншкиот комитет има сериозни забелешки за условите и за состојбата во која што се наоѓа објектот на полициската станица, а кој што беше пуштен свечено со помпи, со сечење на ленти од страна на министерот на 06.09.2021 година.

Заради сето кажано и заради секојдневните забелешки на нашите сограѓани кумановци, дека безбедноста на територијата на општина Куманово не е задоволителна од министерот Спасовски кој е од Куманово и од неговиот „најдобар“ началник на „најдоброто“ СВР во Македонија бараме итно разрешување на командирот на полициската станица Зорица Вукановиќ.

Куманово и кумановци заслужуваат стручни, образовани и професионални старешини и кадри во полициската станица од општа надлежност.

The post Божиновска до Спасовски: Бараме разрешување на командирот Вукановиќ appeared first on Република.

Западните санкции не придонесуваат за крај на конфликтот во Украина, изјави ирската европратеничка Клер Дејли за „Глобал Тајмс“.

Никогаш не ни помислив дека НАТО е таму за да ги заштити мирот и безбедноста во Европа. И ако луѓето мислеа дека тоа е неговата цел, тогаш сигурно никогаш не успеа да ја постигне. Претпоставувам дека Алијансата беше другата страна на Студената војна. НАТО никогаш и никаде не донел мир. Всушност, ги решава проблемите што самото ги создава. И мислам дека тоа многу јасно го покажуваат земјите како Либија и другите кои тие (членките на НАТО) успеаја да ги опустошат. Значи, тие воопшто не се мировни сили, не само во сегашната, туку и во минатите кризи - истакнува Дејли.

Европратеничката тврди дека со почетокот на руската операција во Украина, идејата за европска автономија исчезнала и дека земјите од ЕУ буквално се однесуваат како вазали на САД. Таа смета дека Европа, на тој начин, ги жртвува сопствените економски и безбедносни интереси за интересите на САД, кои се спротивставени на Русија.

На крајот на краиштата, очигледно е дека е во интерес на граѓаните на цела Европа, вклучувајќи ги, пред сè, граѓаните на Украина, да живеат во мир со Русија на нашиот континент, да прават бизнис, да разменуваат култури, да тргуваат и да живеат во хармонија. А, единствениот начин да се постигне тоа е да се преговара за безбедност - не против Русија, туку со Русија. Но, за жал, Европа го прави токму спротивното - истакнува Дејли.

The post Ирска европарламентарка: ЕУ се однесува како вазал на САД, и на Европејците и на Украинците им е во интерес да живеат во мир со Русија appeared first on Република.