Студентите од приватните факултети треба да користат бесплатен јавен градски превоз, одлучи Комисијата за спречување и заштита од дискриминација по поднесените претставки на студентите од приватните факултети.

Според мислењето на КСЗД, утврдено е директна продолжена дискриминација врз основа на личен и општествен статус, редовни студенти на приватни универзитети, извршена од град Скопје во областа пристап до добра и услуги во образованиот процес. Сметаме дека мислењето на Комисијата ќе вроди со плод и ние ќе можеме да користиме бесплатен превоз како нашите колеги од државните универзитети. Три години сум стипендист, а има исто така и многу други студенти кои се со стипендија, навистина ова за нас е големо олеснување и можам да кажам дека конечно правдата дојде на видело, изјави претседателката на студентско собрание на ФОН, Мила Петрушевска.

Според мислењето на Комисијата, Град Скопје има рок од 60 дена да иницира измени и дополнувањата на одлуката за давање на субвенција на ЈСП Скопје со кој ќе се утврди правото на бесплатен превоз и на студентите запишани на приватните универзитети, што значи дека треба да обезбедат средства, бесплатен превоз на сите редовни студенти и од државните и од приватните универзитети.

The post За 60 дена Град Скопје мора да им обезбеди бесплатен јавен превоз и на студентите од приватните факултети appeared first on Република.

Градоначалникот на Куманово Максим Димитриевски информира дека Советот на Општината го прифати неговиот предлог и едногласно донесе одлука за субвенционирање на јавен линиски превоз во наредните шест месеци со тенденција да продолжи и во иднина. Димитриевски вели дека на тој начин ќе се даде придонес за намалување на градскиот сообраќаен метеж, но и на загадувањето на воздухот.

Со оваа одлука граѓаните во наредниот период ќе можат бесплатно да го користат јавниот линиски превоз за своите потреби. Во време на економско-енергетска криза граѓаните на Општина Куманово добиваат можност за значителни заштеди во семејниот буџет. Со ова, ќе придонесеме за намалување на сообраќајниот метеж во централното градско подрачје и намалување на загадувањето. Дополнително, ќе се стремиме да се унапреди нивото на услуга во јавниот линиски превоз во Куманово и да стимулираме што е можно повеќе граѓани да користат јавен превоз за сопствените потреби - потенцира Димитриевски.

The post Арсовска ветуваше, а Димитриевски го спроведе: Куманово во наредните 6 месеци со бесплатен градски автобуски превоз appeared first on Република.

Општина Куманово спроведе јавна набавка за истражување на јавно мислење – “Јавниот превоз во Oпштина Kуманово, потреба од бесплатен јавен превоз и негово влијание врз квалитетот на животот на граѓаните” во Декември 2022 година, кое имаше за цел да го измери степенот на задоволство кај граѓаните од јавниот превоз.

Ѓраѓаните беа прашани би поддржале воведување на бесплатен јавен превоз на територија на Општина Куманово за сите граѓани преку субвенционирање кон вршителите на јавниот превоз од буџетот на Општина Куманово, да го измери мислењето на граѓаните за бенефитот од воведување на бесплатен јавен превоз на територија на Општина Куманово и воедно да го измери степенот на задоволство на граѓаните од работата на локалната самоуправа.

Граѓаните позитивно се изјаснија за оваа иницијатива која за да стане реалност треба да помине на Советот на општината.

The post Kуманово пред воведување на бесплатен јавен превоз appeared first on Република.

Сè додека не се надмине енергетската криза градоначалничка на Скопје Данела Арсовска не може да каже кога ќе го реализира ветувањето за бесплатен градски автобуски превоз.

Чесно е да кажеме дека олку голема енергетска криза никој не очекуваше. Цените на енергенсите, на нафтените деривати, на мазутот, се толку високи во овој момент и ова што сега го правиме е практично нешто што многу го оптоварува буџетот на Град Скопје. Работиме во таа насока, меѓутоа сè додека не ја надминеме кризата, сега во овој момент не можам да кажам во која фаза ќе се реализира. Но, сè што беше ставено во програмата „Модерно Скопје“ ќе се реализира, тоа е нашата цел – рече Арсовска синоќа во гостување во емисијата „Клик плус“ на ТВ21.

The post Арсовска не очекувала дека енергетската кризата ќе биде олку голема, не знае кога ќе има бесплатен јавен превоз appeared first on Република.

Во автобусите на ЈСП Скопје повторно ќе се возат бесплатно и средношколците и студентите на државните универзитети, откако претходно беше најавено дека мерката за бесплатен превоз почнува и за пензионерите од 25 март.

Тоа значи дека во автобусите на градскиот сообраќај во Скопје ќе се возат околу 80.000 лица бесплатно, а оваа мерка се враќа по прекинот поради пандемијата на ковид-19.

Претходно од Град Скопје најавија дека постепено ќе почне бесплатниот превоз во автобусите на ЈСП Скопје, а еден од првите чекори е враќањето на бесплатниот превоз

The post Бесплатен превоз ќе има и за средношколците и студентите appeared first on Република.

Градоначалничката на Скопје, Данела Арсовска одговарајќи на новинарско прашање кога ќе почне бесплатниот автобуски превоз за пензионерите, рече дека на штета на граѓаните никогаш нема да се настапува.

Верувам дека директорот на Јавното сообраќајно претпријатие „Скопје“ кој во девастирана состојба го најде претпријатието, а понатаму и се соочува со бројни опструкции, тоа што го ветил и што го кажал, а тоа што е поминато на седница на Советот ќе го реализира токму онака како што го кажал, во втората половина на март отпочнува оваа мерка на бесплатен јавен превоз за оваа категорија на граѓани за коишто Советот на Град Скопје ги има изгласано на својата претходна седница, изјави Арсовска.

The post Пензионерите месецов добиваат бесплатен автобуски превоз appeared first on Република.

Градоначалничката на Град Скопје, Данела Арсовска во гостување во емисијата Вин Вин на ТВ Телма, истакна дека бесплатен јавен превоз ќе има и ќе се реализира токму како што е предвидено во програмата.

– Бесплатен јавен превоз ќе има! Ќе се реализира програмата токму онака како што е напишано, етапно во фази, прво ќе исправиме што е погрешено, па ќе ги реализираме проектите кои се предвидени во програмата, кратко објасни Арсовска.

The post Арсовска: Бесплатен јавен превоз ќе има! appeared first on Република.

Буџетот на Град Скопје е навистина премногу оптоварен, меѓутоа во ниту еден случај нема да се откажеме од проектот за бесплатен јавен превоз, токму како што беше напишано во програмата и како што беше презентирано низ целата кампања – тој ќе се реализира, етапно. Јавното претпријатие се наоѓа во големи долгови тоа треба да се изменаџира за да може да се консолидира работењето на јавното претпријатие кое што во овој момент е дополнително обременето од оваа енергетска криза, меѓутоа бесплатен јавен превоз за скопјани дефинитивно ќе има и токму онака како што беше ветени, изјави градоначалничката на Град Скопје, Данела Арсовска, во гостувањето во дебатната емисија Топ Тема на телевизија Телма.

Во однос на дезинформациите, како што ги нарече Арсовска, кои што кружат во јавноста дека проектот бесплатен јавен превоз нема да се реализира, градоначалничката кажа дека е крајно неодговорно да и се пласираат такви невистини на јавноста.

Верувам дека треба да се обидеме на јавноста да и појасниме кои се позициите на градот, дека проектот ќе се реализира и дека ќе се случи во период на транзиција затоа што ова е една конкретна и сериозна инвестиција која што понатаму ќе остане во траен интерес за граѓаните” – заврши Арсовска.

The post Бесплатен јавен превоз за скопјани дефинитивно ќе има appeared first on Република.