Германија мора да ги намали ризиците во односите со Кина, изјави денеска шефицата на германската дипломатија Аналена Бербок.

Нејзината изјава уследи откако германската Влада го објави долгоочекуваниот документ за нејзината стратегија за Кина, јасно дефинирајќи ја политиката на Берлин кон втората светска економија.

Сакаме да работиме со Кина. Затоа што ни треба Кина, но и на Кина и треба Европа, напиша Бербок на Твитер.

Таа додаде дека тоа се однесува на економскиот развој, фер конкуренцијата и политиката за климатски промени.

Не сакаме нова прекумерна експлоатација на суровините, туку правична трговија која е корисна за двете земји. Договорите за слободна трговија се дел од овој пристап, наведе Бербок

The post Бербок: На Европа и треба Кина, но и на Кина и треба Европа appeared first on Република.

Шефицата на германската дипломатија,  Аналена Бербок, изрази жалење поради експлозијата во која загинаа две лица во слео во Полска во непосредна близина на границата со Украина, јави ДПА.

„Моите мисли се со Полска, нашиот близок сојузник и сосед“, напиша таа на Твитер доцна вечерва. „Внимателно ја следиме ситуацијата и сме во контакт со нашите полски пријатели и сојузниците во НАТО“, додаде таа.

ДПА пренесува дека НАТО и американското Министерство за одбрана (Пентагон)  соопштија дека работат на утврдување што се случило во селото Пржеводов, неколку десетици километри од Украина.

Владата во Варшава вечерва одржува кризен состанок и допрва треба да ја понуди својата верзија на настаните.

Според непотврдени извештаи во полските медиуми, проектил бил причина за експлозијата, пренесува ДПА

The post Бербок: Берлин ја следи ситуацијата во Полска по експлозијата во близина на границата со Украина appeared first on Република.