Државната комисија за спречување корупција по сопствена иницијатива оформи предмет за Младинскиот културен центар. Ќе бидат преземени дејствија за утврдување на фактичката состојба, се вели во соопштението испратено до „Телма“.

Постапувањето по предметот е во тек. Постапувајќи согласно Законот за спречување корупција и судир на интереси и Деловникот за работа, ДКСК ќе ги превземе сите дејствија за утврдување на фактичката состојба и носење на соодветна одлука, соопштија од ДКСК.

Комисијата истражува откако од 1 март директорот на МКЦ, Арбен Шаќири, не ги продолжи договорите на дело на 30 претходно ангажирани лица, со што дел од програмата на установата времено е запрена. Овој потег Шаќири го правдаше со добиеното известување од ДКСК, во кое се сугерирало дека согласно Изборниот законик, во изборен процес е противзаконски да се склучуваат договори со кои што се злоупотребува буџетот.

The post Антикорупциска отвори предмет за МКЦ appeared first on Република.

Во соопштение од МКЦ испратено од директорот Арбен Шаќири се вели дека нема своеволно откажување на ангажманот на хонорарците во институцијата, туку за одлука базирана на Изборниот законик. По изборниот процес овие лица ќе се вратат во МКЦ.

„Изминативе денови јавноста e доведена во заблуда од неточните и еднострани информации кои се пласираат, а се поврзани со МКЦ, поточно со истечените договори на 30 лица кои биле хонорарно ангажирани во институцијата.

Имено, се работи за придржување кон законските обврски кои произлегуваат од известувањето на ДКСК и изборниот законик според член 8-а, упатено до сите институции. Од таа причина сите лаги, клевети и обвинувања на сметка на МКЦ ги отфрламе како неосновани и како дел од хајка која се врши со цел да се наруши угледот на институцијата и нејзиното раководство. Во тој контекст нагласуваме дека ниту еден настан од програмата и според предходно потпишаните договори не е откажан. Исто така нагласуваме дека се работи за инсинуација дека на МКЦ е ставен клуч со што ги отфрламе сите обвинувања дека МКЦ не работи. МКЦ е и останува институција отворена за сите.

Преку ова соопштение сакаме да ја известиме јавноста дека апсолутно не станува збор за своеволна еднострана одлука за прекин на договори, туку се работи исклучиво за придржување и почитување на законските прописи согласно Изборниот законик кој стапува на сила од денот на распишување на претседателските и парламентарните избори 2024 година.

Би сакал да ве известам дека веднаш по завршувањето на изборниот процес и во моментот кога истото ќе биде дозволено според законските прописи хонорарно ангажираните лица кои се неопходни за редовното функционирање на институцијата повторно ќе бидат со работен ангажман.

Исто така сакаме јавно да укажеме дека сите претходни раководни структури на институцијата како и до сите претходни мандати на состави на совети при град Скопје, се дозволило институцијата да се доведе во позиција без да се регулира трајно статусот на времено ангажираните лица во МКЦ.

Нагласуваме дека е упатен и официјален допис до ДКСК со цел да се добие мислење/согласност за понатамошно дејствување на што се уште до МКЦ нема пристигнато никаков одговор!“, се вели во соопштението на директорот Арбен (Бени) Шаќири.

The post Шаќири: По изборите хонорарците ќе се вратат во МКЦ appeared first on Република.

Од денес, со одлука на директорот на МКЦ Арбен Шаќири, институцијата повеќе не може да ги извршува своите дејности поради отпуштање на 30 лица кои хонорарно биле ангажирани, некои и со повеќегодишни договори, а повеќе нема да се организираат настани се до завршувањето на изборниот процес, или поточно нема да се реализираат во нормални услови или со нормален капацитет како во регуларна ситуација, велат за „Република“ извори од МКЦ.

Oдлуката е базирана врз писмо со препорака доставено до МКЦ од страна на Комисијата за спречување на корупција во која се вели дека во тек на изборниот процес не смее да се склучуваат договори со кои би се злоупотребиле буџетски средства.

Во суштина, договорите кои се прекинати воопшто не се поврзани со користењето на буџетските средства, туку се однесуваат на соработници кои генерираат приход и истите соработници се исплаќаат од генерираниот сопствен приход, објаснуваат тие.

Исто така, од денес во МКЦ повеќе нема да се ангажираат лица за предавања во Планетариумот, лица за реализација на програмските активности (технички лица и орагнизатори на настани), кафулето е целосно затворено, затворена е и Апотеката, додека киното „Милениум“ ќе работи со преполовена дејност.

Одлуката, која ја донел директорот, е едострана и неоснована, уште повеќе штетна за институцијата која ако не работи во наредните неколку месеци, ќе се нанесе непоправлива штета на долг рок, велат нашите соговорници.

https://republika.mk/vesti/kultura/shto-se-sluchuva-vo-mkts-otkako-go-trgna-patpisot-nie-sme-od-skopje-shakiri-od-deneska-gi-otkazhuva-site-nastani/

МКЦ досега се соочил со мноштво изборни процеси во кои биле ангажирале лица согласно законските насоки. Дополнително, институцијата во 2023 е доведена во незавидна финансиска положба и без програмата која носи приход, е невозможно да се намалат милионските долгови продуцирани во толку краток период.

Арбен Шаќири беше назначен за директор на МКЦ во јануари 2024 година со одлука на Градоначалничката на Градот Скопје после неколку неуспешни обиди. Претходниот в.д директор на МКЦ, Никола Алексов во два наврати се докажа дека е незаконски назначен како вршител на должност, како одлука Управниот суд.

The post Со одлука на директорoт Бени Шаќири од МКЦ отпуштени 30 хонорарци, затворено е кафулето, откажани се сите настани до крај на изборите appeared first on Република.

Речиси еден месец од назначувањето на новиот директор на МКЦ, Бени Шаќири, првата новина е неговата одлука да се тргне написот „Ние сме од Скопје“ кој беше поставен во 2018 година на предната страна од зградата на МКЦ, објави Нова тв.

Музичарот беше назначен за нов директор на 22 јануари годинава со потпис на градоначалничката Данела Арсовска.

https://republika.mk/vesti/kultura/bogoev-me-smenija-od-direktor-na-mkts-bidejki-ne-sakav-da-potpisham-reshenie-za-vrabotuvane-na-beni-shakiri/

The post Бени Шаќири прво што направи го тргна написот „Ние сме од Скопје“ поставен на предната страна од МКЦ appeared first on Република.

Новиот директор на МКЦ, музичарот Бени Шаќири, директорската канцеларија ја дели со сега веќе поранешниот директор, детективот Никола Алексов, кој не сака да ја напушти канцеларијата, бидејќи сѐ уште не бил разрешен и немал причина да си оди.

Шаќири во разговор за „Плусинфо“ ја потврдува информацијата и додава дека бил во супер односи со веќе поранешниот директор Алексов.

Точна е информацијата, двајцата сме во иста канцеларија. Имаме супер однос со Алексов. Примопредавањето на функцијата се одвива најнормално. Останува чисто формално да се реши неговото разрешување кое сѐ уште не е пристигнато од Град Скопје, вели Шаќири.

https://republika.mk/vesti/kultura/beni-shakiri-e-nov-direktor-na-mkts/

Градоначалничката Данела Арсовска, го назначи Алексов за в. д. директор на 18 јануари 2023, за потоа да му го продолжи мандатот во мај и уште еднаш во ноември. Решението за Шаќири, пак, е потпишано на 10 јануари без притоа да биде известена институцијата и останатите кандидати што се пријавија за директорското место во МКЦ.

Освен Шаќири, пријавени беа и филмскиот работник Никола Мадиќ, кој е сопруг на заменичката-министер за правда Викторија Аврамовска-Мадиќ, и Владимир Стојчевски, дипломиран продуцент и професор, магистер по менаџмент на јавни установи.

The post Двајца директори во една канцеларија: Бени Шеќири и Никола Алексов заедно го чекаат курирот од град Скопје appeared first on Република.

Музичарот Арбен Шаќири е новиот директор на Младинскиот културен центар (МКЦ) во Скопје. Таму дури денеска дознале за исходот од конкурсот, иако решението за директорската позиција е изработено пред скоро две недели.

Решението на Шаќири е од 10 јануари. Тој дојде денеска на работа со решението, а кандидатите, ниту МКЦ како институција во меѓувреме не се известени за назначувањето. Рокот од осум денови за жалба е пробиен, а, со тоа, поминато е и времето за жалба на другите кандидати. Правото на жалба не е испочитувано, велат од МКЦ за Радио МОФ.

The post Решението на Шаќири е од 10 јануари, ниту МКЦ, ниту кандидатите не се известени и пробиен е рокот за жалба appeared first on Република.

Музичарот Бени Шаќири е нов директор на Младински култирен центар (МКЦ), потврдила за САКАМДАКАЖАМ градоначалничката Данела Арсовска.

Шаќири е назначен за директор на местото на в.д Никола Алексов, по професија диплимиран детектив. Алексов лани, во јануари беше поставен за директор на МКЦ на местото на Ванчо Богоев, кого Арсовска го разреши од функцијата.

Покрај Шаќири, кандидатури поднесоа и продуцентот и филмски работник Никола Мадиќ, кој е сопруг на заменичката-министер за правда Викторија Аврамовска-Мадиќ, и Владимир Стојчевски, дипломиран продуцент и професор, магистер по менаџмент на јавни установи.

Шаќири на локалните избори во 2021 беше кандидат за градоначалник на Скопје на ДОМ и ЛДП. Откако отпадна во првиот круг и даде поддршка на Арсовска.

https://republika.mk/vesti/kultura/bogoev-me-smenija-od-direktor-na-mkts-bidejki-ne-sakav-da-potpisham-reshenie-za-vrabotuvane-na-beni-shakiri/

The post Бени Шаќири е нов директор на МКЦ appeared first on Република.

Не сакав да го потпишам решението за вработување на Бени Шаќири и затоа ме сменија од функцијата директор, изјави за „Република“ Ванчо Богоев, сега веќе разрешниот директор на Младински културен центар (МКЦ).

Програмскиот колегиум на МКЦ испрати соопштение до медиумите во кое вели дека МКЦ повторно е на мета на партиски мегдан и соопштува дека институцијата добила нов в.д. директор, Никола Алексов, дипломиран детектив, кој е примен пред два дена преку Агенција за привремени вработувања во МКЦ без никакво искуство и позадина во културна институција.

Богоев во разговор за „Република“ објаснува дека бил под неверојатен притисок од генералниот секретар на Град Скопје Зоран Глигоров.

Тоа беа вербални притисоци, навреди од генералниот секретар на Град Скопје. Тој инсистираше да потпишам вработување на Шаќири, но јас не подлегнав на притистоците. На институцијата не и беше потребен кадар од типот на Шаќири. Потпишав друго решение, преку Агенцијата за приверемни вработувања, за Никола Алексов, бидејќи ни беше потребено да има вработен на таа позиција. Колегата си замина во пензија и поради тоа го потпишав решението. Не знаев дека тој ќе биде новиот в.д директор на МКЦ, вели Богоев.

[caption id="attachment_598323" align="alignnone" width="615"] Ванчо Богоев на прославата „50 години МКЦ“[/caption]

Богоев во два мандати по шест месеци беше в.д. директор на МКЦ, откако се смени градската власт и на чело на градот дојде Данела Арсовска. Денеска му е последен работен ден на функцијата директор на МКЦ, а од утре ќе работи на старата позиција, технички директор. Богоев е 36 години вработен во МКЦ. Лани во ноември, институцијата ја доби наградата „13 Ноември“.

Името на Шаќири за директор на МКЦ се спомнуваше уште во времето кога Петре Шилегов беше градоначалник на Град Скопје. Шаќири не стана прв човек на оваа институција, а потоа се кандидираше за градоначалник на Скопје. Во истата трка учестуваше и Арсовска.

https://republika.mk/vesti/kultura/beni-shakjiri-saka-da-bide-direktor-na-mkc/

И покрај признанието кое дојде како круна на нашето работење со наградата „13 Ноември” за заслуги во областа на културата и масовната посетеност, можеби и најголема во историјата на институцијата по повод 50 годишниот јубилеј, годината почна со лоши вести за иднината на МКЦ. Првата е онаа дека буџетот ни е доведен до само 8% од годишниот буџет со кој работевме минатите години, а веднаш потоа и последните случувања во начинот на инсталирање на директор во МКЦ.

Овој допис доаѓа како потреба за разјаснување на ситуацијата која се наметна, истовремено и поради сомнежот во законитоста на овие решенија бидејќи со ова, се одбегнува повотрно можноста да јавно се спроведе отворен конкурс за директор, на кој отворено и транспарентно би можеле да се пријават сите квалификувани професионалци од областа на културата, велат од програмскиот колегиум на МКЦ.

The post Богоев: Ме сменија од директор на МКЦ бидејќи не сакав да потпишам решение за вработување на Бени Шаќири appeared first on Република.

Пошто сум од Скопје, ќе ви кажам и на скопски за да ме разберете: Мој, мој, преку мој!, пишува на фејсбук музичарот Бени Шаќири, кандидат за градоначалник на Скопје за францускиот предлог.

Роден сум во Скопје и цел свој живот сум тука. Милион можности да си заминам, но никогаш не го направив тој чекор. Го сакам мојот град, ама си ја сакам и мојата земја!
Како карактер, тежок сум на компромиси, НО свесен дека во животот само идиот тера безкомпромисно! Сепак, и кога правиш компромис тој треба да е за доброто и во интерeс на двете страни, а никако на сопствена штета. Она што го гледам во последно време е дека од нас, како граѓани, се бара да направиме компромис на своја штета за евентуално тие (читај ЕУ) со компромис да не бутнат на „сила„ во нивно друштво ама за едно 25-40 години, евентуално!
Другари, да, Вам од владата Ви се обраќам! ДОСТА Е!
МОЕ МИСЛЕЊЕ е дека треба конечно да кажеме одлучно НЕ на Францускиот предлог, за кој, рака на срце не ни знаеме што точно содржи, (пошто нели се уште никој звнично не го примил) но знаеме, според изјавите на бугарските званичници, дека македонскиот јазик „не постои„, туку тој бил само кодифициран дијалект на бугарскиот???!!! Пази молим те, јас 53 години сум живеел у заблуда дека одлично го владеам македонскиот јазик, а он да ти бил само дијалект и тоа најдиректно ми го посочуваат високи званичници на држава за која имам особена почит и со огромно задоволство сум престојувал во истата!
НЕ, НЕ, не иде тоа така другари! Ние си имаме свој јазик, свое писмо, признати и кодифицирани пред многу години, така да, околу тоа, компромисот е недозволив! Уште колку небулози треба да набројам за да разберете дека не малтретираат, злоставуваат само заради тоа што им се може? Дека сме далеку помала земја од нив?! Баш напротив, како поголеми од нас треба да покажат доблест и да дадат поддршка за сите наши иницијативи врзани за ЕУ, а вака....??!!
И да, јас, како етнички Албанец и граѓанин на оваа земја, слободоумен, но не и малоумен, не сакам и не можам да прифатам мајтапење со моите сограѓани, пријатели, комшии МАКЕДОНЦИ, кои добро знаат кои се и што се!
Се разбира дека жртви на тој понижувачки однос сме сите под еднакво како граѓани на Република Македонија, а да перверзијата биде поголема, жртва се и граѓаните на Република Албанија, само затоа што на одредени политички фигури од Бугарија така им се може!!!
Не грижете се, не сум на ничиј платен список, имам право на глас, мислење, став а фала Богу и малку памет! Искрено, се надевам дека земјите членки на ЕУ ќе имаат слух и доволно мудрост да кажат СТОП за садистичкиот однос кој бугарската политичка врхушка го спроведува кон сите граѓани на Р. Македонија, подеднакво!!!
Граѓаните на оваа земја, имаат право да бидат во големото ЕУ семејство затоа што друга алтернатива не постои за нас, но НЕ ПО СЕКОЈА ЦЕНА!
Пошто сум од Скопје, ќе ви кажам и на скопски за да ме разберете: МОЈ МОЈ ПРЕКУ МОЈ!, пишува Шаќири.

The post Бени Шаќири за францускиот предлог: Мој, мој, преку мој! appeared first on Република.

Широка дебата се разви синоќа во емисијата „Само Вистина“ на Канал 5 пред каде диџејот Мирко Попов, музичарот и поранешен кандидат за градоначалник на Град Скопје Бени Шаќири и актерот Сашо Тасевски зборуваа за состојбите во Македонија, очекувано, со многу различни ставови околу прашањата како спорот со Бугарија.

Шакири, кој говореше и најмалку, беше краток и јасен кога станува збор за историјата.

Мојата преспектива е следна – Гоце Делчев за мене е Македонец и толку! Политичарите и историчарите можат до задутре да зборат што сакаат. Тој 1940 и која година е донесен овде во Свети Димитрија, значи Георги Димитров дозволи моштите на Гоце Делчев да бидат тука, порача Бени, пред Попов повторно да се вмеша со своите гледишта.

https://republika.mk/vesti/makedonija/mirko-popov-so-bugarite-govorime-na-manje-vishe-ist-jazik/

The post Шаќири: Гоце Делчев за мене е Македонец и толку! appeared first on Република.

Музичарот и поранешен кандидат за градоначалник на Скопје, Бени Шаќири вечерва изјави дека се кандидирал за „градски татко“ само поради една цел.

Сакав да го срушам Шилегов и успеав во тоа. Сакав да го направам тоа затоа што не беше доблесен поранешниот градоначалник и беше таков како што беше, рече Шаќири во гостувањето на емисијата „Само вистина“.

Според него, граѓаните имаат право да бараат отчет од политичарите и потенцира дека и „шуто и ругато влегува во политиката“.

The post Шаќири: Се кандидирав за градоначалник само за да го урнам Шилегов appeared first on Република.

Во интервјуто за естрадниот магазин „Бекстејџ", Бени Шаќири без да штеди зборови раскажува за она што му му беше во фокус изминативе месеци, политиката, за тоа дека цената на обидот да стане прв човек на главниот град ја платила сестра му Нора.

Се потсетува на вредностите кои ги научил од покојниот татко, познатиот новинар и уредник во МРТ, Хисен Шаќири, со кој не бил близок но неизмерно го сака и почитува.

https://youtu.be/pSMG1TaWX58

The post Бени: Нора ја плати цената што сакав да бидам градоначалник appeared first on Република.