Израел се заканува на либанската група Хезболах. Премиерот Бенјамин Нетанјаху денеска го предупреди либанскиот Хезболах дека ќе ја направат најголемата грешка во животот доколку решат да војуваат против Израел.

„Ќе удриме со таква сила што тие не можат да замислат и тоа ќе биде погубно за државата Либан“, рече Нетанјаху.

Израелската армија денеска го обвини Хезболах дека е за воена ескалација со ризик да го вовлече Либан во војна.

Меѓународната заедница се плаши од „прелевање на војната“ што започна на 7 октомври меѓу Хамас и Израел и учество на други страни, особено Хезболах, кој е сојузник на палестинското исламистичко движење Хамас.

Американскиот државен секретар Ентони Блинкен денеска изјави дека Вашингтон гледа потенцијал за ескалација на конфликтот на Блискиот Исток, како резултат на акциите на Иран и неговите сојузници во регионот. САД истакна дека не сака прелевање на конфликтот.

The post Нетанјаху до Хезболах: Ќе удриме со таква сила и тоа ќе биде погубно за Либан appeared first on Република.

Израелскиот премиерот Бенјамин Нетанјаху негира дека имало однапред предупредување за масовниот напад на Хамас од египетското разузнавање, како што беше објавено во повеќето медиуми.

Претходно денеска претставник на разузнавачката служба на Египет изјави дека египетските разузнавачи постојано ги предупредувале Израелците дека „нешто големо се подготвува“, но дека нивните колеги ги игнорирале.

Тој не кажа што точно им кажале на Израелците, но рече дека тамошните власти биле фокусирани на Западниот Брег и ја игнорирале заканата од Газа.

Нетанјаху рече дека ова не е точно и ги повика Израелците да внимаваат на лажните вести. Воедно, тој побара неговите сонародници да не „паѓаат во ваквите пропагандни замки“.

The post Израелски премиер: Немаше претходно предупредување од Египет, не паѓајте на лажни вести appeared first on Република.