Еден од највлијателните „jazz fusion“ состави на Балканот, Васил Хаџиманов бенд, го претставуваат својот нов студиски албум со наслов „Кејф“ (Keyf) на концерт во Македонскиот народен театар на 12 април.

Оваа исклучителна група на музичари веќе долги години ја воодушевува публиката ширум светот со својот единствен звук и енергија, а нивниот нов албум повторно нѝ носи интересни музички гости, иновативни аранжмани, автентична звучна естетика и како и досега, креативни експерименти со различни музички стилови и ритми.

Албумот „Keјф“ е осми студиски албум на бендот и објавен е во дигитален и CD формат од страна на хрватската издавачка куќа Кроациа рекордс.

Албумот содржи девет песни продуцирани од Васил Хаџиманов, Марко Периќ и Тони Китановски. Музичките нумери како насловната „Keyf“, но и „Gypsy“, „Afghan Samba“, „Helidoro’s Recipe“, „Mente Pura“, ќе ги потсетат сите љубители на добрата музика на тоа зошто Васил Хаџиманов бенд својата музика ја изведува на бините ширум светот и зошто токму нивната музика во Србија е прогласена за уметничко дело со национална вредност.

Снимањето и продукцијата на албумот се Gdi For The Arts i Croatia Records.

Васил Хаџиманов е музичар со единствен сензибилитет. Како пијанист, композитор, аранжер и педагог, тој е незаменлива врска на регионалната џез сцена и поединец кој во себе носи дел од своите предци кои, секој на свој начин ги обележија музичките простори на Балканот.
Потпирајќи се на богатото искуство во областа со фолклорот, Васил Хаџиманов е автор кој правилно ја сфати пораката од своите предци и таа инспирација ја преточи во автентичен музички исказ.

The post Васил Хаџиманов бенд на утрешниот концерт во МНТ го претставуваат својот нов студиски албум „Кејф“ (Keyf) appeared first on Република.

Во далечната 1991 година, Ривс го формираше Догстар со Роберт Мејлхаус, кого го запозна во самопослуга и се зближи со хокејот, додека Брет Домроуз и Грег Милер се придружија за да го заокружат бендот. Бендот беше активен од 1991 до 2002 година, имаше бројни настапи во живо и издаде два студиски албуми: Our Little Visionary од 1996 година и Happy End од 2000 година.

Ривс свиреше бас гитара и беше придружен вокал. Во 2002 година, групата се распадна кога Ривс почна да се прославува во Холивуд. Догстар повторно се обедини по пауза за настап на музичкиот фестивал BottleRock Napa Valley во мај оваа година, а во вторникот го имаа својот прв солистички концерт по повеќе од 20 години во The Roxy во Лос Анџелес.

На концертот, исто така, беше прикажан новиот сингл Everything Turns Around, објавен вчера, и го најави новиот албум Somewhere Between the Power Lines and Palm Trees, кој треба да излезе на 6 октомври. Догстар исто така планира турнеја со 25 датуми во Северна Америка и Јапонија.

„Возбудени сме поради ова“, рече Домроуз пред бендот да го пушти новиот сингл.

Зборувајќи за бендот во интервјуто за GQ во 2019 година, Ривс рече дека се чувствува лошо за другите музичари, за кои сметаше дека се осудени за учество во неговиот спореден проект, но додаде: „Претпоставувам дека ќе помогнеше ако нашиот бенд беше подобар“.

Роберт Мејлхаус во интервју за Vice изјави дека бендот одлучил да се откаже од тоа иако „албумот почна да оди прилично добро и луѓето ги знаеја зборовите на песните“. Тој во тоа време сакаше да прави различна музика во нов бенд со неговата девојка.

Spent an evening at The Roxy watching Keanu Reeves jam with his band Dogstar pic.twitter.com/FUGl3sVPAI

— Kirsten Chuba (@KirstenChuba) July 19, 2023

The post Киану Ривс го собра бендот и најавува турнеја и албум по 21 година пауза appeared first on Република.

Украинскиот бенд „Село и Луди“ ги објавуваат своите настапи во живо од засолништето за да ги поддржи луѓето во својата земја и повика на мир во светот.

Членовите на бендот се од градот Харков, а на фронтменот на бендот, Алекс, му била уништена куќата за време на руската инвазија. Оттогаш со колегите живее во подрумот кој го користат како засолниште.

Алекс за Би-би-си изјавил дека покрај неговите колеги, во засолништето има и многу други луѓе. Тој рекол дека му е мило што во овие тешки моменти може да биде во засолништето каде што се чувствуваат барем малку безбедно.

Луѓето ширум светот на вестите гледаат што се случува во Украина. Не требаше да има војна. Но, никогаш не престанувајте да се борите, не се откажувајте. Слава на Украина – рекол Алекс.

https://www.youtube.com/watch?v=gFk-0V1r9Mg

The post Украинскиот бенд „Село и Луди“ ги објавуваат своите настапи во живо од засолништето за да ги поддржи луѓето во својата земја appeared first on Република.