Украинското беспилотно летало удрило во зградата на градската управа во Белгород, при што биле повредени две жени, објави гувернерот на руската погранична област Белгород Вјачеслав Гладков, пренесува руската државна новинска агенција Тас.

Според Гладков, стаклата на зградата се искршени, а фасадата е оштетена од шут. Сите служби за итна помош излегоа на лице место за да ги расчистат последиците од нападот. Гладков изјавил и дека дрон паднал на покривот на трговски центар во близина на железничката станица, при што нема жртви, но е оштетен еден автомобил.

На социјалните мрежи се шири видео од беспилотно летало кое паѓа и експлодира недалеку од камерманот. Според првичните информации, камерманот не е повреден во експлозијата.

The post Нападнат рускиот град Белгород, погодена и градската администрација appeared first on Република.