Елизабет Пипко се наведува како име коешто може да стане прес-секретар во Белата куќа под администрацијата на новоизбраниот американски претседател Доналд Трамп.

Пипко, внука на советско-американскиот уметник Марк Клионски, претходно беше портпаролка на Републиканската партија.

Семејството на Елизабета се преселило во САД од Минск, од тогашниот Советски Сојуз.

Таа стана позната во јавноста и по појавувањата на страниците на неколку модни магазини.

The post Семејството и се преселило во САД од Белорусија: Елизабет Пипко ќе биде нова портпаролка на Белата куќа?! appeared first on Република.

Американскиот претседател во заминување, Џо Бајден, нема да му се извини на новоизбраниот прв човек на САД, Доналд Трамп, за тоа што го нарече „закана за демократијата“, објави Белата куќа.

Изборите поминаа, важно е да се почитуваат нашите институции, да се почитуваат фер и слободни избори, тоа го прави претседателот. Тој го става американскиот народ на прво место. Но, она што го рече претседателот Бајден сè уште стои, изјави портпаролката на Белата куќа, Карин Жан-Пјер.

Таа истакна дека зборовите на Бајден не се само пропаганда.

Сепак, според неа, трансферот на власта е „исто така демократски принцип“.

The post Белата куќа: Бајден нема да му се извини на Трамп за тоа што го нарече „закана за демократијата“ appeared first on Република.

Белата куќа соопшти дека трансфер на балистички ракети од Иран во Русија би значел остра ескалација на војната во Украина. Ваквата реакција доаѓа по извештаите дека двете земји ги продлабочиле врските во последните недели со трансфер на оружје.

Од почетокот на руската инвазија на Украина предупредуваме за продлабочување на безбедносното партнерство меѓу Русија и Иран и вознемирени сме од овие извештаи. Секој трансфер на ирански балистички ракети во Русија ќе претставува драматична ескалација на поддршката на Иран за руската агресорска војна против Украина, изјави портпаролот на Советот за национална безбедност на Белата куќа, Шон Савет.

Друг американски функционер изјавил дека САД внимателно ги следат потенцијалните ракетни трансфери од Иран кон Русија.

Светските агенции во август јавија дека Русија очекува брза испорака на стотици балистички ракети Фатх-360 од Иран и оти десетици руски војници се обучуваат во Иран за оружје со сателитско наведување за евентуална употреба во војната во Украина.

https://republika.mk/vesti/svet/iran-ke-isporacha-na-rusija-balistichki-raketi-koi-ke-mozhe-da-pogodat-sekade-vo-ukraina/

Иран неодамна и достави на Русија ракети со краток дострел, објави вчера Вол Стрит Џурнал, цитирајќи неименуван американски функционер.

Иранската мисија во Обединетите нации во Њујорк вчера соопшти дека ставот на Техеран за украинскиот конфликт не е променет.

Иран смета дека давањето воена помош на страните вклучени во конфликтот – што доведува до зголемување на човечки жртви, уништување на инфраструктурата и оддалеченост од преговорите за прекин на огнот  е нехумано, се вели во соопштението.

Мисијата нагласи дека Иран се воздржува од такви акции и ги повикува другите земји да престанат да ги вооружуваат Русија и Украина.

The post Белата куќа изрази загриженост: Испораката балистички ракети од Иран во Русија би значел ескалација во Украина appeared first on Република.

САД ги повикуваат своите граѓани да го напуштат Либан и разместуваат повеќе воени сили на Блискиот Исток како превентивна и одбранбена мерка, изјави заменикот советник за национална безбедност на Белата куќа Џонатан Фајнер.

- Нашата цел е деескалација, наша цел е одвраќање, наша цел е заштита на Израел, изјави Фајнер за програмата „Face the Nation“ на Си-Би-Ес.

Напнатоста на Блискиот Исток се зголеми по убиството на политичкиот лидер на палестинската групација Хамас, Исмаил Ханија, во Техеран. Ден претходно, висок командант на Хезболах, Фуад Шукр, беше убиен при израелски напад во Бејрут.

The post Бела куќа: САД преземаат одбранбени мерки во Либан и Израел appeared first on Република.

Премиерот Мицкоски присуствуваше на вечерата во Белата куќа која ја организираше претседателот на САД, Џо Бајден за шефови на влади и држави по повод 75 годишнината од НАТО.

Оваа можност ја искористив да лобирам за Македонија и да испратам порака дека регионот наместо со минато потребно е да се занимава и гради иднина. Потребен е нов пристап и политика на аргументи.

The post Mицкоски на вечера во Белата куќа: Регионот наместо со минато потребно е да се занимава и гради иднина appeared first on Република.

Претседателот на САД, Џо Бајден, нема „апсолутно никаква намера“ да ја повлече својата кандидатура за втор мандат, изјави денеска портпаролката на Белата куќа, Карин Жан-Пјер.

Демократот Бајден „продолжува да води кампања“ и „останува во трката“, истакна Жан-Пјер на брифингот. На прашање на новинар дали 81-годишниот претседател размислува за повлекување, таа одговори „апсолутно не“.

Претходно денеска, „Њујорк Тајмс“ објави дека Бајден му кажал на свој сојузник дека знае дека може да не успее да ја спаси својата кандидатура ако не успее да ја убеди јавноста во наредните денови дека е соодветен за оваа работа, по неговото претставување на дебатите минатата недела. Белата куќа го отфрли ова тврдење како невистинито.

The post Бела куќа: Бајден нема „апсолутно никаква намера“ да ја повлече кандидатурата appeared first on Република.

Американскиот претседател Џо Бајден верува дека големата израелска операција во Рафа нема да ја унапреди целта на земјата за поразување на палестинската милитантна група Хамас во Газа, изјави претставник на Белата куќа.

„Ударот врз Рафа, според него, нема да ја унапреди таа цел“, рече портпаролот Џон Кирби.

Кирби рече дека Хамас е под значителен израелски притисок и дека сега има подобри начини да се нападне остатокот од раководството на групата отколку операција со значителен ризик за цивилите.

„Тврдењата дека се оддалечуваме од Израел или дека не сме подготвени да им помогнеме да го поразат Хамас, едноставно не се во согласност со фактите“, додаде тој.

Тековната рунда разговори во Каиро за можниот договор за ослободување на заложниците заврши без видлива резолуција, изјави денеска висок израелски функционер.

Израел ќе ја продолжи операцијата во Рафа, додаде тој.

The post Бела куќа: Голема операција во Рафа нема да го порази Хамас appeared first on Република.

Белата куќа синоќа ги повика сенаторите да се спогодат околу долгоочекуваната и витална помош за Украина и безбедна граница, по извештаите за тоа дека поранешниот претседател Доналд Трамп кој се бори за реизбор се обидел да спречи таква спогодба.

Дел од американските медиуми јавуваат дека Трамп преку спикерот на Претставничкиот дом ги повикал републиканците да не гласаат за договор и со тоа демократскиот претседател Џо Бајден да се лиши од политичка победа пред ноемвриските избори.

Само пред неколку денови се чинеше дека републиканците и демократите во Сенатот се пред договор за воена помош за Украина и борба со нелегалната имиграција на мексиканската граница.

Заменик портпаролот на Белата куќа Оливија Далтон синоќа во салонот на претседателскиот авион рече дека администрацијата на Бајден работела со републиканците „со најдобра намера“ да се постигне договор, дел од таа добра намера била минатонеделната средба на Бајден со конгресните лидери.

Претставникот на Советот за национална безбедност Џон Кирби изјави дека Москва „внимателно следи“ дали Вашингтон ќе продолжи со поддршката за Киев.

Украина влегува во неколку критични месеци, бидејќи зимата е во полн ек и доаѓа пролет, а Русите немаат намера да ги намалат нападите со беспилотници и ракети – изјави тој.

За Трамп, имиграцијата е главна точка во неговата изборна кампања да се врати во Белата куќа и тој одамна е против зголемувањето на помошта за Украина. Додека беше претседател тој го услови давањето помош за Украина во замена за Киев да сподели компромитирачки материјал за Џо Бајден и бизнис зделките на неговиот син во Украина.

Трамп за тоа беше ставен на процедура за импичмент која заврши неуспешно.

The post Белата куќа ги повика сенаторите да постигнат договор за Украина, Трамп е против appeared first on Република.

Белата куќа соопшти дека Израел се согласил да воведе четиричасовни дневни хуманитарни паузи во нападите врз Хамас во северниот дел на Газа. Во понеделникот американскиот претседател Џо Бајден побара од израелскиот премиер Бенјамин Нетанјаху да воведа „дневни хуманитарни паузи“.

Администрацијата на Бајден соопшти дека обезбедила уште еден премин за цивилите да избегаат од борбите.

Портпаролот на Советот за национална безбедност на САД, Џон Кирби, рече дека првата хуманитарна пауза ќе биде најавена денеска и дека Израелците се обврзале да го објавуваат секој четиричасовен прозорец најмалку три часа однапред.

The post Бела куќа: Израел ќе спроведува хуманитарни паузи од четири часа секој ден appeared first on Република.

Русија егзекутира војници кои не ги следат наредбите во нејзината крвава нова офанзива во источна Украина, додека претрпува „значителни“ загуби, нагласи Белата куќа.

„Имаме информации дека руската војска всушност егзекутирала војници кои одбиваат да ги следат наредбите“, изјави на брифинг портпаролот на Советот за национална безбедност, Џон Кирби.

„Имаме информации дека руските команданти се закануваат со егзекуција на цели единици доколку се обидат да се повлечат од украинскиот артилериски оган“, додаде тој.

„Тоа е за осуда“.

Кирби не даде повеќе детали на прашањето за наводните егзекуции или како САД дошле до информациите.

The post Бела куќа: Русија „егзекутира војници“ кои одбиваат наредби во новите напади врз Украина appeared first on Република.

Кучето на американскиот претседател Џозеф Бајден, по име Командер, кое постојано напаѓало и каснувало членови на Тајната служба, е преместено од Белата куќа на друго место.

Вкупно 10 напади биле регистрирани од октомври 2022 година до јануари 2023 година. На една вработена неодамна ѝ била потребна и лекарска помош откако била нападната и касната од оовој двегодишен германски овчар.

Елизабет Алегзандер, претставничка на првата дама Џил Бајден, потврди дека Командер во мигов не е во комплексот на Белата куќа и oти „се проценуваат следните чекори“ околу домашниот миленик.

Таа истакна дека семејството Бајден доста посветено се грижи за безбедноста на своите вработени и сите други кои ги штитат секој ден.

The post Кучето на Џо Бајден избркано од Белата куќа, ги напаѓало и касало вработените appeared first on Република.

Српскиот претседател Александар Вучиќ во интервју за Си-Ен-Ен зборуваше се случувањата во Бањска на 24 септември.

На почетокот тој рече дека секогаш ги ценел извештаите од Белата куќа, но дека вистинското прашање е што извештаите не се целосно точни.

Во 2001 година потпишавме аранжман со НАТО за пристап до копнената безбедносна зона и беше договорено да ја користиме без никакви ограничувања. Сега имаме 4.400 војници во зоната и тоа е нормално – изјави Вучиќ.

„ Слушаме и следиме и сакаме деескалација. Сакаме да видиме поголемо присуство на КФОР на Косово, затоа се надеваме дека тие ќе ги поддржат Србите и нивната безбедност на Косово, особено на северот – рече тој.

Според него нема причина за загриженост, на Србија не и треба конфликт со НАТО, туку обратно.

Вучиќ рече дека борбената готовност на Србија не е подигната во близина на административната линија.

Но, јас дури и не потпишав повисоко ниво на тревога. Бројот на персоналот не беше поголем, ниту 60 отсто, што обично е на административна линија. Србија е последната земја на која и требаа инциденти на Косово поради динамиката на дијалогот. Сите видоа дека Србија е конструктивен партнер, а другата страна не направи ништо, туку постепено етничко чистење на Србите од Косово. Откако Курти дојде на власт, на Косово има 10 отсто помалку Срби, имаше повеќе од 420 напади врз нашиот народ на северот на Косово – рече Вучиќ.

Вучиќ вели дека Србија ќе бара одговорност од сите луѓе кои извршиле криминални дејствија, а обвинителството ќе си ја заврши работата во случајот со Милан Радоичиќ, како и дека тој е достапен за српските власти, но дека коренот на проблемот е во тоа што Србите се на удар и мора да се бранат.

Но, јас зборував за коренот на проблемот, но вие не сакате да го слушнете. Србите сакаа да се заштитат. Нема да го бранам убиството на албанскиот полицаец, го осудувам. Но, Србите се апсат без никакви обвиненија, се исфрлаат од нивните куќи, ништо од тоа не било во согласност со меѓународното право и со Бриселскиот договор. ЗСО сè уште не е формиран“ додаде претседателот на Србија.

Тој нагласи дека Србија е секогаш подготвена да преговара.

The post Вучиќ: Ги ценам извештаите од Белата куќа, но не секогаш се точни appeared first on Република.

Белата куќа соопшти дека не поддржува украински напади на територијата на Русија.

Генерално ние не поддржуваме напади во Русија, истакна синоќа портпаролката на Белата куќа, Карин Жан-Пјер.

Руското Министерство за одбрана претходно објави дека две украински беспилотни летала биле електронски попречени и соборени кои имале цел напади врз објекти во Москва.

Кремљ соопшти дека ќе одговори на нападот, што го нарече „дрзок акт на тероризам“.

The post Белата куќа не поддржува напади во Русија appeared first on Република.

Белата куќа соопшти дека не поддржува украински напади на територијата на Русија.

Генерално ние не поддржуваме напади во Русија, истакна синоќа портпаролката на Белата куќа, Карин Жан-Пјер.

Руското Министерство за одбрана претходно објави дека две украински беспилотни летала биле електронски попречени и соборени кои имале цел напади врз објекти во Москва.

Кремљ соопшти дека ќе одговори на нападот, што го нарече „дрзок акт на тероризам“.

The post Белата куќа не поддржува напади во Русија appeared first on Република.

Евакуирајте ја Белата куќа, најдовме непознат бел прав, оваа недела е издадено упатство од надлежните служби во Вашингтон. Прашокот го открил агент на Тајната служба при стандарден претрес на просториите.

Во областа во западното крило веднаш пристигна екипа во заштитни одела. Супстанцијата била отстранета и тестирањето покажало дека се работи за кокаин, пишува NY Post.

Се обидуваме да утврдиме како завршил таму – велат кусо надлежните и најавуваат дополнителни тестови за да потврдат дека се работи за кокаин.

Случајот, како што се очекуваше, ги разбранува страстите во САД. Прашокот бил пронајден во делот од Белата куќа што го користеле персоналот и разни гости.

Џо Бајден во моментот на „откритието“ не бил во резиденцијата на американските претседатели. Тој замина во Кемп Дејвид со семејството за време на викендот, а во вторникот се врати во Белата куќа, каде што тој и неговата сопруга Џил беа домаќини на собир на активни воени членови по повод Денот на американската независност.

Неговиот проблематичен син Хантер цело време бил со Бајден, како и членови на неговото семејство.

Хантер, кој призна дека користел крек во минатото, веднаш се најде на мета на критичарите на американскиот претседател. Многумина од нив се сигурни дека пронајдениот бел прав му припаѓа нему.

Иако нема доказ за тоа, социјалните мрежи се преплавени со илустрации на Хантер во Белата куќа со кокаин, некои дури го споредуваат со Scarface...

Хантер беше во Белата куќа минатиот петок, пред да отпатува со својот татко во Кемп Дејвид. Иако пкокаинот беше откриен дури во неделата, а Белата куќа минува низ редовни проверки, тоа не ги спречи некои да го прогласат Хантер за виновен...

Инаку, Хантер беше и на вчерашната прослава во Белата куќа... Од балконот расположен го гледаше огнометот...

The post Откриен кокаин во Белата куќа? Критичарите на Бајден го вперуваат прстот кон неговиот син: „Тој беше таму…“ appeared first on Република.

Американската тајна служба истражува сомнителна супстанција која во неделата вечерта предизвика кратка евакуација oткако беше пронајдена во Белата куќа. Службеник запознаен со истрагата тврди дека прелиминарното тестирање покажало дека белиот прав всушност бил кокаин. Портпаролот на Тајната служба, Ентони Гуглиелми, потврди дека супстанцата е подложена на дополнително тестирање за да се утврди што е, а властите истражуваат како се нашла во Белата куќа.

Тој посочи дека противпожарната служба потврдила дека супстанцата не претставува закана. Тој додаде дека откритието поттикнало зголемено безбедносно предупредување и кратка евакуација. Тој тврди дека американскиот претседател Џо Бајден во тоа време не бил во Белата куќа. Тој одби да каже конкретно каде во Белата куќа е пронајдена супстанцијата или како е спакувана, пишува „Вашингтон пост“.

Тој изјави дека супстанцијата ја пронашле униформирани членови на Тајната служба кои вршеле рутински обиколки низ зградата. Вито Маџоло, портпарол на противпожарната и итната служба, само рече дека службите „и пружиле поддршка на американската тајна служба во спроведувањето на истрагата“.

The post Евакуација поради кокаин на Белата куќа: Американската Тајна служба го тестирала белиот прав, се испитува како стигнал таму appeared first on Република.

Весникот „Вашингтон Пост“, повикувајќи се на официјални извори, денеска наведува кон средината на јуни американските разузнавачки агенции добиле информации кои укажуваат дека Евгениј Пригожин подготвува бунт и за тоа ја предупредиле Белата куќа.

Според изворите на весникот, американските разузнавачи добиле „доволно сигнали“ што укажуваат дека се подготвува бунт, но тие не ја знаеле природата на плановите на Пригожин и конкретниот момент на нивното спроведување.

Во текот на изминатите две недели, агенциите за тоа што се подготвува ја информирале Белата куќа, како и претставници на Стејт департментот, Пентагон и Конгресот.

„Њујорк тајмс“,пак, денеска наведува дека американските власти одлучиле да не ги објавуваат информациите бидејќи се плашеле дека Русија ќе ги обвини за заговор за државен удар.

Освен тоа, забележува весникот, тие не сакале да им помогнат на руските власти. Белата куќа претходно објави дека ги следи случувањата во Русија.

Претседателот Џо Бајден за вчерашните настани во Ростов и Москва разговараше со францускиот претседател Емануел Макрон, британскиот премиер Ричи Сунак и германскиот канцелар Олаф Шолц.

Единиците на групата „Вагнер“, во текот на ноќта меѓу петокот и саботата, го зазедоа штабот на Јужниот воен округ во Ростов-на-Дон.

Приопа шефот на оваа платеничка војска, Евгениј Пригожин, ги обвини руските вооружени сили дека наводно извршиле напад врз логорите на „Вагнер“, што подоцна беше демантирано од Министерството за одбрана и руската безбедносна служба ФСБ.

ФСБ, во текот на вчерашниот ден против Пригожин поведе кривична постапка за организирање вооружен бунт.

Подоцна, белорускиот претседател Александар Лукашенко, во договор со претседателот Владимир Путин, разговараше со Пригожин, по што прес-службата на Лукашенко објави дека Пригожин го прифатил неговиот предлог да преземе чекори за деескалација на ситуацијата.

Портпаролот на рускиот претседател, Дмитриј Песков, денеска изјави дека Пригожин ќе замине во Белорусија, а кривичната постапка против него ќе биде прекината.

The post Белата куќа уште од средината на јуни знаела дека Пригожин подготвува бунт во Русија appeared first on Република.

Американските власти подигнаа група воени авиони во неделата да уловат мал авион кој влегол во воздушниот простор над пошироката област Вашингтон пред да се урне во Вирџинија.

Воените авиони ја пробиле звучната бариера над главниот град на САД за да стигнат до авионот „Цесна“, кој може да превезе седум до 12 патници, соопштија официјални лица.

Околу времето кога го пробиле воздушниот ѕид, Цесната се урнала во ридско подрачје во југозападна Вирџинија, соопшти Федералната управа за авијација (ФАА).

Воените авиони не биле причина за падот, тврди неименуваниот функционер.

Според информиран извор, се верува дека авионот „Цесна“ возел на автопилот и не одговарал на повиците.

Авионот „Цесна“ полета од аеродромот во Елизабетон, Тенеси и беше на пат кон аеродромот Мекартур на њујоршкиот Лонг Ајленд, на околу 80 километри источно од Менхетен, се вели во соопштението на ФАА.

Инцидентот ќе го истражува Националниот одбор за безбедност на транспортот, додаваат тие.

Според веб-страницата за следење летови Flight Aware, се чини дека „Цесната“ се приближила до поширокото подрачје на Њујорк пред да направи пресврт од речиси 180 степени и да заврши во Вирџинија.

Воените авиони Ф-16 беа испратени од заедничката база Ендрјус, објави ABC News, цитирајќи неименуван официјален претставник. Најмалку еден воен пилот видел дека пилотот на Цесна се онесвестил, соопшти ABC.

Кршењето на звучната бариера вознемири многумина во Вашингтон, кои твитнаа за силната бучава и тресење на земјата и ѕидовите. Неколку жители пријавиле дека ја слушнале вревата дури до Вирџинија и Мериленд.

The post САД подигнаа воени авиони за да го „уловат“ авионот кој без дозвола прелета над Вашингтон appeared first on Република.

Портпаролот на Советот за национална безбедност во Белата куќа Џон Кирби рече дека извештаите за тоа дека рускиот претседател Владимир Путин наводно планира пуч во Молдавија „предизвикуваат голема загриженост“.

Претседателката на Молдавија Маја Санду претходно го обвини Путин за намера да ја урне владата на земјата. На прашање на новинар на брифингот синоќа, Кирби одговори дека „извештаите за ова предизвикуваат длабока загриженост“.

-Ние даваме целосна подршка на владата на Молдавија и молдавскиот народ. Не видовме независни потврди за тоа, но тоа сигурно изгледа како страница од учебникот на Путин, рече тој.

The post Белата куќа загрижена поради извештаите дека рускиот претседател Владиир Путин наводно планира пуч во Молдавија appeared first on Република.

Американскиот претседател Џо Бајден одржа говор во четвртокот во кој истакна дека ризикот од нуклеарен армагедон сега е на нивото што последен пат беше забележано во 1962 година, за време на кубанската ракетна криза. Тој тврди дека причина за тоа е фактот што Русите претрпеле огромни загуби за осум месеци од нападот на Украина и дека имаат се помалку воени опции.

„Не сме имале ваква ситуација од Кенеди и кубанската ракетна криза. Путин не се шегува кога вели дека размислува да употреби тактичко нуклеарно оружје за да компензира за неуспехот на неговата војска. Нема шанси тоа да се случи без да резултира со уништување на светот“, рече Бајден.

Русија се уште не ја коментираше изјавата на Бајден, но во меѓувреме реагираше и Белата куќа.

САД немаат нови разузнавачки информации што ги поттикнаа изјавите на Џо Бајден за нуклеарниот „армагедон“, соопшти Белата куќа. Белата куќа додаде дека не гледа причина да го промени својот нуклеарен став.

Тие додадоа дека руските референци за употреба на нуклеарно оружје се неодговорни, но рекоа дека нема индикации дека Москва се подготвува да употреби нуклеарна бомба.

„Коментарите на претседателот Бајден покажуваат колку сериозно ги прифаќа заканите“, се заклучува во соопштението од Белата куќа.

The post Белата куќа ја коментираше изјавата на Бајден за ризикот од нуклеарен армагедон appeared first on Република.