Беким Незири кој е осомничен во предметот за упадот во М-НАВ, вечерва бил на партиски состанок на ДУИ во Чаир, заедно со Артан Груби и Бујар Османи. За тоа се пофали и на социјалните мрежи. Незири пред десет дена беше пуштен од куќен притвор. Тој е претседател на партискиот огранок на Чаир на партијата.

Суат Алија, оперативниот секретар на огранокот Чаир, ќе раководи со штабот на огранокот Чаир! Почитувани членови, симпатизери и високо почитувани граѓани на Чаир, ве известувам дека на состанокот одржан вечерва, огранокот Чаир предложи и едногласно одобри на чело на Штабот на Чаир да биде Суат Алија, а заменик шеф на кабинет Бујар Османи и Артан Груби. Секретар на Штабот ќе биде Назим Буши, како и член на раководството на Штабот Ејуп Алими. Со овој избор, изборот на локалните шефови на кабинети, шеф на кабинет на Младинскиот форум и Секретаријатот за еднакви можности, полека се формира структурата на штабот и победничкиот тим. Посакувам од се срце да имаме достоинствена кампања, да се натпреваруваме со конкретни програми и проекти и да го извојуваме најдоброто за граѓаните, што несомнено ќе биде Демократската унија за интеграција со нашиот лидер, лидерот на Албанците Али Ахмети!, напиша Незири на социјалните мрежи.

Тој е осомничен за упадот во М-НАВ, каде беа тепани контролори на летање.

Обвинителот од скопското Обвинителство кој го гони Беким Незири од ДУИ за упадот во М-НАВ бил дециден дека осомничениот требало да остане во куќен притвор, истовремено, виш обвинител посочил дека треба да биде пуштен да се брани од слобода. Според обвинителот кој ја води истрагата против Незири, постои страв осомничениот да уништи траги, да влијае врз сведоци, а не е извршено ниту вештачењето на мобилниот, се прибираат докази. Сето ова за нивните колеги од повисокото Обвинителство не се факти за да Незири остане во куќен притвор.

The post Незири од ДУИ, осомничен за упадот во М-НАВ, држи состаноци со Груби и Османи, откако пред десет дена беше пуштен од куќен притвор appeared first on Република.

Вишите обвинители Артан Ајро и Јован Цветановски му предложиле на Апелациониот суд да им го укине куќниот притвор на претседателот на огранокот на ДУИ во Чаир, Беким Незири и обезбедувачот Алмир Рамдедовиќ кои упаднаа во М-НАВ и се сомничат за загрозување на безбедноста на воздушниот сообраќај, објави порталот Сакам да кажам.

Апелација вчера донесе решение со кое им го укина куќниот притвор и им ги остави мерките за претпазливост кои првично им ги одредија судиите на претходна постапка.

Според второстепениот суд обвинителството не докажало дека постојат основите според кои се определува притвор, како што се опасност од бегство, влијание врз сведоци, повторување на делото…

Судот ја прифатил жалбата на обвинетите и предлогот на Вишото обвинителство да се укине притворот.

Обвинителот Цветановски и за случајот „Талир 2“ бараше предметот да се врати на почеток и да се применат измените на Кривичниот законик, а бил виш обвинител и во случајот „Тревник“, случај за кој беше повлечено обвинението.

Ајро пак беше обвинител во поранешното Специјално јавно обвинителство, беше еден од обвинителите кои го водеа случајот „Трансмет“. За неуспешната конфискација на бизнисменот Сеад Кочан предмет отвори и Државната комисија за спречување на корупцијата и Обвинителството за гонење на организиран криминал и корупција.

The post Вишите обвинители Артан Ајро и Јован Цветановски предложиле Апелација да му го укине куќниот притвор на Незири appeared first on Република.

Откако судија на претходна постапка не го прифати барањето на обвинителството за притвор, Кривичен совет ги смести во домашен, а сега Апелација ја прифати неговата жалба и го пушти на слобода. На негова страна застанало и вишото обвинителство. Сите се согласни дека нема доволно докази координаторот на ДУИ во Чаир, Незири и уште еден осомничен да се бранат од слобода. Па, така наводите на обвинителството кое ги гони дека овие и уште шест други лица од кои по дел се трагаше со денови нема да го повторат делото, нема да влијаат на сведоци, бидејќи за тоа и нема докази, се наведува во денешната одлука на Апелација.

Оцени дека во решенијата на истите не се приложени докази ниту се истакнати факти и околности кои укажуваат на реална опасност од бегство на осомничените, страв од попречување на кривичната постапка со влијание врз сведоците и соучесниците, ниту се наведени околности кои го оправдуваат стравот дека ќе го повторат кривичното дело, а имајќи ги предвид личните прилики на осомничените и нивното однесување по сторување на кривичното дело за кое се сомничат,“ се вели во соопштението на Апелација.

И за Алмир Рамдедовиќ нема потреба да биде постојано во својот дом. Тој е осомничен дека ја крена рампата, како дел од обезбедувањето на компанијата „2СС“, а Апелација му ја враќа слободата и му го задржува пасошот. Токму за пропустите кои ги направил овој вработен, се наведени во извештајот на агенцијата за цивилно воздухопловство кој го презентираше директорот Томислав Тунтев. Таму категорично се бара кривична одговорност, со оглед дека ова лице како дел од компанијата кренало две рампи, за насилниците со две коли да упаднат во контролата на летање.

За останатите осомничени, судот, исто така, првично не одреди притвор, за потоа кривичниот совет да ги смести во домашен.

The post Беким Незири на слобода, без пасош: Апелација ја прифати жалбата да го пушти од куќен притвор appeared first on Република.

Артан Груби прв вицепремиер и министер за политички систем меѓу заедниците во емисијата „24 анализа“ рече дека е разочаран од упадот во М-НАВ и рече дека тоа било сосема непотребно и ДУИ реагирал со соопштение и дека никој не е над законот.

Повикавме законот да важи за сите исто и повикавме јавноста да не суди и медиумите да не бидат истражители и обвинители и судии и да судат пред да се увидат сите факти. Имаше невиден притисок врз судиите од јавноста и медиумите. Имам разговарано со Беким Незири и другите кои учествуваа за да ја слушнам нивната страна. Разговарав со Премтим на телефон зошто и двајцата ми се другари и тој е во роднинска врска со Незири. Сите што беа вклучени во тој инцидент се вработени во институциите и беа на работното место. Беким воопшто нема учествувано во физичка пресметка со Премтим или било кој друг. Ниту настанот се случил во контролната кула. Беким ниту ја отворил вратата да има тепачка. Тој работи таму и е советник на генералниот директор. Настанот нема никаква врска со ДУИ, рече Груби.

https://youtu.be/TMV9cxu0vQw?si=FQGziwkLBOB2qfjx

The post Груби: Беким Незири не учествуваше во физичка пресметка, ниту jа отворил вратата да има тепачка, ниту настанот се случил во контролната кула appeared first on Република.

• Делото за кое се гони групата на Беким Незири е меѓународно кривично дело воведено во македонското законодавство во време кога самиот Незири бил министер за економија.
• Незири и тројца осомничени не се во притвор, но обвинителството не се откажува од таа мерка и поднесе жалба откако не им беше определен. Барањето ќе се разгледува откако адвокатите ќе ги достават одговорите за што имаат рок до денес наутро.
• Кривичниот суд смета дека не ја загрозил истрагата со своето соопштение во кое за да го оправда отфрлањето на притвор за приведените, скрати дел од членот Загрозување на безбедноста на воздушниот сообраќај, објави Телма.

Кривичното дело по член 303, став 2, по кое се гонат осуммината од групата на Беким Незири за упадот во контролата на летање е ставено во Кривичниот законик на крајот на декември 2015-та во време кога министер за правда и предлагач е исто од ДУИ како и Незири (министер за правда беше Аднан Јашари). Незири кој е осомничен во истиот период беше министер за економија.

Тој член е согласно меѓународните обврски на Македонија, произлезени од Конвенцијата за сузбивање на незаконски дејства против безбедноста на цивилната воздушна пловидба потпишана во Монтреал на 24 февруари 1988 година.

За да се изврши усогласување со Протокол за сузбивање незаконски дејства на насилство на аеродроми, кои се користат за меѓународна цивилна воздушна пловидба, како надополнување на Конвенцијата за сузбивање незаконски дејства против безбедноста на цивилната воздушна пловидба се предлага нов став 2 со кој се инкриминираат дејствијата со кои се загрозува безбедноста на аеродром за меѓународна цивилна авијација, уреди или авион кој не е во употреба или со кои се попречуваат услугите на аеродром“, се вели во образложението за измена на Кривичен Закони за член 303, став 2, од декември 2022 година. 

Одлуката поминала и изгласана е на собраниска седница на 22 декември во 2015-та, а групата предводена од Незири е прва врз која се применува ова меѓународно кривично дело против безбедноста во воздушниот сообраќај.

Целиот текст овде.

The post Делото за кое се гони групата на Беким Незири е меѓународно кривично дело воведено во македонското законодавство во време кога самиот Незири бил министер за економија appeared first on Република.

Основното јавно обвинителство Скопје донесе Наредба за спроведување истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик. За четири лица јавниот обвинител бара мерка притвор, додека за четири други лица се трага.

Како што се наведува во соопштението од ОЈО, осомничените на 4 јануари, со заедничко дејствие на извршување, сториле кривично дело со кое ја загрозиле безбедноста на Меѓународниот аеродром Скопје, незаконски и со намера да извршат дело на насилство против лице ги попречиле услугите на аеродромот.

https://republika.mk/vesti/crna-hronika/grupata-na-bekim-neziri-donesena-vo-krivichen-sud-ke-bide-li-odreden-pritvor/

- Со нивните дејствија тие ја загрозиле безбедноста на меѓународниот воздушен сообраќај во момент кога во воздушниот простор над државава се одвивале 28 летови под контрола на М-НАВ, со што се осомничени дека извршиле кривично дело за кое е предвидена казна затвор од најмалку пет години, се вели во соопштението од ОЈО.

Јавниот обвинител, ценејќи дека во конкретниот случај постои опасност од бегство, можност осомничените да влијаат врз постапката или да го повторат делото, до судијата на претходна постапка од Основниот кривичен суд Скопје достави предлог за определување мерка притвор за четворица осомничени кои се лишени од слобода, додека по останатите четворица се трага

The post Jaвното обвинителство побара притвор за тепачите во М-НАВ appeared first on Република.

ДУИ не треба само декларативно да го осудува нападот на М-НАВ туку итно да го исклучи Беким Незир и од партијата. Итно да побара разрешување од која било функција во М-НАВ!

https://republika.mk/vesti/crna-hronika/grupata-na-bekim-neziri-donesena-vo-krivichen-sud-ke-bide-li-odreden-pritvor/

ДУИ не треба да продолжи да игра дволична улога туку да дејствува. А не како досега: прво дистанцирај се од Рамиз Мерко, а после гушкај го на партиски настани, дистанцирај се од Беким Незири, а после работи да го спасиш од правдата, дистанцирај се од Дрин Ахмети, а после награди го со „Соравија“!

Не е потребно само декларатива дистанца, туку потребно е акција!

The post Беса бара ДУИ да го исфрли Беким Незири од партијата appeared first on Република.

Четири лица поврзани со случајот со упадот во М-НАВ вечерва се однесени во Кривичниот суд. Од судот за МИА потврдуваат дека се донесени четири лица, но велат дека предлог обвинителен акт до нив се уште не е пристигнат од Обвинителството.

Во меѓувреме телевизија Телма објави снимки од моментот кога лицата се носат во Кривичниот суд, а меѓу нив и Бекир Незири, советник на директорот на М-НАВ и претседател на огранокот на ДУИ.

Неколку лица повеќе часови денеска беа на распит во полицијата за вчерашниот упад во МНАВ и напад на вработени. Полицијата соопшти дека по налог на Основното јавно обвинителство се врши службен разговор со Б.Н.

The post Групата на Беким Незири донесена во Кривичен суд, ќе биде ли одреден притвор? appeared first on Република.

Беким Незири, кој е претседател на партискиот огранок на ДУИ во скопската општина Чаир, беше еден од директорите на М-НАВ, директор на Фондот за ПИОМ и министер за економија, по што се враќа во М-НАВ на гарантирано работно место, последниве десетина години неколкупати беше поврзуван со скандали и насилство. Важи за човек од доверба на Ахмети, пишува А1.он.

Како еден од тројцата директори на М-НАВ предизвикал неколку инциденти. Како што тогаш објавуваа медиумите, контролорот како инструктор не сакал да му потпише дека поминал обука за контролор и Незири го удрил и го турнал по скали. Снимките за нападот врз инструкторот биле избришани. Потоа, до Управниот одбор поднел предлог инструкторот да биде разрешен, а кога другите се противеле го плиснал со вода тогашниот претседател на Управниот одбор.

Точно е тоа што сте го слушнале. Разговаравме за предлогот на Незири да биде разрешен еден од вработените. Јас се спротивставив, со забелешка дека тоа е добар работник, на што Незири ми рече дека тој одлучувал за ‘неговите’ . Му реков дека безбедноста на летањето е неделива, нема ‘наши’ и ‘ваши’. Продолжението го знаете, ме плисна со вода”, изјавил тогашниот претседаттел на У. О на М- НАВ , Живко Поповски

Сепак контролорот е избркан од работа, врз основа на тоа дека пет дена неоправдано отсуствувал од работа, а всушност електронски му било избришано боледувањето додека се опоравувал од тепањето. Контролорот потоа тужел на суд и го добил процесот. Според информациите откако и неговата сопруга била избркана од работа во Клиничкиот центар, тие се преселиле во Норвешка каде се вели дека работи во Контрола на летање.

Како директор на Фондот за пензиско Незири се поврзуваше со афера за проневера на 19 милиони евра. Министерката Царовска (СДСМ) тогаш објави дека открила криминал од 19 милиони евра, кои државата треба да им ги врати на 12.000 осигуреници, чии пари за пензиско осигурување во изминатите 10 години директорите на Фондот за пензиско осигурување (ПИОМ) не им ги уплаќале во вториот пензиски столб. За време на овој криминал, кој го обелодени Царовска, директори на ПИОМ беа кадри на ДУИ: Исни Јакупи, Амет Даути, Беким Незири и Шаип Зенели. Тогашната минстерка за труд и социјална Мила Царовска се закани и со кривична пријава но се разбира дека таа никогаш не беше процесуирана. Тогаш со функција Вицепремиер за европски прашања Бујар Османи остро ја нападна Царовска за отворањето на аферата и застана во одбрана на директорите од ДУИ, наведувајќи дека не се работи за злоупотреба, туку административни пречки и обвини за ширење на лажни вести, а најави тогаш и тужби за медиумите.

Целиот текст овде.

The post Беким Незири како член на УО на М-НАВ турнал инструктор по скали, а го полил со вода и тогашниот претседател на УО на М-НАВ, Живко Поповски appeared first on Република.

Беким Незири, кој ги отвори вратите на радарската кула и кој им дозволи на насилниците да влезат во зградата на М-НАВ, во моментов е во полициска станица.

https://republika.mk/vesti/makedonija/na-neziri-ne-mu-bilo-prv-pat-vo-2010-godina-turnal-po-skali-instruktor-isprskal-so-voda-direktor-vo-m-nav-snimkite-od-kamerite-vednash-bile-izbrishani/

Откако со часови беше недостапен за полицијата, Незири утрово бил приведен во полициска станица.

Претседателот на партискиот огранок на ДУИ во Чаир, со својата картичка пропуштил луѓе кои не биле вработени во контролата, а кои физички нападнале дел од вработените.

The post „Вратарот“ Незири приведен во полициска станица appeared first on Република.

Богато е насилното однесување на Беким Незири последниве десетина години.Тој е човек од доверба на Али Ахмети и бил на повеќе раководни фунции. Го паметиме како министер за економија, па директор на Фондот за пензиско и здравствено осигурување.

Незири во 2010 години  беше член на  Управниот одбор на М-НАВ и еден од тројцата директори. И тогаш предизвикал неколку инциденти. Турнал инструктор по скали а полил со вода тогашниот претседател на Управниот одбор на М-НАВ Живко Поповски. Снимките од камерите биле веднаш избришани.

https://republika.mk/vesti/crna-hronika/eve-koi-se-tepachite-zetot-politsaets-na-generalniot-sekretar-vo-dui-go-natepal-bratot-na-bashkim-hasani-koj-se-odmetna-vo-fraktsijata-na-medhiti/

Името на Незири, се разбира не по добро, се споменуваше и како директор на Фондот за пензиско за проневера на 19 милиони евра.Тогашната минстерка за труд и социјална Мила Царовска се закани и со кривична пријава но се разбира дека таа никогаш не беше процесуирана.

The post На Незири не му било првпат: Во 2010 година турнал по скали инструктор, испрскал со вода директор во М-НАВ, снимките од камерите веднаш биле избришани appeared first on Република.

„Република“ од свои извори дознава кои се лицата кои посредно и непосредно учестуваа во вчерашната тепачка во просториите на М-НАВ.„Првоосомничен“ е Беким Незири, актуелен претседател на огранокот на ДУИ во Чаир и поранешен министер за економија.Незири бил вработен како советник во М-НАВ.

Покрај, Незири главен „тепач“ бил зетот на Фатон Ахмети. Ахмети е генерален сектетар во ДУИ, а неговиот зет е полицаец од Тетово.

Полицаецот во просториите на М-НАВ го натепал братот на Башким Хасани. Хасани беше поранешен заменик на одбрана но откако стана дел од фракцијата на Изет Меџити го разрешија.

https://republika.mk/vesti/makedonija/fino-drushtvo-poraneshen-minister-politsaets-i-litse-osudeno-za-pukane-go-napadnale-m-nav/

The post Еве кои се тепачите: Зетот полицаец на генералниот секретар во ДУИ го натепал братот на Башким Хасани кој се одметна во фракцијата на Меџити appeared first on Република.

Полицаец, но и лице осудено за кривично дело со настрадан при пукање учествувале во упадот во М-НАВ, денеска попладне, тврдат за Телма, извори запознаени со истрагата за инцидентот.

АЛСАТ-М повикувајќи се на свои извори објави дека упадот врз контролори на летање во М-нав денеска го водел претседателот на партискиот огранок на ДУИ во Чаир Беким Незири. Денеска после прес конференцијата на синдикатот на М-НАВ кога беа откриени повеќе злоупотреби на менаџментот на М-НАВ, повеќе лица меѓу кои и вработен во контролата на летање успеале надвор од сите безбедносни процедури да влезат во кулата на контролата на летање на аеродромот и во објектот да нападнат тројца контролори на летање.

Упадот според Алсат го водел функционерот на ДУИ Беким Незири кој е и поранешен министер за економија. Друг член на бандата која упаднала во контролата на летање, задолжена за безбедност на воздухопловниот сообраќај во државата, бил и сопруг на жена која пред неколку месеци била вработена во Навигација. Според информациите на Телма со иницијали Е.С. претходно имал и условна затворска казна за насилен инцидент со нстрадан човек при пукање.

Во инцидентот,  учествувал и Д.Л. полицаец, вработен во СВР Тетово. Полицијата го потврди пријавувањето на инцидентот, но објави само иницијали од напаѓачот кој е вработен во М-НАВ каде заедно со членови на ДУИ ги напаѓал и тепал колегите кои преку синдикатот се бунеле за злоупотребите на актуелното раководство и распишаните огласи за нови вработувања. Иницијалот на водачот на нападот Б.Н. соодвествуваат со името на Беким Незири кој е ангажиран како советник во М-НАВ.

The post „Фино друштво“: Поранешен министер, полицаец и лице осудено за пукање го „нападнале“ М-НАВ appeared first on Република.

За случајот со Беким Незири од ДУИ се заинтересира и Јавното обвинителство,тврди „Експрес.мк“. ЈО истражува дали има основа тој да биде гонет за тероризам бидејќи ја довел во потенционална опасност безбедноста на патниците кои во тој момент летаат над територијата на Македонија.

Експер уште пишува дека полицијата имала информации оти Незири се наоаѓа во партиското седиште на ДУИ во Чаир но оти не смееле да влезат таму.

Незири е вработен во М-НАВ како советник а уште еден од вработените, негов баџанак е меѓу напаѓачите.

https://republika.mk/vesti/makedonija/bekim-neziri-poraneshen-minister-od-dui-upadnal-vo-mnav-i-napadnal-vraboten/

The post Незири бил во седиштето на ДУИ во Чаир, но полицијата не смеела да влезе таму appeared first on Република.

МВР излезе со детал за денешнот инцидент во МНАВ кога неколкумина извршија упад и нападнаа вработени.Според полицијаталице вработено во М-НАВ, заедно со уште неколку непознати лица физички нападнале тројца вработени во институцијата, информираат од Министерството за внатрешни работи.

Оттаму велат дека се преземаат мерки за расчистување на случајот.

https://republika.mk/vesti/makedonija/tasevski-od-m-nav-graganite-zasega-ne-treba-da-se-plashat-da-letaat-so-avion/

- Денеска (04.01.2024) околу 15:15 часот во ПО Петровец лице вработено во МНАВ пријавило дека во објектот имало нарушување на јавниот ред и мир односно дека Б.Н. (лице вработено во институцијата) заедно со уште неколку непознати лица физички ги нападнале П.Б., Е.К. и Б.Р. (лица вработени во институцијата). Веднаш по добиената пријава, полициски службеници од СВР Скопје се упатени кон местото на настанот и се преземаат мерки за расчистување на случајот.

Претседателот на Струковиот синдикат на контролори на летање (ССКЛ), Александар Тасевски, претходно објави дека во објектот на контрола на летање дошле неколку возила од кое излегле неколку лица кои влегле во објектот на контрола на летање и предизвикале караница и нападнале вработени во контролата на летање. Според него, возилата влегле без да бидат спречени од страна на обезбедувањето.

- Возилата влегле без да бидат спречени од страна на обезбедувањето кое е од надворешна фирма на која според наши сознанија ѝ е истечен договорот од пред извесно време а немаме информација дали им е продолжен повторно. Од друга страна не реагирало ни обезбедувањето на М-НАВ кое се наоѓа во самиот објект, наведува тој.

Овој акт на насилство, како што дополнува, не само што претставува закана за секој еден професионалец во контролата на летање туку и за безбедноста во авијацијата.

Нападот се случи по денешната прес-конференција на Тасевски  во која тој информираше дека дваесет до триесет контролори на летање и нивни помошници во Македонска навигација ( М-НАВ) се очекува од денеска да почнат да поднесуваат оставки од раководните позиции во М-НАВ, образложувајќи дека оставките се за поддршка на синдикалните активности и реакции за последниот оглас за вработувања во оваа институција.

Според информациите на „Република“ главен меѓу напаѓачите бил Беким Незири од ДУИ, претседател на скопскиот огранок на ДУИ и поранешен министер за економија.

The post Беким Незири, поранешен министер од ДУИ упаднал во МНАВ и нападнал вработен appeared first on Република.

Претседател на скопски огранок на ДУИ e инволиран во упадот во денешниот упад во М-НАВ, дознава „Република“. Станува збор за поранешен министер кој во моменов работи во ова претпријатие.Покрај него, во М-НАВ е вработен и неговиот баџанак.

Тие влетале во просториите на М-НАВ и вербално нападнале неколку вработени а физички се пресметале со еден вработен Албанец кој ги поддржал барањата на синдикатот.

https://republika.mk/vesti/makedonija/tasevski-od-m-nav-graganite-zasega-ne-treba-da-se-plashat-da-letaat-so-avion/

Возилата во кои биле инволвираните во инцидентот влегле во зградата без да бидат спречени од страна на обезбедувањето.

https://republika.mk/vesti/makedonija/vraboten-vo-kontrola-na-letane-tvrdi-nepoznati-litsa-vlegoa-vo-zgradata-i-napadnaa-vraboteni/

The post Во нападот во М-НАВ инволвиран претседател на скопски огранок на ДУИ appeared first on Република.