Во синоќешниот израелски напад врз главниот град на Либан, Бејрут загинаа најмалку четири лица, а 23 се повредени.

Цел на нападот бил објект, за кој се претпоставува дека го користело либанското шиитско движење Хезболах.

Нападите биле насочени кон центарот на Бејрут односно квартот Баста.

Тоа е четврти израелски напад врз центарот на Бејрут за една недела.

The post Најмалку четворица загинати при израелски воздушен напад врз Бејрут appeared first on Република.

Авион на „Ер Србија“ полета од аеродромот во Бејрут и покрај израелските воздушни напади во непосредна близина.

Станува збор за специјален лет на „Ер Србија“ организиран од српската Влада, кој со 88 патници од Либан, успешно слета на аеродромот „Никола Тесла“ во Белград, со што се обезбеди евакуација на српските граѓани.

Најголем дел од патниците се државјани на Република Србија, а некои државјани на соседните земји живеат или престојуваат во Либан.

The post Авион на „Ер Србија“ полета од Бејрут и покрај израелскиот воздушен напад во близина appeared first on Република.

Израел го бомбардираше центарот на Бејрут во раните утрински часови, при што загинаа најмалку шест лица, откако неговите сили го претрпеа најсмртоносниот ден на либанскиот фронт во една година борби против Хезболах.

Израел соопшти дека извршил прецизен воздушен напад врз Бејрут. Очевидци на Ројтерс објавија дека слушнале огромна експлозија, а извор од безбедносните сили рече дека цел била зграда во населбата Бачура во центарот на Бејрут, во близина на парламентот.

Три проектили го погодија и јужното предградие Дахије, каде минатата недела беше убиен лидерот на Хезболах Хасан Насрала. Јужните предградија во средата беа под повеќе од десетина израелски напади. Еден ден откако Иран истрела повеќе од 180 проектили врз земјата, Израел соопшти дека осум војници биле убиени во копнена битка во јужен Либан додека неговите сили напредувале на територијата на северниот сосед.

Привремениот премиер Наџиб Микати рече дека околу 1,2 милиони Либанци биле раселени поради израелските напади.

Илјадници луѓе бегаат од Либан додека Израел ги извршува своите најтешки воздушни напади од 2006 година, кога Хезболах и израелската армија водеа разорна војна. Синоќа авиони со либански државјани кои бегаат од израелските воздушни напади пристигнаа на Кипар откако израелската армија започна копнена операција во јужен Либан против Хезболах.

„Тоа беше ужасна ситуација, навистина ужасна ситуација“, изјави Либанецот Али Абдул Хасан за новинската агенција Ројтерс по пристигнувањето во главниот град Ларнака доцна синоќа.

49-годишникот рече дека побегнал од Бејрут откако воздушен напад го погодил неговото соседство во близина на главниот град, сериозно оштетувајќи ја неговата куќа. Тој рече дека во погодената зграда биле сместени либански семејства кои веќе побегнале од јужен Либан.

Стотици илјади луѓе се раселени во земјата во последните недели поради последниот конфликт, вклучително и повеќе од 100.000 луѓе, главно Либанци и Сиријци, кои побегнаа преку границата во Сирија, според Обединетите нации.

The post Утрово Израел го нападна центарот на Бејрут, најмалку шест мртви appeared first on Република.

Либанската новинска агенција (ННА) јави дека израелската армија утрово изврши нов воздушен напад во областа Чија, во јужните предградија на Бејрут.

Претходно, израелската армија (ИДФ) соопшти дека во текот на ноќта извршила воздушни напади во регионот Бека, источен Либан.

Според ИДФ, нападите биле насочени кон десетици ракетни фрлачи и магацин за оружје на Хезболах.

Претходно, ИДФ соопшти дека успешно пресретнала „сомнителна воздушна мета“ која ја преминала границата на Либан.

При нападите врз јужниот дел на Либан елиминиран е лидерот на Хамас, Фатех Шериф Абу ел Амин. Во нападот врз палестинскиот бегалски камп во Тир загинаа и сопругата, жерката и синот на Амин.

Израелската армија утрово првпат од војната во 2006 година изврши и напад врз центарот на Бејрут, при што загинаа тројца припадници на палестинската милитантна група Народен фронт за ослободување на Палестина (ПФЛП).

Според либанското Министерство за здравство во израелските напади загинале повеќе од 100 луѓе, додека бројот на жртвите во изминатите две недели се искачи над 1.000, а околу 600 се повредени.

Претходно, привремен либански премиер Најиб Микати изјави дека израелските воздушни напади принудија еден милион луѓе да ги напуштат домовите.

- Тоа е најголемо раселување што може да се случи, посочи Микати.

Според израелските медиуми нападите врз Либан не само што ќе продолжат туку ИДФ се подготвува и за копнена операција. Неименуван безбедносен извор изјави дека иако сè уште не е донесена политичка одлука ИДФ привршува „значајни операции“ како подготовка за копнена инвазија врз јужен Либан.

Целта на копнените маневри е да се уништат целите, но и да се проектира моќта на Израел и ИДФ на Блиски Исток, особено врз Хезболах, истакна тој.

И додека ИДФ напаѓа цели на либанската милиција Хезболах во Либан и на Хутите во Јемен расте стравот дека конфликтот на Блиски Исток може да излезе од контрола и да се вклучат Иран и САД.

САД повикаа на дипломатско решение на конфликтот во Либан, но дозволија и засилување за својата армија во регионот.

The post Нов израелски воздушен напад врз јужните предградија на Бејрут appeared first on Република.

Шест лица загинаа, а 91 се ранети во силните израелски напади врз јужните предградија на Бејрут, каде се наоѓа седиштето на Хезболах, соопшти синоќа либанското Министерство за здравство.

Претходно беше објавено дека две лица загинале, а 76 се ранети, додека спасувачите трагаат по преживеани под урнатините.

Седум високи станбени згради се уништени во нападите, јави ТВ Ал Манар, поврзана со Хезболах.

Израелската војска соопшти дека го гаѓала главниот штаб на Хезболах во „прецизен напад“.

Лидерот на Хезболах, Хасан Насралах бил цел на тој напад, но според извор близок до движењето, тој не бил повреден.

Хезболах воспостави безбедносен кордон околу местото на нападот и побара од новинарите да се одалечат.

Телевизијата Ал Манар емитуваше во живо од местото на настанот, прикажувајќи ги спасувачите и тешката механизација како ги раскопуваат урнатините.

The post Шест загинати и 91 ранет во израелските напади на Бејрут appeared first on Република.

Израелски воени авиони попладнево извршија серија напади врз јужни предградија на Бејрут, објавија либанските државни медиуми.

Портпаролот на ИДФ (Израелската армија) Даниел Хагари изјави дека израелските ВВС го нападнале главниот штаб на Хезболах во либанскиот главен град Бејрут. Хагари вели дека штабот бил изграден под цивилни згради во предградието Дахије, познато упориште на Хезболах во Бејрут.

Снимките објавени од либанските медиуми ги покажуваат масовни напади.

Либанското Министерство за здравство соопшти дека две лица загинале, а 76 се ранети во големиот денешен израелски воздушен напад во густо населените јужни предградија на Бејрут. Според министерството, станува збор за прелиминарен биланс.

Билансот вклучувал „15 за кои е потребна хоспитализација“, се додава во соопштението на Министерството.

Либанскиот премиер Наџиб Микати ја повика меѓународната заедница да го „запре“ Израел да води „геноцидна војна“ против Либан.

Оваа нова израелска агресија докажува дека израелскиот непријател не се грижи за сите меѓународни напори и повикува на прекин на огнот“, рече Микати, кој се наоѓа во Њујорк, во изјавата објавена од неговата канцеларија.

Тој ја повика меѓународната заедница да ја запре „Геноцидна војна што тој (Израел) ја води врз Либан“.

The post Најмалку двајца загинати, 76 ранети во денешното бомбардирање на Израел во Бејрут appeared first on Република.

Израелските одбранбени сили (ИДФ) денеска соопштија дека изведуваат нов бран воздушни напади врз цели на Хезболах во Либан.

Претходно денеска, два брана напади беа изведени врз јужен Либан и долината Бека, пренесува „Тајмс оф Израел“.

Началникот на Генералштабот на израелската војска, генерал-потполковник Херзи Халеви, по утринската проценка изјави дека на Хезболах нема да му се даде „да земе здив“ и дека армијата ќе ги засили своите акции против оваа терористичка група во Либан.

Хезболах не смее да добие пауза. Мораме да продолжиме да делуваме со сета сила, нагласи тој.

Халеви додаде дека ИДФ ќе ги засили офанзивните операции.

Ситуацијата бара продолжување на интензивната акција на сите фронтови, рече Халеви.

Во меѓувреме, либанското Министерство за здравство соопшти дека, според новиот биланс, во израелските напади врз Либан денеска и вчера се убиени 558 лица, од кои 50 деца и 94 жени, а 1.835 лица се ранети.

The post Израел објави: Нападот на Бејрут почна appeared first on Република.

Бројот на загинати во израелскиот воздушен напад во јужните предградија на Бејрут оваа недела се искачи на 45, соопшти либанското Министерство за здравство.

Бројот на загинатите се искачи на 45 лица“, се вели во соопштението на министерството, ажурирајќи го претходниот биланс од 37 од нападот во петокот.

Во соопштението се додава дека „работата продолжува на отстранување на урнатините трет ден по ред“ и дека примерок од ДНК ќе се користи за да се утврди идентитетот на некои од телата.

The post Бројот на загинати од израелскиот напад врз Бејрут се искачи на 45 луѓе appeared first on Република.

Портпаролот на израелската армија на арапски јазик Авичаи Адраи изјави дека неколку други команданти на Хезболах се убиени заедно со Акил во денешниот напад во Бејрут.

Како што јави АЛ Џезира, либанската група се уште не ги коментирала воздушните напади.

Либанските здравствени власти соопштија дека во нападот загинале девет лица, меѓу кои и деца.

Високиот командант на либанскиот Хезболах Ибрахим Акил денеска е убиен во израелскиот напад врз Бејрут, изјави извор близок до проиранската екстремистичка организација.

Во израелскиот напад е убиен командантот на елитната единица Радван, Ибрахим Акил, втор по команда по Фуад Шукр, кој беше убиен во јули, исто така во упориштето на Хезболах во јужен Бејрут“, изјави анонимен извор, пренесоа израелските медиуми.

Либанското Министерство за здравство соопшти дека во нападот загинале најмалку три лица, а 17 се ранети.

Денешниот израелски напад врз Бејрут следеше откако Хезболах истрела ракети на северот на Израел и во време кога се очекува одмазда во тој регион, бидејќи лидерот на таа шиитска организација Хасан Насрала се закани за овонеделните експлозии на илјадници пејџери и токи-воки.

Јужните предградија на Бејрут биле нападнати за време на сообраќајниот метеж, кога вработените се враќале од работа, а учениците од училиште.

The post Израел соопшти дека во нападот во Бејрут убиени околу 10 команданти на Хезболах appeared first on Република.

Телото на воениот командант на Хезболах, Фуад Шукр е пронајдено во урнатините во јужните предградија на либанската престолнина Бејрут, изјавија денеска два неименувани безбедносни извори.

Израелската војска вчера објави дека го убила највисокиот командант на Хезболах, Шукр.

Израел го обвини Шукр за нападот изминатиот викенд во кој загинаа 12 деца и тинејџери на Голанската Висорамнина окупирана од Израел

The post Телото на воениот командант на Хезболах пронајдено во урнатини appeared first on Република.

Три лица со огнено оружје денеска пукале кон американската амбасада во Бејрут при што е повреден припадник на обезбедувањето.

Либански портали пренесуваат дека еден од напаѓачите е убиен, друг е ранет, а во тек е потера по третиот.

Либанската армија соопшти дека возвратила со оган кон напаѓачите и оти повредениот напаѓач, кој е од сириска националност, е пренесен во болница.

Локалните медиуми јавуваат дека пукањето траело околу половина час.

Американската амбасада соопшти дека никој од персоналот не бил повреден за време на нападот.

The post Нападната американската Амбасада во Берјут appeared first on Република.

За да го блокира на својот брат погледот кон морето, еден Либанец ја изградил „најтесната зграда“ на Блискиот Исток, а многумина веруваат и во целиот свет. „Ал баса“ (во превод: „Инает“) е името на ова здание во Бејрут, главниот град на Либан.

Широка само 60 сантиметри во најтесниот дел, а околу четири метри во најширокиот, градбата се наоѓа близу стариот светилник во Манара.

Терасите на овој ѕид, наводно, понекогаш биле користени како „јавна куќа“ или како засолништа за бегалци.

Како што раскажува преданието, зградата е подигната во 1954 година „за инает“. Имено, двајца браќа се скарале за земјата што ја наследиле од нивниот татко, при што, едниот брат добил минијатурно парче земја со чудни димензии на коешто не можело да се изгради практично ништо, додека другиот брат добил раскошна зграда со поглед на Средоземното Море.

Така настанала оваа зграда висока 14 метри, што потоа ја намалила вредноста на земјиштето на вториот брат.

The post Се за инает: За да го блокира погледот на брата си кон морето, ја изградил најтенката зграда на светот appeared first on Република.