Во близина на село Крупиште, општина Карбинци, синоќа околу 20.30 часот полициски службеници од Секторот за меѓународна полициска соработка – Отсек потраги со полициски службеници од СВР Штип го лишиле од слобода Г.Т.(38) од село Долни Балван, општина Карбинци.

Како што соопштија денеска од МВР, тој бил осуден на казна затвор од две години за сторено кривично дело по член 259 од Кривичниот законик, а бил баран по потерница врз основа на наредба од Казнено – поправната установа Затвор Струмица за доиздржување една година и еден месец од казната.

Лицето било спроведено во установата за доиздржување на казната.

The post Фатен бегалец од струмичкиот затвор appeared first on Република.

На 19.01.2024 во 14.20 часот во Струмица, полициски службеници од СВР Струмица го привеле А.А.(44) од Струмица. Тој бил баран по судска наредба за издржување затворска казна. Лицето било предадено во Казнено - поправната установа „Затвор Струмица“ за издржување на казната.

The post Фатен бегалец од струмичкиот затвор appeared first on Република.

Меѓународната заедница треба јасно да стави до знаење дека постои недвосмислена разлика меѓу бегалци и илегални мигранти и да се однесува во согласност со тоа, изјави денеска во Женева унгарскиот министер за надворешни работи Петер Сијарто.

Сијарто на пленарната сесија на Глобалниот форум за бегалци рече дека Унгарија е под двоен притисок, од исток поради војната во Украина и од југ поради сериозниот предизвик за заштита на надворешната граница на ЕУ од насоката на моментално најпрометната миграциската рута од Западен Балкан, соопшти Министерството за надворешни работи, пренесе унгарска новинска агенција.

Меѓународното право јасно наведува дека луѓето кои се принудени да ја напуштат земјата имаат право да останат привремено во првата безбедна земја во која ќе влезат, но немаат право да поминат низ неколку безбедни земји за да стигнат до дестинација по сопствен избор“, додаде Сијарто.

The post Сијарто: Мора да постои јасна разлика меѓу бегалци и илегални мигранти appeared first on Република.

Полициски службеници од Оперативниот тим потраги при СВР Скопје и од Полициската станица Драчево синоќа во 22 часот на улица „Антон Попов“ го лишиле од слобода Љ.С.(48) од Куманово.

Како што соопшти МВР, Љ.С. бил баран по две централни потерници, врз основа на наредба од Казнено-поправната установа „Затвор Куманово“ за доиздржување 10 месеци затворска казна.

Тој бил осуден на две години и 10 месеци за сторени кривични дела по член 236 и член 206 од Кривичниот законик и врз основа на наредба од Основниот кривичен суд Скопје за издржување на казната затвор од две години за сторено кривично дело по член 236 од Кривичниот законик.

Лицето ќе биде предадено на надлежната казнено-поправна установа.

The post Приведен бегалец од затвор баран со потерница appeared first on Република.

Полицијата синоќа го лишила од слобода М.Д.(42) од Скопје, кој бил баран со потерница поради бегство од затворот во Куманово.

Како што соопшти МВР, М.Д. бил баран за доиздржување на казна затвор од девет месеци и 26 дена, а бил осуден на казна затвор од 13 години и три месеци.

The post Фатен скопјанец избеган од затвор, осуден на 13 години appeared first on Република.

Полициски службеници од Секторот за меѓународна полициска соработка – Отсек потраги синоќа го привеле И.К.(39) од с. Моин, гевгелиско.

Како што известија денеска од МВР, тој бил осуден на казна затвор од шест години за сторено кривично дело „неовластено производство и пуштање во промет на наркотични дроги, психотропни супстанци и прекурсори“ по член 215. од Кривичниот законик, а бил баран по централна потерница врз наредба од Казнено – поправната установа, Затвор Идризово, поради бегство од затворот.

Лицето било спроведено во Казнено – поправната установа каде што имал доиздржување казна од скоро четири години.

The post Приведен бегалец од затвор, вратен во Идризово appeared first on Република.

Основното јавно обвинителство Скопје поведе постапка и предложи мерка притвор за 38-годишен скопјанец, осомничен за „тешка кражба“ во скопски хотел.

Како што соопшти денеска Јавното обвинителство, осомничениот е претходно повеќепати осудуван за истородни и други кривични дела и се наоѓал на издржување затворска казна во КПУ Затвор Прилеп, но побегнал и од 5 јули по него била распишана потерница.

Периодот додека бил на слобода го искористил да стори ново кривично дело, па на 8 јули во вечерните часови влегол во службени простории на хотел во Скопје и одзел туѓи подвижни предмети со намера противправно да ги присвои, се наведува во соопштението.

Од хотелот, како што се посочува во соопштението, тој успеал да украде метален сеф заклучен со шифра, а во кој имало парични средства во износ од околу 1400 евра, како и клучеви од хотелот, неколку сим картички како и пет патни исправи на гости сместени во хотелот. Вкупната вредност на одземените предмети се проценува на околу 100.000 денари.

Потоа го напуштил местото на настанот, но се вратил следниот ден и кога се приближил до службениот паркинг, му пристапиле членови на обезбедувањето на хотелот. Осомничениот со спреј за самоодбрана ги испрскал во очите и веднаш почнал да бега, влегувајќи во такси возило. Возилото било пријавено и сопрено од полициски службеници кај Градежен факултет Скопје, по што пријавениот бил лишен од слобода, информираат од Јавното обвинителство.

Во конкретниот случај според јавниот обвинител постојат околности што очигледно укажуваат на опасност од бегство, па до судијата на претходна постапка од Основниот кривичен суд Скопје тој доставил предлог за определување мерка притвор.

The post Бегалец од затвор ограбил скопски хотел, го фатиле дури кога се вратил пак appeared first on Република.

Бегалец од затвор денеска бил приведен од страна на полициски службеници, соопштија од Министерството за внатрешни работи.

Полициски службеници од Секторот за меѓународна полициска соработка во центарот на Скопје го приведоа 31-годишниот скопјанец С.А., кој бил баран со потерница по наредба од КПУ „Идризово“ поради бегство од затворот. С.А. е осуден на казна затвор од 6 години и 6 месеци во врска со член 236 од КЗ, а за доиздржување му преостануваат 2 години, 8 месеци и 21 ден, се појаснува во соопштението.

Лицето ќе биде предадено на КПУ „Идризово“.

The post Фатен бегалец од затворот во Идризово appeared first on Република.

Полициски службеници од Секторот за меѓународна полициска соработка – Отсек потраги вчера околу 21:15 часот на подрачје на Центар во Скопје го привеле Б.З.(24) од Тетово.

Како што информира МВР, тој бил баран со потерница поради бегство од Казнено поправна установа- затвор „Идризово“ каде имал за доиздржување казна затвор во времетраење од една година и пет месеци за сторено кривично дело по член 237 ст.4 од Кривичниот законик, а за кое бил осуден на казна затвор од пет години.

Лицето е спроведено во надлежната казнено-поправна установа за издржување на казната

The post Фатен бегалец од затвор осуден на петгодишна затворска казна, вратен во КПУ Идризово appeared first on Република.

Полициски службеници од Оперативен тим потраги при СВР Скопје и од Одделението за криминалистички работи при ЕВР Гази Баба синоќа на ул.„Кемал Сејфула“ во Скопје, го лишиле од слобода Д.Ј.(41) од Скопје.

Како што информираат од МВР, тој бил осуден на 13 години и пет месеци казна затвор за сторени кривични дела по член 237 (Разбојништво) , член 215 (Неовластено производство и пуштање во промет на наркотични дроги, психотропни супстанции и прекурсори) и член 236 (Тешка кражба) од Кривичниот законик, а бил баран по наредба од Казнено-поправната установа Затвор Идризово поради бегство и за доиздржување на четири години и 10 месеци од казната.

Лицето било спроведено во казнено-поправната установа за доиздржување на казната.

The post Фатен бегалец од затвор appeared first on Република.

Полициски службеници од Секторот за меѓународна полициска соработка - Одделение за потраги денеска во Скопје го лишија од слобода И.М.(48) од Струмица.

Како што соопшти МВР, И.М. бил баран со меѓународна потерница поради бегство од затвор за доиздржување на казна затвор во траење од една година, четири месеци и 15 дена. Тој бил приведен во рамки на оперативната акција „Жетва“.

И.М. бил осуден поради сторено кривично дело по член 247, став 4, во врска со став 1, а во врска со член 45 од Кривичниот законик.

И.М. ќе биде предаден на надлежната казнено-поправна установа за доиздржување на казната, се вели во соопштението од МВР.

The post Фатен бегалец од затвор appeared first on Република.

По претходно преземени мерки и активности од страна на полициски службеници од Сектор за меѓународна полициска соработка – Одделение за потраги на „Љуботенски пат“ во Скопје е лишен од слобода Б.И.(40) од Скопје.

Како што денеска информираа од МВР, тој бил осуден на затворска казна од пет години и десет месеци поради сторено кривично дело по член 418, став 2 од Кривичниот законик.

Поради бегство од затвор за него била распишана централна потерница со која се барал за доиздржување на казната во времетраење од три години еден месец и 15 дена. Лицето е приведено и предадено во полициска станица по што ќе биде спроведено во казнено-поправна установа за доиздржување на затворската казна, соопштија од МВР.

The post Акција во Скопје – фатен бегалец од затвор appeared first on Република.

На улица „Никола Парапунов“ во Гостивар, вчера околу 15.15 часот полициски службеници на СВР Тетово-Одделение за внатрешни работи Гостивар го привеле 29-годишниот З.И. од гостиварско Дебреше.

Од МВР денеска информираа дека тој бил осуден на казна затвор од три години за сторени кривични дела по член 235 и член 236 од Кривичниот законик, а бил баран по потерница врз основа на судска наредба за доиздржување на затворска казна од една година и девет месеци.

Лицето било спроведено во Казнено-поправната установа Затвор Идризово за доиздржување на казната.

The post Бегалец од затвор фатен во Гостивар appeared first on Република.

Распишана е централна потерница за Александар Стојанов познат како Џуката од Кочани, кој од куќен притвор се дал во бегство, потврди за МИА, портпаролот на СВР-Штип, Гордана Панајотова.

Стојанов е повеќекратен сторител на кривични дела, а последното го има сторено на 27 февруари, кога физичка ја напаѓа адвокатката Цветанка Тунџева, полномошник на неколку жртви во случаите за кои е обвинет Стојанов.

Тунџева вели дека по брзо и професионално постапување на Јавниот обвинител и на судија на претходна постапка му била определена мерка притвор во траење од осум дена во Куманово, но по истекот на затворскиот притвор кривичниот судски совет во Основниот суд во Кочани носи одлука Стојанов да замине во куќен притвор.

По истекот на осумте дена кривичниот совет при Основен Суд Кочани мерката притвор му ја земани со домашен притвор, без никаква релевантна и оправдана причина. Од овде е и прашањето зошто е куќен притвор, кога знаеме дека се работи за познат строител на кривични дела, за лице кое има повќе преставки, за лице кое повеќе пати се дава во бегство и самиот кривичен совет знае дека со куќниот притвор не може да го обезбеди, ниту МВР не може да го обезбеди и тоа се случи, вели Тунџева.

Стојанов и Тунџева денеска требаше да се соочат на првото судско рочиште за физичкиот напад во нејзината канцеларија, но полицијата не може да го обезбеди, бидејќи меѓу 13 и 14 март е даден во бегство и не е пронајден во неговиот дом.

Тунџева посочува дека Стојанов кој е познат на кочанската јавност по низата сторени кривични дела разбојништо, изнуда и насилство пред две години во судница има нападнато и судија при изрекување на пресуда.

The post Познат насилник избегал од куќен притвор, не му е првпат да бега appeared first on Република.

СДСи ДУИ не само што молчат за познатите бегства од затвор, туку и кријат дека има ново бегство од Идризово. По она крваво сценарио пред две недели и наводно преземање мерки, нов бегалец од Идризово. Целосен дебакл, oбјави ВМРО-ДПМНЕ.

Ова повеќе не е систем за казна и ресоцијализација, ова е целосно мафијашко решето.
СДС и ДУИ мора да сносат одговорност за оваа состојба. Министерство за правда мора да сноси одговорност за епидемијата од бегства од затвор. Очигледно ова е добро организиран мафијашки систем, којшто не би можел да функционира без поддршка од власта.

Се работи за организирана банда. Очекуваме одговор од Владата. Нема веќе простор за криење и молк, нагласува Наум Стоилковски.

Дали зад бегството повторно стои партиската парамилиција на СДС вработена во затворите? Дали избеганиот со иницијали Р.К. , етнички Албанец, кај себе поседува фотоалбум овојпат за блискост со ДУИ? Дали се работи за организирана група блиска до ДУИ?
Затворите станаа одморалиште, сиот систем се претвори во гротеска, СДС и ДУИ го претворија правото во баналност.

Секој што има врска со нив излегува кога сака. Затворите очигледно служат само за неистомислениците на СДС и на ДУИ.

The post Од затвор не избегал само тој што не пробал: Ново бегство, ова е систем, не инцидент appeared first on Република.

 Но, таква ли е насоката, да се брани случајот?

The post Стоилковски: До толку ги заболе пресот со фото албумот „фемили фотос” на бегалецот од затвор, што се пуштиле во одбрана и заштита appeared first on Република.

Надлежен јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција (ОЈОГОКК) во текот на вчерашниот ден, постапувајќи по кривичната пријава поднесена од страна на Министерството за внатрешни работи, презеде истражни дејствија против четворица припадници на затворската полиција.

Од таму велат дека постои основано сомнение дека осомничените – командир на надворешно обезбедување и тројца затворски полицајци вработени во КПУ Затвор „Идризово“ сториле кривично дело „Противзаконито ослободување на лице лишено од слобода“ од чл. 373 в.в чл. 22 од Кривичниот законик.

-Осомничените, по претходни насоки на првоосомничениот- командир, како службени лица, со умисла, преземајќи и непреземајќи дејствијата што биле должни да ги преземат му помогнале и му овозможиле на осуденикот Беким Мемети да избега. Притоа ги повредиле сите процедури за спровод на осуденик кој издржува затворска казна за потешко кривично дело до здравствена установа. Па така, откако осуденикот се самоповредил расекувајќи ја левата дланка и бил преврзан во домската амбуланта, не побарале лекарска интервенција од брзата помош, за да се утврди дали повредите може да се санираат на лице место, туку по препорака на осудено лице, работно ангажирано во амбулантата, пристапиле кон дејствија самоиницијативно да го однесат повредениот во Ургентен центар. Иако процедурите налагаат доколку осуденикот треба да се третира во здравствена установа, затворската служба да побара асистенција од Министерството за внатрешни работи и возилото за спровод на осуденикот да биде придружувано од полициска патрола, тие не го сториле тоа што претходно било случај кога истото осудено лице било спроведувано до одредена здравствена установа, велат од ОЈО.

Како што е веќе познато, потенцираат од Обвинителството, осудениот Беким Мемети откако на ден 12.01.2023 година во ноќните часови се самоповредил, првоосомничениот – дежурен командир наредил кои затворски полицајци треба да го спроведат осуденикот во здравствена установа и кој каде да седи при спроводот.

Па така, надвор од правилата, осуденикот бил сместен во средишниот дел на возилото. Второосомничениот дал насока за рутата и возилото се упатило кон Скопје преку автопатот од Петровец кон Скопје. Кога се приближиле до бензинска пумпа на Лукоил, второосомничениот кој седел помеѓу осуденикот и третоосомничениот, започнал да се преместува и свесно му овозможил на осуденикот да го искористи моментот и со лисици на рацете да успее да му го земе службениот пиштол од закопчаната футрола. Третоосомничениот, кој патем бил без оружје, иако сето тоа го следел не презел никакво дејствие за да го спречи осуденикот да го репетира пиштолот и да започне да пука низ возилото барајќи да го сопрат возилото, при што го повредил возачот и возилото застанало, а осуденикот ја отворил вратата, излегол од комбето и се качил во сиво Ауди кое во меѓувреме застанало пред затворското комбе, велат од таму.

-Предметниот обвинител заради непречено водење на кривичната постапка, на судијата на претходна постапка при Основниот кривичен суд Скопје му предложи на тројца осомничени да им биде определена мерка притвор, додека на четвртоосомничениот да му бидат изречени мерки за обезбедување. Судијата го прифати предлогот на обвинителството и на осомничените со решение им определи мерка притвор во траење од 8 дена, а на четвртоосомничениот му изрече мерки на претпазливост забрана за напуштање на живеалиште/престојувалиште и привремено одземање на патна или друга исправа за преминување на државната граница.

Обвинителството продолжува да ги истражува причините и мотивите кои доведоа до овој кривично правен настан, стои во соопштението на ОЈО.

The post Осумдневен притвор за командирот и двајца полицајци по бегството на затвореникот appeared first on Република.

Полициски службеници од СВР Штип, вчера во 17:00 часот го привеле триесетгодишниот штипјанец Ш.Н., кој бил баран по потерница од казнено-поправната установа Затвор Куманово поради бегство од затвор.

Ш.Н., исто така, се сомничи дека во периодот додека бил во бегство од затворот извршил неколку кривични дела „тешка кражба“. По издадена судска наредба, бил извршен и претрес во неговиот дом и биле пронајдени повеќе предмети кои потекнуваат од кривичните дела, информираа од МВР.

Лицето било спроведено во установата за доиздржување на казната, а по целосно документирање на случаите против него ќе биде поднесена соодветна пријава.

The post Фатен бегалец од затвор, дури бил надвор продолжил со крадење appeared first on Република.

Полициски службеници од ПО Шуто Оризари го привеле И.А. (34) од Скопје, кој бил баран со потерница поради бегство од КПУ Идризово.

Како што соопшти МВР, И.А. бил осуден по член 215 од Кривичниот законик на казна затвор од една година и 10 месеци, а за доиздржување имал осум месеци и 29 дена.

Лицето е предадено на надлежната казнено поправна установа.

The post Пронајден бегалец од затворот Идризово appeared first on Република.

Полициски службеници уапсиле бегалец од затвор баран со потерница, осуден на казна затвор над десет години.

Денеска (10.08.2022) во 16:45 часот полициски службеници од Оперативен тим – потраги при СВР Скопје во населба Шуто Оризари во Скопје го лишиле од слобода Н.И. (28) од Скопје, кој бил баран со потерница од КПУ Идризово -Скопје, за доиздржување на затворска казна. Тој бил осуден по чл.236 од КЗ на РСМ на казна затвор во траење од 10 години и 9 месеци, а за доиздржување имал 5 години и 11месеци - информираат од МВР.

Лицето ќе биде предадено на надлежната казнено поправна установа.

The post Треба да долежи уште скоро шест години затвор: Уапсен бегалец од „Идризово“ appeared first on Република.