Ситуацијата со бегалците и мигрантите на балканската рута е стабилна и за разлика од пристигнувањата по морски пат, не се забележуваат зголемувања, брифираат високи извори од Министерството за миграција и азил на Грција, но посочуваат дека состојбата се следи и од безбедносни причини поради опасноста меѓу бегалците од јужен Либан да има борци од Хамас или Хезболах, јави дописничката на МИА од Атина.

Вниманието на Грција е насочено кон морските граници и пристигнувањата на бегалци и мигранти по морски пат до островите, кое во изминатиот период е зголемено, за разлика од балканската рута која е постабилна, но сепак изворот вели дека не можеме да бидеме сигурни дека нема да се промени ако се зголемат притисоците на Блискиот исток.

-Соработуваме со Фронтекс, побаравме поголема инволвираност на Еуропол за да ја контролираме балканската рута, како и сите други рути, доколку постојат бранови од Либан, но ова е и од безбедносни причини, посочуваат изворите од Министерството за миграција и азил на Грција.

Објаснуваат дека ако во јужен Либан се влоши ситуацијата и ако се создадат мигрантски бранови од таму, можеби нема да бидат само семејства кои сакаат да си заминат од воената зона, туку може да се обидат и борци од Хезболах и Хамас да стигнат до Европа, што од безбедносни причини треба да се следи.

Затоа, нагласуваат дека мора да бидат во состојба на внимателност и будност.

Чамците со бегалци и мигранти кои пристигнуваат во Грција веќе се секојдневие, а високите извори од Министерството за миграција и азил проценуваат дека до крајот на годинава околу 50.000 ќе биде бројот на пристигнувања во земјата.

Според официјалните податоци, од почетокот на 2024 година, заклучно со септември пристигнале нешто повеќе од 37.000 лица, што е за 25 отсто повеќе споредбено со првите девет месеци од 2023 година.

Главниот проблем, според истите извори се криумчарите на мигранти кои „ги ставаат во опасност животите на луѓето“, злоупотребувајќи ја нивната ситуацијата „ги ставаат во небезбедни пловни средства за опасни морски патувања“.

Еден таков пример е и неодамнешната несреќата во близина на островот Кос кога две жени и две деца загинаа поради опасните маневри на криумчарот, кој управувал со чамецот.

-Не се занимаваме доволно со криумчарите. Тоа е тема што им ја поставуваме и на нашите европски партнери и на нашите турски соседи, нагласуваат високите извори од Министерството за миграција и азил на Грција и посочуваат дека намерата е да се интензивира соработката со Турција и да се фокусираат на борбата против мрежите на криумчарите во Егејското море.

Дополнително, истите извори велат дека со Турција треба да се разговара и за враќањата, нешто што е предвидено со заедничката изјава ЕУ-Турција, но не се спроведува веќе четири-пет години.

-Со фактот што не се враќаат мигранти во Турција, всушност ја прави рутата еднонасочна, оној што влегува, не може да излезе и ова треба да се смени и оваа еднонасочна улица да стане двонасочна, посочуваат изворите и додаваат дека ова е нешто што Грција го бара на европско ниво и не може да се разговара на билатерално ниво.

Враќањата на мигрантите и бегалците и во земјата на потекло и во трети земји е темата која е актуелна во изминатиот период, а за која изворите од Грција велат дека ќе добие особена динамика во ЕУ.

За враќањето на бегалците кои имаат признат статус и одобрен азил од една во друга земја, тешкотијата е нивното пронаоѓање и лоцирање.

Како пример, изворите споменуваат дека Грција прифатила од Германија да се вратат околу 570 признати бегалци, а се вратиле само 15 бидејќи е тешко останатите да се лоцираат, нешто што е проблем и кога станува збор за нелегалните мигранти и оние кои не добиле позитивен одговор на барањето за азил или за добивање дозвола за престој.

The post Грција ја следи ситуацијата со балканската рута и поради опасноста меѓу бегалците и мигрантите да има борци од Хамас или Хезболах appeared first on Република.

Населението на Украина се намалило за 10 милиони луѓе или околу една четвртина од почетокот на руската инвазија, соопшти ОН.

Намалувањето се должи на бегалскиот бран, падот на наталитетот и загинатите во војната, изјави Флоранс Бауер, регионална директорка за Источна Европа на Фондот за население на ОН.

Таа истакна дека уште пред инвазијата Украина се соочуваше со демографски предизвици, а војната ја влоши состојбата.

Во 1991 година, Украина имаше над 50 милиони жители, додека пред инвазијата во 2022 година бројот изнесуваше околу 40 милиони.

The post Населението на Украина намалено за 10 милиони од почетокот на војната appeared first on Република.

Повеќе од две и пол години од избувнувањето на руско-украинскиот конфликт, некои европски земји зазедоа построг став кон прифаќањето бегалци кои бегаат од војната, а меѓу најрешителните е Норвешка, пишува денеска францускиот весник Монд.

Во анализата се потсетува дека норвешката влада на 27 септември соопшти дека ќе престане да дава автоматски азил на сите Украинци кои тоа ќе го побараат, нагласувајќи дека оваа одлука стапува во сила веднаш.

Норвешката влада го оправда својот построг однос кон бегалците со влијанието на нивниот прилив врз домувањето, здравствените услуги и училиштата во одредени градови

The post Монд: Европските земји се построги во однос на прифаќањето бегалци од Украина appeared first on Република.

Шефот на агенцијата на ОН за палестински бегалци (УНРВА), Филип Лазарини денеска изјави дека мнозинството палестински бегалци кои живеат во кампови во јужен Либан или во близина на Бејрут избегале поради израелските напади.

Тој рече дека УНРВА продолжува да обезбедува услуги за најранливите Палестинци и оти оти тоа „бегство“ за жал е „дел од нивната историја“.

Израел ги засили своите напади врз позициите на Хезболах низ јужен Либан, издавајќи предупредувања за евакуација за повеќе од 100 градови во јужен Либан и населбите во близина на Бејрут.

Околу 1,2 милиони луѓе се раселени во Либан, а повеќе од 2.100 се убиени во изминатата година.

Хезболах почна да лансира ракети кон израелските воени позиции минатиот октомври во знак на солидарност со својот сојузник, палестинската терористичка група Хамас, која изврши терористички напад на Израел минатиот октомври.

The post Палестински бегалци избегаа од Либан поради израелските напади appeared first on Република.

Германскиот канцелар Олаф Шолц порача дека сака да види поголема брзина во одлучувањето за барањата за азил за време на посета на Федералната канцеларија за миграција и бегалци (БАМФ) во Баварија.

Шолц вети и политички напори, на пример за подобрување на враќањето на барателите на азил како дел од таканаречената Даблинска регулатива на ниво на Европската Унија.

Мора да постигнеме промена во практиката, рече Шолц во Нирнберг и информира дека е во „постојан дијалог“ со своите колеги во неколку европски земји.

Претходно, вработените во БАМФ го изразија своето незадоволство од досегашната практика на канцеларот. Некои земји, вклучително и Италија, во моментов не прифаќаат ниту еден или само мал број бегалци, иако се обврзани да го сторат тоа според договорот од Даблин.

Според Даблинската регулатива, само една земја на ЕУ е одговорна за испитување и обработка на процедурите за азил - обично земјата на чие тло лицето кое бара заштита првпат влегло во ЕУ.

Генерално, Шолц повика на поголема брзина во обработката на барањата за азил.

Ова е клучно за да се постигне поголемо прифаќање меѓу населението, рече тој.

The post Шолц бара побрза процедура за барателите на азил во Германија appeared first on Република.

Светскиот ден на бегалците, меѓународен ден организиран секоја година на 20 јуни од страна на Обединетите нации, годинава го одбележуваме со рекордна бројка на присилно раселување во светот. Извештајот за глобалните трендови од 2024 година покажува дека 12-та година по ред се зголемува бројот на раселени лица, а конфликтите од Судан до Газа и Мјанмар создаваат ново раселување кое бара итна акција. Околу овие бројки, состојбата и препораките за решенија во МИА интервју разговараат со Габриел Гуалано де Годој, претставник на Високиот комесаријат за бегалци на Обединетите нации – УНХЦР во Република Македонија.

Годој вели дека ова е тажен светски рекорд кој апелира на посилно здружување за поголема заштита на бегалците низ светот.

До декември 2023, државите изјавиле дека повеќе од 117 милиони лица биле присилно раселени. Ова значи дека 1,5 проценти од човештвото е принудено да ги напушти своите домови како последица на грубо кршење на човековите права. Ова е светски рекорд, но и тажен рекорд. Го одбележуваме Светскиот ден на бегалците за да повикаме на посилно здружување за да пружиме заштита на бегалците низ светот, вели тој.

Според него, главните причини за ова се актуелни, стари и нови конфликти во кои е тешко да се адресираат главните причинители на војна, како и немањето волја да се сподели одговорноста, и воедно, тие претставуваат главни аспекти кои го отежнуваат тоа да нема повеќе бегалци.

Ситуацијата во главните земји како Авганистан, Сирија, Украина, но и Сомалија, Конго, во поскоро време и Судан, Палестина – ова се земјите кои се потенцирани во извештајот на „Глобални трендови“. На пример, има повеќе од 10 милиони лица во Судан кои морале да заминат. Ако помислиме на конфликтот во Газа во државата Палестина, 80 проценти од Палестинците се внатрешно раселени како последица на грубото прекршување што се случува таму, појаснува Годој.

Најголемиот број од овие лица, според Извештајот, се присилени да бегаат во соседните земји. Годој вели дека 69 проценти наоѓаат безбедно прибежиште во земјите кои се до нивната земја на потекло.

Ова значи дека можеме да најдеме бегалци блиску до земјите кои што ги наброив од каде произлегува огромен дел од популацијата која е присилно раселена. Исто така, потребата да се најдат решенија на друго место се зголемува. Секоја земја може да биде земја на азил и затоа е важно да се размислува за научените лекции од овој процес и што може да се направи за да се најдат повеќе подобри решенија за бегалците. Тоа се лица кои треба да бидат добредојдени. Тоа не е само морален императив, туку и меѓународна обврска, нагласува тој.

Во Македонија 106 барања за азил од 2024 година чекаат одлука од институциите

Конвенцијата за бегалци од 1951 е дизајнирана да ги заштити бегалците и барателите на азил, а УНХЦР е Агенцијата која ги поддржува бегалците низ светот и ги поддржува земјите-домаќини како и заедниците-домаќини да се осигура дека лицата кои бегаат од војна ќе имаат можност да започнат нов живот на безбедно во други земји. Македонија се обврза на оваа Конвенцијата пред 30 години, во 1994.

Во однос на ситуацијата во нашата држава, Годој вели дека Македонија била сведок на раселена популација во минатото и многу македонски семејства ги виделе последиците на војна и конфликт.

Денес, имаме друга ситуација. Минатата година, 602 барања за азил биле поднесени, а оваа година 106 барања за азил чекаат одлука од Министерството за внатрешни работи и секторот за азил. Нашата агенција ја поддржува Владата, Секторот за азил, има тесна соработка со здруженијата на адвокати и невладините организации за да се осигура дека барателите на азил и бегалците имаат пристап до правна помош, обезбедува превод и толкување како и за време на процесот за нивна интеграција, вели тој.

Годој дополнува дека е важно да се обрне внимание на другите форми на заштита кои се достапни како што се супсидијарна заштита и привремена заштита за украинските бегалци, што, според него, е многу важно бидејќи во нашата земја има украински бегалци кои примаат привремена заштита.

Овие аспекти се многу важни, да се осигураме дека имаат правен статус, можноста да се има пристап до права, заштита и да се стане дел од општеството, повторно да си ги изградат своите животи, како и безбедноста, додека не се стави крај на војната, нагласува Годој.

Тој вели дека УНХЦР може да ја поддржи Македонија во две главни цели, зајакнување на правото на азил и правата во тој систем.

Можно е да се зајакне системот на азил за да има подобра стапка на признавање на случаите на кои им треба меѓународна заштита. Исто така, треба да се обезбедат правата на бегалците, не само правото на азил туку и социо-економските права кои се дел од меѓународната заштита. Тоа значи дека постарите деца треба да одат на училиште, да имаат пристап кон здравствениот систем, легални документи, да можат да отворат сметки во банки и да бидат дел од пазарот на трудот со што ќе може да плаќаат данок и да придонесуваат кон локалната економија, вели тој.

Во однос на прашањето дали овој процес функционира добро во земјава, тој набројува дека соработуваат со Владата и повеќе сектори од академската фела како и невладини организации, но, треба да се обезбедат повеќе сојузници од приватниот сектор.

Годој посочува дека нашата држава се обврзала до 2027 да го поддржи и зајакне системот за азил, што, според него, е многу важна мерка која ќе го направи системот поправеден и поефикасен.

Земјата, исто така, почна да работи на инфраструктурата за подобра локална интеграција на бегалците, да го усогласува законодавството, пристапот до едукација, здравство, социјално-економски права, вклучувајќи го и правото на работа за барателите на азил и мигрантите. Пристап до тие права може да биде ефикасен и навремен. Во моментов, на барателите на азил им требаат многу месеци за да можат да уживаат во правото на работа. Секако дека тие ветувања се многу важни, бидејќи тие ги поставуваат очекувањата, но со остварливи цели. Мислам дека таа цел може да се постигне со посилен сојуз за заштита и да се вклучат мигрантите, вели тој.

Професионалното новинарство сојузник во заштитата на бегалците

Канцеларијата на високиот комесаријат за бегалци на Обединетите нации УНХЦР, заедно со Македонското здружение на млади правници и Здружение на новинарите на Македонија – ЗНМ десет години по ред доделува награди за професионално известување за состојбата на бегалците и лицата без државјанство во Република Македонија.

На прашање колку професионалното известување помага во заштитата на бегалците, Годој вели дека новинарите се нивни сојузници и добро е што тие не известуваат само за бројките, туку и за личните приказни што стојат зад нив.

Ваквите приказни ни помагаат да остваруваме напредок, да го признаеме тоа и напорите МВР и МНР, граѓанскиот регистар, но, исто така, и да ја истакнеме пошироката цел да не оставиме никого зад себе, почнувајќи од лицата без државјанство и бегалците, вели претставникот на УНХЦР во земјава.

Прекинот на војните и дијалогот на оваа тема клучни за подобрување на состојбите

Годој вели дека мирот и стабилноста се неопходни за бегалците на светот. Прекинот на огнот и меѓународниот дијалог на оваа тема ги посочува како клучни фактори за подобрување на состојбите. Тој ги повикува граѓанските организации, академската фела и приватниот сектор да се придружат кон целта со која ќе се создаде план за акција и дизајнирана тура од очајност до надеж.

Неговите очекувања во врска со неговата работа во Македонија, се земјата да стане пример во однос на почитување на правото за азил, подобрување на стапката на признавање на оние кои заслужуваат меѓународна заштита, и достапност кон правата на барателите на азил.

Тоа значи дека би сакале повеќе деца да се приклучат на образовниот систем, да имаат пристап до високо образование, да станат дел од неформалниот пазар на труд и активната економија. Верувам дека бегалците претставуваат додадена вредност за економијата, дека нашата мрежа на сојузници ќе ја поддржи новата влада во остварувањето на тие цели и краткорочни мерки кои можат да се веднаш да се спроведат, вели тој.

Како што дополнува Годој, едно решение е давање привремена заштита на украински бегалци, мерка која е во сила, но истекува во август.

Би сакале новата влада да ја продолжи привремената заштита, како што направија и другите европски земји. Ова е конфликт кој најмногу влијае на нашиот континент. Секако, постојат и други конфликти. Ако се фокусираме на барателите на азил овде ќе видиме дека доаѓаат од земји во конфликти како што се Авганистан и Сирија. Бегалците се луѓе, како мене и тебе, и заслужуваат да бидат добредојдени со отворени врати. Многу е важно да се зборува за таа ситуација, за да можеме да разбереме што значи да се биде бегалец и дека постојат можности да се справиме со ситуацијата, дека земјата домаќин не е сама, дека владата не е сама, вели тој.

Годој се надева дека преку соработката ќе бидат постигнати позитивни резултати како што беше решавањето на случаите со бездржавјанство.

Оваа земја претходно имаше 800 случаи, а денес само 194. Затоа, очекуваме дека овие последни случаи ќе бидат решени и тогаш земјата ќе биде глобално позиционирана како една од првите нации кои ја оствариле нашата кампања „Јас припаѓам“ на прогресивно движење кон нула за лицата без државјанство, потенцира претставникот на УНХЦР.

The post Претставникот на УНХЦР во Македонија: Прифаќањето на бегалците не е само морален императив, туку и меѓународна обврска appeared first on Република.

Шефот на Агенцијата на ОН за помош на палестинските бегалци (УНРВА), Филипе Лазарини, соопшти дека организацијата собрала повеќе од 115 милиони долари од приватни донации во изминатите шест месеци.

Износот значи многу за организацијата на Обединетите Нации бидејќи многу западни земји го прекинаа финансирањето по наводите дека членови на персоналот учествувале во нападот на Хамас на 7 октомври во јужен Израел.

Лазарини ова го изјави по брифингот зад затворени врати со дипломати од земјите-членки на ОН во Женева.

САД, Австрија и Велика Британија не го продолжија финансирањето.

Лазарини додаде дека САД - најголемиот финансиер на УНРВА, „јасно укажале дека замрзнувањето на средствата ќе остане во сила до март 2025 година“, додека Австрија и Велика Британија сè уште не одлучиле.

The post Агенцијата на ОН за палестинските бегалци собрала повеќе од 115 милиони долари од приватни донации appeared first on Република.

Бројот на напади врз бегалци и баратели на азил во Германија е значително зголемен оваа година, објави денеска германската Влада.

Во првите три квартали од оваа година евидентирани се 1.515 политички мотивирани напади врз бегалци и баратели на азил, што е повеќе од целата претходната година, се вели во одговорот на германската Влада на истрагата на пратеничката група на Левицата во Бундестагот.

Најголем број напади, две третини, им се припишуваат на извршителите од политичкото милје од екстремната десница.

Партијата на левицата го критикуваше зголемувањето на насилството врз бегалците и барателите на азил и го поврза ова зголемување со актуелната дебата за ограничување на илегалната имиграција во Германија.

Сојузната влада и претставниците на сојузните покраини неодамна договорија пакет мерки кои треба да резултираат со намалување на бројот на бегалците, кои од почетокот на оваа година повторно во зголемен број доаѓаат во Германија.

Меѓу другото, мерките вклучуваат зголемена контрола на границите како и укинување на социјалните бенефиции за бегалците, што треба да ја намали атрактивноста на Германија како дестинација за мигрантските текови.

Германските граѓани во анкетите на јавното мислење го наведуваат токму проблемот со неконтролираната имиграција како најголем социјален проблем. Партиите како десничарската Алтернатива за Германија (AfD), кои се противат на сите форми на имиграција, имаат најголема корист од ова расположение.

The post Во Германија значително е зголемен бројот на напади врз бегалци appeared first on Република.

Бројот на напади врз бегалци и баратели на азил во Германија е значително зголемен оваа година, објави денеска германската Влада.

„Во првите три квартали од оваа година евидентирани се 1.515 политички мотивирани напади врз бегалци и баратели на азил, што е повеќе од целата претходната година“, се вели во одговорот на германската Влада на истрагата на пратеничката група на Левицата во Бундестагот.

Најголем број напади, две третини, им се припишуваат на извршителите од политичкото милје од екстремната десница.

Партијата на левицата го критикуваше зголемувањето на насилството врз бегалците и барателите на азил и го поврза ова зголемување со актуелната дебата за ограничување на илегалната имиграција во Германија.

Сојузната влада и претставниците на сојузните покраини неодамна договорија пакет мерки кои треба да резултираат со намалување на бројот на бегалците, кои од почетокот на оваа година повторно во зголемен број доаѓаат во Германија.

Меѓу другото, мерките вклучуваат зголемена контрола на границите како и укинување на социјалните бенефиции за бегалците, што треба да ја намали атрактивноста на Германија како дестинација за мигрантските текови.

Германските граѓани во анкетите на јавното мислење го наведуваат токму проблемот со неконтролираната имиграција како најголем социјален проблем. Партиите како десничарската Алтернатива за Германија (AfD), кои се противат на сите форми на имиграција, имаат најголема корист од ова расположение.

The post Во Германија значително е зголемен бројот на напади врз бегалци appeared first on Република.

Повеќе од 200.000 авганистански бегалци досега се протерани од Пакистан како дел од напорите за справување со илегалните имигранти, соопшти денеска Министерството за внатрешни работи на Пакистан.

„Повеќе од 200.000 авганистански бегалци досега се вратени во нивната татковина“, рече министерот за внатрешни работи сенаторот Сарфраз Бугти.

Бугти рече дека процесот на репатријација се одвива без проблеми на сите премини во провинциите што граничат со Авганистан.

Во изминатите неколку недели, повеќе од 160.000 бегалци ја минаа границата од северозападната провинција Хајбер Пахтунхва, а повеќе од 50.000 ја напуштија земјата од југозападната провинција Балуџистан.

Според владините податоци, во Пакистан живеат приближно 4,4 милиони авганистански бегалци, од кои 1,7 милиони немаат валидни документи.

Минатиот месец Пакистан објави масовни депортации на авганистански бегалци без документи или илегални бегалци кои живеат во земјата, што наиде на критики од западните влади и глобалните групи за човекови права.

The post Повеќе од 200.000 авганистански бегалци протерани од Пакистан appeared first on Република.

Агенцијата на ОН за палестински бегалци (УНРВА) денеска соопшти дека наскоро нема да има можност за сместување на раселените лица во Појасот Газа.

Директорката за комуникации на УНРВА, Тамара Алрифаи изјави дека речиси 137.000 луѓе досега се сместени во повеќе од 70 училишта на ОН низ Појасот Газа. Таа додаде дека Агенцијата може да смести до 150.000 луѓе во 79 училишта во Појасот Газа, како и дека енклавата има за уште десет дена.

Израелскиот министер за одбрана Јоав Галант денеска нареди „целосна опсада“ на Појасот Газа по нападот на борците на Хамас врз Израел во текот на викендот.

The post УНРВА: Наскоро нема да има капацитет да ги смести раселените лица во Газа appeared first on Република.

Германија планира следната година да ја преполови федералната помош што ја доделува на државите за покривање на трошоците за прием и интегрирање на бегалците. Ваквиот потег е дел од мерките за намалување на буџетот поради енормната инфлација по долгогодишната голема потрошувачка.

Повеќе од милион луѓе побарале засолниште во Германија од почетокот на конфликтот во Украина, а поддршката за нивната грижа доведе до тоа 16 држави во земјата да бараат повеќе федерални средства за покривање на трошоците на бегалците.

Берлин во понеделникот ги информираше земјите дека ќе издвои најмногу 1,7 милијарди евра за поддршка за трошоците на бегалците во 2024 година, додека годинава за таа цел се издвоени 3,75 милијарди евра

The post Нема веќе пари за лежење: Германија ја намалува помошта за бегалците appeared first on Република.

Околу 120.000 Ерменци од Нагорно Карабах ќе заминат во Ерменија, бидејќи не сакаат да живеат во составот на Азербејџан и се плашат од етничко чистење, изјави Давид Бабајан, советник на претседателот на енклавата.

Бабајан изјави дека Ерменците нема да имаат човечки услови да живеат во составот на Азербејџан и дека 99,9 отсто од нив ќе го напуштат Нагорно Карабах поради тоа.

Судбината на нашиот кутар народ ќе влезе во историјата како срам за ерменскиот народ и за целиот цивилизиран свет“, порача Бабајан и додаде дека процесот на предавање на оружјето на етничките Ерменци од Нагорно Карабах е во тек.

The post Околу 120.000 Ерменци ќе го напуштат Нагорно Карабах appeared first on Република.

Францускиот министер за внатрешни работи Жералд Дарманен изјави дека неговата земја нема да прифаќа мигранти кои пристигнале на медитеранскиот остров Лампедуза, јави ДПА.

Франција нема да прифати мигранти од Лампедуза, изјави Дарманен за францускиот ТВ канал Те-Еф 1.

Франција се залагаше за тешки мерки. Илегална миграција има во Франција и Италија, како и низ Европа, против која мора да се бориме, рече министерот за внатрешни работи.

Според Дарманен, Франција понудила да и помогне на Италија да ги враќа луѓето во земји со кои Париз има добри дипломатски односи.

Тој рече дека околу 60 отсто од луѓето што пристигнале во Лампедуза зборуваат француски јазик.

The post Дарманен: Франција нема да прифаќа мигранти од италијанскиот остров Лампедуза appeared first on Република.

Европската комисија денеска предложи дополнително продолжување на привремената заштита во ЕУ за украинските бегалци.

Планирано е Украинците да продолжат да го користат правото на работа, здравствена заштита и образование до 3 март 2025 година.

Ова ќе обезбеди сигурност и поддршка за повеќе од четири милиони луѓе, се забележува во соопштението на комисијата. Привремената заштита првично беше доделена на 4 март 2022 година со едногласна одлука на земјите од ЕУ и беше продолжена за една година.

The post ЕК предлага продолжување на привремената заштита за украинските бегалци appeared first on Република.

Американското Министерство за правда соопшти дека поднело тужба против компанијата „Спејс Икс“ (SpaceX) , на Илон Маск, заради дискриминација на бегалците.

На конкурсите за работа и избор на вработени од септември 2018 до септември 2022 година, „Спејс Икс“ погрешно наведувал дека може да ангажира само американски граѓани и иматели на „зелени карти“ или постојани жители, поради „законот за контрола на извозот“, што компанијата морала да го почитува.

Нашата истрага откри дека „Спејс Икс“ неоправдано ги одбивала бегалците поради нивниот статус и всушност вовела забрана за вработување без оглед на нивните квалификации, со што го прекршила федералниот закон. Законите за контрола на извозот не бараат такви ограничувања за вработување, изјави заменик министерката за правда, Кристен Кларк.

Во тужбата се сака да се добие компензација, вклучително и финансиска компензација, „за бегалците кои поради оваа наводна дискриминација биле разубедени и биле одбиени од вработување во „Спејс ИКс““.

Тесла, уште една компанија на милијардерот Маск, веќе е тужена од сојузната држава Калифорнија за расна дискриминација во неговата фабрика во Фремонт, пренесува Хина.

The post Американската влада го тужи „Спејс Икс“ за дискриминација на бегалците appeared first on Република.

Украина го отвори граничниот премин помеѓу украинскиот регион Суми и рускиот регион Белгород, што беше затворен од почетокот на војната, за да можат украинските бегалци раселени во Русија да се вратат дома.

Директните патишта до областите контролирани од украинските трупи често се блокирани од првите линии на фронтот, а многу Украинци се принудени да бараат засолниште во Русија.

Украинската вицепремиерка Ирина Верешчук изјави дека граничниот премин е отворен од 5 август.

Украинските бегалци за да се вратат од Русија во регионите под контрола на Украина, мора да патуваат преку земјите на Европска Унија или Грузија.

Киев постојано ги повика Украинците кои живеат во областите окупирани од Русија во земјата да побегнат на украинска територија поради тековните обиди за нивно повторно заземање.

Пред повеќе од 17 месеци, Русија ја нападна Украина и окупираше големи делови од нејзината територија.

The post Украина отвори граничен премин со Русија за враќање на бегалците appeared first on Република.

Во претходната учебна година во основните и средните училишта во Србија учеле 250 ученици со статус на бегалец, од кои 82 ученика од Украина.

Како што соопшти Министерството за образование за телевизијата Н1, во учебната 2022/23 година, во основните училишта имало 70 ученици бегалци од Украина, во средните училишта 11, додека едно дете посетувало подготвителна предучилишна програма.

Од почетокот на руската инвазија на Украина, на 24 февруари 2022 година, се проценува дека пет милиони граѓани ја напуштиле земјата.

Според проценките на републичкиот комесар за миграција, повеќе од 50.000 украински бегалци поминале низ Србија во првите неколку месеци од почетокот на војната, а над 10.000 од нив останале во Србија.

The post Во училиштата во Србија учеле 250 ученици со статус на бегалци, од кои 82 биле од Украина appeared first on Република.

Во 2022 година Франција примила 547.102 бегалци, соопшти Француската служба за заштита на бегалците и лицата без државјанство.

Веќе петта година по ред, авганистанските државјани се најбројните баратели на азил во Франција, со 17.000 од вкупно поднесените 131.000 барања: тренд што дополнително се интензивираше по враќањето на талибанците на власт во летото 2021 година (37 проценти зголемување во однос на 2021 година).

Презентираните бројки би можеле вртоглаво да се зголемат со избувнувањето на војната во Украина во февруари 2022 година, која го генерира најголемиот бран бегалци во Европа од Втората светска војна.

Украинците се под специфичен режим наречен „привремена заштита“, односно украинските државјани кои пристигнуваат во Франција додека аплицираат за азил, имаат право на престој и пакет социјални бенефиции.

The post Франција во 2022 година примила над половина милион бегалци appeared first on Република.

Вооружени групи во источниот регион на Демократска Република Конго убиле повеќе од 600 луѓе во изминатите три месеци, соопшти Марта Побе, помошник генерален секретар на Обединетите нации (ОН) за Африка.

Обраќајќи се пред Советот за безбедност на ОН, таа изјави дека убиствата може да се припишат на конгоанските групи за развојна соработка, милицијата „Заир“ и бунтовничката група „Сојузничките демократски сили“.

Според Побе, безбедносната ситуација на истокот на ДР Конго продолжи да се влошува и покрај затишјето во вооружените конфликти меѓу бунтовничката група М23 и владините сили во провинцијата Северен Киву.

Според податоците на ОН, во Источно Конго има 5,7 милиони внатрешно раселени лица поради небезбедна храна.

The post Најмалку 600 луѓе загинале во изминатите три месеци во источниот дел на ДР Конго appeared first on Република.