ЕСМ Снабдување со топлина ги известува потрошувачите дека интензивно работи на подготовка на сметките за топлинска енергија за октомври и дека тие ќе стасаат со мало задоцнување, во однос на датумот кога претходно вообичаено ги добивале поради потребните технички подготовки за нивна изработка и ќе имаат соодветен рок за плаќање.

Во рамки на подготовките на фактурите се одвиваат и подготовки на постапката за префрлање на податоците на потрошувачите, со што тие ќе се префрлат од претходниот снабдувач со топлинска енергија на сегашниот, ЕСМ Снабдување, во законски определена процедура согласно Законот за заштита на личните податоци. Од претходниот Снабдувач со топлинска енергија ќе се преземе целокупната база на податоци потребна за изработка на фактурите, вклучително и личните податоци на потрошувачите на централниот систем за греење, како и сопствениците на станови и деловни простории лоцирани на подрачјето на општините каде ЕСМ Снабдување има лиценца, се наведува во соопштението на ЕСМ Снабдување.

Преземањето на целокупната база на податоци вклучително и личните податоци за потрошувачите произлегува од нужноста за обезбедување континуитет во вршењето на дејноста.

Сакаме да напоменеме дека независно од постапката за преземање на податоците, секој потрошувач потребно е да склучи Договор за снабдување со топлинска енергија заради регулирање на потрошувачкиот однос со снабдувачот, а тоа е утврдено во Правилата за снабдување со топлинска енергија. Потенцираме дека не е правно возможно преземање на договори со претходниот снабдувач, односно потребно е да се склучат нови договори. Досега, во ЕСМ Снабдување склучени се 11 200 договори за снабдување со топлинска енергија со потрошувачите. Времето на задржување на потрошувачите во пунктовите е значајно намалено откако електронскиот образец на ​Договорот за снабдување со топлинска енергија е поставен на веб страницата на АД ЕСМ и на официјалните канали на социјалните мрежи, со оглед на тоа што документот сега се предава веќе пополнет од нивна страна, се нагласува во соопштението.

Во следниот период ЕСМ Снабдување, по достава на фактурите за топлинска енергија, до потрошувачите кои сѐ уште не потпишале договор ќе го достави образецот на Договорот за снабдување со топлинска енергија  на нивната адреса, по што тие ќе треба да го предадат потпишан од нивна страна во пунктовите на ЕСМ Снабдување.

Компанијата ветува дека ќе им овозможи на граѓаните соодветен временски период за да ја регулираат обврската, и во тој период греењето непрекинато ќе се испорачува.

Потрошувачите кои имаат склучено договор за наплата на фактурите за топлинска енергија преку траен налог, од матичната банка ќе добијат инструкции за постапување.

Оние кои плаќаат преку електронско банкарство, во зачуваните шаблони односно ПП налози за плаќање ќе биде потребно да ја проверат и ако има потреба и да извршат промена на жиро-сметката од претходниот Снабдувач и да ја внесат таа на ЕСМ Снабдување која ќе им биде доставена со фактурите.

Фактурите за потрошувачите на ЕСМ Енер на РСМ за надоместување на разликата на цената на топлинската енергија, веќе се дистрибуираат за август и за септември и ќе имаат соодветен рок за плаќање.

The post Сметките за парно за октомври ќе задоцнат, новите договори чекајте ги по пошта appeared first on Република.

Балкан енерџи груп АД Скопје (БЕГ) во пишано соопштение до медиумите порачува дека е неточна изјавата дека БЕГ бесправно стопанисувал со топланите бидејќи, како што велат, ги користеле согласно Договор за закуп со Топлификација, а согласно Закон за облигациони односи, договорот го наследува новиот сопственик на топланите.

-Во моментот кога „Адора“ ги купи топланите знаеше дека се под долгорочен закуп на БЕГ за вршење на јавната дејност, што беше наведено и во огласот за продажба. Согласно истиот Договор за закуп, БЕГ редовно исплаќаше месечна закупнина во висина од 2,6 милиони денари, колку што одобрува Регулаторната комисија за енергетика (РКЕ), меѓутоа Адора ја враќаше бидејќи ценеше дека е недоволно, посочуваат од БЕГ.

Нагласуваат дека е неточна изјавата на сопственикот на Адора, Ванчо Чифлиганец дека БЕГ наплатил 1,6 милиони евра кои никаде ги нема.

-БЕГ од граѓаните наплаќаше согласно одлуки на РКЕ. Сите собрани пари од граѓаните БЕГ ги насочи да ги покрие трошоците за набавка на природен гас и електрична енергија. За жал овие трошоци беа многу повисоки од предвидените во тарифата за претходната грејна сезона и компанијата оствари големи загуби во првиот квартал и остана должна како на Адора така и на други доверители. Согласно правилата на РКЕ, компанијата има право да ги побарува остварените загуби од идните тарифи одобрени од РКЕ, по што ќе бидат подмирени обврските кон Адора и останатите доверители, потенцираат од БЕГ.

2022-09-30 14:41:41, од Валентин Јанковски

The post БЕГ: Не е точно дека бесправно сме стопанисувале со топланите во Скопје appeared first on Република.

Адора инженериг и јас лично последниве 12 месеци поминуваме низ вистинска голгота по купувањето на Топлификација, вели бизнисменот Ванчо Чифлиганец во СТУДИО 10 на ТВ24.

Чифиганец вели дека топланите се платени 9,26 милиони евра и се купени на транспарентен начин. За мотивот за влегување во оваа инвестиција Чифлиганец вели дека дека е логичен след на растот на компанијата Адора која имаше 500 вработени, од кои 450 беа работници. За состојбата сега вели дека се останати само 27 вработени во менаџментот.

Кога дојдоа некои локални шерифи за градоначалници, на Адора ѝ беше оневозмоено да гради. Измислуваа мораториуми кои важеа само за Адора. Оттука, се решивме да влеземе во регулираниот бизнис на топланите. Пресметавме дека ќе можат да се вработат 100 врвни професионалци. Ние влеговме во топланите Исток и Запад за да и унапредиме, вели Чифлиганец.

https://republika.mk/vesti/ekonomija/chifliganec-nasila-me-teraat-drzavni-institucii-da-potpisham-deka-gi-davam-pod-zakup-toplanite/

Тој објаснува дека Адора имала план да воведе еколошки иновации за загревање на Скопје преку т.н. базени со сол кои се загреваат на сончева енергија и се еколошки за азлика од мазутот.

Ние 12 месеци имаме сопственост над топланите но не се во наше владение. Стечајниот управник си зел награда од 150.000 евра, но ние владение немаме. Улогата на стечајниот управител е етичка и морална пред јавноста и пред купувачот. Министерството треба да ја преиспита оваа ситуација за понатаму да не се случуваат вакви работи. За платените пари треба да се добие наведената сопственост или да се вратат парите, но ништо од тоа иако на случајот работи цел тим адвокати, вели Чифлиганец.

Правниот тим на компанијата постојано поднесува барања и поднесоци до сите надлежни, меѓу кои и до Регулаторната комисија за енергетика, но без резултат.

Дали сегашната ситуација е времено преземање и национализација на Топлификација од страна на Владата, не знам, вели Чифлиганец.

Тој додава дека мора да се почитува приватната сопственост. Топланите се купени со кредит од НЛБ банка врз основа на хипотека во сооднос 1:4. Адора на овој кредит треба да врати камата од речиси милион евра во рок од десет години, вели Чифлиганец и додава дека годишната рата за кредитот е исто еден милион евра.

Чифлиганец објаснува дека недостигаат 1,6 милиони евра наплатени од граѓаните минатата година.

Адора нема да си дозволи да биде пречка скопјани да имаат топлинска енергија. Но, го бараме она што ни следува. Регулаторите не знаат каде се тие средства. БЕГ велат дека немаат пари и сметките им се празни. Технички, БЕГ веќе не постои во бизнис релациите. Долгот треба да го подмири Владата преку која било државна надлежна институција, а Адора ќе ги отстапи топланите на управување на државата со подмирување на закупнината за имотот за кој Адора плаќа данок на имот, вели Чифлиганец.

Од лани 22 декември БЕГ бесправно стопанисува со топланите без да има каков било договор со сопственикот, а тоа е Адора, објаснува Чифлиганец во СТУДИО 10 на ТВ24.

The post БЕГ бесправно стопанисува со топланите, им наплаќа на граѓаните, а парите никаде ги нема appeared first on Република.

Адора инженеринг ниту ќе биде пречка, ниту ќе биде алиби за (не)производство на топлинска енергија во Скопје, изјави Чифлиганец во емисијата Студио 10.

Во оваа држава може да се напише докторат за невладеење на правото и она што постојано го констатираат во своите извештаи Европската Унија и Стејт департментот. Странските инвеститори ја заобиколуваат нашата земја поради правната несигурност, сега се гледа и преку домашната инвестиција на Адора инженеринг во Топланите Исток и Запад.

Водителот Мишко Иванов изненадено констатира и праша како е можно тоа што сте го платиле да не можете да го добиете во владение, во меѓувреме, веќе 12 месеци некој друг бесправно да го користи, а вие ги плаќате ратите за кредитот. Дали можеби станува збор за злосторничко здружување меѓу институциите на дражавата, бидејќи прво БЕГ, а сега и државата сакаат бесправно да стопанисуваат со Топланите

Овде не владее правото, сопственоста е нешто свето. Работите треба со разговор, со дебата да се решаваат. Јас сум пријател, инвеститор кој ја сака оваа држава. Ова е домашна македонска инвестиција. Не мора државата да ги употребува членот 33 од Законот за управување со кризи, или членот 6 од Законот за енергетика, повикувам на разумни разговори. Ако сум изброил речиси 10 милиони евра, сакам адекватно без финансиска корист, да си ги наплатиме побарувањата и да се договориме со надлежните институции, ова го изјави Ванчо Чифлиганец, генералниот директор на Адора инженеринг во Студио 10 на 24 вести.

Тој пред јавноста истакна дека Адора инженеринг нема да дозволи да биде ниту пречка, ниту алиби да не се произведува топлинска енергија во градот Скопје.

На институциите, на граѓаните, на скопјани, на метрополата на нашата земја Македонија, им порачувам дека ниту Ванчо Чифлиганец, ниту Адора инженеринг, ниту вработените, ниту моето семејство, нема да бидеме пречка или алиби за да нема топлинска енергија. И така немаме владение врз Топланите Исток и Запад, нека функционираат и нека работат. А јас ќе преживеам и ќе се борам понатаму. Кога ќе помине кризата, веројатно ќе покренам и некои други активности, со цел во Македонија да се менуваат состојбите на подобро, а не кон полошо, изјави Чифлиганец.

Тој додаде дека како бизнисмен се залага за владеење на принципот на еднаквост, на рамноправност, на владеење на правото.

Чифлиганец истакна дека поради нефункционирање на системот, на одредени институции и поединци, имотот на топланите е обезвреднет за 1,5 милиони евра. За амортизација секоја година од граѓаните се наплаќа по 600.000 евра, а од тоа само 10 отсто се инвестира, кај се тие пари, праша Чифлиганец.

И некој после на мене ќе покажува со прст дека условувам, напротив мене ме условуваат со невладеење на правото. Го бараме она што ни следува.  Регулаторната комисија треба да каже колку се тие средства и кој треба да ги исплати. БЕГ велат дека немаат пари и сметките им се празни. Технички, БЕГ веќе не постои во бизнис-релациите. Долгот треба да го подмири државата преку која било државна надлежна институција, а Адора ќе ги отстапи топланите на управување на државата со подмирување на закупнината за имотот, вели Чифлиганец.

Тој потенцира дека правниот тим на компанијата од 03.11. 2021 година, значи речиси една година се обидува и води голгота со институциите. А тоа значи дека од ноември лани БЕГ бесправно ги користи Топланите Исток и Запад. Поднесени се над 100 барања и поднесоци до сите надлежни институции.

Околу 25 дописи имаме поднесено до БЕГ за перземање на Топланите, исто толку и до стечајниот управник, до Регулаторната комисија за енергетика, до ЕСМ, до Владата, до надлежните министерства, но без резултат. Чифлиганец посочи дека бизнисмените сакаат да работат во Македонија, но под услови на рамноправност и фер односи во државата, без фаворизирање поради политички интереси.

Јас се согласувам дури и само да ми се покријат финансиските загуби и ќе им ги предадам топланите на оние кои бесправно ги користат, вели Чифлиганец.

Тој вели дека поради тие долгови за првпат во 45  години кариера ќе мора да потпише негативна годишна сметка. Чифлиганец се надева оти топланите функционираат,  бидејќи како што кажа тој воопшто не влегол таму и додава дека купиле „магла и ветер“. И покрај сето тоа Адора е спремна да направи купопродажен договор и да го продаде имотот за 8,8 милиони евра од кои 7 се отплата на преостанатиот кредит, објаснува Чифлиганец.

Чифиганец вели дека топланите се платени 9,26 милиони евра и се купени на најтранспарентен начин на јавна лицитација. За мотивот за влегување во оваа инвестиција Чифлиганец вели дека е логичен след на растот на компанијата Адора, која имаше 500 вработени, вредни инженери, техничари, архитекти, проектанти, пред се вредни работници.

Сега се останати само 27 вработени во компанијата.

Кога дојдоа некои локални шерифи за градоначалници, на Адора ѝ беше оневозможено да гради. Измислуваа мораториуми кои важеа за Адора и други компании. По сеопфатна анализа, направена од експерти се решивме да влеземе во регулираниот бизнис со топлинска енергија. Нашата мотивација беше да инвестираме во нови современи постројки, да добијат граѓаните подобра услуга и поволни цени. Сакавме да го имплементираме системот МОЛТЕН СОЛТ, инвестиција во фотоволтаици со кои се загрева солта, а солта ќе ја греа водата. Значи целосно нов, современ, еколошки начин на затоплување. Тоа значи целосно независен систем од енергенси како што е гасот, мазутот, нафтата. Сакавме сите 100 вработени во Топланите, врвни професионалци. Ние влеговме во топланите Исток и Запад за да ги унапредиме, вели Чифлиганец.

Зошто тоа не се случи, поради тоа што 12 месеци, плативме, имаме сопственост над топланите, но не се во наше владение. За платените пари треба да се добие наведената сопственост или да се вратат парите, но ништо од тоа во изминатите 12 месеци не се случи, вели Чифлиганец.

Стечајниот управник си зеде награда од 150.000 евра, но ние владение немаме, значи тој не си ја заврши работата. Министерството за правда треба да ја преиспита оваа ситуација за понатаму да не се случуваат вакви работи, додава тој.

Чифлиганец на крајот од интервјуто рече дека доколку некој не се согласува со изнесените ставови во интервјуто, повика на јавна дебата со него или со претставници на менаџментот на компанијата кои се одговорни за оваа инвестиција.

The post Чифлиганец: Купивме магла и ветер, топланите ги плативме а немаме владение над нив appeared first on Република.

Компанијата „Адора инженеринг“, во чија сопственост се топланите Исток и Запад, денеска соопшти дека е согласна, доколку се изнајде модел за да се подмират нивните побарувања, да се премине кон краткорочен договор за закуп со АД ЕСМ до моментот на реализација на сите потребни услови за купопродажба.

Во текот на вчерашниот и денешниот ден имавме опсежни состаноци со РКЕ, ЕСМ и БЕГ, каде што сите страни ги препознаваат ненаплатените побарувања кои законски ни следуваат, односно долгови кон Адора за изминатиот период. Договорено е РКЕ, ЕСМ и БЕГ да изнајдат модел во кој, во овој момент ќе се намират побарувањата кон Адора со цел да стапиме кон регулирање на идните односи за топланите со АД ЕСМ. Доколку постигнеме решение по ова разумно барање, Адора е спремна, иако на наша финансиска штета од 550 000 евра на годишно ниво, но во максимален интерес на граѓаните, да пријде кон краткорочен договор за закуп со АД ЕСМ до моментот на реализирање на сите потребни услови за купопродажба, се вели во денешното соопштение.

Доколку не се најде решение по овие прашања, велат од „Адора“, Владата има можност да ги употреби соодветните членови од законите за енергетика и справување со кризи, со цел да ги користи топланите без наша согласност кое би значело директна повреда врз правото на сопственост.

Барањата на Адора се разумни и имаат егзестенцијално значење за нашата компанија, но уште повеќе разбираме дека граѓаните на град Скопје немаат никаква вина во овие системски пропусти и недоследности, и на ниту еден начин нема да бидеме пречка за граѓаните на град Скопје да имаат парно греење, велат од „Адора инженеринг“, додавајќи дека од ноември лани досега имаат испратено 19 дописи до РКЕ, 10 дописи до АД ЕСМ и четири дописи до Владата во врска со проблематиката со производство на топлинска енергија.

The post „Адора“: Подготвени сме за договор за закуп со АД ЕСМ и на наша штета, но само доколку се најде решение за барањата appeared first on Република.

Обврската за вршење јавна дејност регулирано производство на топлинска енергија престанува со денот на издавање на лиценца, во случајов нов вршител на дејноста, велат од Регулаторната комисија за енергетика РКЕ, откако БЕГ дистрибуција денеска соопшти дека нема обврска да продолжи со вршење на дејноста во новата грејна сезона.

Од РКЕ истакнуваат дека вршењето на јавната дејност производство на топлинска енергија од регулиран производител е прецизно дефинирана во Законот за енергетика каде основниот императив на вршителот на јавна дејност е да обезбеди сигурно, континуирано и квалитетно производство на топлинска енергија.

-Ве информираме дека Законот за енергетика, кој доби и зелено светло од  Енергетска заедница во целост ги има инкорпорирано сите одредби од европската легислативата по однос на сигурно, стабилно и континуирано снабдување со енергија. Во тој дух и РКЕ ги носи одлуките со кои се прецизира дека се до избор на нов вршител на посочената енергетска дејност, на актуелниот вршител не му престанува обврската за обезбедување на јавна дејност. Обврската за вршење на јавна дејност регулирано производство на топлинска енергија престанува со денот на издавање на лиценца (во случајов нов вршител на јавна дејност), наведуваат од Регулаторната комисија за енергетика.

Компанијата БЕГ на која во јуни годинава и беа одземени лиценците поради неликвидност како резултат на високите цени на природниот гас, претходно соопшти дека нема правен основ да располага со топланите,  како и дека нема обврска да продолжи со вршење на дејноста во новата грејна сезона, ниту пак има финансиска можност и кредитна способност за набавка на гориво за производство на топлинска енергија.

По соопштението од БЕГ од Владата исто така порачаа дека се додека не се избере економски оператор, БЕГ мора да испорачува топлинска енергија.

По одземањето на лиценците на БЕГ Владата објави јавни повици за избор на вршители за производство, дистрибуција и снабдување со топлинска енергија. Јавното отворање на понудите се одржа на 13 септември. Во тек е евалуација  понудите на ЕСМ ПРОИЗВОДСТВО НА ТОПЛИНА ДООЕЛ Скопје, ЕСМ ДИСТРИБУЦИЈА НА ТОПЛИНА ДООЕЛ Скопје и ЕСМ СНАБДУВАЊЕ СО ТОПЛИНА ДООЕЛ Скопје, трите претпријатија што беа формирани по одземањето на лиценците на БЕГ

The post Регулаторна потсетува: Обврската за испорака на парно е до издавање лиценца на нов вршител на дејноста appeared first on Република.

Во врска со информациите во јавноста дека БЕГ – Производство треба да продолжи да испорачува топлинска енергија во новата грејна сезона до изборот на нов носител на лиценцата, сакаме да информираме за следното:

Согласно член 51 од Законот за енергетика БЕГ – Производство имаше законска обврска да продолжи да ја извршува дејноста, до истекот на рокот од 90 дена за избор на нов вршител на дејноста, кој е веќе истечен. Во овој период БЕГ Производство продолжи да ја врши дејноста и ги заврши сите неопходни ремонтни активности во топланите се со цел новиот носител на лиценца да може непречено да ја започне новата грејна сезона.

БЕГ Производство нема правна основа за користење на топланите, бидејќи Договорот за закуп е раскинат и новиот сопственик на топланите побара примопредавање на истите. Дополнително, компанијата е финансиски неспособна за вршење на дејноста, поради големите загуби остварени во претходната грејна сезона како резултат на неколкукратно зголемените трошоци за набавка на енергенси и електрична енергија кои не беа покриени со одобрените тарифи од Регулаторна комисија за енергетика.

Заради овие причини на 09.06.2022 год. БЕГ – Производство до РКЕ поднесе барање за престанок на лиценцата се со цел навремено и непречено да се избере нов носител на лиценца за вршење на дејноста производство на топлинска енергија за новата грејна сезона.

На 20.06.2022 год. РКЕ донесе решение за престанок на лиценцата на БЕГ – Производство.

Во врска со договорот за деловно – техничка соработка помеѓу БЕГ – Производство и АД ЕСМ сакаме да ја информираме јавноста дека овој договор беше со важност до 31.03.2022 год., односно истиот е истечен.

Од погоре наведеното очигледно е дека БЕГ – Производство нема правен основ да располага со топланите, нема обврска да продолжи со вршење на дејноста во новата грејна сезона, ниту пак има финансиска можност и кредитна способност за набавка на гориво за производство на топлинска енергија.

The post Ќе се смрзнат ли скопјани? БЕГ: Немаме обврски за новата грејна сезона, ниту смееме да располагаме со топланите appeared first on Република.

Жалам што морам уште еднаш да ја констатирам неспособноста на Владата за справување со предизвиците од енергетската криза, а со кои се соочуваат и скопјани, вели Данела Арсовска во реакцијата на изјавата на премиерот Димитар Ковачевски.

„Она што уште повеќе загрижува е неинформираноста на институциите за сопствените ингеренции кога станува збор за системот за снабдување со топлинска енергија односно парно греење.

Колку за потсетување, уште на 10.01.2022 година премиерот Ковачевски се пофали дека Владата нема да дозволи граѓаните на Скопје да останат без греење, за сега на веќе започната грејна сезона, наместо функционално решение граѓаните да се соочуваат со ладни радијатори.

Ширењето невистини и манипулирањето на граѓаните нема да ја реши економската и енергетска криза. Напротив, премиерот Ковачевски би требало итно да се зафати со решавање на овие проблеми, наместо да шета од медиум на медиум и да пласира невистини.

За потсетување, Владата е таа која има дадено повеќегодишна концесија на БЕГ при што секако обврска и одговорност на Владата е да се справи и со последиците кои произлегуваат од таа концесија.

Согласно член 38 од Законот за енергетика вршителите на енергетските дејности се лица кои поседуваат лиценца од Регулаторната комисија за енергетика која се издава за период од три до 35 години во зависност од видот на енергетската дејност, видот и обемот на обврската за обезбедување јавна услуга во вршењето на енергетската дејност, обемот на средствата потребни за извршување на енергетската дејност, времетраењето на правото за користење на соодветниот енергетски ресурс.

Град Скопје во ниту еден момент не бил носител на лиценца, напротив до енергетската криза на сите Влади очигледно им одговарало енергетските ресурси со кои се произведува, дистрибуира и снабдува со енергија, да бидат во рацете на приватници наместо да се третираат како национални ресурси кои се од исклучителен јавен интерес.

Владата кога беа милионски профитите на приватните компании кои раководеа со топловодната енергетска мрежа одбиваше таа да биде одземена од истите и да претставува национален ресурс, за сега да бара виновник за сопствените одлуки.

Обидите за префрлање на вина од оној кој не преземал соодветни мерки за амортизирање на ценовниот шок во кризава е дегутантно и непотребно, бидејќи ако се реагираше на време со мерки, како што тоа го направија владите на другите држави, сега немаше да има толку големи проблеми. Поради континуирано задоцнетите мерки сите плаќаме поскапа електрична енергија, парно, нафтени деривати“, додава таа.

The post Арсовска се скара и со Ковачевски: Подобро да го решиш проблемот со парното отколку да шеташ од интервју на интервју appeared first on Република.

Се додека не се избере нов економски оператор, БЕГ мора да испорачува топлинска енергија кон граѓаните, изјави денеска вицепремиерот за економски прашања Фатмир Битиќи, одговарајќи на прашања поврзани со почетокот на грејната сезона во главниот град.

Согласно законот, како што посочи, БЕГ мора да има и резерви на гас и други суровини за да обезбеди топлинска енергија.

Во однос на топланите Исток и Запад, кои се во сопственост на „Адора инженеринг“, според која закупот како опција без јасна интенција за купопродажба на топланите не е прифатлив, вицепремиерот со став дека процесите мора да бидат согласно законот и дека закупот е легитимна алатка.

– Инсистирањето на еден од чинителите за промена на сопственоста е легитимна, но ќе се склучи според законите. Закупот е легитимна алатка преку која ќе се искористат топланите Исток и Запад и ќе се испорача топлинска енергија, а во меѓувреме има доволно временски период да се запазат сите законски процедурии ако треба да се заокружи откупот на сопственоста, изјави Битиќи.

The post Додека не се избере нов економски оператор, БЕГ мора да испорачува топлинска енергија, вели Битиќи appeared first on Република.

Се додека не се избере нов економски оператор, БЕГ мора да испорачува топлинска енергија кон граѓаните, изјави денеска вицепремиерот за економски прашања Фатмир Битиќи, одговарајќи на новинарски прашања поврзани со почетокот на грејната сезона во главниот град.

Согласно законот, како што посочи, БЕГ мора да има и резерви на гас и други суровини за да обезбеди топлинска енергија.

Во однос на топланите Исток и Запад, кои се во сопственост на „Адора инженеринг“, според која закупот како опција без јасна интенција за купопродажба на топланите не е прифатлив, вицепремиерот со став дека процесите мора да бидат согласно законот и дека закупот е легитимна алатка.

Инсистирањето на еден од чинителите за промена на сопственоста е легитимна, но ќе се склучи според законите. Закупот е легитимна алатка преку која ќе се искористат топланите Исток и Запад и ќе се испорача топлинска енергија, а во меѓувреме има доволно временски период да се запазат сите законски процедурии ако треба да се заокружи откупот на сопственоста, изјави Битиќи.

Сериозноста на Владата да не ги остави скопјани без парно греење, според Битиќи, се гледа во тоа што по непреземањето на парното греење од страна на Град Скопје, Владата интервенирала со формирање на три претпријатија.

За жал, заради тоа што Град Скопје не го презема парното, Владата интервенираше со формирање на три компании. Ако тоа не е доволен показател за сериозната на Владата, не знам што би требало да биде. Во овој момент дистрибутивната мрежа е предадена на ЕСМ, изјави Битиќи.

The post Битиќи: Се додека не се избере економски оператор, БЕГ мора да испорачува топлинска енергија appeared first on Република.

Утре до 13 часот завршува рокот за доставување на понуди на јавниот повик на Владата за избор на компанија која ќе го преземе работењето на Балкан Енерџи Груп, објави АлсатМ.

Новата компанија ќе има обврска да произведува, дистрибуира и да ги снабдува со топлинска енергија потрошувачите на подрачјето на дел од градот Скопје и тоа: Аеродром, дел од Гази Баба, Ѓорче Петров, Карпош, Кисела Вода, Центар и Чаир. Засега најсериозен и можен кандидат за преземање на бизнисот е државната компанија ЕСМ која ќе има своја понуда на тендерот. Државата летово ѝ ги одзема лиценците за работа на БЕГ поради финансиска неликвидност на фирмата како резултат на високата цена на природниот гас.

The post Утре истекува рокот за понуди за наследник на „БЕГ“ appeared first on Република.

Граѓаните на градот Скопје да бидат спокојни, сметките на БЕГ за топлинска енергија се сторнирани и ќе добијат нови корегирани сметки за месец август, изјави попладнево претседателот на Регулаторната комисија за енергетика и водни услуги (РКЕ), Марко Бислимоски.

Оние кои веќе ги имаат платено августовските повисоки сметки, сумата ќе има биде намалена соодветно за повисоката уплатена сума во следните сметки. А во тек на месецов останатите ќе добијат нови коригирани сметки за месец август, рече Бислимоски.

БЕГ на крајот на август достави сметки за парно до скопјани кои беа повисоки за околу 40 проценти. Единствена причина за зголемувањето на сметките за топлинска енергија, како што образложи Бислимовски, е тоа што во нив не е вкалкулирана субвенцијата што ја дава Владата за потрошувачите на топлинска енергија во Градот Скопје.

The post Августовските сметки на БЕГ се сторнирани, граѓаните ќе добијат нови appeared first on Република.

Претседателот на Регулаторна комисија за енергетика Марко Бислимовски денеска објави дека е побарано од БЕГ да ги сторнира сметките за парно греење за скопјани за август. Наместо 15, биле поскапени за 40%, а во нив не биле вкалкулирани државните субвенции.

Бислимоски кажа дека граѓаните во Скопје ќе добијат нови сметки.

„Во овие сметки не е вкаклуриана субвенцијата од Владата. Затоа има значително зголемени сметки. Бараме БЕГ да ги сторнира сите сметки и да се изготват нови сметки каде ќе биде вкалкулирана субвенцијата која ја добиваат граѓаните од страна на Владата. Средства се обезбедени. Има одредена одлука која е донесена. Потрошувачите на топлинска енергија ќе ги добијат субвенциите. Сметките кои ги изготвил БЕГ и се испраќани на 31 авугст, а август не беше завршен, ќе бидат сторнирани“, рече денеска претседателот на РКЕ Марко Бислимоски.

Според него можно е да е дојдено до одреден административен пропуст.

„Сметките кои ги изготвеил и ги испратил БЕГ на 30 и 31 август, ќе бидат сторнирани и да испрати нови со вкалкулирана субенција и ќе нема никаков проблем сево ова да се изведе“, наведе тој

The post Регулаторна бара БЕГ да ги сторнира сметките appeared first on Република.

Владата на денешната седница, врз основа на известување за одземените лиценци на БЕГ за производство, дистрибуција и снабдување со топлинска енергија го задолжи, а со цел поуспешно пребродување на кризата со топлинска енергија го задолжи АД ЕСМ – Скопје да спроведе постапка за основање на трговски друштва и тоа: Друштво со ограничена одговорност основано од едно лице за вршење енергетска дејност производство на топлинска енергија, Друштво со ограничена одговорност основано од едно лице за вршење енергетска дејност дистрибуција на топлинска енергија и Друштво со ограничена одговорност основано од едно лице за вршење енергетска дејност снабдување со топлинска енергија за подрачјето на Град Скопје, чиј основач и единствен содружник ќе биде АД ЕСМ - Скопje.

Новооснованите друштва основани од АД ЕСМ - Скопје кои ќе вршат енергетски дејности на подрачјето на Град Скопје се задолжени да се јават во постапката за избор на вршител на енергетска дејност кој што ќе има обврска за обезбедување на јавната, односно универзалната услуга која ја спроведува Владата.

АД ЕСМ е задолжено да спроведе постапка за основање на Друштво со ограничена одговорност основано од едно лице за вршење енергетска дејност производство, дистрибуција и снабдување со топлинска енергија за подрачјето на градот Битола, Новаци и Могила, чиј основач и единствен содружник ќе биде ЕСМ-Скопје.

The post За да ги зaгрее Скопје и Битола, ЕСМ ќе основа три фирми за производство и трговија со топлинска енергија appeared first on Република.

Постојниот вршител на енергетска дејност којшто побарал престанување или на кого му е одземена лиценцата, согласно Законот за енергетика е должен да ја обезбедува јавната услуга се до избор на нов вршител на енергетската дејност, односно во случајов производство, дистрибуција и снабдување на топлинска енергија, велат од Регулаторна комисија за енергетика.

До изборот на нов вршител на енергетската дејност, БЕГ има должност да ја врши јавната дејност за производство, дистрибуција и снабдување на топлинска енергија. Од друга страна пак согласно Правилата за снабдување со топлинска енергија и Тарифниот систем потрошувачот е должен редовно да ги плаќа сметките за испорачаната услуга, се потенцира во соопштението од РКЕ.

Потрошувачот, појаснуваат од таму, има обврска да го плати износот на доспеаната фактура и неплатените фактури од претходните календарски месеци наведени во фактурата за последниот календарски месец, стои во Правилата за снабдување со топлинска енергија.

The post РКЕ: Приклучените на БЕГ да продолжат редовно да си ги подмируваат месечните фактури appeared first on Република.

Регулаторната комисија за енергетика и водни услуги на главна седница донесе Одлуки со кои престануваат да важат Одлуките за издавање на лиценца за вршење на енергетска дејност снабдување, односно дистрибуција на топлинска енергија од страна на регулиран производител.

Со овие одлуки ДИСТРИБУЦИЈА НА ТОПЛИНА БАЛКАН ЕНЕРЏИ ДООЕЛ Скопје и СНАБДУВАЊЕ СО ТОПЛИНА БАЛКАН ЕНЕРЏИ ДООЕЛ Скопје повеќе немаат лиценца за вршење на енергетска дејност дистрибуција и снабдување на топлинска енергија од страна на регулиран производител, информираат од РКЕ.

РКЕ претходно донесе одлука и за престанок на лиценцата за производство на топлинска енергија.

Согласно Законот за енергетика, со оглед на тоа дека станува збор за вршење на јавна дејност РКЕ ја известува Владата за овие одлуки, по што треба да се спроведе постапка за избор на вршител на енергетска јавна дејност производство, дистрибуција и снабдување со топлинска енергија. Откако ќе биде извршен изборот, РКЕ ќе издаде соодветни лиценци.

Се до завршувањето на процедурата БЕГ законски е обврзана да ја врши јавната дејност – производство, дистрибуција и снабдување на топлина, по што обврската ќе ја преземе компанијата што ќе биде избрана во постапката спроведена од Владата.

The post Официјално БЕГ остана и без лиценците за дистрибуција и снабдување appeared first on Република.

Регулаторната комисија за енергетика и водни услуги (РКЕ) донесе одлука за одземање на лиценцата за вршење енергетска дејност производство на топлинска енергија на компанијата Балкан енерџи ДООЕЛ – БЕГ.

Денешната одлука, како што информира претседателот на РКЕ Марко Бислимоски, следува по претходно одржана подготвителна седница во врска со барањето на БЕГ за престанок на лиценцата за вршење на енергетската дејност регулирано производство на топлинска енергија. БЕГ, нагласи, во петокот поднесе и барање за престанок и на лиценците за дистрибуција и снабдување со топлинска енергија, по што РКЕ ќе донесе соодветни одлуки.

За денешната одлука согласно Законот за енергетика ја известивме Владата која сега треба да спроведе постапка за избор на вршител на енергетска јавна дејност производство на топлинска енергија. Откако ќе биде извршен изборот, РКЕ ќе издаде соодветна лиценца. Се до завршувањето на процедурата БЕГ законски е обврзана да ја врши јавната дејност – производство на топлина, по што обврската ќе ја преземе компанијата што ќе биде избрана во постапката спроведена од Владата, рече Бислимоски на денешната прес-конференција.

Појасни дека БЕГ како клучни причини во барањето за престанок на важноста на лиценцата ги навела кредитна неспособност, нарушена ликвидност, правна несигурност во работењето поради многубројни судски постапки иницирани против компанијата, оспорување на законитоста на лиценцата за регулирано производство на топлинска енергија од правни лица и институции, како и оспорување на валидноста на договорот за закуп на основни средства.

Очекувам навреме да заврши процедурата и да се избере нов вршител на дејноста и доколку има гас да нема никакви проблеми во снабдувањето на скопјани со топлинска енергија, рече Бислимоски и додаде дека снабдувањето со гас зависи од глобалните политики.

Земјава, според него освен руски има можност да набави и друг гас преку интерконекторот со Бугарија, бидејќи Бугарија е поврзана со Грција, а, како што кажа, вршителот на енергетска дејност за производство на топлина има и обврска да има алтернативно гориво за 15 дневно непречено снабдување со топлинска енергија, во случајов мазут. Препорача да се размисли мазутот да биде заменет со дизел, бидејќи помалку загадува и додаде дека за тоа ќе бидат потребни само мали адаптации на топланите. Во случај Русија да ја прекине испораката на гас за земјава и да не се најде алтернативен начин, како што рече, трансформаторите во некои скопски општини не се димензионирани да издржат поголемо оптоварување доколку граѓаните се префрлат на греење со електрична енергија.

The post Одземена лиценцата за производство на топлинска енергија на БЕГ appeared first on Република.

Одржана е главна седница на која РКЕ донесе одлука за престанок на лиценцата за вршење на енергетска дејност, производство на топлинска енергија на компанијата БЕГ, информираше денеска претседателот на Регулаторна Марко Бислимовски.

Најави дека РКЕ ќе ја информира Владата, која пак, е должна да организира јавен повик на кој ќе биде избран нов вршител за вршење на производство на топлинска енергија. Бислимовски очекува роковите за избор на нова компанија да бидат кратки.

Бислимовски појасни дека скопјани нема да останат без парно.

Нема да има никаков прекин во снабдувањето со топлинска енергија во Скопје, бидејќи во нашата одлука е наведено дека оваа компанија ќе ја врши дејноста се додека не се избере нов вршител на оваа енергетска дејност, вели првиот човек на Регулаторна.

Лично смета дека оваа дејност треба да ја врши компанија кога ќе биде во државна сопственост.

Бислимовски посочи дека ако има природен гас, нема да има проблем во снабдувањето со топлинска енергија

The post БЕГ остана без лиценците, што ќе се случува со парното греење? appeared first on Република.

Регулаторната комисија за енергетика и водни услуги денеска има подготвителна седница на која се разгледува Предлог-одлуката за укинување на лиценците за производство, дистрибуција и снабдување со топлинска енергија на Балкан енерџи груп (БЕГ).

Се очекува следната недела да се закаже главна седница главна седница на која ќе бидат донесени конечни одлуки за одземање на лиценците за производство, дистрибуција и снабдување со топлинска енергија на Балкан енерџи груп - изјави за МИА Марина Узунов портпарол на РКЕ.

Претседателот на РКЕ Марко Бислимоски минатата недела најави дека Комисијата е во постапка за одземање на лиценците на Балкан енерџи груп (БЕГ).

Тоа значи дека во моментот кога ќе ги одземеме лиценците ќе ја информираме Владата и согласно Законот за енергетика Владата е должна да распише тендер на кој ќе треба да се најдат нови вршители на енергетската дејност. За одземањето на лиценците нема да има реперкусии и ниту граѓаните, ниту, пак, индустријата нема да плаќаат ниту еден денар, рече Бислимоски во одговор на новинарско прашање на денешната прес-конференција заедно со професорот Рубин Талески од ФЕИТ на која беше презентиран калкулаторот за новиот тарифен систем за универзалниот снабдувач со електрична енергија што од денеска е достапен на веб страницата на РКЕ www.erc.org.mk преку кој граѓаните може да направат споредби за сметките меѓу постојниот и новиот предлог тарифен систем со блок тарифи за високата тарифа на потрошена струја.

Најави дека сите постапки ќе бидат завршени на време, а до нивното завршување, како што кажа, постојниот вршител на енергетската дејност е должен да ја врши дејноста.

The post Подготвителна седница на РКЕ за одземање на лиценците на БЕГ appeared first on Република.

Регулаторната комисија за енергетика и водни услуги (РКЕ) е во постапка за одземање на лиценците на Балкан енерџи груп (БЕГ) за производство, дистрибуција и снабдување со топлинска енергија, информира денеска претседателот на РКЕ Марко Бислимоски.

Тоа значи дека во моментот кога ќе ги одземеме лиценците ќе ја информираме Владата и согласно Законот за енергетика Владата е должна да распише тендер на кој ќе треба да се најдат нови вршители на енергетската дејност. За одземањето на лиценците нема да има реперкусии и ниту граѓаните, ниту, пак, индустријата нема да плаќаат ниту еден денар - рече Бислимоски во одговор на новинарско прашање на денешната прес-конференција заедно со професорот Рубин Талески од ФЕИТ на која беше презентиран калкулаторот за новиот тарифен систем за универзалниот снабдувач со електрична енергија што од денеска е достапен на веб страницата на РКЕ www.erc.org.mk преку кој граѓаните може да направат споредби за сметките меѓу постојниот и новиот предлог тарифен систем со блок тарифи за високата тарифа на потрошена струја.

Најави дека сите постапки ќе бидат завршени на време, а до нивното завршување, како што кажа, постојниот вршител на енергетската дејност е должен да ја врши дејноста.

Мое мислење и препорака до Владата е конечно во овој сектор да се укинат трите дејности производство, дистрибуција и снабдување со топлинска енергија, како што е насекаде во регионот. Треба да има една лиценца за топлинска енергија како во поголемите градови во соседството. Сметам дека Владата или други јавни претпријатија треба да го преземат вршењето на оваа дејност- рече Бислимоски.

Прецизира дека Согласно Законот за енергетика Владата е должна да распише тендер за вршење на соодветна регулирана енергетска дејност. Откога ќе се распише тнедерот ќе се избере нов вршител на енергетска дејност и тој ќе продолжи да ја врши дејноста како што ја вршел претходниот.

До наименувањето на новиот вршител на енергетска дејност, постојните компании на БЕГ се обврзани да ја вршат дејноста. Сигурен сум дека се ќе заврши пред почетокот на грејната сезона. Не можам да кажам колку ќе трае тендерот, но верувам дека од октомври БЕГ нема повеќе да ги грее скопјани - потенцира Бислимоски

The post Бислимоски: РКЕ е во постапка за одземање на лиценците на БЕГ appeared first on Република.