НАТО ја гради најголемата воена база во Европа во близина на Украина. Станува збор за изградба на база во Романија. Проектот вреден 2,5 милијарди евра вклучува писти, магацини за оружје и муниција, хангари за воени авиони, како и училишта, градинки, продавници, па дури и болница.

Објектот се гради на површина од речиси три илјади хектари во областа Констанца врз основа на веќе постоечката воздухопловна база на НАТО „Михаил Когалничеану“. Базата ќе зафаќа приближно 2.800 хектари со вкупна површина од 30 километри и ќе обезбеди постојано сместување за најмногу 10.000 војници на Алијансата и нивните семејства.

Базата ќе стане постојана воена структура на НАТО во непосредна близина на Украина и долж границата со Молдавија, која САД, исто така, сакаат да ја претворат во „разбивачки овен“ против Русија.

Покрај можностите на 57-та воздухопловна база, тие се распоредени во нашиот регион и ние сме подготвени, но ја дизајнираме и потребната инфраструктура за да може да биде домаќин и поддршка на копнени средства, специјални операции или кој било друг вид воена способност“, изјави командантот воздухопловната база, Николае Крезу.

Базата ќе биде целосно оперативна во 2040 година.

The post НАТО во близина на Украина ќе ја гради најголемата воена база во Европа appeared first on Република.

Кина гради база на Антарктикот која може да се користи не само за научни, туку и за воени цели, предупредуваат група експерти од Центарот за стратешки и меѓународни студии (ЦСИС) во Вашингтон.

Официјален Пекинг се обидува да развие нови бродски рути кон Арктикот и да ги прошири истражувањата на Антарктикот, но западните влади се загрижени дека нејзиното растечко присуство во поларните региони може да ѝ овозможи на кинеската војска подобри способности за надзор.

Во извештајот на ЦСИС се вели дека новата станица, на островот Инекспресибл во близина на Росовото Море, се очекува да вклучува опсерваторија со сателитска копнена станица, која треба да ѝ помогне на Кина да ја пополни големата празнина во нејзината моќ за пристап до континентот.

Група експерти користеле сателитски снимки направени во јануари за да идентификуваат нови објекти за поддршка, привремени згради, хелиодром и темели за поголема главна зграда на станицата од 5.000 квадратни метри. Се проценува дека изградбата би можела да биде завршена до 2024 година.

Иако станицата може да обезбеди следење и комуникации за растечката низа научни сателити во Кина кои ги набљудуваат поларните региони, нејзината опрема може истовремено да се користи за пресретнување на сателитски комуникации од други земји“, соопштија од ЦСИС.

Станицата е добро позиционирана да собира разузнавачки сигнали над Австралија и Нов Зеланд и телеметриски податоци за ракети лансирани од новиот австралиски вселенски центар Арнем.

Кога ќе биде завршена, се очекува да вклучува пристаниште за кинескиот мразокршач Суелонг.

Од ЦСИС за „Ројтерс“ изјавиле дека додека САД сè уште одржуваат големо истражувачко присуство на Антарктикот, вклучувајќи го и најголемиот објект во нивната станица МекМурдо, присуството на Кина во областа рапидно расте. Новата кинеска база ќе биде на 320 километри од станицата МекМурдо.

Според Антарктичкиот договор од 1959 година, чиј потписник е и Кина, активностите на поларниот континент се ограничени на мирољубиви цели. На воениот персонал му е дозволено да спроведува научни истражувања, но му е забрането да поставува бази, да спроведува маневри или да тестира оружје.

Во извештајот на Пентагон од 2022 година се вели дека новата кинеска инфраструктура на Антарктикот најверојатно е делумно наменета да ги зајакне нејзините идни претензии за природни ресурси и пристап до поморските коридори и да ги подобри способностите на кинеската војска. Кина ги отфрла тврдењата дека таквите станици ќе се користат за шпионажа.

The post Кина гради нова база на Антарктикот, Американците стравуваат дека ќе биде за шпионирање appeared first on Република.

Премиерот на Албанија, Еди Рама изјави дека го поканил НАТО да постави воена поморска база во новото пристаниште Порто Романо, кое ќе се гради во Драч.

Се планира пристаништето Порто Романо да биде најголемото трговско пристаниште на Јадранот, но Рама рече дека ќе има и воен дел.

Наскоро ќе се вратиме во Брисел за да ја продолжиме дискусијата во врска со нашиот предлог кој предизвика не само интерес, туку и желба за продлабочување на разговорите, за поставување на поморска база на НАТО во новото пристаниште Драч, во Порто Романо, која , покрај комерцијалниот дел, се очекува да има и воен дел“, рече Рама на прес-конференција.

Тој додаде дека воената база ќе биде изградена и кофинансирана од Албанија и НАТО.

Што се однесува до пристаништето, ние самите ќе го финансираме комерцијалниот дел, го поканивме НАТО да учествува во кофинансирањето на воениот дел. Тоа ќе има извонредна стратешка вредност за Албанија и самиот НАТО“, рече Рама.

Доколку се изгради, таа база нема да биде единствената база на НАТО во поранешната комунистичка Албанија.

Тоа ќе биде првата воздушна база на НАТО во Западен Балкан.

The post Рама: Порто Романо ќе биде најголемо пристаниште на Јадранот, но и база на НАТО appeared first on Република.