Австрискиот институт за технологија (АИТ) во Виена работи на развој на својата најнова иновација - батерии што може да се рециклираат.

Во борбата за поодржлива иднина, АИТ, инаку познат по своите слични иновации, сега се занимава со обмислување батерии од рециклирани материјали. На овој амбициозен проект работат 35 истражувачи. Целта е јасна - да се создадат батерии без употреба на проблематични суровини како литиум, никел и кобалт.

Сегашните батерии може да бидат само 40 отсто рециклирани. И тие ќе се користат во прозводството, заедно со новите суровини, како што се отпадот од рудниците или силициумот од сончевите панели.

Главната цел е еколошки одржливо производство. Маркус Јан, раководител на одделот за истражување за батериите при АИТ, ја истакнува важноста од намалување на употребата на вода, електрична енергија и гас во производниот процес за батерии. Покрај тоа, се истражуваат различни видови батерии што би можеле да најдат примена кај возила, електрични скутери и други направи и области.

Засега, конкретните резултати од истражувањето и развојот сѐ уште се нејасни, но едно е сигурно - АИТ и неговите партнери го отвораат патот кон „зелени батерии“, сметаат познавачите. Ова е само почеток на она што се нарекува одржлива иднина, каде технологијата служи како двигател на промените за поеколошка утрешнина.

The post Научници во Австрија работат на нови батерии коишто ќе може да се рециклираат appeared first on Република.

Научниците ширум светот интензивно работат на помоќни батерии. Се бараат решенија кои не мора да вклучуваат ретки метали како што се кобалт, никел, манган и литиум. Охрабрувачки вести доаѓаат од германските лаборатории, пишува „тпортал“.

Постлитиумскиот истражувачки кластер во Улм, Карлсруе и Гисен со 120 научници е најголемиот кластер од ваков вид во Европа. Батеријата од иднината треба да се заснова на некритични, вообичаени елементи како натриум, магнезиум, калциум или алуминиум, убеден е хемичарот Максимилијан Фихтнер од лабораторијата во Улм.

Бидејќи побарувачката рапидно расте, мораме да ја поставиме технологијата на поширока материјална основа за да нема тесни грла во производството“, нагласува Фихтнер.

Натриум-јонската батерија моментално има најголема шанса за „златна иднина“

Фокусот е на прашања како што се еколошкиот отпечаток, животниот век, трошоците за производство и ефикасноста на новите технологии. Според Фихтнер, натриум-јонската батерија моментално има најголема шанса за „златна иднина“. Тој вели дека речиси е моќна како литиум-јонска батерија, но подобра е во други области.

Натриум-јонската батерија има предност што за неа не се користат критични суровини, има подобри својства при ниски температури и може брзо да се полни“, вели истражувачот и предвидува дека батериите во иднина ќе станат уште помоќни и поевтини.

Истражувачкиот кластер на Универзитетот во Улм не е единствениот кој се занимава со иднината на батериите, пишува „тпортал“. Производителите од приватниот сектор и јавните лаборатории исто така напорно работат на изнаоѓање нови решенија.

Верувам дека, особено во почетните фази, кога многу работи се уште се многу неизвесни, важно е да се следат синџирите на снабдување, суровините и на тој начин да се идентификува потенцијалот на различни опции“, вели Анегрет Стефан од Институтот Фраунхофер ИСИ во Карлсруе.

Поновите типови на батерии сè уште не се толку технолошки зрели

Стефан и нејзиниот тим објавија нова студија за иднината на алтернативните технологии за батерии. Нивната работа јасно покажува дека има многу потенцијал во алтернативните технологии за батерии, но нивниот понатамошен развој е неопходен.

Поновите типови на батерии сè уште имаат помала енергетска густина и сè уште не се технолошки зрели како литиум-јонските верзии кои главно се користат во електричните автомобили.

Кога станува збор за избор на акумулатор за електрични автомобили, важни се неколку карактеристики, како што е односот на нејзиниот капацитет со тежината и густината. Затоа, помалите и полесни батерии се попожелни бидејќи ја намалуваат тежината на возилото и на тој начин му овозможуваат подобри перформанси.

Нашата студија покажува дека некои алтернативни технологии за батерии имаат голем потенцијал, на пример за пониски трошоци или поголема одржливост, но тие немаат ист опсег на апликации како литиум-јонските батерии“, вели Стефан.

Затоа, таа верува дека литиум-јонските батерии ќе продолжат да доминираат на пазарот. Сепак, тие постепено би можеле да се заменат со алтернативи во одредени области.

За иднината на батериите, технологијата е клучна

Според студијата, новите типови на батерии стануваат поефикасни и еден ден би можеле дури и да ја надминат густината на енергијата на варијантите на литиум-јони - сите со некритични ресурси.

На пример, во блиска иднина, натриум-јонските батерии може сè повеќе да се користат во малите автомобили. Или литиум-сулфур батерии во помали електрични авиони. Или натриум-сулфур или цинк-јонски батерии во стационарни апликации.

Прво, Стефан ги повикува носителите на политички одлуки да вложат повеќе напори за истражување и развој во Германија и ЕУ. Истражувачите се согласуваат дека технологијата на батерии е клучна за Германија како технолошка сила да држи чекор со глобалната конкуренција, пишува tportal.

The post Иднината на батериите не е во литиумот, научниците работат на решение со вообичаени елементи appeared first on Република.

Европскиот парламент, на пленарна седница, усвои нови правила за дизајнот, производството и отпадот на сите видови батерии што се продаваат во Европска Унија – автомобилски, индустриски и преносни, како и нови категории на батерии за лесни возила.

Со 587 гласови „за“, девет „против“ и 20 „воздржани“, европратениците го потврдија постигнатиот договор со Советот на ЕУ за ревидираните правила на ЕУ поврзани со батерии и отпадот од нив.

Изменетата Директива за батерииte гарантира дека тие можат да се пренаменат и да се рециклираат. Новиот закон го опфаќа целиот циклус на траење на батериите, од дизајн до крајот на работниот век.

Тоа е во согласност со акцискиот план на ЕУ за циркуларна економија и индустриски стратегии, кој го опфаќа целиот животен циклус на производот, од дизајн до употреба и до рециклирање во нови производи.

The post Европа усвои нови правила за батериите appeared first on Република.

Костарика, земја во која површинското ископување е забрането, стана светски лидер во екстракција на тешки метали како што е литиумот. Тоа, сепак, не се врши од под земја, туку од старите батерии.

Фабриката за рециклирање „Фортек“ е основана пред речиси три децении во градот Картаго, 27 километри од главниот град Сан Хозе, а вработените ја нарекуваат „урбан рудник“.

Секоја година во светот се фрлаат милиони батерии. Иако куќиштето на батеријата се деградира во период од 100 години, отровните метали во него никогаш не се распаѓаат.

„Фортек“ најде „рудник за злато“ во екстракција на тешки метали од батериите, со што на планетата и обезбедува патоказ за спас.

Сега знаеме дека тоа не е отпад. Знаеме дека тоа е ресурс што може повторно да се искористи. На светот му треба кружна економија која рециклира скапоцени примарни материјали наместо да зема сосема нови. Важно е да се скршат парадигмите“, вели за АФП, Гилермо Переја, извршен директор на „Фортек“.

Переја (54), заедно со синот Франциско (25) смислиле нов метод за вадење метали од потрошените батерии.

„Бело злато“

Ископувањето на литиум често се изведува во услови кои се штетни за животната средина, работниците и локалните жители. Но, во „Фортек“, целиот литиум доаѓа од 1.500 тони потрошени батерии кои се фрлаат во Костарика секоја година, објаснува менаџерот на проектот, Франциско Переја.

Искористените батерии се собираат во трговски центри, продавници за електроника или продажни салони за електрични автомобили.

Литиумот го нарекуваат „бело злато“ или „нафта на 21 век“, а во последните години неговата цена експлодира на светскиот пазар. Во ноември 2020 година, вредноста на литиумот беше 5.700 долари за тон, а во септември 2022 година неговата вредност се искачи на 60.500 долари по тон поради зголеменото производство на електрични автомобили.

Сепак, погоните за производство на литиум трошат милиони литри вода и можат да бидат штетни за животната средина. Но, кога литиумот се извлекува од рециклирани батерии, се ослободува само четвртина од јаглеродниот диоксид што ја загрева планетата во споредба со ископувањето на литиум, тврди Хенри Прадо, хемичар во „Фортек“.

Тој објаснува дека рециклирањето придонесува за намалување на загадувањето на животната средина предизвикано од „вообичаениот метод на отстранување“ на литиумските батерии, кои обично едноставно се фрлаат.

Според Американското хемиско здружение, само пет проценти од сите литиум-јонски батерии во светот се рециклираат.

The post „Белото злато“ на 21 век: Го имате дома без да сте свесни, а може да помогне да се спаси планетата appeared first on Република.