Властите во Барселона уште во јуни најавија укинување или ограничување на изнајмувањето станови на туристи до крајот на 2028 година. Во таа смисла, градоначалникот Жауме Колбони го опиша тој потфат како „драстичен“, но многу потребен потег за да се ограничат зголемените трошоци за домување.

Тоа е многу драстично, но мора да биде така, затоа што состојбата е многу тешка... Во Барселона, како и во другите големи европски градови, проблем број еден е просторот за домување. Последниве 10 години цените за изнајмување станови во градот се зголемени за 68 отсто, додека трошоците за купување куќа се зголемени за 38 отсто, рече Колбони.

Имајќи го тоа на ум, градоначалникот почна да ја разгледува „Лиценцата 10.101“ што градот ја додели и дозволува непосредно сместување туристи преку платформи како „Ер-БНБ“ (Airbnb).

Во моделот на масовен туризам којшто „го колонизираше“ центарот на градот, правото на пристап до домување е загрозено, бидејќи домувањето се користи како дејност за повисока заработка, рече Колбони.

Додека некои луѓе критикуваат оти би требале години за мерката да стапи во сила, Колбони се одлучи за временска рамка од 2028 година, кога истекуваат сегашните лиценци во Барселона. Намерата е едноставна: Градот да не обнови ниту една од тие дозволи за изнајмување заради сместување туристи.

Сепак, мандатот на сегашниот градоначалник истекува во 2027 година, па планот може да биде откажан, доколку дојде до промена на власта. Колбони се надева дека планот ќе резултира со враќање на повеќе од 10.000 имоти на пазарот на домување.

Организацијата „Апартур“ ги застапува компаниите за управување со просторот и сопствениците. Оттаму го оценија планот на Градот како „тајна присилна експропријација“, па во септември објавија дека имаат намера да поднесат тужба за изгубените приходи и инвестиции. Планот на Градот треба да го оцени и Уставниот суд.

The post Градоначалникот на Барселона планира укинување на директното изнајмување станови на туристи appeared first on Република.

Напаѓачот Роберт Левандовски постигна два гола во победата над Црвена звезда во Лигата на шампионите (5:2) за да се израмни со соиграчот Рафиња, Хари Кејн од Баерн Минхен и Виктор Ѓекереш од Спортинг Лисабон како најдобри стрелци во натпреварувањето со пет гола.

Откако го постигна својот 19-ти гол во 16 натпревари во сите натпреварувања оваа сезона, Левандовски (36) изјави дека е воодушевен од агресивниот пристап на Флик.

https://republika.mk/sport/fudbal/potop-vo-belgrad-barsa-sepak-e-od-druga-planeta/

-Имаме цел од почетокот на сезоната - мораме да играме многу напаѓачки фудбал, но без да изгубиме од вид колку добро игра нашата одбранбена линија. Сѐ функционира речиси перфектно. Мораме да видиме што можеме подобро, се разбира, но се чувствувам многу добро, тимот е среќен, изјави Левандовски по дуелот во Белград.

Истакна дека во овој нов формат на Лигата на шампионите, победата на гостувањата е многу важна.

-Во првото полувреме игравме малку бавно, но во второто имавме многу шанси. Понекогаш кога тимот игра многу дефанзивно како Звезда, ни треба малку трпение. Секогаш барам слободен простор за да ја допрам топката и да постигнеме гол. Како тим, одигравме многу добро, затоа сум среќен, заклучи Левандовски

The post Kaква Барса, страшна Барса appeared first on Република.

На аеродромот Ел Прат во Барселона во понеделникот поради обилните врнежи беа откажани 70 летови, а 18 авиони беа пренасочени кон други аеродроми, јави аеродромскиот оператор АЕНА.

Преку социјалната мрежа Х, тој ги покани патниците да го проверат статусот на нивните летови со авиокомпаниите.

✈️ Footage from Barcelona airport this morning shows heavy rain flooding the runway and leaks inside the terminal

🌧️ Nearly 20 flights were diverted, while over 50 were canceled or significantly delayed

🎥 Videos by @FlightradarCAT and @robspitzy

More: https://t.co/8837GyByc8 pic.twitter.com/DhzkCa0lAu

— Catalan News (@catalannews) November 4, 2024

Утрово дождот се пресели од провинцијата Валенсија, оставајќи 217 мртви, во соседна Каталонија. Вода течеше низ покривот на аеродромот, а патниците на терминалот шетаа низ водата со својот багаж, се вели во видеото на шпанската јавна телевизија TVE. Во текот на четири часа таму наврнале 150 литри дожд на метар квадратен, соопшти метеоролошката служба АЕМЕТ.

Во текот на денот, приградскиот железнички сообраќај беше прекинат во Каталонија, автономна покраина со 7,5 милиони жители. Откако водата ги блокираше патиштата, возачите беа повикани да не патуваат доколку не е потребно.

Службата за итни случаи примила 2.136 повици од жители на Каталонија до 13 часот, од кои 269 биле во главниот град Барселона.

Патиштата во Барселона се отворени од попладневните часови, но три патишта околу пристанишниот град Тарагона се уште се затворени. Некои болници во Каталонија ги откажаа прегледите и процедурите кои не се итни.

„Интензивните дождови продолжуваат во Барселона, Тарагона и Кастелон (во провинцијата Валенсија)“, соопшти метеоролошката служба, апелирајќи до жителите да бидат крајно внимателни.

The post Барселона во вода: Екстремниот дожд предизвика поплави, пливаат авиони и автомобили, болниците ги откажаа прегледите appeared first on Република.

Фудбалерката на Барселона и на шпанската репрезентаија, 26-годишната Аитана Бонмати, втора година по ред ја добива „Златната топка“ во женска конкуренција.

Наградата е сосема заслужена бидејќи беше најдобра фудбалерка на Барса во сезоната во која Каталонките на доминантен начин ја освоија Лигата на шампионите и сите три трофеи во Шпанија - првенство, Куп и Суперкуп.

Таа го освои и трофејот од Лигата на нациите со репрезентацијата на нејзината земја.

The post Аитана Бонмати ја освои „Златната топка“ кај дамите appeared first on Република.

Претседателот на Барселона, Жоан Лапорта се изјасни против новиот формат на Лигата на шампионите. Тој особено не го одобри поголемиот број натпревари на турнирот.

-Мислев дека ќе добиеме повеќе пари, но се покажа дека добивме повеќе натпревари. Да се ​​освои Лигата на шампионите е престижно, но очекував се да биде поинаку. Суперлигата? Таа е пожива од кога било и се е подготвено за неа. Потребно е само да се постигне разбирање со фудбалските организации. Барселона ќе се обиде да ја игра улогата на мост меѓу Суперлигата и федерациите, потенцираше газдата на каталонскиот клуб.

Лапорта се изјасни негативно и за натпреварите во Лигата на нациите.

-Јас сум против овој турнир. УЕФА го организира преку задната врата. Таму не се почитуваат правата на играчите, а клубовите плаќаат. Работите мора да се регулираат за да бидат во интерес на играчите и клубовите, додаде Лапорта.

The post Малку им се парите: Барселона не е задоволна од новиот формат на ЛШ appeared first on Република.

Судот за спортска арбитража (CAS) ја потврди одлуката на Европската фудбалска асоцијација (УЕФА) која ја казни Барселона со 500 илјади евра за финансиски прекршоци во сезоната 2022/23, соопшти прес-службата на судот.

Судот заклучи дека каталонскиот клуб прекршил две точки од правилата за финансиски фер плеј, па казната била оправдана.

Барселона беше подложена на парични санкции поради неточно известување. Комората за финансиска ревизија на УЕФА соопшти дека клубот неправилно пријавил профит од продажба на нематеријални средства во својот извештај за 2022 година, што според правилата не е квалификуван приход.

Барселона поднесе жалба да се укине казната, но истата беше одбиена.

The post Потврдена казната на Барселона од 500.000 евра appeared first on Република.

Шпанскиот фудбалски гигант Барселона мора да исплати долг во износ од 147 милиони евра за реализирани трансфери, објави денеска весникот АС.
Според истиот извор, парите треба да им бидат исплатени на повеќе клубови.
Во наредните месеци Барселона треба да врати 45 милиони евра, а остатокот е предвиден за подоцнежен период.
Барселона за трансферот на Роберт Левандовски на Баерн Минхен му плати 45 милиони евра, а баварскиот клуб побарува уште 21 милион.
Меѓу клубовите на кои Барселона и должи пари следуваат Борусија Дортмунд (78.000 евра сега/78.000 подоцна), Легија Варшава (50.000/50.000), Лех Познањ (119.000/119.000), Делта Варшава (33,000/78.000), Жнич (113.000/133.000) и МКС Варшава (169.000/169.000).

The post Барселона должна како „Грчка“ appeared first on Република.

Полскиот голман Војчех Шчесни потпиша договор со Барселона до крајот на сезоната, а на „Камп Ноу“ пристигна како слободен играч.

Иако Полјакот претходно најави дека ќе стави крај на кариерата, 34-годишниот Шчесни, кој претходно играше осум сезони за Јувентус, сепак реши да ја повлече одлуката да ги закачи копачките на клин. Во Барселона, Шчесни доаѓа на местото на повредениот Андре тер Штеген, и ќе биде прв голман на Каталонците до следната година.

Тер Штеген неодамна заработи тешка повреда која ќе го оддалечи од терените практично цела сезона, а со оглед на високите амбиции на Барселона, раководството на клубот реши да не ризикува со досегашниот голман на вториот тим, Игнасио Пења и младиот Астрагало и наместо тоа, решија да донесат докажано решение меѓу стативите.

Со оглед на тоа што доцна дојде во редовите на Каталонците, Шчесни до февруари нема да може да брани за Барса во Лигата на шампионите, но ќе може да настапува на натпреварите од домашното првенство.

The post Ја повлече одлуката за пензија: Војчех Шчесни официјално е нов голман на Барселона appeared first on Република.

Претседателот на Барселона, Жоан Лапорта, сериозно размислува да му даде втора шанса на Нејмар од следното лето, тврди каталонскиот весник „Спорт“.

Бразилецот, кој тогаш ќе има 33 години, ќе биде слободен играч откако ќе му истече договорот со Ал-Хилал во Саудиска Арабија. Според договорот, Нејмар ќе инкасира 320 милиони евра од саудискиот клуб за две години во вид на плата и бонуси. Сепак, тој нема играно речиси една година по тешката повреда на коленото во октомври 2023 година.

Првата трансфер цел на Барселона ќе биде норвешкиот напаѓач Ерлин Халанд, но доколку тоа се покаже невозможно, клубот сака да го договори Нејмар за враќање на тимот на реконструираниот „Камп Ноу“.

Според „Спорт“, Нејмар има амбиција да игра за репрезентацијата на Бразил на Светското првенство во 2026 година и поради оваа цел напаѓачот бил подготвен да се врати во моќната шпанска Ла Лига.

Во својот прв период во Барселона, Нејмар одигра 123 натпревари, постигнувајќи 68 гола и 49 асистенции. Тој се пресели во Пари Сен Жермен во 2017 година за 222 милиони евра.

The post Барселона сака да го врати Нејмар следното лето appeared first on Република.

УЕФА ја казни Бареслона, по што фубалерите од овој клуб ќе бидат без поддршка од своите навивачи на следното гостување во Лигата на шампионите. УЕФА го казни клубот поради расистичкото однесување на навивачите на гостувањето во Монте Карло.

Барселона во Монте Карло доживеа пораз од Монако 2:1.

„Контролното, етичкото и дисциплинското тело (ЦЕДБ) одлучи и забрани на ФК Барселона да им продава билети на своите навивачи за следниот натпревар во организација на УЕФА во согласност со член 26(3) од Дисциплинската регулатива на УЕФА“, се вели во соопштението на УЕФА.

Барселона е казнета и со 10.000 евра.

На натпреварот против Монако, на трибините на навивачите на Блауграна истакнале транспарент „Flick Heil“.

Иако пораката е упатена до тренерот Ханси Флик, тоа е јасна алузија на злогласниот нацистички поздрав „Sieg Heil“.

Следниот натпревар на гостински терен, Барселона ќе го игра во Белград против Црвена звезда на 6 ноември.

The post Барса без публика во Белград против Црвена Звезда appeared first on Република.

Спортскиот директор на Барселона, Деко изјави дека веќе работи за „подобрувања“ за идната сезона за каталонскиот клуб.

-Веќе работам на следната сезона. Наскоро ќе треба да направиме важни подобрувања, ги цитира новинарот Фабрицио Романо зборовите на Деко.

Поранешниот играч на „блаугранас“ претходно објасни зошто Барселона не го ангажирала Нико Вилијамс.

- Ни требаше квалитетно крило, но чувствувавме дека ги имаме Рафиња, Феран Торес, Ансу Фати се врати и одлично се претстави на тренинзите пред повредата, како и Ламин. Имаме и играчи кои можат да играат на крилните позиции како Фермин Лопез и Дани Олмо. Бевме јасни дека за да добиеме нов играч мора да биде на многу високо ниво. На крајот, почувствувавме дека доведувањето на Дени Олмо ќе ни даде повеќе опции. Имавме приоритети и на крајот решивме да не купуваме уште еден крилен напаѓач, објасни Деко.

По 4 кола, Барселона го зазема првото место во поредокот во Ла Лига со 12 бода. Каталонците имаат 4 бода пред Реал Мадрид на второто место

The post Барселона сака да биде уште посилна следната сезона appeared first on Република.

Библиотеката „Габриел Гарсија Маркес“ во областа Сант Марти во Барселона е прогласена за најдобра јавна библиотека за 2023 година. Библиотеката е архитектонско и функционално чудо, кое наликува на куп отворени книги и служи како културен центар на заедница од 240.000 жители.

Библиотеката се издвојува по своите исклучителни архитектонски карактеристики, флексибилност на просторот и придонес за локалната заедница. Идеална дестинација за сите љубители на овој Меѓународен ден на љубителите на книги.

извор: ЕU za kultura

The post Библиотеката „Габриел Гарсија Маркес“, архитектонско и функционално чудо во Барселона- прогласена за најдобра јавна библиотека за 2023 година appeared first on Република.

Барселона ќе ја зголеми туристичката такса за патниците кои пристигнуваат со прекуокеански бродови и остануваат во градот помалку од 12 часа, изјави денеска градоначалникот Жаиме Колбони.

Тој изјави дека туристичката такса за патниците од крузерите во моментов изнесува седум евра дневно, но не прецизираше за колку таа сума ќе биде зголемена, освен дека поскапувањето ќе биде значително.

Во случај на застанување и престој на туристите помалку од 12 часа, јавниот простор се употребува без каква било корист за градот, а граѓаните се чувствуваат окупирано. Сакаме туристите да ја почитуваат дестинацијата во која доаѓаат, изјави Колбони за „Ел Паис“.

Ова е последно во низата поскапувања и рестрикции кои властите на шпанскиот град ги воведуваат со цел намалување на масовниот туризам. И покрај тоа, неодамна граѓаните со пиштоли на вода ги прскаа туристите кои ручаа или пиеја кафе во локалите.

The post Уште едно поскапување за туристите во Барселона appeared first on Република.

Барселона би можела да го отпушти тренерот Чави Ернандес по завршување на сезоната, пренесува денеска весникот АС.

Според истиот извор, тоа ќе се случи доколку тимот заврши под второто место во тековната сезона во Ла Лига.

По 34 одиграни кола, каталонскиот клуб е третопласиран на табелата со 73 бодови, бод помалку од второпласираната Жирона. На 4 мај Барселона загуби од Жирона (2:4) на гостински терен, а Реал Мадрид веќе ја обезбеди шампионската титула.

Чави во јануари објави дека ќе ја напушти Барселона на крајот од актуелната сезона, но минатиот месец 44-годишниот стратег рече дека се предомислил и ќе продолжи да работи во клубот.

The post Барселона ќе го отпушти Чави ако не заврши второпласирана appeared first on Република.

Младиот фудбалер на Барселона, Ламине Јамал, кој на 13 јули ќе наполни 17 години и официјално е фудбалер со најголема фудбалска вредност.

Меѓународниот центар за спортски студии (ЦИЕС) објави рангирање на млади фудбалери до 23 години со најголем пораст на трансферната вредност од октомври 2023 година.

Првото место со огромна разлика во однос на останатите го зазеде напаѓачот на Барселона, Ламине Јамал, чија цена порасна за 134 милиони евра.

Станува збор за периодот од октомври 2023 година до почетокот на април 2024 година.

Второто место го зазеде 19-годишниот играч од средниот ред на Бенфика, Жоао Невес (плус 73 милиони евра), а третото место го поделија крилото на Жирона, Савио и играчот од средниот ред на Челси, Кол Палмер.

Ламине Јамал ​​беше најголемиот талент создаден во младинската школа на Барселона, познатата „Ла Масија“, во последната деценија, а тамошните новинари го нарекоа „новиот Меси“.

Овој тинејџер има договор со Барса до 30 јуни 2026 година.

The post Барселона го има најскапиот фудбалер на светот appeared first on Република.

Европската фудбалска централа (УЕФА) ја казни Барселона поради расистичките испади на нејзините навивачи во Париз за време на четвртфиналниот натпревар од Лигата на шампионите против ПСЖ, објави УЕФА на својата веб-страница.

Покрај расизмот, Барселона е казнета и за палење ракети и оштетување на стадионот од страна на своите навивачи. Шпанскиот клуб е казнет со вкупно 32.000 евра.

Барселона ќе мора да стапи во контакт со ПСЖ во следните 30 дена за да ја санира штетата што ја предизвикаа нивните симпатизери на стадионот „Парк де Пренс“.

Во првиот меч во Париз Барселона победи со 3:2, но ПСЖ се пласираше во полуфиналето со победата од 4:1 во реваншот во Барселона.

The post УЕФА ја казни Барселона за расистичките испади на навивачите appeared first on Република.

 Третиот светски рекет Карлос Алкараз се повлече од турнирот од серијата АТП 500 во Барселона, објави прес-службата на натпреварувањето.

Претходно, Шпанецот најави дека ќе го пропушти Мастерсот во Монте Карло (9-15 април) поради проблеми со мускулите на левата рака и грбот.

Дваесетгодишниот Алкараз има 13 титули на АТП турнирите.

Турнирот во Барселона почнува денеска и ќе трае до 21 април

The post Во Барселона нема да играат ниту Надал ниту Алкараз appeared first on Република.

Претседателот на Барселона, Жоан Лапорта, ги почести фудбалерите на каталонскиот клуб со хамбургери во еден од париските ресторани како награда за победата во првиот четвртфинален натпревар од Лигата на шампионите против ПСЖ (3:2).

Како што објави денеска шпанскиот весник АС, Лапорта по натпреварот одигран во вторникот во Париз лично се поздравил со секој од играчите и ги почестил со хамбургери.

Барселона триумфираше над ПСЖ со 3-2, а двоен стрелец беше Бразилецот Рафиња.

Реваншот во Барселона е идниот вторник.

The post Фудбалерите на Барселона јадеа хамбургери по победата над ПСЖ appeared first on Република.

Екипата на Барселона планира да потроши околу 200 милиони евра за летни трансфери, пренесува „Фут Меркато“.

Според изворот, на крајот на сезоната Каталонците ќе продадат неколку играчи за да добијат што повеќе пари. Рафиња, за кој претензии има саудиски Ал-Хилал, речиси сигурно ќе си замине.

Претседателот на Барселона, Жоан Лапорта најави подобрување на финансиската состојба на клубот.

По 29 кола во Ла Лига, Барселона е на 2. место во поредокот со 64 бодови.

The post Барселона планира да троши 200 милиони евра за летни трансфери appeared first on Република.

Тренерот на Барселона, Чави е задоволен од изданието на неговите фудбалери во натпреварот од 29. коло на шпанското првенство. Синоќа Барселона оствари победа на гостински терен над Атлетико Мадрид со 3:0.

Стрелци на головите беа Жоао Феликс, Роберт Левандовски и Фермин Лопез.

- Навистина добро ги нападнавме слободните зони. Ова е совршено совпаѓање во однос на нашата методологија и филозофија за игра. Ние сме Барселона, никој не се опушта овде. Ќе вршам поголем притисок врз играчите од било кога. Посебно со оглед на тоа што си заминувам, изјави Чави за „Marca“.

Барселона во моментов е на второто место во Ла Лига со 64 бодови. Заостатокот од водечкиот Реал Мадрид е осум бода.

The post Барса го згази Атлетико среде Мадрид appeared first on Република.