Во Келн околу 14 часот ќе бидат извлечени двојките за баражите за Светското првенство во 2025 година. Во групата носители е и македонската репрезентација.

Домаќините на Мундијалот - Хрватска, Данска и Норвешка се директно квалификувани. Исто така и Франција (финалист), како и Германија и Шведска (ќе бидат трето и четвртопласирани) веќе изборија настап на СП 2025.

Останатите 11 места ќе се решаваат преку натпреварите од плеј-офот за квалификациите за Европа.

Во групата носители се: Словенија, Унгарија, Португалија, Австрија, Исланд, Холандија, Шпанија, Црна Гора, Чешка, Полска и Македонија.

Групата не-носители ја сочинуваат: Грузија, Србија, Фарските Острови, Швајцарија, Романија, Грција, Босна и Херцеговина и четирите селекции од квалификациската фаза на Светското првенство. Во тие натпревари играат Украина - Естонија, Финска - Литванија, Белгија - Италија и Словачка - Израел. Тие четири тима ќе бидат познати на 17 март.

Плејоф-пресметките се закажани за 8 и 12 мај.

The post Македонските ракометари денеска ќе го добијат противникот во баражот за СП – Македонија е меѓу носителите appeared first on Република.

Женската ракометна репрезентација на Македонија ја доби Украина како противник во баражот за пласман на Светското првенство во 2023 година.

Украинките немаат настап на големите собири од 2014 наваму и се соочуваат со еден пад во женскиот ракомет сличен на оној што ја снајде Македонија по 2012 година, затоа шансите за наша победа не се безначајни.

Првиот натпревар од баражот ќе се игра во Македонија на 3 или 4 април, а реваншот на 10/11 истиот месец на гостински терен. Македонија има пет учества на СП во женски ракомет, последното во 2007 година.

БАРАЖ ЗА СП 2023

Турција - Србија
Романија - Португалија
Исланд - Унгарија
Полска - Косово
Италија - Словенија
Германија - Грција
Швајцарија - Чешка
Австрија - Шпанија
Македонија - Украина
Словачка - Хрватска

The post Ракометарките на Македонија против Украина во баражот за СП 2023 appeared first on Република.

Македонската фудбалска репрезентаицја загуби од Грузија со 0-2 на гостувањето во решавачкиот меч од борбата за пласман во повисок ранг во фудбалската Лига на нации. Домаќинот славеше со автоголот на Бојан Миовски во 35-та минута и со погодокот на најдобриот грузиски фудбалер Квича Кварачкелија во 65-та минута.

Грузија на едно коло до крајот го обезбеди првото место во групата 4 од лига Ц (има шест бода повеќе од Македонија) што води во повисок ранг, во лига Б, а обезбедува и настап во плејофот за пласман на Европското првенство (ЕП) 2024 година.

Македонија во ЛН загуби од Грузија и во Скопје, со 0-3 во јуни, додека ремизираше гости со Бугарија (1-1) и двапати го совлада аутсајдерот Гибралтар, на гости (2-0) и дома (4-0).

„Црвено-жолтите“ во последниот меч ја пречекуваат Бугарија в понеделник.

The post Македонија поразена, Грузија оди во бараж appeared first on Република.

Историската победа на Maкедонија против Италија во Палермо, кога го елиминираше европскиот фудбалски шампион од баражот за Светското првенство во Катар, втор ден ја бранува светската фудбалска јавност.

Победата што ја обезбеди Александар Трајковски со голот во 93. минута беше поттик за многу анализи во медиумите и од познати фудбалски имиња, а овој епски триумф доби и свој цртан филм.

https://www.youtube.com/watch?v=Gd11l6o-m0g&feature=emb_title

The post Победата на Македонија против Италија овековечена и во цртан филм appeared first on Република.

Капитенот и селектор на македонската машка ракометна репрезентација Кирил Лазаров денеска го објави поширокиот список ракометари за баражот за пласман на Светското првенство 2023 против Романија.

Натпреварите против Романија се на 17 март во Скопје и два дена подоцна во Букурешт, а доколку македонските ракометари бидат поуспешни за противник во финалниот бараж ќе ја имаат Чешка.

На списокот за двомечот против Романците се најдоа 35 ракометари: Никола Митревски, Мартин Томовски, Марко Кизиќ, Цветан Кузмановски, Градимир Чаневски, Благојче Трајковски, Гоце Георгиевски, Ненад Костески, Мартин Поповски, Томислав Јагуриновски, Стојанче Стоилов, Жарко Пешевски, Никола Маркоски, Михаил Аларов, Кристијан Симоноски, Филип Талески, Филип Кузмановски, Дејан Кукуловски, Емилијан Ѓорговски, Михајло Младеновиќ, Филип Миркуловски, Марко Мишевски, Дарко Кондев, Гоце Ојлески, Тоше Ончев, Костадин Петров, Томче Стојановски, Игор Ѓоргиев, Марко Стојковиќ, Давид Савревски, Павле Атанасијевиќ, Петар Атанасијевиќ, Марко Митев, Мартин Серафимов, Кирил Лазаров.

The post Лазаров го објави поширокиот список за мундијалскиот бараж против Романија appeared first on Република.

Руско-украинската криза полека се префрла и во светот на фудбалот.

Во Москва на 24 март треба да се одигра баражот за пласман на Светското фудбалско првенство меѓу Русија и Полска, а веќе се појавија коментари дека натпреварот би требало да се одигра на неутрален терен.

Такво барање денеска официјално испрати полскиот министер за спорт, Камил Бортничук.

Со оглед на состојбата, нашите спортисти не би требало да одат во Русија - изјави Бортничук за полските медиуми.

Одговорот од Москва експресно пристигна од поранешната олимписка победничка во уметничко лизгање Светлана Журова, која е актуелен заменик шеф на Одборот за меѓународни односи на руската Дума.

Москва е најбезбедното место. Освен доколку нè сакаат да не бомбардираат, а полската Влада има сознанија за тоа, но ние немаме … Барем нека не предупредат навремено - изјави Журова.

Во Русија треба да се одигра и финалето на Лигата на шампиони, кое на распоредот на 29 мај во Санкт Петерсбург, но се почести се барањата да се разгледа алтернативна локација.

Италијанските медиуми јавија дека денеска во Нион е одржан оперативен состанок на раководството на натпреварувањето, а од УЕФА порачаа дека „состојбата внимателно се следи“.

Овој викенд продолжува и украинското фудбалско првенство, а во фокусот ќе биде натпреварот меѓу Металист и Шахтјор што треба да се одигра во Харков, град оддалечен 40 километри од границата со Русија.

Во контекст на затегнувањето на односите меѓу Киев и Москва, украинската фудбалска легенда Андриј Шевченко на својот Твитер профил ја објави украинската карта со полуостровот Крим и Луганс и Донбас, териториите на проруските сепаратисти во источна Украина, чија независност во понеделникот ја призна рускиот претседател Владимир Путин што предизвика страв од воен судир од големи размери.

Украина е мојата татковина. Заедно минавме нив многу тешки периоди во овие 30 години кога се формиравме како нација. Нација на искрени и вредни луѓе, кои сакаат слобода. Ова се најважните денови за нас. Мораме да се обединиме. Заедно ќе победиме - порача Шевченко.

The post Кризата се префрла на фудбалскиот терен: Полска бара баражот против Русија да не го игра во Москва appeared first on Република.

Романија и Чешка се противниците на македонската машка ракометната репрезентацијата во бараж-натпреварите за пласман на Светското првенство (СП) кое ќе се игра идната година.

Трите порази и освојување на 22 место на Европското првенство кое се игра во Унгарија и Словачка, ги однесе ракометарите на потешкиот пат „за вадење“ мундијалска виза.

Денешната ждрепка на европските бараж натпревари на избранците на селекторот и капитен Кирил Лазаров им ја додели Романија и првиот натпревар е предвидено да се игра на 14 март во Скопје, а реваншот ќе се игра шест дена подоцна. Доколку ја победат Романија, ракометарите во вториот бараж двомеч кој ќе го даде патникот на СП ќе играат против Чешка. Натпреварите треба да се играат на 11. и на 17. април.

Двојки за баражот:
Чешка/ Македонија – Романија
Грција – БиХ/ Црна Гора
Украина – Финска/Хрватска
Италија – Словенија/Србија
Португалија – Швајцарија/Холандија
Австрија – Естонија
Германија/Ф. Острови – Белорусија
Израел – Литванија
Русија/Словачка – Белгија

The post Ракометарите против Романија и Чешка во баражот за пласман на СП 2023 appeared first on Република.

Славниот поранешен италијански репрезентативец, Алесандро Костакурта изнесе комплименти на адреса на македонската фудбалска репрезентација пред мартовскиот мундијалски бараж против Италија, но оценува дека актуелниот европски шампион ќе ја оправда фаворитската улога на дуелот на 24 март во Палермо.

Победникот од баражот во Палермо за место на Мундијалот во Катар потоа го очекува завршниот дуел против победникот од дуелот меѓу Португалија и Турција.

Мислам дека можеме да ја совладаме Португалија, која ја гледам како победник во дуелот против Турција, како што Италија ја гледам поуспешна во пресметката против Македонија.

 

Македонците имаат силни и квалитетни играчи, но нивниот тимски дух е на пониско ниво од Италија, а тоа игра важно улога. Од друга страна, и Италија во овој момент се соочува со проблеми и не е истиот тим од осум - девет месеци.

 

И покрај сè, очекувам тежок натпревар против Португалија и пласман на Мундијалот во Катар - истакна поранешниот дефанзивец на Милан во изјава за италијанските медиуми.

The post Италијанската легенда: Македонија има квалитетни фудбалери, но Италија е на повисоко ниво appeared first on Република.