Поранешниот американски претседател Барак Обама ќе води кампања за потпретседателката и демократска претседателска кандидатка Камала Харис во неделите пред изборите на 5 ноември, пренесуваат британските медиуми, повикувајќи се на Вашингтон пост.

Обама ќе ја започне кампањата следниот четврток со патување во Питсбург (Пенсилванија), објави весникот, цитирајќи висок претставник на персоналот на Харис.

Обама и неговата сопруга Мишел уште во јули ја поддржаа претседателската кандидатура на Камала Харис.

На Демократската национална конвенција во август, во Чикаго, Обама ги повика Американците да ја поддржат Харис.

-Америка е подготвена за ново поглавје, Америка е подготвена за подобра приказна. Ние сме подготвени за претседателката Камала Харис, рече тогаш тој.

Харис на изборите на 5 ноември ќе се соочи со републиканскиот кандидат Доналд Трамп.

МИА

The post Барак Обама ќе учествува во кампањата на Камала Харис appeared first on Република.

Поранешниот претседател, демократот Барак Обама напиша емотивна објава на својата страница во неделата, во која му се заблагодари на Џо Бајден за „примерот за несебично служење на народот ставајќи ги нивните интереси пред неговите.

„Џо Бајден беше еден од најважните американски претседатели, но и мој драг пријател и партнер“, ја започна изјавата Барак Обама во која ја поддржа одлуката на американскиот претседател да се повлече од претседателската трка во која тој потенцијално би бил реизбран во Позицијата.

„Денеска имаме уште едно потсетување дека е патриот од највисок ред. Пред 16 години, кога ја започнав мојата потрага по потпретседател, бев свесен за импресивната кариера на Џо во јавната служба. Но, она што го ценев уште повеќе од тоа беше неговиот карактер – неговата длабока емпатија, основната пристојност и верувањето дека секој поединец е важен.

Откако ја презеде функцијата, претседателот Бајден го демонстрираше овој карактер одново и одново. Тој помогна да се стави крај на пандемијата, создаде милиони работни места, ги намали трошоците за лекови, го потпиша првиот главен закон за регулирање на пристапот до оружје, ја направи најголемата инвестиција за климатските промени досега и се бореше да обезбеди работниците да се организираат за да се борат за правични плати бенефиции.

На меѓународно ниво, тој ја врати позицијата на Америка во светот, го ревитализираше НАТО и го мобилизираше остатокот од светот да се спротивстави на руската агресија врз Украина.

Понатаму, претседателот Бајден нè пренасочи од четирите години хаос, лаги и поделби што ја карактеризираа администрацијата на Доналд Трамп. Преку неговите политики и неговиот пример, тој ни покажа кои сме кога сме во наши најдобри, која е земја посветена на традиционалните вредности како што се чесноста и довербата, пристојноста и посветената работа; земја која верува во демократија, владеење на правото и одговорност; земја која инсистира секој, без разлика кој е, да има глас и да заслужува шанса за подобар живот.

Џо ја разбира оваа работа подобро од кој било на овие избори – како сè за што се борел во текот на неговиот живот и сè за што се залага Демократската партија ќе биде изложено на ризик ако дозволиме Доналд Трамп да се врати во Белата куќа и републиканците да го контролираат Конгресот.

Знам и дека Џо никогаш не се откажа од борбата. За него, гледањето на актуелниот политички пејсаж и донесувањето на одлуката да ја префрли палката на нов кандидат е сигурно една од најтешките во неговиот живот. Тоа е доказ за неговата љубов кон земјата и историски пример за искрено служење на народот и ставање на нивните интереси пред своите. Идните генерации ќе се обидат да го следат тој пример.

Во наредните денови ќе пловиме по сè уште неистражени води. Но, навистина сум уверен дека лидерите на Демократската партија ќе можат да создадат процес на селекција што ќе го искристализира врвниот кандидат. Верувам дека визијата на Бајден за дарежлива, просперитетна и обединета Америка која обезбедува можности за сите да блеснат во својата целосна слава ќе биде претставена на Демократската конвенција во август. Очекувам и дека секој од нас ќе биде подготвен да ја пренесе таа порака на надеж и напредок во ноември и понатаму.

Засега, Мишел и јас само сакаме да ја изразиме нашата љубов и благодарност до Џо и Џил Бајден што нѐ водеа толку умешно и храбро во овие опасни времиња. Ја цениме нивната посветеност на идеалите за слобода и еднаквост врз кои ја изградивме оваа земја“, напиша Обама на својата страница.

The post Обама ја поддржа одлуката на Бајден и предупреди: Се наоѓаме во непознати води appeared first on Република.

Поранешниот претседател на САД, Барак Обама, призна дека демократскиот претседател Џо Бајден имал „лош“ настап во дебатата против републиканецот Доналд Трамп.

„Лоши дебатни ноќи се случуваат. Верувајте ми, знам,“ напиша Обама на платформата X.

Тој истакна дека овие избори и понатаму се избор помеѓу некој кој цел живот се борел за обичните луѓе и некој кој се грижи само за себе. „Таа вечер тоа не го промени,“ нагласи Обама.

Првата дебата помеѓу претседателските кандидати на претстојните избори во САД помеѓу Бајден и Трамп се одржа пред две ноќи во студиото на Си-Ен-Ен. Севкупното мислење на американската, но и на светската јавност е дека Трамп изгледал доста подобро и поуверливо.

МИА

The post Обама го брани Бајден: Се случуваат и лоши дебатни ноќи appeared first on Република.

Поранешниот американски претседател Барак Обама во писмото упатено до неговата поранешна девојка пред 40 години напишал дека „води љубов со мажи секој ден, но во својата имагинација“.

Обама во писмото до својата девојка кога имал 21 година напишал дека водел љубов со мажи секој ден, но во неговата имагинација, според преработениот дел од сега озлогласеното писмо од 1982 година до кое дојде „Њујорк пост“.
Писмо старо повеќе од 40 години до поранешната девојка неодамна се појави откако биографот на Обама, Дејвид Гароу даде долго интервју за поранешниот американски претседател.

„Што се однесува до хомосексуалноста, морам да кажам дека верувам дека тоа е обид да се дистанцираме од сегашноста, можеби одбивање да ја продолжиме бескрајната фарса на земниот живот. Гледате, јас водам љубов со мажи секој ден, но во мојата имагинација“, напиша Обама во писмото до Алекс Мекнер во ноември 1982 година.

Обама изјавил и дека неговиот ум е во голема мера андроген, пренесува Танјуг.

Мекнер, кој се забавуваше со Обама додека тие присуствуваа на колеџ во Лос Анџелес, подоцна ги редактираше „грдите“ параграфи што историчарот Гароу, добитник на Пулицерова награда, ги вклучи во својата книга „Ѕвезда во подем“.

Писмото моментално е во сопственост на Универзитетот Емори во Атланта, Џорџија, САД, кој не дозволува негово фотографирање или отстранување. Пријателот на Гароу, Харви Клер, рачно ги препишал пасусите и му ги испратил на авторот и доставил едитиран дел од писмото до „Њујорк Пост“.

Гароу рече дека нема ништо необично во младешките размислувања на Обама.

Обама се ожени со Мишел Обама во 1992 година и имаат две деца.

The post Обама пред 40 години во писмо напишал дека води љубов со мажи во својата имагинација appeared first on Република.

Еден од личните готвачи на семејството на поранешниот американски претседател, Барак Обама, се удавил додека пловел на даска со весло во Мартас Винјард, остров недалеку од брегот на Масачусетс.

Телото на Тафари Кемпебл (45) од Дамфрис, Вирџинија, било пронајдено по дводневна потрага во Едгартаун грејт понд, во близина на домот на семејството Обама, објави Ен-пи-ар.

Полицијата на Масачусетс соопшти дека поранешниот претседател не бил присутен за време на давењето.

Кемпбел служел како готвач за сосови во Белата куќа додека Обама беше претседател и во 2016 година заминал да работи за поранешниот претседател и неговата сопруга.

Во заедничка изјава споделена со американските медиуми, семејството на Обама соопшти дека Кемпбел бил „сакан дел од нивното семејство“.

Кога првпат го сретнавме тој беше талентиран главен готвач за сосови во Белата куќа, креативен и со страст за храна и неговите можности да ги поврзе луѓето. Во годините што поминаа го знаеме како топла, забавна и исклучително љубезна личност кој ги направи нашите животи малку посветли, соопштија од семејството Обама.

Кемпбел бил забележан последен пат во неделата, негов пријател кој исто така пловел на даска видел кога тој паднал во водата, кратко се борел да остане на површината за да потоне целосно, се наведува во извештај од полицијата.

Готвачот остави зад себе сопруга и двајца синови близнаци, соопшти семејството Обама.

The post Се удавил личниот готвач на семејството Обама appeared first on Република.

Руските власти денеска соопштија дека забраниле влез на 500 Американци, и на листата е и поранешниот претседател Барак Обама, како одговор на санкциите воведени од Вашингтон.

Како одговор на антируските санкции што редовно ги наметнува администрацијата на Бајден... влезот во Руската Федерација е затворен за 500 Американци, соопшти Министерството за надворешни работи.

Министерството додава дека на списокот е и поранешниот америански претседател Барак Обама.

The post Русија му забрани влез во државата на Барак Обама appeared first on Република.

 Поранешната прва дама на САД Мишел Обама изјави дека 10 години „не можела да го поднесе“ својот сопруг, поранешниот американски претседател Барак, пренесува „Гардијан“. Во интервју за „ТВ револт“, таа ја претстави својата книга, па раскажуваше и како грижата за нивните ќерки кога биле мали, им го оптоварувала бракот.

Мишел е со Барак е во брак околу 30 години. Таа деновиве ја промовира својата книга „Светлината што ја носиме“, па истакнува дека не разговарала доволно со својот сопруг за тоа – колку труд е потребно за да се воспитуваат деца и „колку тешко одат нештата дури и кога си лудо вљубен во некого“ и сè оди како што треба.

– Цели 10 години не можев да го поднесам мојот сопруг. И погодете кога се случи тоа? Кога децата беа мали, вели Мишел.

Ова се случило, вели таа, додека политичката кариера на Барак Обама била во нагорна линија, па таа морала сама да се грижи за Саша и Малија, кои имале 10 и седум години кога Обама првпат беше избран за претседател на САД, 2009 година

The post Додека децата им биле мали Мишел Обама не можела да го поднесе Барак appeared first on Република.

НБА аналитичарот  Бил Симонс, откри дека поранешниот американски претседател Барак Обама  заинтересиран за купување на Феникс Санс.

 Слушнав дека Обама е вклучен во една од тие групи, а тој е човек за кој мислам дека богатите би сакале да имаат лице пред нив - рекол Симонс.

Барак Обама е љубител на спортот, а често е присутен на кошаркарските натпревари во NCAA или Чикаго Булс, чиј фан е.

Се шпекулира дека цената на Феникс Санс би можела да биде најмалку четири милијарди долари, а меѓу потенцијалните купувачи се и еден од најбогатите луѓе во светот и сопственикот на Амазон Џеф Безос, неговата поранешна сопруга Мекензи Скот, како и основачот на Oracle Лари Елисон

The post Барак Обама ќе стане газда на НБА клуб appeared first on Република.

Поранешниот американски претседател, Барак Обама, е позитивен на тест за Ковид-19.

Информацијата во текот на вчерашниот ден ја потврди самиот Обама на Твитер, додавајќи, дека се чувствува добро, само што го „гребе“ грлото.

„Јас и Мишел сме благодарни што се вакциниравме и што го зајакнавме нашиот имунитет, нејзиниот тест беше негативен“, појасни Обама.

The post Барак е позитивен, а Мишел негативна на корона appeared first on Република.