Косовските власти соопштија вечерва дека конфискувале значителни количини оружје во северниот дел на државата, за кое постои сомневање дека останало таму по нападот на српска вооружена група на 24 септември минатата година во Бањска кај Звечан, јави дописникот на МИА од Приштина.

Косовските власти соопштија вечерва дека конфискувале значителни количини оружје во северниот дел на државата, за кое постои сомневање дека останало таму по нападот на српска вооружена група на 24 септември минатата година во Бањска кај Звечан, јави дописникот на МИА од Приштина.

Генералниот директор на косовската полиција, Газменд Хоџа изјави дека полицијата ги обезбедила информациите за местото каде што е пронајдено оружјето од граѓани и од Косовската разузнавачка агенција (АКИ).

Хоџа, заедно со министерот за внатрешни работи на Косово, Џељаљ Свечља, во обраќање пред новинарите вечерва информира дека рациите се извршени во околината на Звечан, односно во тамошната населба Рударе.

Директорот на косовската полиција рече дека меѓу одземената опрема има околу 1.500 парчиња муниција, 10 долги пиштоли, 62 шок бомби, експлозиви, радио врски, полни и празни шаржери и една униформа на српската војска.

Хоџа информира дека едно лице, поранешен косовски полицаец, веќе е приведено, бидејќи се сомничи дека е поврзано со оружјето кое било пронајдено во близина на неговата куќа.

Од нападот на 24 септември во Бањске во Звечан, косовските власти неколкупати презентираа конфискувано оружје во северниот дел на државата, населен со мнозинско српско население.

Во септември 2023 година, српска вооружена група ја нападна косовската полиција во Бањска, при што го уби наредникот Африм Буњаку.

Во размената на огнот што уследи по нападот загинаа тројца од напаѓачите.

Косово тврди дека државата Србија е одговорна за организирањето и извршувањето на нападот, додека Белград го негира тоа, тврдејќи дека тоа било резултат на незадоволството на косовските Срби од однесувањето на Владата на премиерот Албин Курти кон нив.

Одговорноста за нападот ја презеде поранешниот потпретседател на најголемата партија на косовските Срби, Српска листа, Милан Радоичиќ.

Моментно се претпоставува дека Радоичиќ е во Србија, а против него е распишана меѓународна потерница од светската полициска организација, ИНТЕРПОЛ.

Меѓународниот фактор постојано бара од Белград одговорните за нападот да ги изнесе пред правдата.

The post Запленето оружје во северно Косово, се претпоставува дека останало по нападот во Бањска минатиот септември appeared first on Република.

Не стивнуваат реакциите по вчерашното скандалозно однесување на министерот за надворешни работи на ДУИ Бујар Османи кој работи спротивно на македонските интереси. Османи вчера ја презеде улогата на претседател на државата па самиот носи одлуки дали Македонија ќе излезе од регионални иницијативи како „Отворен Балкан“, дали имало геноцид во Сребреница. „Европски“ што би рекол Бујар во кампањата.

За изненадување е што конечно има реакција од помалиот коалициски партнер на власта СДСМ.Се огласи  вицепремиерот за европски прашања Бојан Маричиќ кој смета дека одговорноста за случувањата во Сребреница треба да биде индивидуална, а не колективна.

https://republika.mk/vesti/balkan/ekspert-za-holokaust-tvrdi-vo-srebrenitsa-nemashe-genotsid/

https://republika.mk/vesti/makedonija/po-kojznae-kojpat-osmani-dokazha-deka-e-kosovski-a-ne-makedonski-minister/

Од каде тоа Османи има информации за случувањата во Бањска на Косово па уште и ќе ги презентира на затворена седница на Влада.

И зошто на седница на Влада би се расправало за настан во друга држава која патем не е ни држава туку полу-протекторат.

https://republika.mk/vesti/makedonija/diplomatijata-kidnapirana-od-dui-2-200-gragani-ke-ostanat-bez-rabota-vo-srbija-preku-otvoren-balkan-poradi-bujar/

Тоа е работа на властите во Приштина и на државата Србија е не на Османи.

Oсмани вчера решаваше и меѓународни проблеми па дури и се пофали дека самиот одлучил Македонија да биде промотор на Резолуцијата што Обединетите нации. Османи треба да знае дека во Сребреница навистина се случија ужасни убиства, но за тоа одговорноста треба да биде индивидуална а не колективна.Затоа вистинскиот збор е воени злосторства а не геноцид.

The post На Маричиќ конечно му текна дека Османи работи против македонските интереси appeared first on Република.

Министерот за надворешни работи, инаку кандидат за претседател на Македонија, Бујар Османи преку прес-конференција тврди дека има „факти и информации“ во врска со настаните во Бањска во Косово на 24 септември минатата година и нив ќе ги презентирал на затворена седница на Владата со цел, како што рече, „да се преиспита и да се одлучи дали државава и натаму треба да остане во иницијативата „Отворен Балкан“ во која е заедно со Албанија и Србија“.

По инцидентот во Бањска тој не учествувал на настан на „Отворен Балкан“, но, сепак, рече, Владата ќе ја донесела одлуката за натамошно учество на Македонија во иницијативата која, рече, имала благородни цели.

Кога се случи нападот во Бањска во Косово имав изјава дека ова оди спротивно на основната идеја за иницијативата – дека е за помирување. И реков – ако има директна вмешаност на Белград во Бањска, тогаш навистина треба да се преиспита бидејќи ги крши столбовите на основната идеја. Бидејќи сега имам повеќе информации што се случило во Бањска, планирам на затворена седница да ја информирам Владата, а Владата ќе одлучи како ќе постапи понатаму, рече Османи одговарајќи на новинарско прашање по прес-конференцијата за коспонзорирањето на резолуцијата на ОН за сеќавање на геноцидот во Сребреница.

Според него, иницијативата „Отворен Балкан“ не е целосна зашто ги нема сите шест земји на Западниот Балкан, туку, рече, е иницијатива во обид која, на идеја на премиерот на Албанија Еди Рама, имала две цели.

Таа имаше две цели – помирување за создавање предуслови за затворање на косовско-српскиот спор и за меѓусебно признавање и либерализација на пазарот зашто беше проценето дека 80 отсто од времето камионите на Балканот го поминуваат на граничните премини, а 20 проценти на патот кон нивната дестинација. Се разбира, тоа беа благородни цели во кои ние учествувавме. Но тоа е иницијатива во обид бидејќи додека ги нема шесте земји не е комплетирана иницијатива, рече Османи.

Инаку, „Слободен пристап до пазарот на трудот“ е најголема придобивка од „Отворениот Балкан“. Според официјалните податоци, 2.200 лица се пријавиле за работа само изминатиот месец, а најавите се дека до почетокот на летото дури 10.000 работници без никакви пречки ќе работат во трите земји.

Голем дел од нив тоа се македонски работници кои побарале и добиле работа во Србија и во Албанија.

https://republika.mk/vesti/makedonija/diplomatijata-kidnapirana-od-dui-2-200-gragani-ke-ostanat-bez-rabota-vo-srbija-preku-otvoren-balkan-poradi-bujar/

По којзнае којпат, на Османи не му е гајле за македонските, туку само за косовските интереси.

Па, така, истиот човек што при посетата на Шпанија во улога на шеф на дипломатијата на Македонија бараше признавање на Косово, сега бара гласови да ја предводи државата!

The post По којзнае којпат Османи докажа дека е косовски, а не македонски министер appeared first on Република.

Американскиот амбасадор во Приштина, Џефри Ховениер, изјави дека САД „ќе преземат акција“ кога ќе се утврди „кој стои зад нападот“ во градот Бањска на северот на Косово на 24 септември.

Ховениер тврди дека оружјето што го имале напаѓачите не можело да се купи на локалниот пазар. Во интервју за Гласот на Америка, тој го повтори барањето Србија да соработува за „целосно расветлување на настаните и изведување на сторителите пред лицето на правдата“.

Ситуацијата на северот на Косово ја оцени како „кревка“ по настаните во Бањска. „Ние сè уште сме загрижени за безбедносната ситуација, а САД и нашите партнери презедоа чекори, бидејќи бевме длабоко загрижени за она што се случи во Бањска и за безбедносната ситуација на север“, рече Ховениер.

Тој потсети на зборовите на командантот на заедничките сили на НАТО со седиште во Неапол, Стјуарт Мунк, дека од 24 септември КФОР тројно го зголемил бројот на своите сили на Косово.

„НАТО одлучи значително да го зголеми бројот на силите на КФОР. Ние го сфаќаме ова сериозно. Сегашната ситуација би ја опишал како кревка, но и помирна“, изјави американскиот амбасадор во Приштина.

The post Ховениер: САД ќе преземат акција откако ќе се утврди одговорноста за Бањска appeared first on Република.

Косовскиот премиер Албин Курти денеска разговараше со специјалниот пратеник на Германија за Западен Балкан, Мануел Сарацин за безбедносната ситуација на Косово. Тоа е втора посета на Сарацин на Косово во рок од седум дена.

На средбата на која присуствуваше и германскиот амбасадор во Косово, Јорн Роде, Курти истакна дека доказите собрани во текот на истрагата спроведена по „криминалниот и терористичкиот напад“ ја докажуваат „директната вмешаност на државните институции на Србија во овој чин на агресија врз Косово“, за што Србија треба да биде меѓународно санкционирана и казнета.

Курти, се додава во соопштението, му се заблагодарил на амбасадорот Сарацин за оваа посета и неговиот континуиран и интензивен ангажман

The post Курти и Сарацин разговараа за актуелната безбедносна состојба на Косово по нападот во Бањска appeared first on Република.

Солзи и плач од семејствата, пријателите и соседите кои денеска треба да ги погребат тројцата убиени Срби во Бањска.

Денеска тажните поворки во Врњачка Бања и Лепосавиќ, треба да ги испратат во вечното почивалиште  Стефан Недељковиќ, Бојан Мијаиловиќ и Игор Миленковиќ,

Стефан Недељковиќ ќе биде погребан во Врњачка Бања, а граѓаните се поканети да се соберат на пумпата „Кнез Петрол“ на ова место во 11 часот.

Бојан Мијаиловиќ ќе биде погребан во 12 часот на локалните гробишта во Лепосавиќ, а во 14 часот на истото место во селото Граничане ќе биде погребан Игор Миленковиќ.

Инаку Недељковиќ, Мијаиловиќ и Миленковиќ беа убиени во конфликт меѓу локалните Срби и таканаречената косовска полиција на 24 септември во селото Бањска, на северот на Косово и Метохија.

Нивните тела дури вчера ги однеле нивните семејства од Институтот за судска медицина во Приштина, од каде биле пренесени во капелата во Рударе кај Звечан.

Сине, сине,како мајка те дочекува - запомагала една мајка, додека најблиските ги превземале телата од судска медицина во Приштина вчера околу 15 часот.

Во конфликтот во Бањска загина и Африм Буџаку, припадник на косовската полиција.

The post Сине, сине, како мајка те дочекува: Денеска погреб на Србите убиени во Бањска appeared first on Република.

Поранешниот потпретседател на Српска листа, Милан Радоичиќ, одговори на поканата на државните органи на Србија за настанот во селото Бањска во северниот дел од Косово и како граѓанин даде изјава за околностите на трагичниот настан во с.Бањска на 24.09.2023 година. Тоа денеска го соопшти српското МВР.

За наведеното, како што се додава во соопштението, во форма на записник ќе биде известено Вишото јавно обвинителство Белград, кое ќе преземе натамошни процесни мерки и дејствија од негова надлежност.

Поранешниот потпретседател на Српска листа, Милан Радоичиќ, кој во петокот поднесе оставка од таа функција, преку изјава што ја пренесе неговиот адвокат потврди дека бил со група Срби од Косово, кои се судрија со косовската полиција во близина на с. Бањска и дека тој стои зад логистиката, како и дека официјален Белград не бил информиран за тој план.

Неговиот адвокат Горан Петронијевиќ рече дека смета оти нема простор за водење каква било постапка против Радоичиќ и другите Срби и дека нема „апсолутно никаква одговорност“ на нивна страна.

Во судиорт меѓу косовски Срби и косовската полиција во неделата на 24 септември во селото Бањска загина полицаец Албанец и најмалку тројца Срби.

The post Во српското МВР изјава како граѓанин даде Милан Радоичиќ за настаните во селото Бањска appeared first on Република.

Се појавија фотографии од убиените Срби во местото Бањска на Косово.На една од нив се гледа Бојан Мијаиловиќ со раснесена глава.

Српската полиција во извештајот тврди дека тој бил „оверен“ од неколку метри и му пукале во лицe.

Ви напоменуваме дека фотографиите се со вознемирувачка содржина.

The post Вознемирувачко: Ова е убиениот Србин на Косово, косовците му пукале во глава од неколку метри appeared first on Република.

Косовскиот министер за внатрешни работи, Џељаљ Свечља изјави дека се истражува можноста за руска вмешаност во нападот од 24 септември во Бањска кај Звечане, каде што беше убиен еден и беа повредени уште тројца полицајци, јави дописникот на МИА од Приштина.

Во интервју за агенцијата „Асошиетед прес“, кое го пренесуваат косовските медиуми, Свечља вели дека истражителите ги разгледуваат доказите за да видат дали има поврзаност на Русија, како сојузник на Србија, во вооружениот напад.

Според косовскиот прв полицаец, запленетото оружје, опрема и документи укажуваат на руска вмешаност во нападот.

- Она што сигурно го знаеме е дека (напаѓачите) дошле од Србија. Некои од нив се косовски Срби, кои имаат двојно државјанство, косовско и српско, а кои според информациите од нашето разузнавање биле обучувани во кампови во Србија. Најдовме некои документи кои не наведуваат на сомнеж дека имало поединци кои дошле и од Русија, изјави Свечља.

Според него, има докази за опремата, „но за луѓето сè уште постои само сомнеж“.

АП напоменува дека и на Запад постои страв дека Русија, преку Србија, може да сака да го дестабилизира Балканот за да привлече внимание од руската агресија во Украина.

- Русија во повеќе наврати ја поддржува Србија за тензиите на Косово, обвинувајќи го Западот за „неуспехот да ги заштити Србите на Косово“, пишува меѓународната агенција.

Свечља рече дека врз основа на собраните докази и снимките од дрон, некои од напаѓачите цело време носеле маски.

- Ниту членовите на групата кои беа уапсени, не знаеја кои се тие. Значи, тие се или високи функционери од безбедносниот сектор на Србија, или можеби дошле директно од Русија, рече Свечља.

Министерот за внатрешни работи изјави дека целта на агресијата била заземање на косовскиот север, кој е населен со мнозинско српско население, со крајна цел отцепување од Косово.

- Имаа уште 100 униформи. Тие планираа да регрутираат повеќе луѓе од областите каде што живеат Срби … Косовските институции ќе требаше да се соочат со стотици терористи во сценариото што го планираа, рече Свечља.

Тој рече дека арсеналот оружје што го запленила полицијата покажува дека се подготвувал план во кој се вклучени стотици луѓе, додека „ризикот од можна експлозија не е завршен“.

- Немаме судири, но имаме информации дека вежбите на овие терористи продолжуваат во Србија. Во Косово има луѓе кои се дел од оваа група, рече Свечља

The post Koсовците бараат руска врска во последниот инцидент appeared first on Република.

Претседателот на опозициската Демократската партија на Косово (ПДК), Мемли Красниќи, изјави дека Косово во неделата се соочи со терористички напад организиран од српската држава, јави дописникот на МИА од Приштина.

На почетокот на седницата на Собранието на Косово, која пратениците се договорија да ја започне со предлог-резолуција за казнување на нападот на северот, Красниќи истакна дека намерите на Србија кон Косово не се завршени.

Денеска, пред сé, не можеме да зборуваме за нашите внатрешно-политички битки. Поразот на терористичката група во Бањска не е крај на целите и намерите на Србија кон Косово – нејзина цел и намера е екстремна дестабилизација на Косово. А, Косово денеска е на удар и сите ние, без исклучок, мораме да бидеме на ниво на нашите должности и одговорности, рече Красниќи.

Лидерот на најголемата парламентарна опозициска партија изјави дека е сосема јасно оти организацијата и оркестрацијата на терористичкиот напад на Република Косово има своја главна адреса во Белград.

Потврдувањето на вмешаноста на (потпретседателот на партијата Српска листа) Милан Радојчиќ во оваа акција, софистицираното и бројно оружје на терористите, нивното засолнување во Србија по нападот и нивното воздигнување како херои од официјалните институции на Белград, вклучително и прогласувањето на денот на жалост , ја покажуваат силната поврзаност на оваа терористичка група со државата Србија, рече Красниќи.

Според претседателот на ПДК, денес „пред сé е многу важно Косово да побара екстрадиција на терористите кои го планираа и извршија терористичкиот напад“ врз државата. Во таа насока, тој побара целосна поддршка од меѓународни сојузници, кои треба да го зголемат притисокот врз Србија да ги предаде членовите на групата напаѓачи кои пребегнаа на нејзина територија.

The post Красниќи: Нападот во Бањска не е крај на намерите на Србија кон Косово appeared first on Република.

Сакајќи да го претстави, како што кажа, лицемерието на Приштина и на Тирана, и осудата за прогласениот ден на жалост за сите загинати во Бањска, претседателот на Србија, Александар Вучиќ синоќа на РТС покажа фотографии од погребите на албанските терористи кои во 2015 година убија македонски полицајци во Диво Насеље. Тој потсети дека во 2015 година во Куманово имаше голем конфликт меѓу „вистински албански терористи кои ја нападнаа суверената и меѓународно призната држава Република Македонија, земја на ОН“.

Србија го одбележува Денот на жалоста поради трагични настани. Одбележуваме Ден на жалост за тројцата загинати Срби и за убиениот полицаец. Тоа е цивилизациска одлука и сериозна одлука. Еди Рама не ја кажа вистината, прогласивме Ден на жалост за сите убиени, рече Вучиќ.

Тој вели дека албанските власти се лицемерни и држат предавања за европски вредности, а албански терористи нападнале во Куманово и убиле осум македонски полицајци.

Загинаа дури осуммина македонски полицајци, рече Вучиќ, прикажувајќи го државниот погреб во Приштина на кој имаше знамиња на терористичката ОВК, а присуствуваше и Иса Мустафа.

Што се случи? Во тоа време, ниту Рама, ниту некој од ЕУ не држеше предавања. Правеа комеморација за сите Албанци убиени во Куманово. Цела сала, сите беа организирани. И никому ништо. И тоа не е крај, рече тој покажувајќи фотографија и од споменикот на Бег Ризај.

Ова е Бег Ризај, еден од убиените терористи, а ова е споменик поставен на него во Дечани. Околу споменикот поставува свеќи Рамуш Харадинај. Толку за нивните принципи, иднината на Европа и сè друго. Ова секако го искористија на највалкан начин. За нив ова е чин на ослободување, а Србите се дивјаци и терористи. Знам низ што минуваат овие луѓе. Веќе една година предупредувам за ова. Ситуацијата врие. Луѓето таму се маченици и светци. Курти на секој можен начин ги обедини Србите. Што очекувате следно? Да биде како од Карабах? Нема да биде, рече тој.

The post Со фотографии од погребите на албанските терористи од Диво Насеље, Вучиќ го покажа „лицемерието на албанските власти“ appeared first on Република.

Прво да се утврдат сите факти и околности за нападот во селото Бањска, па потоа земјите-членки на Европската унија можат да донесат одлука за следните чекори, изјави портпаролот на ЕУ Петер Стано.

Сега имаме важна промена во ситуацијата по терористичките напади во неделата на северот на Косово“, рече портпаролот на Брисел, посочувајќи дека мерки може да се применат и за Србија доколку и кога земјите-членки (ЕУ) одлучат дека е моментот да се применат.

Сепак, Стано наведува дека е потребна целосна истрага на сите настани за ЕУ да излезе со став во врска со овој напад.

За нас е важно истрагата да биде спроведена и завршена, а кога ќе имаме целосна и јасна слика од истрагата: што се случило, кој стои зад тоа и кој е одговорен, тогаш ќе ги донесеме потребните одлуки или последици од ова“, рече Стано.

Амбасадорите на земјите членки на Европската унија вчера разговарале за можни мерки против Србија во случај да се утврди поврзаноста на земјата со нападот што се случи во селото Бањска на северот на Косово.

The post Прво ќе имало истрага, па потоа ЕУ ќе го каже својот став за нападот во селото Бањска appeared first on Република.

Косовската полиција денеска потврди дека запленила уште едно оклопно возило, два автомобили и багер во атарот на селото Бањска, во кои пронашла „големо количество“ оружје и воена опрема.

Во акцијата спроведена вчера, полицијата во тоа село, меѓу другото, пронашла автоматски фрлач на гранати калибар 30 мм, тешка снајперска пушка калибар 12,7 мм, минофрлач калибар 82 мм, два митралеза, 22 автоматски пушки, два револвера, рачна граната, 74 рамки за автоматска пушка, девет панцири, уреди за радио комуникација, осум воени униформи и шест воени униформи.

Полицијата соопшти и дека на просторот на манастирот Бањска пронашла повеќе парчиња оружје и панцир.

Во соопштението тие наведуваат дека ситуацијата во Бањска и на северот на Косово во моментов е „мирна, но и тензична“.

Косовската полиција соопшти дека нивните единици се стационирани во близина на граѓаните и дека обезбедуваат „безбедност и овозможуваат и пружаат помош според потребите и барањата“ на жителите.

Претходно, полицијата во Бањска заплени голем број возила, оружје и воена опрема во вредност, според министерот за внатрешни работи Џелал Свечља, околу пет милиони евра.

Во ова соопштение од полицијата велат дека нивните единици се стационирани во близина на граѓани и дека обезбедуваат, овозможуваат и пружаат помош на жителите според нивните потреби и барања.

Косовскиот премиер Албин Курти на социјалната мрежа „Х“ изрази благодарност до жителите на Бањска „за нивната смиреност и доверба“.

Покрај спроведувањето на антитерористичките операции, косовската полиција им подели повеќе од 100 пакети со храна на мнозинските српски жители на Бањска, истовремено решавајќи ги и другите основни потреби. Им благодарам на нашите граѓани за нивната смиреност, претпазливост и доверба. Полицијата е тука да ви помогне, напиша Курти.

Во судирот меѓу косовската полиција и група вооружени Срби во областа Бањска во неделата, загинаа еден полицаец и најмалку тројца Срби.

The post Косовската полиција во Бањска пронашла повеќе возила, оружје и воена опрема appeared first on Република.

Најголемата партија на косовските Срби, Српска листа, прогласи тридневна жалост за смртта на тројцата Срби, кои беа убиени во Бањска, по нападот врз косовската полиција во неделата, јави дописникот на МИА од Приштина.

Преку објава на својата страница на Фејсбук, партијата го нарече настанот трагичен.

Според соопштението, „во српските средини на територијата на Косово ќе бидат откажани сите забавни настани организирани од органите и институциите на локалната самоуправа, а знамињата на Република Србија во сите институции ќе бидат спуштени на половина копје“.

– Од името на Српската листа и српскиот народ од Косово и Метохија изразуваме длабоко сочувство до семејствата на жртвите, а на повредените им посакуваме брзо закрепнување, се вели во објавата на СЛ.

Група од над триесет вооружени и маскирани лица рано наутро на 24 септември убија еден полицаец и ранија уште еден во селото Бањска, во северно Косово. Во акцијата што уследи на косовските специјалци беа убиени четворица од напаѓачите и уапсени шест лица. Другите членови на групата, меѓу кои имало и ранети, првично се засолнија во православниот манастир во Бањска, а потоа побегнаа во Србија, соопштија официјални косовски извори.

The post Српска листа прогласи тридневна жалост за тројцата Срби убиени во северно Косово appeared first on Република.

Македонските државјани сместени во хотел во непосредна близина на манастирот во селото Бањска на северот од Косово, каде вчера имаше оружен напад, утрово безбедно се упатени кон дома, придружувани од косовската полиција.

Министерот за надворешни работи Бујар Османи на Фејсбук објави дека тие се упатени кон дома откако биле извршени интервјуата и анализата од страна на косовската полиција.

По извршените вообичаеното интервју и анализа од страна на полицијата на Република Косово, утрово нашите државјани безбедно се упатени кон дома, придружувани од косовската полиција. Околностите во кои тие се најдоа беа сложени, имајќи предвид дека беа сместени во хотел, во непосредна близина од каде се случи оружениот напад врз полицијата, објави Османи.

Шефот на дипломатијата наведува дека косовската полиција вчера веднаш била известена „за оваа ситуација по редовните канали“, а тој лично разговарал и со неговата колешка Доника Гервала-Шварц.

Низ целиот процес, косовските служби ја гарантираа безбедноста на нашите државјани, а нашата амбасада во Приштина беше во постојан контакт со нив, додава Османи во објавата на фејсбук-профилот.

Министерството за надворешни работи вчера информираше дека во раните утрински часови, преку дежурниот телефон на МНР, добиена е информација за седум државјани на Македонија, од кои едно дете, кои се сместени во хотел, во непосредна близина на манастирот во селото Бањска, каде беше извршен оружен напад врз косовските полициски сили.

The post Македонските државјани кои беа во Бањска утрово безбедно се упатени кон дома придружувани од косовската полиција appeared first on Република.

Специјално обвинителство на Косово соопшти дека за нападот врз косовската полиција се приведени шест лица кои се осомничени за повеќе кривични дела, а едно од нив е тероризам.

„Станува збор за напад врз уставниот поредок на Косово, подготовка на терористички акти или криминални дејствија против уставниот поредок и безбедноста на Косово, поседување, контрола или неовластено поседување оружје“, соопшти обвинителството.

Исто така, обвинителството објави дека во акцијата се запленети возила со значително количество оружје.

На приведените им е одреден притвор до 48 часа, соопшти обвинителството, пренесе Коха.

The post Косовско обвинителство: Уапсените ќе одговараат за тероризам appeared first on Република.

Министерот за внатрешни работи на Косово, Џељаљ Свечља, кажа дека косовската полиција успеала да воспостави контрола над територијата во Бањска. Тој кажа дека досега се убиени тројца напаѓачи, дека има шестмина уапсени, од кои двајца ранети и во униформи, и уште четворица кои се фатени дека пружаат поддршка преку радио.

„Ја ставивме територијата под контрола. Тоа беше направено по неколку последователни борби. Имавме жртва. Операцијата ја изведовме без други жртви. Имаме шестмина уапсени, од кои двајца ранети во униформи, а уште четворица кои преку радио ја поддржувале операцијата. Најмалку тројца убиени напаѓачи се идентификувани и се во транспорт“, кажа тој.

Додаде дека полицијата открила и големо количество муниција, експлозив, униформи, логистика и храна.

„Косовската полиција откри исклучително количество експлозив, униформи, логистика, храна, опрема за барикади, што била опрема за неколку стотици други напаѓачи. Спремни се да го нарушат суверенитетот на Косово“, додаде Свечља.

Кажа дека некои од уапсените припаѓаат на терористичката организација „Цивилна заштита“.

„Тие се фатени живи благодарение на жртвата и посветеноста на косовската полиција. Ова е терористичка група, бидејќи се вмешани во терористички дела. Некои од нив се идентификувани како дел од „Цивилна заштита““, додаде.

The post Косовскиот министер за внатрешни работи: Ова е терористичка група, спремни се да го нарушат суверенитетот на Косово appeared first on Република.

Министерството за надворешни равоти информираме дека, преку дежурниот телефон на Министерството за надворешни работи, добиена е информација за седум државјани на Република Македонија, од кои едното од нив дете, кои се сместени во хотел, во непосредна близина на манастирот каде е извршен вооружен напад врз косовските полициски сили.

„Амбасадата на Македонија во Приштина е во комуникација со преставници на Министерството за внатрешни работи на Косово како и во директна комуникација со нашите граѓани. Во текот на денот, во неколку наврати Министерот за надворешни работи, Бујар Османи оствари директна комуникација со Министерката Гервала, и во моментов косовските полициски го обезбедуваат хотелот каде се сместени нашите државјани, од каде се очекува после оствареното интрвју тие да бидат испратени кон дома.

Претставниците на Амбасадата остануваат во постојана и директна комуникација со нашите државјани, сѐ до целосно завршување на нивниот трансфер“, соопшти МНР.

The post МНР: Седум македонски државјани во хотел близу манастирот Бањска, ги чува косовската полиција appeared first on Република.

Од Рашко-призренската епархија ја информираа јавноста дека состојбата во манастирот во Бањска во моментов е мирно, иако поради денешните случувања се уште се чувствува страв и во околината и во самата манастирска капија.

„Вооружените лица кои денеска ја пробија капијата го напуштија манастирот, а во моментов е забележано присуство на косовската полиција пред влезната капија и во дворот на манастирот“, се вели во соопштението.

Се додава дека „во конакот на манастирот сè уште има игумен со неговите браќа, како и група поклоници од Нови Сад, меѓу кои има и две малолетни деца“.

Од управата на манастирот известуваат дека засега сите се добро, дека во параклисот на манастирот се одржуваат редовни богослужби, со надеж дека оваа драма ќе заврши што поскоро.

The post Вооружените лица го напуштија манастирот во Бањска, моментално е мирно appeared first on Република.

Уапсениот припадник на вооружената група во селото Бањска е спроведен во полициската станица во Јужна Митровица, објавија косовските медиуми.

Објавена е и видеоснимката пред полициската станица, на која се гледа како се паркира едно возило, од кое излегуваат припадници специјални единици на косовската полиција.

Тие од возилото извлекуваат едно лице и го спроведуваат до зградата.

The post Уапсениот припадник на вооружената група од Бањска спроведен во Јужна Митровица appeared first on Република.