Во Германија годинава банкротирале максимален број компании во однос на периодот од последните девет години.

Според „Creditreform“, 11.000 германски фирми банкротирале од почетокот на годината, што е за 30 отсто повеќе отколку во првата половина на 2023 година.

Според експертите, ситуацијата е посериозна отколку за време на светската економска криза во 2009 година.

Во контекст на економската криза, германската опозиција бара промена на надворешнополитички курс на земјата и бара почеток на мировни преговори меѓу Украина и Русија.

The post Рекорден број компании во Германија годинава прогласиле банкрот appeared first on Република.

Познатиот трговски ланец Esprit поднесе барање за стечај во самоуправниот окружен суд во Дизелдорф.

Целта е да се реструктуира европскиот бизнис на Esprit, кој главно се управува од Германија, и да се репозиционира за во иднина,соопштија од компанијата.

Компанијата, со седиште во Ратинген во близина на Дизелдорф, со години е во криза. Esprit веќе помина низ стечајна постапка во 2020 година. За време на тој стечај, околу една третина од работната сила беше отпуштена и затворени се 100 филијали.

Сега погодени се уште шест филијали и 1.500 вработени, пренесува Билд.

Сите мерки за штедење и затворањето на филијалите не помогнаа. Според најавата, досегашниот извршен директор Ман Џи Џип ќе ја напушти компанијата.

Esprit е активен во околу 40 земји ширум светот и има седиште во Ратинген и Хонг Конг. Германија е најважниот пазар за Esprit, 57 од 124 европски филијали се во Германија.

Ова не е прв пазар каде модниот бренд има проблеми. На крајот на март во швајцарските медиуми се појави вест за банкрот на Esprit на нивниот пазар, а потоа и во Белгија.

The post Банкротираше модниот ланец „Есприт“ appeared first on Република.

Најпознатиот германски синџир на стоковни куќи „КаДеВе“ (KaDeWe) оди во банкрот.

Првата продавница што ќе се затвори ќе биде во Берлин, а потоа во Хамбург и други градови. Стечајот се должи на големите долгови на синџирот, зголемените трошоци за енергија и изнајмување и остриот пад на продажбата.

„Kaufhaus des Westens“ (германски значи „Трговска куќа на Западот“), со кратенка „КаДеВе“, има стоковна куќа во берлинскиот кварт Шенеберг. Таа некогаш се сметаше за најголема во континентална Европа и беше една од петте најголеми стоковни куќи во светот.

Основана во 1905 година од страна на бизнисменот Адолф Јандорф, зградата е дизајнирана од архитектот Јохан Емил Шаудт. Трговската куќа е отворена во април 1907 година. Се протега на 43.000 квадратни метри малопродажен простор, седум ката, над четвртина милион производи, а одделот за сувомеснати производи нуди околу 500 сорти леб и речиси 1.800 видови сирење.

„КаДеВе“ вработува приближно 2.400 луѓе и генерира продажба од 800 милиони евра годишно.

The post Најпознатиот германски синџир на стоковни куќи оди во банкрот appeared first on Република.

Осигурителната компанија „Миленијум осигурување“ ги извести сите оштетени лица-патници дека согласно Дописот на Министерството за туризам и млади на Република Србија бр.000319398 2023 од 03.01.2024 година, прогласена е инсолвентност на туристичката агенција „Барцино турс“, пренесуваат српските медиуми. Станува збор за агенција која имаше свои канцеларии и во Македонија.

Проблемите за туристичката агенција почнаа од крајот на октомври минатата година кога ѝ беа блокирани сметките. Тогаш од туристичката агенција за „Телеграф“ потврдија дека сметката е блокирана, но тврдеа дека тоа е поради „погрешна пресметка“.

Тврдеа и дека работата на агенцијата тече вообичаено и дека сите филијали во Србија се отворени. Но, телефонските броеви на нивните филијали денеска не постојат.

Според податоците на Народната банка на Србија, „Барцино“ од денеска е блокиран за 19.010.506 динари, односно за нешто повеќе од 161.000 евра.

The post Банкротираше „Барцино турс“ appeared first on Република.

Германската економија повторно бележи бран банкроти на големи компании, приближувајќи се до нивото на пандемијата 2020 година, се вели во анализата на осигурителот на кредити Алијанц Трејд.

Оваа година повторно имаме банкроти на големи компании кои се на пат да достигнат рекордни бројки од 2020 година, изјави експертот за банкрот на Алијанц Трејд, Максим Лемерле.

Во првите девет месеци од годинава се евидентирани 45 случаи, покажа студијата. За споредба, во истиот период лани имало 26, а во 2021 година само 17. Според пресметките на Алијанц Трејд, 58 големи компании прогласиле банкрот во цела 2020 година, од кои 44 во деветмесечниот период завршиле во септември.

https://republika.mk/vesti/svet/ruski-biznismen-germanija-ke-spadne-na-pitachki-stap/

До септември оваа година, 12 големи текстилни компании и модни трговци на мало и шест болници прогласија банкрот, покажа студијата.

„(Податоците) се во согласност со извештајот на Германскиот болнички институт (DKI), во кој се наведува дека две третини од германските болници сметаат дека нивната моментална финансиска состојба е лоша или многу лоша“, пишуваат експертите за банкрот од Алијанц Трејд.

Најмногу стечаи се забележани во градежништвото, вклучително малите, средните и големите претпријатија, потоа трговијата и услугите.

Шефот на германското говорно подрачје на Алијанц Трејд, Мило Богаертс, предвидува тежок период за трговците на мало во претстојната сезона на трошење пред божиќните празници.

„Веројатно ќе има многу помалку подароци под елката оваа година“, рече Богаертс.

„Цените на храната се сè уште високи, и покрај пониската стапка на инфлација. Затоа, граѓаните штедат на сè друго и помалку излегуваат, купуваат помалку облека и новогодишни подароци“.

Според „Алијанц трејд“, големи компании се оние со годишен обрт од најмалку 50 милиони евра.

The post Рекорден број големи компании во Германија пропаѓаат appeared first on Република.

Компанијата „Party Pieces“, во сопственост на Керол (68) и Мајкл Мидлтон (73), родителите на Кејт Мидлтон, прогласила банкрот. Компанијата работела долги 36 години и се занимавала со декорација и продажба на опрема за детски забави, пишувале „The Kit“.

Очигледно, веќе 3 години како на нивниот бизнис не одело најдобро. Проблемите започнале за време на пандемијата со корона вирусот. Сè резултирало со тоа да ја завршат 2022 со негативен баланс, односно со загуба, што довело до прекин на работењето и прогласување банкрот. Во моментов се проценува дека тие на поверениците им должеле нешто повеќе од 3 милиони евра.

Инаку, компанијата ја основала Керол, барајќи украси за роденденската забава на Кејт Мидлтон. Таа сфатила дека не можела да го добие она што го сака и се одлучила да започне семеен бизнис кој би се занимавал токму со тоа – сите потребни материјали за забави и родендени. Тогаш и се создала компанијата „Party Pieces“.

На почетокот сама работела во кујната, правејќи сè што ѝ било потребно за забавите, а бизнисот почнал дури откако почнала да плаќа огласи во детски списанија. Во 1992 година, таа почнала да ги продава своите производи преку Интернет, што се покажало како повеќе од добра одлука, бидејќи продажбата „вртоглаво“ почнала да расте.

Повеќе од 3 децении подоцна, богатството на Керол Мидлтон било проценето на околу 67 милиони долари, а само нејзината компанија, која на клиентите им нудела сè за роденденски забави, било да е тоа „Хари Потер“, „Пепа Прасе“ или што било друго, само минатата година вредела 40 милиони долари.

The post Банкротираше семејната компанија на родителите на Кејт Мидлтон appeared first on Република.

Во четвртокот, американскиот Сенат го усвои законот за кој преговараа претседателот Џо Бајден и претседателот на Конгресот Кевин Мекарти за зголемување на лимитот на американскиот долг за 31,4 милијарди.

Сенатот го усвои законот со 63 гласа „за“ и 36 „против“, кој во средата го изгласа Претставничкиот дом по неколкумесечни несогласувања меѓу демократите и републиканците.

Министерството за финансии претходно предупреди дека нема да може да ги плати обврските доколку до 5 јуни не се донесе мерка.

„Вечерва избегнуваме неплаќање“, рече лидерот на мнозинството во Сенатот, Чак Шумер.

Пред гласањето, сенаторите отфрлија десетина амандмани, испраќајќи го нацрт-законот до претседателот Џо Бајден на потпис пред крајниот рок.

Според новиот закон, федералниот лимит за задолжување ќе биде суспендиран до 1 јануари 2025 година.

Бајден рече дека двопартискиот договор е голема победа за американската економија и народ.

The post Ќе се спасат ли од банкрот? Американскиот Сенат го усвои нацрт-законот за зголемување на долгот appeared first on Република.

Статистичката рејтинг агенција Фич го намали рејтингот на аргентинскиот долг во странска валута за два степена, оставајќи ја едно ниво над банкрот.

Намалувањето на рејтингот на долгот од CCC- на C сугерира дека агенцијата за рејтинг верува дека неплаќањето на долгот е „неизбежно“ и доаѓа набргу по декретот на аргентинската влада со кој локалните организации од јавниот сектор се принудени да го заменат својот долг деноминиран во странска валута со долг деноминиран во националната валута - пезоси.

„Фич“ соопшти дека рејтингот на Аргентина дополнително ќе биде намален на „Ограничен стандард“.

Аргентина одлучи да го запре падот на своите девизни резерви, делумно поради недостигот на девизи и нестабилноста на девизниот курс во финансискиот сектор.

„На одржлив начин, државата ќе стекне способност да работи на пазарите на финансиски долари, што ќе овозможи да се избегнат деструктивни зголемувања“, напиша претходно на Твитер заменик-министерот за економија Габриел Рубинштајн.

Тој рече дека со овој потег Аргентина настојува „да го зајакне макроекономскиот поредок“.

Според податоците на централната банка, Аргентина има бруто меѓународни резерви од нешто повеќе од 37,5 милијарди долари, но аналитичарите велат дека нето вредноста е значително помала.

The post Аргентина е пред банкрот appeared first on Република.

Во услови на длабока сиромаштија, кризи и инфлација, СДСМ им воведе нови поскапи цени на услугите на Агенција за катастар на недвижности. Со новиот Тарифник на Катастарот услугите за добивање одредени податоци се поскапени за 100, 200, па и за 500 отсто, на товар на геодетските друштва, нотарите, адвокатите и граѓаните кои користат катастарски услуги, истакна на денешната прес конференција Марија Митева, портпаролка на ВМРО-ДПМНЕ.

Ако досега за добивање на податоците кои се потребни за подготовка на геодетски елаборат се плаќало 750 денари, со зголемувањето износот ќе биде 1.552 денари, односно за повеќе од 100 отсто, или
-ако правото на упис на стан досега чинеше 300 денари, сега е 1200 денари, или
-ако имотен лист чинеше 180 денари, сега е 250 денари итн.
Всушност, запишување на стан има зголемување за преку 300%, запишување на парцела има зголемување од 100%, имотен лист зголемување за 40%, а зголемување на поедини производи оди и до 500%, појасни портпаролката.

Митева посочи дека ваквите измени на тарифникот се направени без никаква консултација со најзасегнатите страни.

Ваквите измени согласно член 37 став 2 од Законот за катастар на недвижности, ги донесува Управниот одбор на Агенцијата по претходно добиена согласност од страна на Владата. Ова докажува дека додека власта со полна уста зборува за наводна грижа и помош за граѓаните и за стопанството во услови на економска криза, дава согласност за зголемување на цените на услугите кои им се неопходни на граѓаните и бизнисот. Власта на дело покажува самоволие и невиден грабеж. Со ваквиот тарифник сосема е јасно дека во голема мера се доведува во прашање рентабилноста и опстојувањето на Агенцијата за катастар на недвижности. Дали власта сака со ова да го спаси Катастар од банкрот? Дали ова ќе биде уште една институција која ја претворија во загубар? Дали Агенцијата е во состојба да обезбеди плати за вработените или преку зголемување на давачките ќе се обиде да ја сокрие реалноста, запраша таа.

Посочи дкеа овие поскапувања не се ниту први ниту единствени во време на СДСМ.

Оваа Агенција нема да биде ниту прва ниту единствена која ќе ја упропастат. СДСМ е прва и единствена политичка партија која етапно го уништува системот во државата. СДСМ мора да замине, додаде Митева.

https://youtu.be/gao7ZxeN1Mo

Од СДСМ, пак, велат дека не е точно дека цените на катастарските услуги се зголемени за сите услуги најмалку пак дека се зголемени за пет пати.

Откако им пропаѓаат обидите за блокади, ВМРО-ДПМНЕ се враќаат на старите навики со фалични калкулации сакаат да ги манипулираат граѓаните. Не е точно дека цените на катастарските услуги се зголемени за сите услуги најмалку пак дека се зголемени за пет пати. ВМРО-ДПМНЕ нема да успее да ги излаже граѓаните, особено што на одредени документи цената е намалена за три пати. Како што е и јавно објавено новиот тарифен модел, поединечните цени на податоците од Геодетско катастарскиот информационен систем (ГКИС) и надоместокот за запишување во катастарот на недвижности не се енормно зголемени како што се дезинформира јавноста тук се на ниво на реално направени трошоци за нормално функционирање и одржување на електронските системи. Со тоа што се воведени и фиксни надоместоци за користење на дел од податоците од ГКИС, како и за запишување на правата на недвижностите. Овој надоместок во претходните тарифници изнесувал од 100 до 300 денари, а сега е пропишан единствен износ во висина од 250 денари кој е и единствен надоместок за одредени производи од ГКИС. Дополнително, за голем број документи цената е значително намалена со што паѓаат во вода сите лаги на ВМРО-ДПМНЕ. ВМРО-ДПМНЕ со фаличен калкулатор сака да ги манупулира граѓаните - точната математика ја знае секој геодет, вкупниот трошок за еден проект поскапува за точно 0% односно НЕ поскапува. Тарифите впрочем се јавно објавени и на официјалната страница на институцијата, велат оттаму.

The post Катастар e пред банкрот, oткако давачките се зголемија и до 500 отсто appeared first on Република.

Во септември банкротираа 635 компании во Шведска. Ова е најголемиот број од мај 2020-та година, односно од почетокот на пандемијата на коронавирусот и е зголемен за 38 отсто во однос на септември 2021-ва година, пишува „Bloomberg“.

Агенцијата истакна дека бизнисот во земјата е погоден од растот на цените и политиката на централната банка за зголемување на каматните стапки во обид да се запре инфлацијата.

Според анализите на шведската кредитна агенција „UC“, бројот на компании во стечај се зголемува во 9 од 10 во набљудуваните економски сектори. Ова ги зголемува стравувањата од рецесија во повеќето земји на скандинавскиот полуостров.

Според Јохана Бломе, економист во „UC“, земјата се соочува со целата сила на ефектите од „совршената бура“ која ги комбинира ефектите од војната во Украина, инфлацијата, високите каматни стапки и цените на енергијата.

Сепак, аналитичарите го забележуваат и фактот дека цените на електричната енергија се повисоки во јужните делови на земјата, но несолвентноста на бизнисите се зголемува наместо во северните региони.

Засега нема јасна поврзаност меѓу поскапувањето на струјата, но и очекувањата дека ефектите за малите бизниси ќе станат видливи во зима, особено што стечајната постапка трае одредено време.

Бројот на банкротирани компании во секторот „Трговија на големо“ во септември е зголемен за 72 отсто на годишно ниво, кај хотелиерите и рестораните зголемувањето е 66 отсто, а кај трговците на мало за 45 отсто.

The post Расте бројот на банкротирани компании во Шведска appeared first on Република.

Германското здружение за малопродажба (HDE) бара владата да интервенира со привремено ограничување на тарифите и намалување на даноците за електрична енергија на минимум.

Над 15.000 германски продавници се соочуваат со банкрот поради зголемените трошоци за енергија, пишува „Шпигел“, повикувајќи се на Германското здружение за малопродажба (HDE) кое бара владата  да интервенира со привремено ограничување на тарифите и намалување на даноците за електрична енергија на минимум.

Здружението во писмо до вицеканцеларот и министер за економија Роберт Хабек предупредува на „експлозивни трошоци за енергија“ и наведува дека околу 16.000 компании би можеле да банкротираат оваа година, додека „негативниот тренд“ најверојатно ќе продолжи до 2023 година.

Според Здружението, зголемените трошоци за енергија, кои од почетокот на годината се зголемени во просек за 147 отсто, ги спречуваат трговците да остварат профит. Уделот на трошоците за електрична енергија во обемот на продажба за трговците на мало веќе достигна речиси три проценти во просек, а многумина во секторот очекуваат таа бројка да се искачи на дури 5 отсто во 2023 година.

Според пресметките на здружението добивките на трговските компании се екстремно ниски. Кај облеката оперативната добивка како процент од продажбата изнесува 2,1 отсто, додека кај обувките моментално е негативна и изнесува -1,2 отсто. Дури и во прехранбениот сегмент е само 2 до 4 отсто.

Ваквата состојба може да стави многу компании во „неповолна положба“, предупреди ХДЕ.

– Со оглед на остриот пад на куповната моќ на домаќинствата и рекордната висока инфлација, тешко дека ќе биде возможно да се пренесат зголемените трошоци за енергија на потрошувачите – велат тие.

The post 15.000 германски трговци пред банкрот appeared first on Република.

Банкротот на Русија е само прашање на време, а со оваа војна рускиот претседател Владимир Путин ја уништува сопствената држава и иднината на нејзиниот народ. Ова денеска го изјави претседателката на Европската комисија, Урсула фон дер Лајен.

Таа во интервју за германскиот весник „Билд“ рече дека санкциите секоја недела продираат подлабоко во руската економија и дека извозот во Русија опаѓа за 70%.

„700 руски авиони ги загубија своите лиценци поради недостиг на резервни делови и ажурирања на софтверот. Стотици големи компании и илјадници експерти и го свртуваат грбот на таа земја. Според сегашните прогнози, бруто домашниот производ на Русија ќе падне за 11 отсто”, рече таа.

Запрашана за подготовките за воведување на шестиот пакет санкции против Русија, Фон дер Лајен рече дека ЕУ продолжува да го следи банкарскиот сектор, особено Сбербанк, која сама сочинува 37% од рускиот банкарски сектор, но дека, се разбира, има енергетски проблеми.

Истакнувајќи дека земјите од ЕУ и плаќаат на Русија по 450 милиони евра секој ден само за испорака на нафта, таа изјави дека примарна цел е да се намалат приходите на Путин.

„Но, нафтата се тргува на глобално ниво. Она што не треба да се случи е тоа што Путин наплаќа уште повисоки цени на другите пазари… Затоа во моментов развиваме паметни механизми за нафтата да може да биде вклучена во следниот чекор од санкциите“, вели тaa.

Таа изјави дека Украина може да победи во војната и дека храброста и отпорот на Украина се импресивни.

https://republika.mk/vesti/svet/medvedev-bankrotot-na-rusija-moze-da-predizvika-bankrot-na-evropa-2/

На прашањето дали победата значи повторно протерување на Русија од источна Украина, фон дер Лајен рече дека победата значи повторно мир во Украина и под кои услови Украина одлучува сама.

На изјавата на „Билд“ дека во Украина се собираат докази за воени злосторства, Фон дер Лајен истакна дека е цврсто убедена дека сторителите за злосторствата ќе бидат казнети од меѓународниот суд.

„Формиравме истражен тим со Украина за да обезбедиме информации до Меѓународниот суд на правдата. Има многу докази за злосторства извршени од руски војници. Но, не само директните извршители треба да бидат изведени пред лицето на правдата, туку и оние кои се одговорни за оваа скапа војна коа чини илјадници цивили. Путин е одговорен за оваа војна, тој нареди инвазија и ги влече сите конци“, рече таа.

Фон дер Лајен посочи дека мора да направиме се за да заврши војната што е можно поскоро, но истовремено да се подготвиме за фактот дека, во најлош случај, војната може да трае со месеци, па дури и со години.

The post ЕУ: Банкротот на Русија е само прашање на време appeared first on Република.

Банкротот на Русија може да предизвика хиперинфлација и банкрот на Европа, изјави заменик-претседателот на рускиот Совет за безбедност Дмитриј Медведев по повод тврдењето на претседателката на Европската комисија Урсула фон дер Лајен дека „банкротот на Русија е само прашање на време“.

Банкротот на Русија може да предизвика банкрот на Европа, морален и материјален, напиша Медведев на Телеграм, додавајќи дека финансискиот систем на ЕУ не е толку стабилен и оти граѓаните ја губат довербата.

Медведев смета и дека властите на ЕУ треба да очекуваат „голема благодарност од Европејците за хиперинфлацијата за која не може да се обвинува Русија, за недостигот на основни прехранбени производи во продавниците и приливот на бегалци што ќе предизвика бран на насилен криминал“.

The post Медведев: Банкротот на Русија може да предизвика банкрот на Европа appeared first on Република.

Русија можеби веќе банкротирала бидејќи не ги сервисирала своите доларски обврзници поради западните санкции наметнати поради војната во Украина, објави агенцијата Мудис.
На 4 април, Русија изврши плаќање на две државни обврзници – со рок на достасување во 2022 и 2042 година – во рубљи, а не во долари. „Договорите за обврзници не содржат одредби за отплата во која било валута освен долари“, наведува агенцијата.
„Затоа, Русија, според дефиницијата на Мудис, може да се смета дека е во банкрот ако не ги исполни обврските во долари до 4 мај, кога истекува едномесечниот грејс период“, се вели во соопштението на Мудис.
Мудис тврди дека некои руски еврообврзници издадени по 2018 година дозволуваат плаќање во рубљи под одредени услови, но дека постарите од тој период не го дозволуваат тоа.
„Мудис смета дека инвеститорите не добиле договорна исплата во странска валута на датумот на доспевање на исплатата“, велат од агенцијата.
Русија наведува дека сака да го отплати својот долг, но дека Западот ја спречил да го стори тоа со воведување строги санкции откако ја нападна Украина на 24 февруари.
Во 1998 година Русија не врати 40 милијарди долари домашен долг, па ја девалвираше рубљата во времето на претседателот Борис Елцин, бидејќи практично банкротираше по азиската должничка криза и падот на цената на нафтата.
Ова би бил првиот голем руски банкрот во повеќе од еден век. Москва ги отплати надворешните долгови и по распадот на Советскиот Сојуз.

The post Мудис: Русија можеби веќе банкротирала appeared first on Република.

Шри Ланка банкротираше поради надворешниот долг од 51 милијарда долари по најтешката економска криза во историјата на оваа земја. Државата е зафатена од акутен и сериозен недостиг на храна и гориво додека се соочува со секојдневни ограничувања за електрична енергија.

Во изминатите неколку недели, јавното незадоволство ескалира со обиди за масовни упади во домовите на членови на администрацијата, а безбедносните сили ги растераа демонстрантите со солзавец и гумени куршуми.

Министерството за финансии соопшти дека, пред да добие финансиска помош од Меѓународниот монетарен фонд, Шри Ланка прогласува банкрот според сите надворешни обврски, вклучително и заеми од странски земји.

Владата презема итна мерка само како крајна опција за да се избегне натамошно влошување на финансиската состојба - се наведува во соопштението.

Економската криза во Шри Ланка почна по неможноста за увоз на основни добра од странство, бидејќи пандемијата влијаеше на падот на приходите од туризмот и приходите од странство.

Шри Ланка побара олеснување на долгот од Индија и Кина, но двете земји, наместо тоа понудија дополнителни заеми за купување стоки.

The post Шри Ланка банкротира откако се соочи со најголемата криза во историјата на земјата appeared first on Република.

Русија го зголеми фондот за „црни денови“ за нејзината економија погодена од санкциите за 3,4 милијарди долари приходи од нафта и гас од почетокот на војната во Украина.

И покрај тоа, се ближи до првиот случај на неплаќање долгови од 1998 година, пишува Фајненшл тајмс.

Официјална Москва објави дека ќе пренасочи дополнителни 273,4 милијарди рубљи (3,4 милијарди долари) во својот фонд за „црни денови“, од кои 271,6 милијарди рубљи доаѓаат од приходите од продажбата на гас и нафта добиени во првиот квартал од оваа година, пренесува ФТ.

Дополнителните пари ќе бидат искористени, меѓу другото, за „воведување мерки насочени кон зачувување на економската стабилност во контекст на меѓународните санкции“, велат од руската влада.

Руската економија најверојатно ќе се намали за 10 отсто оваа година, според аналитичарите на ФТ.

И покрај тоа, се додава, приходите од извозот на суровини и строгата контрола на капиталот и помогнаа на официјална Москва да ја стабилизира валутата и да спречи финансиски колапс, иако се соочува со тешки санкции од западните земји и нивните сојузници.

Сепак, глобалната рејтинг куќа „Стандард и Пурс“ (S&P) викендов го намали рејтингот на Русија на „селективен банкрот“, откако официјална Москва објави дека ќе ја плати последната транша од долгот на странските обврзници во рубљи, иако тие се деноминирани во долари.

Русија ги исполнува своите обврски за доларските обврзници од почетокот на инвазијата, спротивно на очекувањата на многу инвеститори кои очекуваа санкциите и контролата на капиталот да ја вовлечат Русија во нејзиниот прв банкрот од 1998 година.

Но, минатата недела Русија требаше да плати 84 милиони долари во купони и 552 милиони долари во обврзници кои доспеваат, за кои понуди да плати во рубљи наместо во долари, откако американските власти им забранија на американските банки да вршат такви плаќања.

Официјална Москва сега има 30-дневен грејс период за доставување пари на инвеститорите пред да биде прогласен банкрот, што ќе биде тешко остварливо.

„Во моментов, не очекуваме дека инвеститорите ќе можат да ги претворат овие плаќања во рубљи во еквивалент на долар во оригиналните износи, или дека владата ќе ги конвертира овие плаќања во рок од 30 дена“, се вели во соопштението на S&P.

The post Првиот банкрот на Русија по 1998 година пристигнува за 30 дена? appeared first on Република.