Вчера во 22.50 часот во Полициската станица Струмица било пријавено дека во село Баница, струмичко, И.К.(22) од село Баница, управувајќи патничко волзило „фолксваген пасат“ со струмички регистарски ознаки, изгубил контрола над возилото и удрил во ограда.

По несреќата, И.К. го напуштил местото, а сопатникот К.Ѓ.(29) од Струмица бил пренесен во Медицински центар Струмица каде му биле констатирани тешки телесни повреди.

По преземени мерки, во 23.50 часот возачот бил пронајден и пренесен во Медицински центар Струмица, каде што, исто така, му биле констатирани тешки телесни повреди.

Увид на местото на несреќата извршила екипа на Полициската станица Струмица.

The post Удрил во ограда и избегал, оставајќи го повредениот другар во автомобилот appeared first on Република.

Поднесена е кривична пријава против 12 лица од струмичкото село Баница и против едно лице од струмичкото село Градско Балдовци, осомничени за кривично дело „Напад врз службено лице при вршење работи на безбедноста“ по член 383 став 3 од Кривичниот закон. Во текот на денот тие ќе бидат изведени пред судија на претходна постапка од Основен суд Струмица.

Како што соопшти Министерството за внатрешни работи, полицијата од Секторот за внатрешни работи Струмица денеска ги лишила од слобода: С.С. (43), Д.Ј. (33), П.С. (40), И.Г. (26), И.В. (41), Т.С. (37), Р.С. (52), А.С. (43), В.К. (39), Т.В. (21), Ж.М. (33) и уште едно малолетно лице, сите од село Баница, и М.Ѓ. (23) од струмичкото село Градско Балдовци.

Тие се сомничат дека вчера во 23 часот во село Баница насилнно запреле цивилно полициско возило „шкода“, управувано од полициски сужбеник од СВР Струмица, кој во моментот извршувал службени задачи.

-Најнапред со дрвени, бетонски и метални предмети удирале по возилото, а потоа физички го нападнале полицискиот службеник со повеќе предмети. Полицискиот службеник се здобил со тешки телесни повреди, констатирани во Медицински центар Струмица. Лицата биле задржани во полициската станица Струмица, а за настанот бил запознаен Јавен обвинител од Основното јавно обвинителство Струмица, соопшти МВР

The post 13 лица од Баница добија кривична пријава за напад над полицаец appeared first on Република.

Бугарија и Грција заеднички ќе подигнат споменик на Гоце Делчев во селото Баница каде што е убиен, најавија бугарските медиуми. Иницијативата доаѓа од грчката пртетседателка Катерина Сакеларопулу.

Ќе ја поддржам иницијативата за подигање спомен плоча на Гоце Делчев во селото Баница во денешна Грција по повод 120-годишнината од неговото убиство, што ќе се случи во 2023 година-изјави бугарскиот претседател Радев.

Бугарија и Грција ги оставија настрана сите противречности во минатото и во моментов се модел и пример за стратешко партнерство и разбирање додава бугарската држава.

Не гледам проблем, Грција, која е суверена држава, и се грижи за спомениците на нејзината територија, треба да даде можност за таков споменик, особено што Гоце Делчев е бранител на слободата на сите луѓе, без разлика во која земја живееле, рече Радев.

Селото Баница, или на грчки Кариес е село во регионот на Серес каде во 1903 година загинал македонскиот револуционер Гоце Делчев. Баница денеска речиси и да не постои.

The post Македонија не се ни споменува: Грција и Бугарија заеднички ќе подигнат споменик на Гоце Делчев во Баница appeared first on Република.