На тик-ток-профилот „bata.osovina“ е објавено видео кое привлече внимание кај корисниците на социјалната мрежа. Авторот на видеото покажува како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објаснува што се случува:

Ова не е првпат да правиме вечера на вулкан, печевме колбаси, пици, јајца… Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пеш“, вели момчето.

@bata.osovina #viral ♬ original sound - Bata Osovina

Меѓу многуте коментари го забележавме следново:

„Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

The post Ни лавата не им може ништо: Балканци прават скара на вулкан додека уживаат и пејат appeared first on Република.

Во опсежна операција, припадници на германската царина разбиле банда која организирала нелегална работа во Германија.

Приведени се десет лица, меѓу кои и државјани на Србија, Хрватска, Црна Гора и БиХ, јавуваат локалните медиуми. Според медиумските извештаи, осомничените носеле и вработувале луѓе „на црно“, најмногу на германски градилишта. На акцијата и претходела опсежна истрага, спроведена во тајност.

Портпаролот на царината соопшти дека се уапсени тројца српски државјани, тројца Хрвати, еден државјанин на БиХ, еден Германец и еден Црногорец.

Во претресените објекти, освен телефони и компјутери, пронајдено е оружје и околу 75.000 евра.

Групата се сомничи дека со организирање работење „на црно“ проневерила околу 10,4 милиони евра.

Германската царина пристапила и до одредени банкарски сметки и запленила три скапи автомобили.

Оваа акција продолжува, бидејќи постои сомнеж дека се вмешани 34 лица. Од германската царина изјавија и дека осомничените биле координирани и организирани и дека добро ги прикривале криминалните дела.

The post Уапсена е група Балканци кои вработувале луѓе „на црно“ во Германија appeared first on Република.

За мажите од Балканот се вели дека не покажуваат емоции, дека им е тешко да признаат кога грешат, дека ги сметаат своите мајки за најдобри и дека мора да бидат главни во друштвото. Дали е тоа навистина така и дали вистинските Балканци прифаќаат да работат на себе и да се менуваат? За ова во емисијата „150 минути“ на „Прва“ зборуваше Душан Благојевиќ, животен ментор, кој откри и зошто бројни искуства покажуваат дека мажите постојано ги споредуваат своите сопруги со нивните мајки.

За балканскиот маж се смета дека мора секогаш да биде силен, да ги држи емоциите под контрола, така нè воспитувале од детството. Ако продолжиме да живееме така и во зрелите години, може да има сериозни последици зопто - емоциите постојат со причина. Непријатните емоции можат многу да нè научат. Мојот повик кон мажите е  малку да се спуштиме кон срцето. Жените се поинтуитивни по природа. Се сеќавам кога станав татко, кога ќе го земев син ми, се чувствував изгубено, ми беше хаотично кога тој плачеше, а жена ми веднаш знаеше зошто плаче. Жената тоа просто го чувствува. Ние мажите треба да знаеме дека поврзувањето со нашите емоции не нè право послаби, туку посилни, објаснува Благојевиќ.

На прашањето дали е погрешно тоа што мажите ги споредуваат сопругите со мајките, тој одговори:

Не мора да е погрешно, но погрешно е што нашите балкански мајки прават многу за своите синови. Затоа сакав да почнам да работам со жените, да ги зајакнам. Се водев од личен пример. За мене се правеа многу работи додека растев и знам колку ми беше потешко подоцна. И баба ми и мајка ми правеа многу работи за мене што не требаше да ги  прават. Подоцна ми беше двојно потешко да развијам здрави навики кои полесно би ги научил како дете. Мајките никогаш не смеат да се губат себеси, а жените ја имаат таа тенденција особено во првите две години од детето, вели Благојевиќ.

Тој објаснува дека не треба да правите ништо што детето е способно да го направи самостојно.

Тоа е многу добро правило што го слушнав во домовите за стари лица. Така му правите лоша услуга на вашето дете. Понекогаш ми е тешко кога син ми се подготвува за во градинка и знам дека ако го оставам сам да ги облече своите чевли ме кошта уште десет минути. Но, ако, подобро е да го пуштиме и да задоцниме малку, зошто подоцна неговите љубовни врски и односите со жените ќе бидат многу подобри. Така, нема да очекува жената да му биде мајка, бидејќи таа не може да му биде мајка, објасни животниот ментор.

The post Зошто Балканците си ги споредуваат сопругите со „ненадминливата“ мајка? appeared first on Република.

Иако се релативно добро застапени на повиски нивоа во администрацијата на ЕУ, граѓаните на скандинвските земји се помалубројни помеѓу пониските слоеви на бриселската бирократија, како резултат на фактот што овие работни места не се премногу привлчени за Скандинавците, пред се за помладите генерации.

Токму затоа, скандинавската тројка во ЕУ - Данска, Шведска и Финска, сметаат дека Европската Унија мора да ги промени своите правила за вработување или ризикува практично да ги елиминира Скандинавците од Европската комисија.

Според нив, причини за ваквиот слаб интерес на Скандинавците за работа во Брисел се долгиот процес на регрутирање кадри, лошо дизајнираните испити за проверка на знаењето за одредени земји и за работни места, како и пониските плати во споредба со оние во скандинавските земји.

Да се биде „еврократ“ со почетна месечна плата од 5.000 евра изгледа финансиски привлечно за граѓаните на земји како Грција и Романија, каде просечни годишни плати изнесуваат 15.897, односно околу 13.000 евра, но ни и за Швеѓаните или Данците во чии држави платите на годишно ниво изнесуваат во просек 46.934, односно 63.261 евро.

Тоа е видливо и според статистичките податоци за вработените во Европската комисија, кои покажуваат дека Грците и Романците се презастапени меѓу пониските и средните нивоа на администартивците, додека од друга страна Швеѓаните, Данците и Финците се недоволно застапени на истите нивоа.

Како што посочува неименуван дипломат од една од скандинавските земји за бриселскиот портал „Политико“, Скандинавците речиси и да ги нема во Европската комисија.

- Не нарекуваат панди, затоа што не има толку малку во Комисијата, вели дипломатот, кој е ангажиран за привлекување на неговите сонародници на работни места во ЕУ.

Според најавите, во следните недели, овие три скандинавски земји заедно со десетина други членки на ЕУ ќе иницираат склучање договор со Еврокомисијата за спроведување промени со цел да се спречи „растечката географска нерамнотежа“.

Ваквите барања може да наидат на отпор од некои други членки на ЕУ, како што се Италија, Романија или Грција, кои се многу поуспешни во вклопувањето на своите сонародници во бриселската машинерија и не се наклонети кон сериозни промени во системот.

Вработувањето на „свои луѓе“ во администрацијата во Брисел не е само прашање на човечки ресурси, па членките на ЕУ се заинтересирани да имаат што е можно повеќе свои граѓани на местата на кои се донесуваат одлуки, кои би ги штителе нивните интереси.

Сржта на бриселската бирократија се околу 14.000 највисоко рангирани службеници во блокот, познати како „администратори“, кои се одговорни за спроведување на донесените политички одлуки, но учествуваат и во изработката на правилата што регулираат се во Унијата - од загадувањето на автомобилите, па до надоместокот за донации на оружје за Украина.

Според дипломатка во Шведската мисија во ЕУ недоволната застапеност на Скандинавците во европските институции се повеќе станува политички проблем.

- Ако не се реши овој проблем, тоа може да придонеси се ширење анти-ЕУ ставови во земјите членки, заклучува шведската дипломатка.

The post Скандинавците недоволнo застапени, а Балканците презастапени во институциите на ЕУ appeared first on Република.

Луѓето кои заминуваат во странство да живеат и работат најчесто ја избираат  Германија. Еден Србин на Фејсбук го опиша животот со Балканците и нивите навики.

- Еве трет месец во Германија... Не ми се верува дека речиси и да нема човечност, запознав преку 100 наши луѓе.Главната тема на разговор започнува и завршува таму: - Колку е саатницата? - Зошто го плаќаш станот? - Кола на рати... Не се поднесуваат, помошта и дружењето едноставно не е доволно, повеќето од нив спијат преку викенд, уморни се од 8-те часа работа за кои биле платени, работеле 16 часа за викенд и има уште прашање за платата (300-400е)...

Морав да ја напишам оваа изјава. Поздрав до сите балканци, дојдовте на работа за да живеете, немојте да живеете само за да работите - заклучи тој.

The post Искуство на нашинец: Балканците во Германија се одвратни: Зборуваат само за пари, живеат за да работат appeared first on Република.