Модниот бренд „Баленсијага“, во новата колекција за пролет 2024 година претстави здолништа што личат на крпи.

Цената на ова необично парче облека е 925 долари (околу 853 евра), а модниот бренд објави дека здолништето веќе може да се нарача преку нивната интернет страница. На промотивните фотографии манекенот ја има облечено „крпата“ - црна, па сива, обвиткана околу половината, со широки панталони под неа, а нагоре носи црна блуза со качулка и очила за сонце.

„Ова е апсурдно. Овие брендови ќе продаваат сѐ и сешто по толку смешно високи цени“, „Повторно ќе кажам, 'Баленсијага' спроведува експеримент. Ова е научно испитување на однесувањето. Не може да убедите оти не е така“, „'Баленсијага' е толку несериозна“, „Каква лудост е ова!?“ - се дел од коментарите.

И претставници на некои компании кои продаваат крпи за хигиена се пошегуваа дека продаваат исти такви „здолништа“, но по пониски цени.

The post „Баленсијага“ промовира здолништа со облик на пешкир – цената им е 850 евра appeared first on Република.

Светски познатиот моден бренд „Баленсијага“ ја објасни причината за лансирањето на скандалозната кампања со слики на деца кои позираат со играчки за возрасни и алкохол.

Тие објавија и соопштение во коешто се извинуваат за рекламата што сега е повлечена и отстранета.

Остро го осудуваме насилството врз децата, никогаш не ни беше намера да ги вклучиме во оваа наша приказна. „Баленсијага“ ја презема сета одговорност. Чанти со плишани мечиња и колекцијата подароци не требаше да се поврзуваат со деца. Ова беше погрешен избор од наша страна, споено со неуспехот при оценувањето и потврдувањето на фотографиите. За тоа сме одговорни единствено ние“, објаснуваат од комапнијата во соопштението и велат дека се спроведува внатрешна истрага за одговорност за таквиот превид.

Инаку, оваа рекламна кампања, меѓу другите, ја критикуваше и Ким Кардашијан, која веќе извесно време работи со „Баленсијага“.

The post „Баленсијага“ се извини за скандалозната кампања со „злоставувани“ деца appeared first on Република.