Т.З.(44) од Штип вчера во 13:15 часот бил повикан во СВР Штип, бидејќи по преземени мерки и активности било дојдено до сознание дека извршил кривично дело „тешка каржба“.

Во периодот од 10 до 12 октомври годинава тој со употреба на сила и алат под мост на река Брегалница на улицата „Борис Кидрич“ во Штип одзел 130 метри бакарен кабел, сопственост на телекомуникациска компанија - информираат од МВР.

При извршен службен разговор во полициска станица Т.З. го признал делото. По целосно документирање на случајот против него ќе биде поднесена соодветна пријава.

The post Од телекомуникациска компанија украл 130 метри бакарен кабел: Приведен крадец во Штип appeared first on Република.