Во околината на Бахмут состојбата на фронтот е релативно стабилизирана. По неколку неуспешни обиди, украинските сили повторно се обидуваат да ги прегрупираат единиците и да извршат дорут на муниција и воени средства во подготовка за нови напади.

Големиот број убиени и ранети во боребените формации кои учествуваат во секојдневните напади ја принудија украинската армија да ги прилагоди своите планови. Според информации од терен, останата е само 28% од борбено подготвниот персонал во вториот баталјон на 3-та бригада на украинската војска, како помалку од половина од редовната воена опрема.

Сега на подрачјето на Константиновка и Белаја Гора, во тек е активна обука и координација на јуришните одреди на 92 механизирана бригада, 57 моторизирана бригада и 24 баталјони „Ајдар“  на украинските сили, кои се планира да се користат на јужното крило на Бахмут во новиот бран напади.

Во првиот ешалон, 14 напаѓачки групи на националната полициска бригада „Љут“ се подготвуваат за напад. Осум од нив треба да удрат кон ридот 195.4 кај местото Клешчеевка, на југ од Бахмут, за да ги принудат руските трупи да се повлечат од селото. За останатите е планирано да се движат по железничките пруги во правец на Андреевка и Курдумовка за да ги блокираат приодите до триаголникот Курдјумовски.

Истовремено, на север, во околината на Северск, има концентрација од шест украински јуришни групи, што укажува на можно активирање од страната на селото Раздоловка. 10-та планинска ударна бригада и 54-та механизирана бригада, последниве недели интензивно подготвуваат резерви за напад, така што е сосема можен временски синхронизиран напад од повеќе страни.

The post По огромните загуби околу Бахмут, украинските сили се прегрупираат за синхрозиран напад од повеќе насоки appeared first on Република.

Украина потврди дека спроведува „офанзивни акции“ на делови од фронтот и соопшти дека постигнала напредок во близина на разурнатиот источен град Бахмут, истовремено намалувајќи го обемот на нападот што Москва тврди дека го одбила.

Одбранбената операција (на Украина) вклучува контраофанзивни акции. Затоа, спроведуваме офанзивни дејствија во некои сектори. Секторот на Бахмут останува епицентар на непријателствата. Напредуваме на прилично голем фронт. Постигнуваме успех и ги заземаме брдата. Непријателот е во дефанзива, напиша на Телеграм заменик-министерката за одбрана на Украина Хана Малиар.

Русија претходно соопшти дека одбила офанзива од големи размери на истокот и југот на Украина, како и дека им нанела големи загуби на Украинците во војници и опрема.

Киев со месеци подготвува голема контраофанзива, чија цел е да ги истисне руските војници од зоните што ги окупираа. Сепак, украинските власти предупредија дека нема да откријат ништо за нивните планови или датуми.

The post Украина потврди дека спроведува „офанзивни акции“ кај Бахмут appeared first on Република.

Битката за Бахмут  заврши со победа на платениците на Вагнер. Украинската страна пак тврди дека целиот град не е под руска контрола и дека борбите се уште траат. Но, што остана од Бахмут ?

Судејќи според најновите фотографии направени од сателити и дронови, градот е претворен во урнатини, пепел и чад.Сателитските фотографии на Бахмут од 15 мај покажуваат изгорени згради. Навистина трагично.

The post Град на духови и рушевини: Што остана од Бахмут appeared first on Република.

Украина во неделата тврдеше дека нејзините војници и натаму се борат за контролата над источниот град Бахмут, откако претседателот Володомир Зеленски претходно во неделата на маргините од самитот на Г7 во Хирошима за новинарите рече дека градот „сега е само уште во нашите срца“, додека рускиот претседател Владимир Путин веќе го честита „ослободувањето на градот“ и ветува признанија.

Запрашан пред средбата со американскиот претседател Џо Бајден во Јапонија, дали украинската војска сѐ уште се бори во Бахмут откако шефот на руската приватна воена компанија „Вагенр“, Евгениј Пригожин во саботата објави дека неговите борци го заземале градот, Зеленски прво дал нејасен одговор, а потоа на повтореното прашање одговорил „Мислам дека не“, пренесе агенцијaта Reuters.

Притоа, како што подоцна пренесоа и другите агенции, Зеленски додал „Денеска Бахмут е само уште во нашите срца“.

Но портпаролот на украинскиот претседател подоцна излезе со толкување дека Зеленски одговорил наводно на вториот дел од прашањето.

„Новинарското прашање: Русите рекоа дека го заземале Бахмут… Одговорот на претседателот: Мислам дека не“… На тој начин претседателот го негираше освојувањето на Бахмут“, напиша на Facebook портпаролот Серхиј Никифоров.

Пригожин во саботата објави дека руските борци целосно го заземале градот Бахмут (Артјомовск на руски) на административната граница на југоисточната украинска доминантно руско и рускојазичен регион Доњецк кој се отцепи по превратот во Киев во 2014 година, а од ланскиот септември со референдум, кој не го признава меѓународната заедница, се присоедини на Руската Федерација. Станува збор за најдолгата и најкрвава битка со илјадници жртви на двете страни во 15-месечната војна во Украина.

„Тоа е трагедија.. Ништо не остана (таму)“, рекол Зеленски пред новинарите во Хирошима.

Рускиот претседател Владимир Путин, истовремено во неделата, им честиташе на групата „Вагнер“ и на руската војска на, како што истакна“, ослободувањето на Бахмут, кој во Русија се именува по неговото име од советскиот период Артјомовск.

Во соопштението објавено на веб-страниците на Кремљ, Путин наведува дека битката завршила со руска победа и дека оние коишто учествувале во неа ќе добијат државни признанија.

„Шефот на државата ѝ честиташе на борбената група ‘Вагнер’, како и на припадниците на единиците на руските вооружени сили кои има ја дадоа потребната поддршка и ги покриваше нивните крила, на крајот од операцијата за ослободување на Артјомовск. На сите кои се истакнаа ќе им бидат врачени државни признанија“, се додава во објавата на Кремљ.

The post Украина негира дека Зеленски гo потврдил падот на Бахмут, Путин честита appeared first on Република.

Украинскиот претседател Володимир Зеленски се чини дека ја потврди загубата на градот Бахмут денеска на прашањето дали тој сè уште е под контрола на Киев, велејќи дека градот е „само во нашите срца денес“.

https://republika.mk/vesti/svet/prigozhin-go-razvi-ruskoto-zname-vo-bahmut/

Запрашан во Хирошима пред состанокот со американскиот претседател Џо Бајден дали украинските сили сè уште даваат отпор во Бахмут или дали Русија го зазеде градот, Зеленски беше нејасен, а потоа рече: „Морате да разберете дека веќе нема ништо (таму)“.

„Денес Бахмут е сè уште само во нашите срца“, рече тој.

Русија во саботата соопшти дека целосно го освоила источниот украински град, што, доколку е вистина, ќе го означи крајот на најдолгата и најкрвавата битка од 15-месечната војна.

Нападот на претежно срамнетиот град беше предводен од платенички трупи на Вагнер групата, чиј водач Евгениј Пригожин претходно во саботата изјави дека неговите сили конечно ги потиснале Украинците од последната област во градот.

Киев претходно го отфрли тврдењето на Пригожин.

The post Зеленски ја потврди загубата на Бахмут: Градот е само во нашите срца appeared first on Република.

Евгениј Пригожин, шефот на приватната руска воена компанија Вагнер, го подигна руското знаме во Бахмут, за кое тврди дека сега е целосно под контрола на руските сили.

На видеото објавено на Телеграм, може да се види Пригожин, опкружен со членови на Вагнер на улица на разурнат град, како држи руско знаме на кое е испишан денешниот датум.

- На 20 мај 2023 година точно во 12 часот го зазедовме последното упориште на непријателот, висококатницата „Авион“ - вели Пригожин.

pic.twitter.com/dRgWDQpLiX

— zoranceran (@zoranceran2) May 20, 2023

The post Пригожин го развиори руското знаме во Бахмут appeared first on Република.

На социјалните мрежи е објавено увознемирувачко видео создадено на фронтот во близина на источниот украински град Бахмут!

На видеото кое е снимено од извидувачки дрон, наводно се гледа како припадници на украинската армија ги собираат телата на нивните паднати соборци по битката. Се гледаат тројца војници како со голема брзина излегуваат од возилото и го ставаат телото на загинатиот војник во приколката.

pic.twitter.com/S0F8X2xdJr

— zoranceran (@zoranceran2) May 18, 2023

Застрашувачки е што во камионската приколка веќе има толку многу тела на загинати војници што е невозможно да се избројат.

The post Во камион ги товарат загинатите украински војнци во Бахмут appeared first on Република.

Рамзан Кадиров изјави дека тој и чеченските единици се подготвени да ги заменат Евгениј Пригожин и „Вагнер“ на позициите во Бахмут.

Ако постариот брат Пригожин и „Вагнер“ заминат, тогаш Генералштабот ќе изгуби искусна борбена единица, а неговиот помлад брат Кадиров и „Ахмат“ ќе го заземат неговото место во Артјомовск (Бахмут на руски). Ако сценариото е, сепак, вакво, тогаш нашите борци се подготвени да напредуваат и да го заземат градот. Тоа е прашање на часови.

 

Но, би сакал да ги заземеме преостанатите два километри од градот не по цена на животите на нашите војници, туку како резултат на меѓусебно разбирање, поддршка и решителноста на командата и борците да ја исполнат наредбата на врховниот командант на Русија, Владимир Владимирович Путин“, се вели во соопштението на чеченскиот лидер.

https://republika.mk/vesti/svet/prigozhin-bortsite-na-vagner-se-povlekuvaat-od-bahmut-na-10-maj/

The post Кадиров: Подготвени сме да го замениме „Вагнер“ на позициите во Бахмут appeared first on Република.

Славниот сценарист, особено познат по филмот „Битката за Севастопол“, Леонид Корин, загинал во битките за Бахмут, борејќи се во групата „Вагнер“, каде што се пријавил како доброволец.

Филмот „Битката за Севастопол“ е руско-украински проект. Работата на филмот почна во 2012 година, а снимањето траеше од есента 2013 до јули 2014 година во Севастопол, Балаклава, Киев, Одеса и Каменец-Подолск.

Премиерата се случи во 2015 година, при што филмот беше прикажан и на украинскиот бокс офис под името „Нескршлива“ (Незламна). Во филмот се зборува за советската херојка, снајперистката со украинско потекло, Људмила Павличенко, која е родена во Била Церква.

The post Во Бахмут загинал славниот сценарист Леонид Корин, бил доброволец во „Вагнер“ appeared first on Република.

Украинската заменичка министерка за одбрана, Хана Малјар, изјави дека не е точно дека платениците на групата „Вагнер“ за пет дена ќе се повлечат од Бахмут, туку дека Русија кон овој град ги префрла сите борци на оваа воена компанија од целата линија на фронтот во Донбас.

Таа оцени дека Русија тоа го прави во обид да го освои градот до одбележувањето на Денот на победата, на 9 мај, пренесуваат британските медиуми.

Русите се склони кон симболики, а нивниот клучен историски мит е 9 мај и тие навистина се насочени кон заземањето на Бахмут до тој датум. Сега гледаме како силите на „Вагнер“ се повлекуваат од целата линија на фронтот каде што дејствуваат и дека се упатуваат во правец на Бахмут“, изјави Малјар на украинската телевизија.

Претходно, сопственикот на „Вагнер“, Евгени Пригожин, изјави дека неговите сили ќе го напуштат Бахмут на 10 мај бидејќи не добиваат доволно муниција од руското Министерство за одбрана.

https://republika.mk/vesti/svet/prigozhin-bortsite-na-vagner-se-povlekuvaat-od-bahmut-na-10-maj/

The post Украина тврди дека Русија ги концентрира во Бахмут припадниците на „Вагнер“ од целиот фронт appeared first on Република.

Силна експлозија ја срушила главната тврдина на вооружените сили на Украина во југозападниот дел на Бахмут. На социјалните мрежи се појавија снимки од експлозијата што целосно уништи десеткатница во Бахмут, која служела како главна одбранбена позиција на украинските сили во таа област.

Според германски воени аналитичари, експлозијата дошла како последица од руски воздушен напад, додека украински извори велат дека самите украински сили ја разнеле зградата пред да се повлечат од позициите.

Украинската војска објави и снимка од свој дрон на која наводно се гледа дека тие самите ја дигнале зградата во воздух, пред да се повлечат.

Претходно, уредникот на германски „Билд“, Џулијан Ропке, објави дека „десеткатницата, која служела како главна одбранбена позиција на Украина во област била уништена од воздушни напади на руските сили“.

Воените дописници од регионот, на социјалните мрежи честопати објавуваа видеа од повеќекатните згради во Бахмут, кои вооружените сили на Украина ги претвориле во свои моќни утврдувања со стрелачки точки во становите, засолништа од бомби во подрумите и набљудувачки пунктови за прилагодување на стрелбата кон противникот на покривите.

The post Се урна како кула од карти: Силна експлозија ја разнесе главната тврдина на украинските сили во Бахмут appeared first on Република.

Украинските сили трпат големи загуби во битката за Бахмут, бидејќи Генералштабот на армијата не го подготви градот за одбрана, тврди поранешниот заменик командант на украинските сили за специјални операции, генерал Серхиј Кривонос.

Ние плаќаме страшна цена за овој град. Станува збор за тоа дека некои офицери од командата направиле грешки и не го подготвиле градот за соодветна одбрана, изјави Кривонос, поранешен заменик секретар на Советот за национална безбедност и одбрана, пренесува Тасс.

Во интервју за Канал 5, украинскиот генерал кажа и дека одбраната на пристапите кон Бахмут и самиот град не била добро подготвена, што резултирало со големи загуби.

Според неговото мислење, украинската армија уште во февруари требало да се повлече од Бахмут.

The post Украина плаќа висока цена за Бахмут, имаме големи загуби, вели генерал Кривинос appeared first on Република.

Регионалниот шеф на Доњецк, назначен од Москва, Денис Пушилин, изјави дека руските сили контролираат повеќе од 75 отсто од опколениот град Бахмут. На каналот на Телеграм тој објави снимки од посетата на овој мал рударски град во кој се водат најкрвавите битки во 13-месечната војна во Украина.

Со апсолутна сигурност можам да кажам дека повеќе од 75 отсто од градот е под контрола на нашите единици, изјави по посетата Пушилин за државниот ТВ канал „Росија-24“, иако предупреди дека е премногу рано да се зборува за падот на Бахмут.

Русија смета дека заземањето на Бахмут ќе ја отвори можноста за идни офанзиви низ Украина, додека Киев и Западот велат дека уништениот град има само симболично значење.

На снимката Пушилин им дава одликувања на борците на платеничката војска „Вагнер“, која го предводи нападот врз Бахмут.

Командантот на копнените сили на Украина, Олександр Сирски, претходно вчера изјави дека Русите во Бахмут почнале да ја користат тактиката на „испржена земја“, што ја користеле во Сирија, и дека притоа се уништуваат згради и позиции со воздушни напади и артилерија, додавајаќи дека украинската одбрана на градот Бахмут продолжува.

Ситуацијата е тешка, но може да се контролира, изјави тој, цитира украинскиот воен медиумски центар.

The post Руските сили контролираат над три четвртини од Бахмут appeared first on Република.

Еминентниот германски весник „Билд“ во својот извештај од фронтот во Украина објавува дека руските сили имале напредок во во Бахмути сега контролираат околу 75 отсто од градот.

Како потврда за своите тврдења, германското издание објави мапа од состојбата во градот, базирана на геолокација.

Постојат јасни докази дека Украина не успеа да ја задржи пругата на северозапад, руските трупи зазедоа нови станбени области. Имајќи го тоа предвид, заштитата на централната железничка станица сега нема многу смисла“, пишува германскиот медиум.

The post „Билд“: Руските трупи имаа напредок и сега контролираат околу 75% од територијата на Бахмут appeared first on Република.

Шефот на кабинет на украинскиот претседател Андриј Јермак денеска ги оцени за лажни  тврдењата на руската платеничка група „Вагнер“ дека го зазела центарот на Бахмут, девастираниот град во источна Украина во кој со месеци се водат жестоки борби, јави ДПА.

„Смирено реагирајте на лажните информации на оние кои замислуваат победа што не постои во реалноста“, напиша денеска Јермак на својот канал на Телеграм.

Шефот на „Вагнер“, Евгениј Пригожин, претходно преку видео изјави дека над зградата на градската администрација било кренато руското знаме, што значело дека тој заземен.

Руското Министерство за одбрана, меѓутоа, го потврди кажаното од Пригожин.

Стратешки важниот град во украинската област Доњецк претходно имаше околу 70.000 жители. Денеска градот е разурнат и се проценува дека во него сега живеат едвај околу 3.000 лица.

Двете завојувани страни претрпеа огромни загуби во битките околу Бахмут, забележа ДПА.

The post Киев ги деманира тврдењата на групата „Вагнер“ дека го зазела центарот на Бахмут appeared first on Република.

Командантот на една од украинските единици, полковник Евгениј Межевикин, оцени дека битката за Бахмут може да стане пресвртница во војната и дека Украина е во состојба да го задржи градот и да ги потисне руските трупи.

Межевикин смета дека ако Украинците успеат да ги зачуваат своите неодамнешни успеси, битката за Бахмут може да биде пресвртница во одбраната на Украина против Русија, не само поради запирање на руската офанзива, туку и поради подготовката на силен контранапад. пишува „Украинска Правда“.

Според Межевикин, руските напади во Бахмут се забавени и избегната е непосредна закана од опколување. Тој додаде дека руските сили ги „исцрпиле сите свои резерви“.

Межевикин рече дека на северната и јужната страна на Бахмут, каде што руските трупи се обиделе да го опколат градот, Русите наишле на најмотивираните украински единици и дека „веќе немале сила“.

Сепак, додаде Межевикин, центарот на градот останува жариште, каде руските сили напаѓаат со значителна сила.

Украинските војници кои се борат во Бахмут рекоа дека руските војници ги фокусирале своите напори на продор кон центарот на градот, користејќи тешка артилерија и воздушни напади, наведува „Украинска Правда“.

The post Битката за Бахмут може да стане пресвртница во војната, се надева украински полковник appeared first on Република.

Ситуацијата околу Бахмут останува сложена, но украинските сили ги спречуваат руските обиди да го заземат градот, изјави денеска командантот на украинските копнени сили, генерал-полковник Олександр Сирски.

„Ситуацијата околу Бахмут останува сложена“, напиша Сирски на апликацијата Телеграм на украинскиот медиумски воен центар.

„Сите обиди да се заземе градот се одбиени со артилериски оган, тенкови и друга огнена моќ“, додаде тој.

Борците на приватната руска воена компанија „Вагнер“ „напаѓаат од различни страни, се обидуваат да ја пробијат нашата одбрана и да напредуваат кон централните области на градот“, додаде Сирски.

The post Ситуацијата околу Бахмут е комплицирана, но Украина успева да ги одбие руските напади, вели висок украински командант appeared first on Република.

Украинскиот претседател Володимир Зеленски предупреди дека во случај на заземање на Бахмут, за кој со месеци се водат борби, руската армија ќе има „слободен пат“ да ги окупира градовите во источна Украина.

Разбираме дека по Бахмут би можеле да одат понатаму, би можеле да одат во Краматорск, во Словјанск, патот би бил слободен за сите Руси… до другите градови во Украина. За нас тоа е стратешко прашање, рече Зеленски во синоќешното интервју за Си-Ен-Ен и нагласи дека украинските војници се решени да го одбранат тој град.

Руската армија се обидува да го заземе градот Бахмут, сметајќи дека е важен за продолжување на нејзината офанзива и покрај жестоката одбрана од страна на Украинците.

Бахмут е важен за одбрана на украинските војници во Донбас, изјави вчера рускиот министер за одбрана Сергеј Шојгу, и додаде дека неговото заземање ќе овозможи спроведување на „нови офанзивни операции во длабочина“.

Зеленски за Си-Ен-Ен изјави дека вооружените сили на Украина се решени да останат во Бахмут.

Вчера имав состанок со началникот на Генералштабот и воените команданти и сите тие рекоа дека треба да останеме силни во Бахмут, изјави Зеленски за Си-Ен-Ен.

Тој додаде дека, секако, треба да се земат предвид животите на украинските војници.

Но, ние треба да направиме се што можеме додека добиваме испораки на оружје и нашата војска се подготвува за контраофанзива, рече тој.

Шефот на руската паравоена група Вагнер, Евгениј Пригожин денеска изјави дека неговите војници го зазеле „целиот источен дел“ на Бахмут.

Најдолгата и најсмртоносната битка од почетокот на руската инвазија на Украина во февруари 2022 година се води околу Бахмут. Градот, кој сега има околу 4.000 жители во споредба со 70.000 пред инвазијата, е во голема мера уништен.

The post Зеленски: Ако падне Бахмут, Русите ќе имаат слободен пат кон цела источна Украина appeared first on Република.

Шефот на руската паравоена група Вагнер денеска изјави дека неговите војници го зазеле „целиот источен дел“ на Бахмут, центарот на борбите во источна Украина.

„Единиците на Вагнер го окупираа целиот источен дел на Бахмут, сè источно од реката Бахмутка“, рече Евгениј Пригожин во аудио пораката објавена од неговата прес-служба.

Во последниве денови, притисокот значително се зголеми врз украинските сили кои го бранат Бахмут и тие се соочени со руското напредување и опкружување.

Во својот последен извештај објавен вчера, Институтот за проучување на војната (ISW), кој обединува група американски експерти, наведе дека руските сили „изгледа“ дека го окупирале источниот дел на градот по „контролираното повлекување“ на Украинските сили во таа зона.

Во интервју за Си-Ен-Ен, украинскиот претседател Володимир Зеленски синоќа изјави дека неговите војници се решени да го задржат тој град. Тој рече дека по Бахмут, Русите би можеле да имаат отворен пат да одат понатаму, кон Краматорск, Слoвјанск и другите градови во Украина.

Иако стратешката вредност на Бахмут е оспорена, градот добил симболично и тактичко значење со оглед на големите загуби што ги претрпеле двете страни во битките околу него. Околу тој град се води најдолгата и најсмртоносната битка од почетокот на руската офанзива во февруари 2022 година.

The post Групата Вагнер објави дека го зазеле „целиот источен дел“ на Бахмут appeared first on Република.

Украинскиот претседател Володимир Зеленски изјави дека падот на Бахмут ќе значи „отворен пат за Русија да заземе други градови“. Тој повтори дека украинските одбранбени сили во тој град „мора да останат силни“.

Во интервју за Си-Ен-Ен, украинскиот претседател рече дека одлуката да се брани градот толку жестоко е тактичка, предупредувајќи дека трупите на Владимир Путин би можеле да преминат во други градови во источниот украински регион Доњецк.

Зеленски рече дека разбира што сака да постигне Москва со жестоки борби во опколениот град.

Тие мора да го стават своето мало знаме на врвот (на Бахмут). Тоа не е победа за нив, тоа е повеќе за мобилизирање на нивното општество, за да се создаде идеја дека тие се многу моќна армија“, изјави тој.

The post Зеленски: Ако падне Бахмут, Русија си отвора пат да зазема други градови appeared first on Република.