ОВР Струга поднесе кривична пријава против С.И.(48) од струшкото село Радолишта, поради постоење основи на сомнение за сторени кривични дела „загадување на животна средина и природа“ и „узурпација на недвижности“. Тој, на парцела на крајбрежниот езерски појас во државна сопственост, прогласена за споменик на природата, која претходно ја узурпирал, повеќе пати во текот на оваа година, со работна машина -багер извршил ископ на земја а потоа, истурање на земјата во водите на Охридското езеро. Пријавениот, истурил земја и извршил порамнување и на друга катарстарска парцела во крајезерскиот појас, во сопственост на друго лице со што извршил загадување на животната средина и негативно влијание врз квалитетот на водата и био-диверзитетот во Охридското Езеро.

The post Кривична пријава за стружанец за загадување на животна средина и природа и узурпација на недвижности appeared first on Република.

Во текот на изминатата ноќ, во паркот во Капиштец, малолетни лица обиле багер, го ставиле во функција и предизвикале штета на паркирано возило.

Како што информираат од општина Центар, дополнително, уништени се каблите за системот за наводнување и направена е значителна материјална штета. Полицијата веднаш изврши увид и ги презема сите мерки за утврдување на одговорноста.

Градоначалникот Горан Герасимовски апелира до родителите да разговараат со своите деца за сериозноста последиците на ваквото однесување.

Преминати се сите граници! Оштетен е јавен и приватен имот. Нарушена е безбедноста и јавниот ред. Не смее да се дозволи уништување на јавниот и приватен имот. Ваквото однесување мора да запре пред да се случи и нешто полошо. Повикувам на свест и одговороност“, порача Герасимовски.

Овој инцидент доаѓа неколку месеци по обивањето и кражбата на општинскиот комунален пункт во Капиштец, како и по уништувањето на реквизитите на детските игралишта.

Општина Центар, во текот на летото, објави видео снимки доставени од граѓани, на кои се гледаат сцени на деструкција, дивеење и загрижувачко однесување на млади лица на јавен простор во истата населба.

Градоначалникот тогаш побара засилено присуство на полицијата на терен. По вчерашниот инцидент, Герасимовски повторно потсетува дека безбедноста зависи од заедничкиот ангажман на граѓаните, Министерството за внатрешни работи и локалната самоуправа.

Клучно е да соработуваме и комуницираме за да се спречат ваквите инциденти. Само со заедничко залагање ќе имаме мирни населби и сигурен живот за нашите граѓани“, додаде Герасимовски.

The post Малолетници обиле багер во Капиштец, го придвижиле и удриле во паркирано возило appeared first on Република.

На социјалните мрежи се појави фотографија, направена во Црна Гора, која ги расположи сите.

На сликата се гледа багер, што изведува работи во близина на некоја плажа, а покрај машината има поставено табла на која е напишано дека туристите може да се возат на багерот за цена од две евра.

Ова е најновата црногорска туристичка атракција“, коментираат корисниците на социјалните мрежи.

Други, пак, прашуваат, дали туристите што ќе платат за да се возат на багерот ќе треба и да сработат дел од работата наместо работниците што управуваат со машината.

The post Ако некогаш сте сакале да се возите на багер – Црна Гора е место за вас: Ова е најновата црногорска туристичка атракција appeared first on Република.

Пред ливадата каде исчезна девојчето Данка Илиќ пристигнаа багери и комбајни за полицијата да го расчисти имотот полн со дрва и грмушки. Како што дознава „Блиц“, тие бараат какви било материјални индиции кои би помогнале во пронаоѓањето на девојчето и откривање на сите околности на нејзиното исчезнување.

Дворот е полн со големи дрвја, гранки, грмушки. Сето тоа мора да се расчисти дознава „Блиц“.

Се проверуваа и шахтите со цел да се најдат материјални докази кои ќе помогнат во пронаоѓањето на Данка.

The post Oва е куќата од каде што исчезна малата Данка, сега ја прекопуваат со багери appeared first on Република.

Македонскиот археолог Ленче Јованова (1957-2023) е жената која пред два дена настрада во центарот на Скопје, кога на пешачки премин ја прегази багер.

Со големо неверување ја примивме веста дека нашата колешка Ленче Јованова во текот на вчерашниот ден во немил настан на 66 годишна возраст го загуби својот живот, објавија од Македонското археолошко друштво.

Појаснуваат дека Ленче Јованова беше долгогодишен член на Македонското археолошко друштво и кустос советник во Музеј на град Скопје.

Таа остави длабок и неизбришлив траг во македонската археологија истражувајќи ги културните хоризонти на античкиот град Скупи. Нејзиниот интерес беше насочен кон проучување на римската материјална култура. Автор е на бројни изложби, каталози, статии, студии, а особено се значајни монографиските изданија Скупи – Colonia Flavia Scupinorum; Скупи – некрополи : стории за истакнати личности според епиграфски и археолошки сведоштва; Скупи: сектор југоисточен бедем и комплекс терма – базилика со атриум. Ленче Јованова засекогаш ќе остане во нашите сеќавања како врвен и искусен професионалец кој со огромна посветеност го промовираше македонското културно наследство во земјава и светот, додаваат нејзините колеги.

Во меѓувреме, скопското обвинителство донесе наредба за спроведување истражна постапка против 42-годишникот, кој е осомничен дека на улицата „Јордан Мијалков“, управувал мобилна машина „лиебхерр“ без да се придржува кон прописите на јавниот сообраќај и го довел во опасност животот на луѓето.

На обележан пешачки премин, со машината удрил во телото на една жена – пешак, која од ударот се здобила со тешки телесни повреди и починала, се појаснува во соопштението на Обвинителството.

https://republika.mk/vesti/crna-hronika/sudot-gi-prifati-merkite-za-pretpazlivost-na-ojo-skopje-za-bageristot/

The post Археологот Ленче Јованова загина во несреќата со багер во Скопје appeared first on Република.

Багер усмрти жена на улицата „Јордан Мијалков“ во Скопје. Информацијата за МИА ја потврдија од Министерството за внатрешни работи.

 Во 11 часот денеска било пријавено дека работно возило, градежна машина - багер, управувано од И.А., на возраст од 42 години, од селото Грчец, скопско, удрило во 66-годишната Л.Ј. од Скопје, која починала на местото на несреќата, појаснуваат од МВР за МИА.

Од страна на лекар од Итната медицинска помош, констатирана била смрт.

Извршен бил увид од јавен обвинител и увидна екипа од СВР Скопје.

The post Детали за трагедијата во Центар каде што багер усмрти 66-годишна скопјанка appeared first on Република.

На булеварот „Јордан Мијалков“ претпладнево се случила ужасна сообраќајна незгода, кога багер прегази жена, објави Курир.

Како што пишува порталот, жената починала на лице место, а полицијата врши увид на терен.

Наскоро повеќе информации за несреќата.

The post Багер прегази и усмрти жена на улицата „Јордан Мијалков“ во Скопје appeared first on Република.

Шеесет и петгодишен кумановец починал во Македонски Брод при изведување на градежни активности, односно додека управувал багер, пишува МВР во својот билтен.

Случајот е пријавен вчера во 11:08 часот. Од страна на лекар констатирана е смрт. Извршен е увид од увидна екипа од Полициската станица во Македонски Брод, а по наредба на јавен обвинител, телото на починатиот е дадено за обдукција, се вели во соопштението.

The post 65-годишен кумановец починал додека управувал со багер appeared first on Република.