Тренерот на Баер Леверкузен, Чаби Алонсо ги сподели своите емоции по серијата на неговиот клуб од 50 натпревари без пораз на сите турнири.

- Предавањето на трофејот во Леверкузен ќе биде исклучително посебен настан. Играчите играа со огромна концентрација цела сезона, и јас сум многу горд на нив, изјави Алонсо, цитиран од официјалниот сајт на Бундеслигата.

Избраниците на Алонсо на 12 мај го совладаа Бохум на гости во натпреварот од 33. коло во Бундес лигата - 5:0. Баер сега има 50 натпревари без пораз во низа.

„Фармацевтитре“ станаа третиот тим во историјата на европскиот фудбал кој стигнал до бројката од 50 натпревари без пораз. Претходно тоа го постигнаа Селтик (52 натпревари од 1915 до 1917 година) и белгискиот Унион (60, 1933-1935)

The post Лудило во Леверкузен, се подготвува предавањето на титулата appeared first on Република.

Баер Леверкузен им понуди денеска на своите навивачи бесплатни клупски тетоважи со кои ќе ја одбележат сезоната во која тимот предводен од Чаби Алонсо е во рекордна серија без пораз, а ја освои шампионската титула во Бундеслигата и е во борба за уште два трофеи – во германскиот Куп и во Лига Европа.

Специјална акција на крајот на специјалната сезона. Баер 04 им нуди на навивачите можност до крајот на сезоната да изберат една од многуте тетоважи на Баер 04 бесплатно. Резервирајте го вашиот термин веднаш и овековечете ја оваа единствена сезона на вашата кожа, стои во соопштението на клубот.

Тимот на Чаби Алонсо без пораз е оваа сезона на 49 натпревари во сите натпреварувања, надминувајќи го долгогодишниот европски рекорд на Бенфика поставен од 1963 до 1965 година.

Откако ја запечати својата прва титула во Бундеслигата, Баер Леверкузен вчера се пласираше во финалето на Лига Европа во кое за противник ќе ја има Аталанта, а ќе игра и во финалето на Купот на Германија во кое ќе се соочи со второлигашот Кајзерслаутерн.

The post Баер со бесплатни тетоважи за навивачите appeared first on Република.

Навивачите (40%), претставниците на клубовите (30%) и фудбалските стручњаци (30%) го одбраа идеалниот состав на сезоната во Бундеслигата.

Во тимот има шестмина од новиот шампион Баер Леверкузен. Тоа се Џереми Фримпонг, Јонатан Та, Алехандро Грималдо, Гранит Џака, Флоријан Виртц и Виктор Бонифасис.

Баерн Минхен го претставуваат само Хари Кејн и Џамал ​​Мусиала, додека од Борусија Дортмунд во најдобрите единаесетмина е голманот Грегор Кобел.

Останатите двајца во изборот се Валдемар Антон и Серу Гираси од Штутгарт.

The post Шест фудбалери на Леверкузен избрани во идеалниот тим на Бундеслигата appeared first on Република.

Фудбалерите на Баер Леверкузен со ремито против Вест Хем во четвртфиналето на Лига Европа успеаја да изборат место меѓу четирите најдобри екипи во ова натпреварување и воедно да соборат рекорд на Јувентус од 2012 година.

Имено, тимот кој од клупата го предводи шпанскиот стручњак Чаби Алонсо сезонава одигра 44 официјални натпревари и на ниту еден не беше поразен, додека пред 12 години италијанскиот претставник успеа да го стори тоа на еден натпревар помалку.

Со овој успех шампионот на Германија постави нов рекорд во 21 век и во таа неверојатна серија успеа да оствари 38 победи, а притоа само шест пати ремизираше.

Светскиот рекорд по непобедливост сè уште го држи шкотски Сектик, кој од ноември 1915 година до април 1917 година имаше серија од 62 натпревари без пораз во сите натпреварувања, а интересно е што во текот на 1916 година одиграа два меча во ист ден и ги добија двата .

Втор на оваа листа е белгискиот Унион, кој има две победи помалку од шкотскиот тим, но треба да се запомни дека и двата рекорда се поставени во време кога не се играа меѓународни натпревари и затоа, успехот на Леверкузен добива на важност

The post Леверкузен руши рекорди и во Европа appeared first on Република.

 Баер Леверкузен предводен од Чаби Алонсо го обезбеди трофејот во германското фудбалско првенство – прв во клупската историја.

Избраниците на 42-годишниот тренер си го загарантираа конечното 1 место на табелата на пет недели пред крајот на сезоната во Бундеслигата, совладувајќи го денес Вердер Бремен (5:0) во 29. коло.

Конкурентите на Баер ги загубија и теоретските шанси да го стигнат лидерот. Тимот на Алонсо има 16 бодови пред двата најблиски противници на табелата.

Клубот од Леверкузен стана национален шампион за прв пат во својата историја. Претходно, Баер пет пати го зазеде второто место на крајот на сезоната во Бундеслигата, тоа се случи во 1997, 1999, 2000, 2002 и 2011 година

The post Доминацијата на Баерн заврши, Баер Леверкузен е нов владател во Германија appeared first on Република.