Давид Бабунски се врати во националниот тим и одигра одлични два натпревари на стартот на новата сезона од Лигата на нациите.

По вториот меч и првата победа во Гибралтар (0-2) играчот од средниот ред потенцира дека важна му е вербата на селекторот и дека е благодарен што има шанса да игра за националниот тим.

Не беше лесно да се игра попладнево. Како професионалци имаме одговорност да играме на секој натпревар максимално. Јас сум истиот од пред десет години, оние кои ме знаат, ги знаат моите карактеристики. Селекторот ме познава, ми верува и благодарен сум што ме врати во репрезентацијата“, изјави Бабунски.

Нашиот национален тим сега се враќа во Скопје каде следат два натпревари – прво против Грузија (9 јуни), а потоа уште еден реванш против Гибралтар.

The post Бабунски: Селекторот ме познава, ми верува и благодарен сум што ме врати во репрезентацијата appeared first on Република.

Повратникот во македонската фудбалска репрезентација Давид Бабунски (28) со оптимизам гледа на претстојниот полуфинален мундијалски бараж на гостински терен против Италија, најавувајќи максимален ангажман од сите за победа над актуелниот европски првак.

Свесни сме за предизвикот кој ни следува, но оваа репрезентација покажа дека може да се надигрува со најголемите селекции. Подготвени сме за ваков предизвик. Ќе играме со срце и со желба да дадеме сè од себе за да победиме.

 

Среќен сум што повторно сум дел од најдобрата македонска репрезентација. Ја имам истата желба и гордост како и првиот пат кога настапив за Македонија - изјави Бабунски, кој по пауза од пет години повторно е во националниот тим, а за прв пат заедно со својот помлад брат Доријан

Во отсуство на тандемот од средниот ред Елјиф Елмас и Тихомир Костадинов, кои ќе го пропуштат дуелот против Италија во Палермо на 24 март поради жолти картони, се очекува Давид Бабунски да го одигра својот 13 натпревар во националниот дрес, откако дебитираше во 2013 година, тогаш како член на Б тимот на Барселона.

The post Давид Бабунски: Ќе дадеме сè од себе да ја победиме Италија appeared first on Република.