Со концерт на камерниот оркестар „Ба-рок“, во фоајето на Националната опера и балет вечерва во 20.30 часот ќе биде отворена манифестацијата „Есенски музички свечености“. Ќе настапат: Климент Тодоровски, Јане Бекевски, на виолина, Марија Георгиева, на виола, Кирил Јосифов, на виолончело, Митко Иванов, на контрабас, Марија Јакимовска, на флејта/пиколо, Татијана Петрушевска и Ѓорѓи Петрушевски, на обоа, Марјан Милошевски, на фагот и Теодор Теодосиевски, на ударалки.

Со нив ќе настапат пејачите: Биљана Јосифов, сопран, Николина Јаневска, мецосопран и Драган Ампов, баритон. Диригент е Иван Еминовиќ, а режисер – Љупка Јакимовска. На програмата се дела од Рамо, Хендл, Бах и Вивалди.

Членовите на ансамблот „Ба-рок“ првпат заеднички настапја на Мајските оперски вечери во 2021 година во продукција на Националната опера и балет со претставата „Игри на животот“ на која беа изведе музика исклучиво од барокот.

Оттаму произлезе идејата да продолжиме да дејствуваме како ансамбл негувајќи ја барокната музика, имајќи ја предвид реткоста на изведување на ваков музички стил во земјава. Самата комплексност на барокниот стил бара од изведувачите голема виртуозност и висок професионализам, што е одлика на сите членови од ансамблот. Секој член на ансамблот е солист во оркестарот, нашите пејачи се носители на главни улоги во повеќето оперски претстави на сцената на НОБ, велат од ансамблот.

Манифестацијата „Есенски музички свечености“ ја организира Дирекцијата за култура и уметност од Скопје.

The post Отворање на „Есенски музички свечености“ со концерт на камерниот оркестар „Ба-рок appeared first on Република.

Утре, в петок, во 20,30 часот, на 4 ноември ќе се одржи свеченото отварање на фестивалот Есенски музички свечености во фоајето на Националната опера и балет, со спектакуларниот барокен концерт на ансамблот БА-РОК, кој е состевен од врвни инструменталисти, концертмајстори, водачи, солисти од НОБ предводени од маестро Иван Еминовиќ. На програмата се дела од Ж.Ф Рамо, А.Вивалди, Г.Ф. Хендл и Ј.С. Бах.

Проектот е поддржан од Министерство за култура, НОБ и Дирекција за култура и уметност - Скопје.

Членовите на ансамблот „БА- РОК“ својот прв заеднички настап го имааа на Мајски оперски вечери 2021 година во продукција на НОБ со претставата „Игри на животот“ на која се изведе музика исклучиво од Барокот. Оттаму произлезе идејата да се продолжи како ансамбл кој ќе ја негува барокната музика, имајќи ја во предвид раритетноста на изведување на ваков музички стил во Македонија. Самата комплексност на барокниот стил бара од изведувачите голема виртуозност и висок професионализам, што е одлика на сите членови од ансамблот. Секој член на ансамблот е солист во оркестарот, пејачите се носители на главни улоги во повеќето оперски претстави на сцената на НОБ.

Предводени од диригентот Маестро Иван Еминовиќ кој ја зазема и позицијата на чембалист во ансамблот и добро организирани од страна на професионален режисер се стремиме да ги достигнеме светските трендови и критериуми за изведба на исклучителен барокен перформанс, преку пристапот и начинот на изведба ќе се обидеме да го воздигнеме програмското и изведувачко ниво, а со тоа да понудиме можност и да разбудиме интерес кај публиката за градење на свој вкус и категоризација на уметноста со високи вредности, велат од ансамблот.

The post Есенски музички свечености се отвораат со концерт на ансамблот „БА-РОК“ appeared first on Република.