Од понеделник во седум часот ќе бидат ставени во функција наплатните рампи Преод и Кадрифаково на автопатот Миладиновци - Свети Николе - Штип и обратно.

На наплатните станици целосно функционира Електронскиот систем за наплата на патарина.

Посочуваме дека првите две ленти од десно се за возилата кои користат М-таг електронски уред со кој се поминува со намалување и успорување на брзината на движење на возилото и без запирање, додека на останатите ленти покрај наплата во готово, може да се употреби и М-смарт картичката како електронски уред за наплата на патарина - информира Јавното претпријатие за државни патишта.

Наплатните станици Преод и Кадрифаково имаат по седум наплатни кабини.

The post Од понеделник добиваме уште две патарини: Почнуваат со работа Преод и Кадрифаково на Миладиновци – Штип appeared first on Република.

Одронот на автопат Миладиновци – Штип повеќе од месец дена стои.  Учесниците во сообраќајот секојдневннно се изложени на опасности.

Во однос на тоа кога и зошто сеуште не е отстранет одронот, за „Локално“ од  Јавно претпријатие за државни патишта посочуваат деке е распишана јавна набавка за отстранување на одронот на автопатот Миладиновци-Штип.

Отворањето на понудите е на 15.04.2022 година по што следува процес на евалуација на понудите, велат тие.

Отварањето на  новиот автопат Миладиновци – Штип, прв во источниот дел на државата, беше пуштен во употреба во 2019 гоина. Изградбата на Автопатот Миладиновци Штип започна во 2014тата година и требаше да биде готов во март 2017тата. Но, тогаш тој беше завршен само 50%. По потпишување на нов анекс со Синохидро – изградбата заврши во 2019, а потоа се изведуваа и дополнителни зафати од страна. Автопатот финално  чинеше  177 милиони евра, или 3,8 милиони евра за километар.

The post Уште долго ќе се чека за расчистување на одронот на автопат Миладиновци-Штип appeared first on Република.

Двете патарини на автопатот „Гоце Делчев“ од Миладиновци до Штип, кои се градат кај Преод и Кадрифаково, заедно ќе чинат 120 денари во правец. Како што изјави денеска директорот на Јавното претпријатие за државни патишта Ејуп Рустеми, цената на патарината во Преод ќе чини 50 денари, додека кај Кадрифаково ќе чини 70 денари.

Па така, доколку се патува со автомобил преку Миладиновци, каде треба да се платат 40 денари за патарината, вкупниот трошок за патарини од Скопје до Штип изнесува 160 денари во еден правец.

Цената на патарините се утврдува според Законот за државни патишта – по километар од 2,57 денари, изјави Рустеми.

На констатацијата дека има реакции од граѓани дека станува збор за мало растојание, а висока цена, тој рече дека како јавно претпријатие се во контакт со mинистерствата за транспорт и врски и за финансии, како и со Владата, и во текот на оваа година ќе се разгледаат сите можности околу цените. На прашањето дали тоа значи дека ќе има корекција на цените, Рустеми кажа дека не може предвреме да каже.

Не можам предвреме да ви кажам, се врши целокупната анализа бидејќи сите приходи што доаѓаат од патарините ние ги вложуваме на изградба на нови патишта и рехабилитација на сите патишта што ги имаме под државни патишта, рече Рустеми.

Тој посочи дека патарините на оваа релација ќе бидат со електронско плаќање.

Автопатот Миладиновци – Штип официјално беше пуштен во употреба на 6 јули 2019 година. Изградбата на патарините треба да заврши до крајот на мај.

The post Нови патарини до Штип, во еден правец ќе плаќаме 160 денари за пат од 75 километри appeared first on Република.

Јавното претпријатие за државни патишта спроведува јавна набавка за избор на компанија која ќе изврши санација на одроните од карпи на автопатот Миладиновци – Штип и по нејзиното завршување до средината на месецов, ќе се реализираат градежните работи.

Министерот за транспорт и врски, Благој Бочварски информираше дека на расчистување се чекало подолг период за да се обезбеди соодветно заштита на локациите и да се спречи повторување на свлечиштата.

Не смееме да пристапиме кон брзо решение што може да биде штетно и да предизвика поголем одрон од косините на автопатот. Стручни лица и професори од Градежниот факултет направија увид и испитувања на состојбата на терен. Патот е прооден само по едната коловозна лента, но сакаме она што ќе биде санирано да биде темелно завршено и да не се повторуваат слични одрони на овие позиции, истакна министерот Бочварски.

Одронот од карпи на автопатот кон источниот регион на државата се случи по обилните врнежи од дожд на почетокот на декември минатата година. Поголеми карпи прекрија половина од коловозот од правецот на Штип, на 10 километри пред Миладиновци, поради што сообраќајот се пренасочува на една коловозна лента во должина од 150 метри.

The post Уште стои одронот на автопатот Миладиновци – Штип, се бара фирма што ќе го отстрани квалитетно appeared first on Република.