Околу 103 семејства, односно 400 жители на прилепското село Беровци потпишаа и упатија петиција до државните институции, револтирани од најавата дека ќе се експроприраат 30 хектари плодно приватно земјоделско земјиште за потребите на градежните работи на автопатот Прилеп-Битола чиј изведувач е „Бехтел и Енка“. Жителите се револтирани на, како што велат нерационално решение да им се одземе плодната земја за изградба на придружни објекти, асфалтна база и бараки за работниците од странство. Земјиштето е дури околу 1 километар од трасата на автопатот. Имаат и правен застапник и не се откажуваат од барањето надлежните да се откажат од, како што велат, неразумното решение. Денеска жителите излегоа на протест на посоченото земјиште за експропријација.

Како што од Бехтел и Енка ни е најавено, на ова приватно земјоделско земјиште планираат да изведуваат градежно земјиште, односно планираат да изградат паркиралиште за механизација, асфалтна база и бараки за работници од странство. Сметаме дека вака најавената екпропријација е нерационална. Непотребно им се одзема земјиштето за несуштински цели и на таков начин им се нанесува штета на жителите на населеното место Беровци. Им се одзема приватно земјоделско земјиште кое го поседуваат со генерации од кое живеат и егзистирааат. Приватното земјоделско земјиште кое „Бехтел и Енка“ го одзема не се наоѓа ниту на трасата на предвидениот автопат и е на околу 1 километар од предвидената траса, изјави Ангела Ѓориоски, правен застапник на жителите на селото Беровци.

Жителите очекуваат надлежните државни институции и локалната самоуправа да реагираат за корекција на, како ѓто велат, овој апсурд во најава, додека штетата сѐ уште не е направена бидејќи постои логично решение на овој проблем од кој би биле задоволени интересите на сите страни.

Ние понудивме конкретно решение зашто во непосредна близина има огромни неискористени парцели на државно земјиште, 100-тина хектари, на кои „Бехтел и Енка“ би можеле непречено да ги извршуваат своите градежни активности без да им нанесат штета на сопствениците на приватното земјоделско земјиште и без притоа да има потреба државата да води постапки за експрпријација и да плаќа надоместоци, објаснува Ѓорѓиески.

Ниту жителите, ниту нивниот правен застапник нема да се откажат од барањето да не се одземе плодното земјиште кое неповратно же биде уништено.

Со оваа петиција предупредуваме дека нема да дозволиме да биде загрозена егзистенцијата на локалното население. Свесни сме дека изградбата на автопатите е од јавен интерес, но нема повисок јавен интерес од опстанкот на населението кое во оваа ситуација е подложено на нерационални апсурдни закани за кои има сосема едноставни решенија. Моментално имаме најава од Бехтел и Енка дека е поднесен предлог до Владата да се експроприра ова земјиште. Ние им ги посочивме државните парцели кои се непосредно до приватните и до денес нема никаков одговор, изјави правниот застапник Ангела Ѓорѓиески.

Жителите се револтирани зашто им се одзема наследството, а со тоа им се одзема иднината на младите

Револтирани сме од намерата на Бехтел и Енка и да пренаменат земјоделско земјиште во непосредна близина на селото. Сакаат да ни изградат база која сакаат да зафати 30 хектари, на кои нема педа слободна површина. сето е обработливо. Не знам што ќе се случи со ова население доколку му се одземе земјата. Никој не не информира, туку Бехтел и Енка не повикува еден по еден, рече Петре Ристески, жител на Беровци.

 

Ова е негативна работа. Ги замолуваме надлежните да преземат чекори. Да не го уништуваат нашиот живот, иднината на младите кои веќе ни заминуваат, рече Киро Јанчески, жител на село Беровци.

„Бехтел и Енка“ е изведувачот на автопатот Прилеп-Битола во должина од 40 километри и е дел од коридорот 10 Д.

The post „Бехтел и Енка“ сака да одземе земјиште кое е дури километар оддалечено од зацртаната траса за автопатот Прилеп – Битола appeared first on Република.

Поради изведување на геотехнички истражувања на коловозот од задутре ќе биде изменет режимот на сообраќај на магистралниот пат A3, делница Прилеп-Битола, информира АМСМ.

Времениот режим на сообраќај ќе се одвива согласно одобрен сообраќаен проект и е со важност од шест месеци, односно се до завршување на градежните работи. Се замолуваат сите учесници во сообраќајот да ја почитуваат поставената времена сообраќајна сигнализација и да се прилагодат кон условите на патот, велат од АМСМ.

Нагласуваат дека сообраќајот на државните патишта се одвива непречено, пo наместа влажни коловози. Интензитетот на сообраќај на патните правци надвор од градските средини е умерен, а на граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Во следните шест месеци изменет режим на сообраќај на патот Прилеп-Битола appeared first on Република.

Од 11 овој месец поради геотехнички истражувања на коловозот ќе има изменет режимот на сообраќај на магистралниот пат A3, делница Прилеп-Битола, соопштуваат од АМСМ.

Времениот режим на сообраќај, како што се наведува во соопштението, ќе се одвива согласно одобрен сообраќаен проект.

Од АМСМ апелираат до учесниците во сообраќајот да ја почитуваат поставената времена сообраќајна сигнализација и да се прилагодат кон условите на патот.

Времениот режим на сообраќај е со важност од шест месеци, односно до завршување на градежните работи

The post Најлошиот автопат ќе има изменет режим appeared first on Република.

Центарот за управување со кризи информира дека гори стрниште кај стариот млин на патот Битола – Прилеп. Пожарот е се уште активен и екипите се на терен. Се интервенира со едно возило и со двајца пожарникари.

– Во атарот на селото Беловиште кон Куново гори депонија која може да предизвика штети и во шумскиот појас. На терен се четворица вработени од Национални шуми подружница Шара како и екипи од ТПП Гостивар со едно возило и двајца пожарникари. Состојбата се следи и доколку има потреба ќе бидат ангажирани дополнителни екипи, информираат од ЦУК.

The post Гори крај патот Битола-Прилеп appeared first on Република.