Спасена е жена која три дена седела заглавена во автомобил со мртвото тело на свој роднина откако ги погодила смртоносната поплава во Шпанија, соопшти спасувачката служба.

Автомобилот со преживеаната жена е откриен во поплавен тунел во Монкада, лоциран во југоисточната покраина Валенсија, заглавен со уништени автомобили. Спасувачите, вадејќи ги автомобилите, слушнале лелек на жена. Не можела да излезе бидејќи нејзиниот автомобил бил под други возила.

По спасувачката акција жената е префрлена во блиската болница и засега не е позната нејзината здравствена состојба. Локалните власти, исто така, им се заблагодарија на волонтерите кои дојдоа од цела Шпанија во поплавената Валенсија.

Шпанскиот премиер Педро Санчес претходно денеска соопшти дека бројот на жртвите во поплавите се искачи на 211. Додаде дека 208 од жртвите се од Валенсија. Санчес најави и дека уште 5.000 војници ќе бидат испратени во областите погодени од поплавите. Во погодените подрачја денеска се очекува да пристигне првиот контингент од 4.000 војници.

Во моментов е во тек потрагата по стотина исчезнати лица.

The post Во Шпанија спасена жена која три дена била заглавена во автомобил однесен од поплавите appeared first on Република.

Вчера во 14.25 часот во СВР Скопје, од приватна болница во Скопје било пријавено дека кај нив со тешки телесни повреди била донесена А.З.(85) од Скопје.

Според пријавеното, околу 12.00 часот на сервисна улица која се поврзува со бул.„Крсте Мисирков“ во Скопје била удрена од патничко возило, по што возачот го напуштил местото.

Се преземаат мерки за расчистување на случајот.

The post Баба донесена со тешки повреди во болница, ја удрил возач со автомобил и побегнал appeared first on Република.

Пејачката Гога Секулиќ денеска на пешаки премин во во белградската општина Звездара, ја удрил автомобил, објавуваат локалните медиуми.

Несреќата се случила околу 9 часот и 30 минути на раскрсница во белградската населба.

Фолкерка во таа прилика била свесна и комуникативна, но итно била пренесена во Ургентниот центар, јавуваат локалните медиуми.

The post Гога Селулиќ ја удрил автомобил на пешачки appeared first on Република.

Утрово излета возило во реката Вардар близу трговскиот центар „Веро Џамбо“ во центарот на Скопје.

Се уште нема информации каква е состојбата на возачот и дали во автомобилот имало и други патници.

Полицијата изврши увид на местото на несреќата.

На социјалните мрежи беше објавено видео во кое се гледа дека возилото седвижи со голема брзина пред несреќата.

 

View this post on Instagram

 

A post shared by Роберто Навали Вести 📰🗞️🚨 (@roberto_navali_news)

The post Видео од автомобилот кој излета од мостот кај МАНУ и заврши во Вардар appeared first on Република.

Три лица загинаа, а едно лице е тешко повредено откако воз удрил во автомобил на железнички премин во селото Петка кај Лазаревац околу 12:45 часот, јавија српските медиуми.

Возот сообраќал на релација Пријепоље-Белград.

Во моментов железничкиот сообраќај во тој дел е во прекин.

The post Загинаа брат (12) и сестра (14), нивниот татко се бори за живот: Во судир на воз и автомобил загина и возачот appeared first on Република.

Кога првпат ќе го стартувате автомобилот, клима уредот мора да работи напорно за да ја сведе внатрешната температура на удобно ниво.

Поради нашите вообичаено топли и сончеви лета, повеќето од нас често ја користат климата во автомобилот. Особено за време на топлотни бранови, како оној што моментално го погодува Балканот, климата може да биде многу важна за да ви помогне да се разладите и да се чувствувате удобно, пишува KwikFit.

Како функционира системот за климатизација во автомобилот?

Начинот на кој функционира системот за климатизација на вашиот автомобил значи дека е потребна одредена количина на енергија за да се пренесе ладен гас во кабината на вашиот автомобил.

Во овој систем, компресорот содржи средство за ладење, исто како и вашиот фрижидер. Како што влегува свеж воздух во системот, ладилното средство предизвикува значителен пад на температурата на воздухот. Во овој момент, течноста за ладење се претвора во течност и се отстрануваат сите нечистотии.

Течноста стигнува до вентилот за термичка експанзија каде што може да се ограничи протокот на течноста. Ви дава контрола над внатрешната температура на автомобилот. Конечно, течноста се претвора во пареа која може да патува низ намотките за испарување за да се разнесе низ отворите како убаво изладен воздух.

Ладилното средство се враќа во гасот и целиот процес може да се повтори за да се обезбеди постојан ладен воздух

На компресорот му е потребна енергија за да работи со системот за климатизација на вашето возило и затоа ќе користи одредена количина гориво секогаш кога системот работи. Тоа би можело да ја зголеми потрошувачката на гориво за дури 10 проценти, а ефектите се особено забележливи на кратки патувања.

Кога првпат ќе го стартувате автомобилот, клима уредот мора да работи напорно за да ја спушти внатрешната температура на соодветното ниво.

Меѓутоа, откако автомобилот ќе се олади доволно, можете да одлучите да го намалите протокот, да ја зголемите температурата или целосно да ја исклучите климатизацијата.

На долго патување, малку е веројатно дека клима уредот ќе треба да работи цел пат. Затоа, зголемената потрошувачка на гориво предизвикана од користењето на клима уредот може да биде позабележителна на кратко патување.

The post Колку и да штедите, климата во автомобилот ќе ви потроши најмалку десет отсто повеќе гориво appeared first on Република.

Кога Даниел Зелгер од Австрија пристигнал на одмор во местото Изола на брегот на Јадранското море во Словенија, не помислувал дека ќе се најде во ситуација да биде херој на градот.

Тој забележал како автомобил паѓа во морето, а во него биле четиригодишно дете и неговата баба. Жената заборавила да го стави автомобилот во брзина, и тој нарзо завршил во морето.

Гледајќи го тоа, Зелгер скокнал во водата. Успеал да ги спаси и двајцата. На почетокот жената не сакала да го напушти автомобилот, а причината била нејзинот внуче.

Жената беше во шок, не знаеше што се случува. Ја отворив вратата и го извадив момчето. После тоа ја спасив и неа, објасни Зелгер.

На местото биле испратени протипожарни екипи и итната помош.

На крајот со кран автомобилот бил изваден.

На Зелгер полицијата ќе му врачи орден за храброст.

The post Автомобил со жена и четиригодишно дете заврши во Јадранското Море appeared first on Република.

Автомобилот е неизоставен дел од човековото секојдневие, па полезно е да се знае кои секојдневни предмети и производи никогаш не треба подолго да се оставаат во возилото лете и на потопло време.

Лекови

Лековите секогаш треба да се вадат од автомобилот, бидејќи многу од нив имаат температурни ограничувања. „Парацетамолот“, на пр. има горна граница од 25 Целзиусови степени. Ако се остави во автомобил, топлината може да влијае на кој било лек и да го направи бескорисен. Затоа, секогаш е добро и корисно да се провери етикетата на лекот, за да се види дали има ограничување, пишува „Мирор“ (Mirror).

Според американскиот Центар за контрола на болести (ЦДЦ), за само еден час, возило оставено на Сонце може да се загрее од 26 Целзиусови степени до 50 степени.

Вода во шише

На високи температури, важно е да луѓето секогаш да имаат вода со себе. Но, исто толку важно е никогаш да не се оставаат пластични шишиња во загреан автомобил.

Топлината предизвика испуштање хемикалии како полиетилен-терефталат и други, од пластиката во водата. Последиците не се целосно познати и објаснети, но влијае на вкусот и бојата на водата...

Креми за сончање

Како и со водата, кремот за сончање е важен производ за време на топлотните бранови, но не оставајте го во возилото. Според познавачите, пред сѐ, шишето може да се прегрее и да ја изгуби својата делотворност - слично како лекот. Топлината, исто така, може да предизвика шишето да се подува и да експлодира, по што следи сосем непотребното подолго чистење на автомобилот.

The post Пластични шишиња и други предмети што не треба да се оставаат во возило на топло време appeared first on Република.

На 18.07.2024 во 18.30 часот во СВР Куманово било пријавено дека на автопатот Куманово-Скопје, патничко возило „мерцедес“ со кумановски регистарски ознаки, управувано од Ј.Џ.(22) од Скопје, удрило во запрено патничко возило „фолксваген голф“ со светиниколски регистарски ознаки, паркирано од Л.С.(20) од Куманово.

-Во несреќата со тешки телесни повреди се здобиле двајцата возачи, а двајца сопатници од запреното возило, М.М.(20) и М.Т.(20), двајцата од Куманово, се здобиле со телесни повреди, констатирани во Општата болница Куманово, информира МВР.

Извршен бил увид од увидна екипа од СВР Куманово.

The post Четворица повредени: Автомобил удри во паркирано возило на автопатот Куманово-Скопје appeared first on Република.

Сопствениците на возила, во првата половина од годинава, вложиле 43,1 милиони евра во задолжително oсигурување од автомобилска одговорност и во зелена карта. Во осигурувањето за возење во странство (популарно познато како зелена карта) граѓаните и компаниите вложиле 10,2 милиони евра за шест месеци.

Осигурени се речиси 351.000 возила во периодот јануари – јуни годинава, а вкупниот број возила за кои сопствениците купиле полиси за задолжително осигурување од автомобилска одговорност лани е зголемен за 6,3 отсто во споредба со 2022 година, покажуваат прелиминарните податоци од Националното биро за осигурување доставени до Агенцијата за супервизија на осигурување (АСО).

Сите 12 осигурителни компании во првите шест месеци издале над 468.000 полиси за осигурување и за превземање на ризиците наплатиле 2,65 милијарди денари или 43,1 милиони евра.

Податоците на Националното биро за осигурување покажуваат дека бизнисот со осигурување од автомобилска одговорност во првата половина годинава пораснал за шест отсто во споредба со истиот период лани.

Секое трето осигурано возило има и зелен картон – осигурување кое овозможува возење во странство. Во првите шест месеци сите 12 осигурителни компании издале повеќе од 117.000 зелени карти. Бројот на издадени зелени карти лани е за два отсто помал од бројот на издадени зелени карти во истиот период лани, но, од друга страна вложувањата во зелена карта годинава се за 4,5 отсто повисоки од истиот период лани.

Минатата година, вкупно се купени 958.528 полиси за осигурување возила во земјава и во странство, а во осигурувањето од автомобилска одговорност вложени се 5,33 милијарди денари  или 86,75 милиони евра.

Од Агенцијата за супервизија на осигурувањето велат дека со Министерството за финансии и осигурителната индустрија работат на подготовките на процесот за либерализација на цените на автомобилското осигурување што е и еден од условите во пристапните преговори за членство во ЕУ

The post Македонските граѓани дале 43 милиони евра за задолжително осигурување на своите автомобили appeared first on Република.

Кога првпат ќе го стартувате автомобилот, клима уредот мора да работи напорно за да ја сведе внатрешната температура на удобно ниво.

Поради нашите вообичаено топли и сончеви лета, повеќето од нас често ја користат климата во автомобилот. Особено за време на топлотни бранови, како оној што моментално го погодува Балканот, климата може да биде многу важна за да ви помогне да се разладите и да се чувствувате удобно, пишува KwikFit.

Како функционира системот за климатизација во автомобилот?

Начинот на кој функционира системот за климатизација на вашиот автомобил значи дека е потребна одредена количина на енергија за да се пренесе ладен гас во кабината на вашиот автомобил.

Во овој систем, компресорот содржи средство за ладење, исто како и вашиот фрижидер. Како што влегува свеж воздух во системот, ладилното средство предизвикува значителен пад на температурата на воздухот. Во овој момент, течноста за ладење се претвора во течност и се отстрануваат сите нечистотии.

Течноста стигнува до вентилот за термичка експанзија каде што може да се ограничи протокот на течноста. Ви дава контрола над внатрешната температура на автомобилот. Конечно, течноста се претвора во пареа која може да патува низ намотките за испарување за да се разнесе низ отворите како убаво изладен воздух.

Ладилното средство се враќа во гасот и целиот процес може да се повтори за да се обезбеди постојан ладен воздух

На компресорот му е потребна енергија за да работи со системот за климатизација на вашето возило и затоа ќе користи одредена количина гориво секогаш кога системот работи. Тоа би можело да ја зголеми потрошувачката на гориво за дури 10 проценти, а ефектите се особено забележливи на кратки патувања.

Кога првпат ќе го стартувате автомобилот, клима уредот мора да работи напорно за да ја спушти внатрешната температура на соодветното ниво.

Меѓутоа, откако автомобилот ќе се олади доволно, можете да одлучите да го намалите протокот, да ја зголемите температурата или целосно да ја исклучите климатизацијата.

На долго патување, малку е веројатно дека клима уредот ќе треба да работи цел пат. Затоа, зголемената потрошувачка на гориво предизвикана од користењето на клима уредот може да биде позабележителна на кратко патување.

The post Не штедете ја климата во автомобилот, ќе потрошите само десет отсто повеќе гориво appeared first on Република.

Регионалниот ЦУК Скопје, информира дека од Македонски железници известиле дека вчера во 17.15 часот, патничкиот воз што сообраќа на релација Скопје – Гевгелија, на излезот од станицата „Драчево“ на патничкиот премин, што е обележан со светлосна и звучна сигнализација, удрил во патничко моторно возило.

Според информациите до ЦУК, во возилото бил само возачот и нема настрадани.

На местото на несреќата, покрај Итната медицинска помош, биле од полицијата, а и Комисија од МЖ.

ЦУК информира и за состојбата со пожарите во земјава.

Во последното деноноќие, имало вкупно 18 пожари на отворено – сите се изгаснати и утрово нема активни, соопшти ЦУК.

Од центарот со алел до граѓаните да не се палат отпадоци и ѓубре на ова топло време и сува вегетација во природата.

РЦУК Скопје, известува дека вчера попладне била добиена пријава дека при рушење на објект во с.Грушино, во близина на основното училиште, било пронајдено неексплодирано експлозивно убојно средство. Од РЦУК Скопје, известени се ДЗС Скопје, од каде известиле дека за подигање на опасниот предмет ќе интервенираат во текот на утринските часови денеска. Инаку, превентивната препорака до тие што ќе најдат неексплодирани убојни средства (НУС) да не ги фаќаат и да не ги поместуваат туку едноставно да ги пријават на 112 во ЦУК.

Регионалниот ЦУК Скопје, известува дека денеска од 10:00 до 15:00 часот, се планира да се врши минирање на каменоломот „Зелениковец“ (Општина Сопиште) и околу местото ќе се слушаат детонациите од минирањето.

Регионалниот ЦУК Битола, информира, според најавата на ЦЈЗ „Прилеп“, дека од денеска, 08 јули до 10 десети јули, во периодот од 22.00 до 05.05 часот на територијата на Општина Прилеп ќе се спроведува прва фаза од дезинсекција со цел уништување на комарци. Со дезинсекцијата, освен градот Прилеп, ќе бидат опфатени населените места: Ореовец, Лениште, Селце, Лагово, Беровци, Кадино Село, Галичани, Тополчани, Ерековци, Канатларци, Чепигово, Тројкрсти, Мажучиште и Мало и Големо Коњари.

Се информираат пчеларите да ги заштитат нивните пчели во Прилепско каде што ќе се прска против комарци.

ЦУК предупредува и на состојбата со временската прогноза.

Следува период на многу топло време со дневна температура која насекаде ќе биде над 30, а наместа ќе достигнува 40 степени. Во попладневните часови претежно во планинските подрачја ќе има изолирана појава на нестабилност со краткотраен дожд и ретки грмежи.

Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.

The post Воз на релација Скопје – Гевгелија удрил во возило на излезот од Драчево appeared first on Република.

Силни ветрови проследени со поројни дождови и грмежи, кои резултираа со голем број на паднати дрвја, откорнати покриви и поплави, погодија неколку региони на Балканот во последните две недели.

Од невремето настрадаа Скопскиот, Кривопаланечкиот, Тетовскиот и Кумновскиот регион, а вчера истураше и во Битола. Пораки со предупредувања добија сите кои се наоѓаат на северот на Грција.

Поради сè oва, добро е да се знае што треба да направите доколку ве фати поплава на пат или додека сте во автомобилот:

Останете смирени и отклучете ја вратата - Доколку дождот предизвика нагло покачување на нивото на водата на улицата, најважно е да останете смирени. Oдврзете го појасот и отклучете ги сите врати од автомобилот за да бидете подготвени за брза евакуација доколку е потребно.

Паркирајте на страна - Доколку е изводливо, автомобилот треба да се паркира на страна од патот и да се почека водата да се повлече од патот. Ова е најсигурната опција ако процените дека водата нема брзо да се подигне.

Оставете го возилото доколку се заканува опасност - Доколку нивото на водата се заканува да ја надмине висината на тркалата на автомобилот, најдобро е да го напуштите возилото за да ја избегнете можноста да бидете „заробени“ во автомобилот. Повикајте помош на телефон и засолнете се на побезбедно место, по можност на високо место или на покривот на автомобилот доколку е потребно.

Проверете ја временската прогноза пред да тргнете - Пред да започнете со патувањето, задолжително проверете ја временската прогноза за да избегнете лошо време и потенцијални несреќи додека возите.

Откако невремето ќе престане, а водата ќе се расчисти, битно е да не пробувате сами да го палите или преместувате возилото, доколку во него навлегла вода. Повикајте шлеп служба за мајстор да може да провери дали сè е во ред со моторот, маслото и сите останати делови.

The post Што да правите ако ве фати поплава на пат и додека сте во автомобил appeared first on Република.

Регионалниот ЦУК Охрид, извести, во врска со паднатото возило на планина Галичица, дека прво била утврдена точната локација, на место викано „Превој“ на планината Галичица. Возилото е паднато во провалија на околу 100 до 200 метри длабочина од регионалниот пат Трпејца – Преспа што води преку Националниот парк „Галичица“.
Според екипите што се на терен на местото на настанот има две починати лица на постара возраст. Екипа на МВР Охрид Планинската спасителна служба при Црвен крст Охрид се на терен и по направениот увид, продолжија со извлекување на настраданите, а и на возилото од провалијата.

The post ЦУК: Двајца загинати при излетување на патничко возило во провалија на Галичица appeared first on Република.

Дваесет и едногодишно момче со својот опел удрил во 68-годишен пешак па избегал.

Како што соопшти МВР, несреќата се случила вчера во 09:40 часот на улицата Пабло Неруда.

Во ОВР Струга вчера во 9:40 часот било пријавено дека на улицата „Пабло Неруда“ во Струга патничко возило опел со струшки регистарски ознаки, управувано од Е.М.(21) од село Радолишта, струшко, удрило во пешакот С.Д.(68) од село Долна Белица, струшко, по што го напуштило местото. Во несреќата со тешки телесни повреди се здобил пешакот, констатирани во Специјалната болница „Св. Еразмо“ во Охрид. Извршен бил увид од увидна екипа на ОВР Струга, велат од МВР.

The post Момче со автомобил удрило во повозрасен пешак и побегнало appeared first on Република.

Возач на автомобил вчера удрил во дете во близина на студентскиот дом Гоце Делчев во Скопје, по што избегал од местото на несреќата. Се работи за дванаесетгодишно момче кое добило полесни повреди на ногата.

Детето било пренесено во комплексот клиники Мајка Тереза Скопје за да му биде пружена лекарска помош. Полицијата извршила увид на местото и трага по возачот.

The post Со автомобил удрил 12-годишно дете во Скопје и избегал appeared first on Република.

Европската комисија тврди дека има докази дека кинеската Влада субвенционира електрични возила што се извезуваат во Европа, па сега намерата е да му стави крај на сѐ тоа со воведување дополнителни царини за увозот на кинески автомобили.

ЕК лани есента отвори истрага за нефер увоз на автомобили од Кина, тврдејќи дека тамошните власти го помагаат извозот преку различни потфати под сомнителни околности. Претстојните привремени царински стапки, ЕК би ги применила уште во јули оваа година, според наводите - заради заштита на производителите во Европската Унија од „заканата“ од Кина. Така, европските увозници од денеска ќе треба да го пријават увозот на кинески електрични возила преку царински регистрации, што значи дека ретроактивното царинење е неминовно, пишува „Аутомотив њус Јуроп“ (Automotive News Europe).

Комисијата во вторникот објави документ во којшто се вели дека увозот пораснал за 14 отсто на годишно ниво од официјалното почнување на истрагата во октомври. Имено, оттогаш досега ЕУ од Кина увезла 177.839 автомобили.

Доколку кинескиот увоз продолжи со сегашното темпо, автопроизводителите во ЕУ би можеле да се соочат со намалена продажба и намалено ниво на производство. Ова може да има негативно влијание врз вработеноста и целокупното производство, велат од комисијата.

Кинеската стопанска комора при ЕУ соопшти дека е разочарана од потегот и оти зголемениот увоз е одраз на поголемата побарувачка на електрични возила во Европа.

Кинеските производители на автомобили, како што се „БИД“ (BYD) или „Ем-џи“ (MG), вложуваат доста во Европа со низа електрични возила со конкурентни цени. Сепак, тие постојано вршат притисок врз производителите коишто доминираат на пазарот во ЕУ, како што се „Стелантис“ (Stellantis) и „Фолксваген груп“ (Volkswagen Group).

Кинески „БИД“ лани ја престигна „Тесла“ (Tesla) како најголем светски производител на електрични возила, а во декември објави изградба на фабрика за автомобили во Унгарија заради поголема продажбата во Европа, но и помали увозно-извозни давачки.

The post EУ се штити од напливот на кинески автомобили appeared first on Република.

Автомобил утрово излетал во водите на Охридското Езеро на влезот во Струга, повредени нема.

Случајот го потврди портпаролот на СВР Охрид Стефан Димоски, кој информира дека случајот бил пријавен во 5 часот и 30 минути во ОВР Струга.

Патничко возило „форд“ со охридски регистарски ознаки, управувано од Н.Е.(43) од скопското село Орланци, кое се движело по улицата „Партизанска“ во Струга, излетало од патот и паднало во водите на Охридското Езеро. Повредени лица нема, изјави Димоски.

По извршениот увид возилото е извлечено од екипи на Територијалната противпожарна единица од Струга. Се преземаат мерки за расчистување на настанот.

The post Автомобил излета во Охридското Езеро кај Струга appeared first on Република.

На 13.01.2024 година во 15.35 часот во ОВР Крива Паланка било пријавено дека на магистрален пат Крива Паланка-Деве Баир патничко моторно возило “рено” со кривопаланечки регистарски ознаки управувано од лице од Крива Паланка удрило во Д.М.(49) од Крива Паланка.

Во незгодата Д.М. се здобил со повреди. Екипа од ОВР Крива Паланка извршила увид.

The post Автомобил удри во пешак, детали за несреќата на патот Крива Паланка – Деве Баир appeared first on Република.

На 28.12.2023 во 11:12 часот во СВР Тетово било пријавено дека на автопатот Скопје – Тетово, патничко моторно возило „форд фиеста“ со тетовски регистарски ознаки, управувано од Т.А.(61) од с.Копанце, тетовско, излетало надвор од коловозот.

Во несреќата возачот се здобил со тешки телесни повреди, констатирани во Клиничка болница Тетово.

Извршен бил увид од увидна екипа од СВР Тетово.

The post Тешко повреден човек, со автомобил излетал од коловозот appeared first on Република.