Патниците кои во саботата со автобус на „Македонија сообраќај“ на редовната линија од Софија за Скопје се враќале дома доживеле вистинска голгота. Велат дека автобусот ќе им се запалел, па еден и пол час на сред пат кај селото Псача чекале комби од Скопје да дојде да ги превезе, а поради голем дефект автобусот го оставиле кај селото.

Ова не е прв пат „Македонија сообраќај“ да ги малтретира патниците, вели патничката.

Таа за ММС објасни дека сите патници биле револтирани, па во нивно име кога конечно после полноќ стасале во Скопје до дирекцијата на Македонија сообраќај и до нивниот партнер фирмата Калеа од Софија веднаш реагирале со мејл.

Но, според неа до сега од компаниите немаат никаков одговор.

Целата сторија на ММС

The post „Застани, ќе се запалите“: Голгота на патниците на линијата Софија-Скопје на „Македонија сообраќај“ appeared first on Република.

Јавното сообраќајно претпријатие (ЈСП) Скопје соопшти дека од понеделник (5 септември) ќе почне да функционира новата пробна линија „2Б” на релација с. Сарај до населба Ченто и обратно. Почетна/крајна станица на „2Б” во с.Сарај ќе биде на почетно/крајната станица на „2″

Трасата на „2Б” ќе биде идентична со трасата на „2″ од Сарај до постојката Алкалоид во Автокоманда, потоа ќе продолжи по булевар „Александар Македонски”, па улица „М.А.Ченто” до населба Ченто (почетно-крајна станица на линиите 23 и 45)

По посочената траса ќе сообраќа и во обратна насока (Ченто – Сарај). Линијата „2Б” ќе функционира од понеделник до петок. Возен ред: Од Сарај: 7.07 ч, 9.18 ч, 11.28 ч, 13.31 ч, 15.49 ч и 17.55 ч., а од Ченто: 6 ч, 8.10 ч, 10.20 ч, 12.30 ч, 14.40 ч и 16.50 ч.

Со воведувањето на линијата „2Б” ќе се исполни повеќегодишното барање на локалното население од Ченто со цел подобра и директна побрзаност на населбата со јавен превоз со останатите делови од градот, информираат од ЈСП Скопје.

The post Од понеделник нова автобуска линија „2Б“ од село Сарај до Ченто appeared first on Република.

Јавното сообраќајно претпријатие „Скопје“ ќе воведе автобуска линија Радуша - Сарај по барање на околните жители, најави директорот на ЈСП Скопје, Александар Стојковски, на седницата на Советот на Град Скопје за советнички прашања.

Оваа линија се воведува по анализа на ЈСП која е во завршна фаза и се очекува значително да ја подобри поврзаноста на населбата Радуша со Сарај, а жителите од Радуша ќе имаат редовен превоз.

Директорот Стојковски на денешната седница истакна дека нема доцнење на редовните автобуски линии за општина Сарај и дека станува збор за редовна пракса на возење по летен возен ред со намален број линии - соопшти Град Скопје.

Советот на Град Скопје на денешната 13-та седница донесе Одлука за изменување и дополнување на Одлуката за линиски превоз на патници во градот Скопје, со која се воведуваат две дополнителни редовни автобуски линии - 29 и 50А.

https://republika.mk/vesti/skopje/liniite-29-i-50a-na-jsp-stanuvaat-redovni/

The post ЈСП воведува нова автобуска линија Радуша – Сарај appeared first on Република.