Началникот на одделот за општ криминал на секторот за криминалистичка полиција на полициската управа на Собош во Словенија, Роберт Роуди, вечерва изјави дека најмалку три лица загинале, а неколку се повредени кога мал авион се урнал нешто пред 12 часот во околината. од селото Ганчани на северо-источниот дел на Словенија.

„Сè уште не можеме да зборуваме за нивниот идентитет“, рече Роуди.

Според него, истрагата е во тек, во која учествуваат воздухопловниот инспектор и специјалист по судска медицина, а полицијата продолжува да собира информации за околностите на несреќата.

„Според првите извештаи, утврдено е дека мал авион полетал од аеродромот во Марибор и дека се урнал во областа Ганчана непосредно пред пладне“, изјави Роуди.

Според полицијата, авионот полетал од Марибор околу 11.20 часот, а наводно изгубил контакт со контролата на летање нешто пред 12.00 часот.

Порталот 24UR наведува дека летот бил наменет како роденденски подарок за едно од лицата во авионот, а за летот биле пријавени два млади парови.

The post Најмалку три лица загинаа во авионска несреќа – летот бил роденденски подарок appeared first on Република.

Властите во Бразил потврдија дека се пронајдени сите тела на загинатите во авионската несреќа во бразилската држава Сао Паоло и дека идентификацијата на жртвите од несреќата на двомоторниот авион на компанијата Воепас што се урна во областа на градот Вињедо е во тек.

Како што јави Би-Би-Си, во саботата бројот на жртви е ревидиран на 62, бидејќи по првите најави е потврдено дека на кобниот лет имало уште еден патник кој не е евидентиран.

Бразилскиот претседател Луис Инасио Лула да Силва прогласи тридневна жалост поради авионската несреќа кај Сао Паоло во која загинаа сите патници и членови на екипажот.

Од моментот на објавување на оваа уредба, официјално прогласувам тридневна жалост низ целата земја за жртвите во авионската несреќа“, се вели во соопштението на Лула да Силва објавено на мрежата Х.

The post Пронајдени телата на сите загинати во авионската несреќа во Бразил appeared first on Република.

Нема преживеани во авионската несреќа во Бразил, објавија американските медиуми, повикувајќи се на локалните власти.

Претходно денеска во јужната бразилска држава Сао Паоло се урна патнички авион со 62 лица.

На социјалните мрежи кружи видео на кое се гледа како леталото удира во дрвја, по што од местото на несреќата почнал да се издига густ облак од црн чад.

Авионот од моделот АТР-72 имаше капацитет да превезува 68 луѓе.

Се урна во станбена зона во градот Винедо.

Никој на теренот не е повреден. Оштетена е само една зграда.

Авионот, кој бил во сопственост на бразилската авиокомпанија „VoePass“, бил на домашен лет меѓу градовите Каскавел, во јужната држава Парана, и Гуаруљос, во државата Сао Паоло. Во авионот имало 62 лица – 58 патници и четиричлен екипаж.

На местото на несреќата веќе се екипи на противпожарната и итната медицинска помош.

The post Нема преживеани во авионската несреќа во Бразил appeared first on Република.

Четири лица се хоспитализирани во тешка или критична состојба откако мал авион се урна во дворот на куќа во предградието на Денвер, во американската сојузна држава Колорадо.

Меѓу повредените патници има двајца возрасни и две деца, јави Си-Би-Ес Њуз.

Авионот се запалил откако се урнал, изјави Алекс Лемишко, претставник на Националниот одбор за безбедност во сообраќајот.

The post Авион им падна во дворот appeared first on Република.

Тешка несреќа се случила на аеродромот Шипхол во Холандија, кога едно лице завршило во запален мотор на авион, при што починало, соопшти авиопревозникот КЛМ.

Тоа беше летот KL1341 за Билунд.

Од КЛМ изјавија дека моментално се грижат за патниците и вработените кои биле сведоци на страшниот инцидент на аеродромот во Амстердам.

Тој додаде дека се утврдуваат околностите.

The post Авионски мотор вшмукал човек, патниците и вработените биле сведоци на немилиот настан appeared first on Република.

Безбедно се евакуирани сите 379 патници и членови на екипажот од авионот на „Џапан Ерлајнс“ (Japan Airlines), што се запали при слетувањето на аеродромот Ханеда, во Токио, соопшти пред малку компанијата, пренесе ДПА.

Авионот се судри на пистата со авион на јапонската крајбрежна стража, претходно јавија јапонските медиуми, повикувајќи се на Министерството за транспорт.

Пријавено е дека пет лица од авионот на крајбрежната стража се мртви. Тешко е повреден пилотот на авионот, еден од шестмината во екипажот на леталото на крајбрежната стража.

Footage from inside Japan Airlines plane that crashed
pic.twitter.com/6Do4qwNMeZ

— Pubity (@pubity) January 2, 2024

Летот 516, на патничкиот авион на “Џапан Ерлајнс“, што сообраќаше од Хокаидо, во северна Јапонија, за Токио, се судри со другиот авион, потоа се запали на пистата и на крајот целосно изгоре. Во авионот имаше 367 патници и 12 членови на екипажот, и сите успееја да го напуштат леталото и безбедно да се евакуираат.

Според телевизиската станица ТБС, авионот на крајбрежната стража превезувал материјал за зоната на земјотресот на западниот брег на земјата, каде досега најмалку 48 лица го загубија животот.

На снимки од ТВ станицата ТБС се гледа како патниците од патничкиот авион се евакуираат од леталото преку гумен лизгач за итни случаи, во време кога спасувачките служби од аеродромот изведуваат операциите на гаснење на пожарот.

Сите писти на токискиот аеродом се затворени, соопшти Министерството за транспорт.

The post По земјотресот, страшна авионска несреќа во Јапонија – најмалку петмина загинати appeared first on Република.

Гувернерот на руската област Твер, Игор Руденија го презеде под лична контрола прашањето за авионската несреќа во Бологовскиот регион во областа Твер, во која, според Министерството за вонредни ситуации, загинаа 10 лица, меѓу кои се претпоставува дека бил и рускиот платеник Евгениј Пригожин. Ова го соопшти прес-службата на регионалната администрација, цитирана од ТАСС.

„На 23 август, цивилен авион се урна во реонот на селото Куженкино, област Болог. Ситуацијата е ставена под контрола од гувернерот на областа Твер, Игор Руденија“, се наведува во пораката.

Според прес-службата на регионалната администрација, на терен работат органите на редот и Министерството за вонредни состојби. „Се утврдуваат детали за инцидентот, се прецизира бројот на загинатите како последица на падот на авионот“, додаваат од прес-службата.

Селото Куженкино се наоѓа на 16 километри од Бологое и 170 километри од Твер. Теренот во наведеното подрачје е претежно пошумен.

Според непотврдени информации на медиумите, урнатиот деловен авион му припаѓал на сопственикот на приватната воена компанија (ПМЦ) „Вагнер“ Евгениј Пригожин, јавија светските агенции.

Рускиот регулатор за цивилно воздухопловство, Росавијација, соопшти дека Пригожин бил на списокот на патници на урнатиот авион. Сепак, се уште не е јасно дали Пригожин се качил во авионот.

Руските служби за итни случаи пронајдоа осум тела на местото на несреќата, пренесе РИА Новости.

Пригожин, чиј ПВК „Вагнер“ се бореше заедно со руската редовна армија во Украина, го предводеше бунтот против руското воено раководство кон крајот на јуни, потсетуваат светските агенции. Кремљ соопшти дека тој ќе замине во егзил во Белорусија, а неговите борци или ќе го следат таму или ќе се приклучат во редовите на руската армија.

The post Руските власти соопштија дека пронашле осум тела на местото на авионската несреќа appeared first on Република.

Четирите деца од домородна заедница во Колумбија се пронајдени живи на југот на земјата по повеќе од пет недели откако авионот со кој патуваа се урна во густа џунгла, изјави вчера колумбискиот претседател Густаво Петро.

Децата биле спасени од војската во близина на границата меѓу колумбиските провинции Какета и Гуавијаре, во близина на местото каде што се урнал малиот авион.

Радост за целата земја! Четирите деца кои исчезнаа... беа изгубени... во колумбиската џунгла се појавија живи, објави Петро на Твитер.

#AEstaHora comandos de la @FuerzaAereaCol sacan de la espesa selva a los 4 niños. El helicóptero 🚁 está a más de 60 mts de altura. Los árboles 🌳 son muy altos y la visibilidad es casi nula. Van al helipuerto habilitado en medio de la selva para esta operación.

Del helipuerto… pic.twitter.com/P7RYWDV9oi

— Mindefensa (@mindefensa) June 10, 2023

Малиот авион „Цесна 206“ превезувал седум лица со лет меѓу Аракуара, во државата Амазонас и Сан Хозе дел Гуавиаре, град во државата Гуавијаре, но пријавил аларм за дефект на моторот во раните утрински часови на 1 мај.

Три возрасни лица, меѓу кои и пилотот, загинаа како последица на падот, а нивните тела беа пронајдени во авионот. Падот го преживеаја четирите деца на возраст од 13, девет и четири години, како и едно 11-месечно бебе.

Првичните информации од Управата за цивилно воздухопловство, која ги координирала напорите за спасување, сугерираат дека децата избегале од авионот и се упатиле во прашумата за да побараат помош.

Спасувачките тимови, со поддршка на кучиња трагачи, претходно пронашле фрлено овошје, кое наводно децата го јаделе и импровизирани засолништа направени од вегетација од џунгла.

Во спасувачките операции учествуваа авиони и хеликоптери на колумбиската армија и воздухопловни сили.

The post Чудо во Колумбија: Четири деца пронајдени живи и здрави во џунгла 40 дена по авионска несреќа appeared first on Република.

„Пилотот и двајцата патници загинаа“, соопшти полицијата без да даде детали за жртвите.

Авионот со швајцарски регистарски таблички полетал од аеродромот Шо-де-Фонд на туристички лет и се урнал во близина на Понт-де-Мартел во планините Нојшател.

Несреќата се случила во шумско и тешко пристапно место, што ја отежнува работата на спасувачките екипи, соопшти полицијата.

Причините за несреќата се нејасни, се наведува во соопштението и се додава дека во тек е истрага за утврдување на околностите на несреќата.

The post Тројца загинати во пад на туристички авион во Швајцарија appeared first on Република.

Двајца пилоти загинаа кога воените авиони со кои летаа се судрија над Гвидонија Монтечелио, на речиси 35 километри североисточно од Рим.

Едниот од лесните авиони се урна на земја во воздухопловната база Гвидонија, а другиот на паркиран автомобил на улица. Други повредени нема, јавуваат италијанските медиуми.

Полицијата и итната помош биле испратени на местото на настанот. Според првичните информации, во несреќата учествувале два стари воени авиона.

Двата ултралесни авиона „У-208“ му припаѓаат на 60-тото крило на италијанските воздухопловни сили. Како што се дознава, еден од двата авиона, користени за обука, удрил во автомобил паркиран недалеку од некои куќи, а другото возило паднало на ливада.

#Italy #italien #planecrash #Rome
Two Italian Air Force training planes collided near Rome, both pilots died pic.twitter.com/93YIImgPkS

— 𝕽𝖔𝖓𝖎𝖓 🔞 (@oldirtyronin) March 7, 2023

Авионите летале како дел од однапред испланирана мисија за обука, а причината за несреќата сè уште не е позната.

The post Два авиона се судрија во воздух во близина на Рим, пилотите загинаа appeared first on Република.

Авион Ф-4 фантом на грчката воена морнарица, утрово паднал во Јонското море, а во тек е потрага по двајцата пилоти, објавија грчките медиуми.

Според новинската агенција АНА-МПА, авионот што полетал во 10.15 часот утрово од градот Андравида во северозападниот дел на Пелопонез, се урнал во морето за време на едукативен лет.

The post Падна авион Ф-4 на грчката воена морнарица appeared first on Република.

Еден од патниците во авионот што се урна во Непал, правел пренос во живо и ги снимил последните моменти пред несреќата, а ова видео веднаш се прошири на социјалните мрежи.

Според тврдењата на социјалните мрежи, се работи за патник од Индија, кој со своите пријатели тргнал на параглајдинг.

https://twitter.com/UpwardNewsHQ/status/1614665833283715076?ref_src=twsrc%5Etfw%7Ctwcamp%5Etweetembed%7Ctwterm%5E1614665833283715076%7Ctwgr%5E4a5091f20e737bfe8412d5daa98ae66eefb14065%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4089166%2Fputnik-u-nepalskom-avionu-snimio-sopstvenu-smrt-indijac-zabelezio-poslednje-trenutke-leta-pre-pada-uznemirujuci-video

При падот на патнички авион со 72 лица во Непал, потврдена е смртта на 68 лица, а четворица се водат за исчезнати.

Ова е најсмртоносната воздушна несреќа во Непал од 1992 година, кога Ербас А300 на пакистанска авиокомпанија се урна во рид на пристапот кон Катманду, при што загинаа сите 167 луѓе во него.

The post Патник во авионот во Непал ја снимил сопствената смрт: Индиец правел лајв стрим во последните моменти пред несреќата appeared first on Република.

Првата идентификувана жртва на авионската несреќа во Непал е руската блогерка за патувања Елена Бандуро (33).

Само неколку моменти пред страшната несреќа, Елена објавила селфи од авионот што ја одведе во смртта со порака „Оди во Непал“.

Уште тројца Руси кои се идентификувани како Викторија Алтунина, Јуриј Лугин и Виктор Лагин загинаа во авионската несреќа.

Во падот на патнички авион со 72 лица во Непал, потврдена е смртта на 68 лица, а четворица се водат за исчезнати, соопштија официјални лица, завршувајќи ја потрагата по исчезнатите.

Авионот АТР72 на авиокомпанијата Јети ерлајнс (Јети ерлајнс) се урна во провалија при слетување на линијата од Катманду до Покара.

https://twitter.com/InfosFrancaises/status/1614571523544649735?ref_src=twsrc%5Etfw%7Ctwcamp%5Etweetembed%7Ctwterm%5E1614571523544649735%7Ctwgr%5E0655f12fee82c3c04b45d5ac0374d566c647801d%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4089108%2Fruska-blogerka-prva-zrtva-stravicne-nesrece-u-nepalu

Запалените остатоци од авионот се наоѓаат во длабока провалија каде паднал авионот при слетувањето на новоотворениот меѓународен аеродром во градот Похара. Аеродромот Похара беше отворен на 1 јануари.

https://republika.mk/vesti/svet/avionot-se-nakrivuva-pa-udira-vo-zemjata-i-eksplodira-objaveno-video-od-momentot-na-strashna-avionska-nesreka-vo-nepal/

Десетина спасувачи и други луѓе се собираа во близина на провалијата неколку часа откако се стемни, додека спасувачите ги бараа остатоците од авионот,.

Засега не е познато што ја предизвикало несреќата.

https://republika.mk/vesti/svet/pronajdeni-dvete-tsrni-kutii-od-avionot-koj-se-urna-vo-blizna-na-nepalskiot-grad-pokhara/

Некои од пронајдените тела, изгорени до непрепознатливост, се пренесени во болниците каде се собрале роднините.

The post Руска блогерка објави селфи од авионот на смртта во Непал неколку секунди пред да загине: Напиша само три збора appeared first on Република.

Најмалку 40 лица се потврдени како загинати кога авион со 72 лица, меѓу кои 10 странски државјани, се урнал во близина на градот Покара во западниот дел на Непал, соопштија портпаролите на армијата и аеродромот.

Стотици спасувачи продолжуваат да го пребаруваат ридското место на несреќата, каде што се урна авионот на Јети ерлајнс од главниот град Катманду.

Спасувачките операции се во тек. Времето е ведро“, изјави портпаролот на Непалската агенција за цивилно воздухопловство, Јаганат Нирула.

Државната телевизија на Хималаите покажа црн чад како се издига од местото на несреќата и спасувачките екипи околу остатоците.

Во авионот АТР 72 на Јети ерлајнс од Катманду имало 72 лица, меѓу кои две деца и четворица членови на екипажот. Во авионот се наоѓале пет индиски, четворица руски, еден ирски, двајца јужнокорејски, еден австралиски, еден француски и еден аргентински државјанин, изјави претставник на аеродромот во Непал.

На социјалните мрежи е објавено видео снимено само неколку моменти пред трагедијата. На него се гледа како пилотот ја губи контролата над леталото и само неколку секунди подоцна се слуша како авионот удира во земјата.

https://twitter.com/KazmiWajahat/status/1614514162880897026?ref_src=twsrc%5Etfw%7Ctwcamp%5Etweetembed%7Ctwterm%5E1614514162880897026%7Ctwgr%5E9019efc40ed26ec4dbd6fa4eeea80ee5a9f2f8f0%7Ctwcon%5Es1_&ref_url=https%3A%2F%2Fkurir.mk%2Fsvet%2Fvesti-svet%2Fstrashna-snimka-od-momentot-na-padot-na-avionot-vo-nepal-najmalku-40-zaginati-video%2F

Авионот бил стар 15 години, според веб-страницата за следење летови „ФлајтРадар“.

АТР 72 е авион со широка употреба, заеднички произведен од француската компанија Ербас и италијанската компанија Леонардо. „Јети ерлајнс“ поседува вкупно 6 авиони ATР72-500, според нивната веб-страница.

Авионските несреќи не се невообичаени во Непал, дом на осум од 14-те највисоки планини во светот, вклучувајќи го Еверест, каде што времето може нагло да се промени и да создаде опасни услови.

Непалскиот премиер Пушпа Камал Дахал свика итен состанок на владата по несреќата, се вели во соопштението на владата.

The post Авионот се накривува, па удира во земјата и експлодира: Објавено видео од моментот на страшна авионска несреќа во Непал appeared first on Република.

Две лица загинаа во падот на мал спортски авион во близина на аеродромот во Приједор, соопшти полициската управа во Приједор, Босна и Херцеговина.

Таткото и ќерката од Приједор загинаа денеска кога нивниот мал спортски авион се урна во поле крај главниот пат кој води од Приједор до Козарска Дубица, во Република Српска.

Околу 15.00 часот авионот се урнал во нива покрај патот Приједор-Козарска Дубица.
Местото на несреќата го обезбедуваат припадници на полициската управа Приједор, а присутни се и припадници на Територијалната противпожарна единица за спасување.
На местото на несреќата со своите соработници пристигнал и градоначалникот на Приједор, Слободан Јавор.

Порталот Српска инфо наведува дека настрадале инструкторот за летање и неговата ќерка.

Долгогодишниот инструктор по летање, врвен каратист и планинар, Љубиша Араманда, и неговата ќерка Андреја загинаа во денешната авионска несреќа кај Приједор. Андреа беше црн појас први дан, додека нејзиниот татко беше кафеав појас. Нека почиваат во мир, искрено сочувство до семејството…“, напишаа од клубот.

The post Се урна спортски авион кај Приједор, загинаа татко и ќерка, врвни спортисти appeared first on Република.

Портпаролот на противпожарната служба на Грција Јоанис Артопиос попладнево соопшти дека по падот на авионот западно од грчкиот град Кавала, едно тело е извлечено, а уште едно е лоцирано, јави дописничката на МИА од Атина.

Осум украински државјани биле членови на екипажот на карго авионот Антонов-12 што синоќа еден час пред полноќ се урна, откако претходно се запали, во близина на Кавала, а пренесувал 11,5 тони муниција од Србија наменета за Бангладеш.

Во Кавала пристигна специјален тим за нуклеарно- хемиско- биолошка одбрана од Министерството за одбрана на Грција за да ја истражи опасноста и како што рече Артопиос, „согласно мерењата направени на местото на несреќата, не се откриени опасни супстанци“.

Портпаролот на противпожарната служба на Грција објасни дека сега започнува втората фаза од операцијата „со учество на квалификуван персонал на грчката армија и 30 пожарникари, за создавање безбедни коридори и транспорт на телата до простор за деконтаминација“.

– Едно тело е веќе извлечено, уште едно е лоцирано, а продолжува потрагата на сите сили на цивилната заштита за лоцирање и извлекување на останатите шест членови на екипажот, сите од Украина, рече Артопиос.

The post Пронајдени две тела на загинатите во авионската несреќа во близина на Кавала appeared first on Република.

Спортскиот авион Цесна утрово се урнал во близина на Блаца на островот Брач, објави „Слободна Далмација“.

Порталот додава дека сите од авионот преживеале.

Екипи на брза помош, пожарникари и полицајци се на терен и се обидуваат да ја утврдат точната локација на авионската несреќа.

Засега немаат официјални информации за состојбата на пилотите и патниците.

The post Се урнал авион на Брач, пожарникари и брзата помош се на терен appeared first on Република.

Бразилскиот фудбалер Нејмар бил во големи проблеми откако авионот во кој се наоѓал морал принудно да слета. Сите се исплашиле поради тоа, но на крајот сè завршило во најдобар ред.

Авионот кој е во сопственост на фудбалската ѕвезда итно слетал во Бразил поради технички проблеми. Набрзо сè било решено, па тој повторно полетал.

Во авионот биле Нејмар, неговата сестра Рафаела Сантос и девојката Бруно Бјанкарди. Пилотот донел одлука да слета за да го реши проблемот – соопшти ПР - агенцијата на бразилскиот фудбалер.

Набргу потоа се огласи и самиот фудбалер.

Ви благодарам на сите на пораките за поддршка. Фала му на Бога, веќе си тргнавме кон дома. Бевме малку исплашени, но сите сме добро и заедно сме – изјави Неимар.

The post Нејмар избегна авионска несреќа appeared first on Република.

Полицијата соопшти дека пилотот кој денеска се урна во Хрватска е пилот по националност Швајцарец и уште тројца патници, соопшти полицијата врз основа на податоците за најавата за летот од регионалната контрола на летот Сплит.

Станува збор за еден хрватски и двајца германски државјани, пишува Јутарњи лист.

Претходно хрватските медиуми објавија дека во авионот имало тројца Германци и еден Хрват.

Во Брочанац е организиран штаб во кој има припадници на ХГСС, полиција, но и вработени во антитерористичката единица Лучко.

Шефот на ХГСС Јосип Граниќ се обрати на печатот и откри нови детали од потрагата по исчезнатата Чесна.

– На терен се околу 70 припадници на ХГСС и 30-тина припадници на полицијата. Го чешлаат теренот, но тој е огромен, а поројниот дожд и маглата ја отежнуваат работата. Ќе бараме додека не најдеме нешто. Нема да ја прекинеме потрагата ни ноќе. Сега на терен има седум станици на ХГСС, а за утре ќе ги подигнеме сите, односно членови на 20 станици – рече Граниќ, пишува Вечерњи лист.

The post Се знае од која националност се патниците и пилотот во авионската несреќа во Хрватска appeared first on Република.

Eдно лице загина, а пет се повредени откако мал авион се урнал врз автомобил во движење на мост во Мајами.

Повредените се хоспитализирани, а едно лице од нив е во критична состојба.

Авионот полетал од холивудскиот аеродром и требало да слета на аеродромот Опа Лока во Мајами. Не е јасно зошто тројцата патници патувале од Холивуд до Мајами.

Авионот се урнал на влезниот мост Хауловер во близина на паркот Хауловер околу 12 часот и 50 минути откако моторот престанал да работи, пишува Мајами Хералд.

The post Авион се урна врз автомобил на мост во Мајами appeared first on Република.