Во Молдавија, националниот авиопревозник конечно е затворен. Локалната управа за цивилно воздухопловство официјално го укина сертификатот за летање на „Ер Молдавија“.

Авиокомпанијата во последните месеци ја продолжи паузата на летовите поради финансиски колапс. Во април, вработените во „Ер Молдава“ дури испратија и петиција до претседателката Маја Санду со барање националниот авиопревозник да не пропадне.

Од своја страна, од кабинетот на претседателот, вината за банкротот на „Ер Молдавија“ ја ставаат врз опозицискиот политичар Илан Шор, кој е именуван како главен корисник на приватизацијата на компанијата во 2018 година.

Тој и неговата партија, добиваат обвинувања од власта дека во текот на неколку години од своето владеење, не ги исполниле препораките на истражната комисија за откажување на договорот за приватизација на „Ер Молдавија“.

Сепак, локални аналитичари коментираат дека значителната рамнодушност на тимот на Санду за судбината на цивилното воздухопловство на земјата, укажува на тезата за намерното уништување на „Ер Молдавија“, чиешто место ќе биде пополнето од западни компании.

Освен тоа, со затворањето на “Ер Молдавија“, граѓаните на Молдавија мораат сè повеќе да ги користат аеродромите во соседна Романија, а на огромната молдавска дијаспора во Русија и е се потешко да одржува врски со својата татковина поради нарушувањето на логистиката.

The post Згасна националниот авиопревозник на Молдавија, дополнително се влошуваат конекциите со Русија appeared first on Република.

Вработените во авиокомпанијата Рајанер (Ryanair) во Белгија денеска почнаа тридневен штрајк, поради што претстојниот новогодишен викенд ќе бидат откажани десетици летови.

Се претпоставува дека штрајкот во Белгија нема да влијае врз сообраќајот на Рајанер во другите држави.

Аеродромската служба на Шарлроа, вториот по големина аеродром во Белгија, од каде што голем број летови одат кон Медитеранот, соопшти дека денеска се откажани 48 летови на Рајанер, додека од тридневниот штрајк ќе бидат погодени 22.000 патници.

Вработените во Рајанер во Белгија годинава неколкупати штрајкуваа, жалејќи се, меѓу другото, дека менаџментот на компанијата илегално повремено ги праќа на работа на друго место низ Европа, особено во Даблин, Ирска.

Персоналот на Рајанер во Белгија најави штрајк и на 7 и 8 јануари 2023 година.

The post Повторно штрајк на вработените во авиокомпанијата Рајанер во Белгија appeared first on Република.

Извршниот директор на нискобуџетната авиокомпанија „Рајанер“, Мајкл О’Лири предупреди дека цените на летовите ќе се зголемат ова лето поради големата побарувачка, а поминувањето низ аеродромите ќе стане „предизвик“ за патниците.

Туристите треба да се подготват за пораст на цените за „висок едноцифрен процент“ за време на шпицот на сезоната, бидејќи побарувачката за одмор во европските летни дестинации се опоравува благодарение на укинувањето на ограничувањата за патување поради пандемијата, изјави тој за радио станицата Би-Би-Си.

Тој, исто така, предупреди дека најверојатно ќе има постојани доцнења на аеродромите како што е лондонскиот Хитроу, поради недостигот на персонал.

Нема сомнеж дека поминувањето низ аеродромите ова лето ќе биде предизвик и ги охрабруваме сите наши клиенти да дојдат порано за да имаат повеќе време да ги поминат безбедносните мерки на аеродромот, особено во Манчестер, додаде тој.

Рајанер неодамна извести за намалени годишни основни загуби од 355 милиони евра и изрази надеж за враќање на „разумната профитабилност“ за време на тековната финансиска година.

The post „Рајанер“ предупредува на зголемени цени и веројатно доцнења на летовите во текот на летото appeared first on Република.

Авиокомпанијата „Гуливер“ која оперира на релација Софија-Скопје има одобрено термини за полетување и слетување и во текот на овој месец, велат од Владата на  Македонија од каде МИА побара став по информациите дека од 21 мај прекинува продажбата на авиобилети за оваа релација.

Во однос на авиолинија Софија – Скопје, Ве информираме дека авиокомпанијата која го оперира овој лет нема склучено договор за финансиска поддршка со Владата на Република Македонија, преку Министерството за транспорт и врски. Според информации со кои располагаме, авиокомпанијата има одобрено термини (слотови) за полетување и слетување и во текот на овој месец, стои во одговорот на Владата.

Оттаму посочуваат дека воспоставувањето на летот е од комерцијален аспект и од тие причини за повеќе информации упатуваат на авиокомпанијата.

Претходно, министерот за надворешни работи Бујар Османи, одговарајќи на новинарско прашање, рече дека според негови информации, причина за прекинот се преговорите меѓу компанијата и бугарската Влада за субвенционирање.

Кога го разгледувавме ова прашање, разговаравме две опции. Првата опција беше да биде целосно комерцијална, односно дали ќе има интерес од страна на патниците, а втората опција – да биде субвенционирана од страна на владите при што Република Бугарија ја презеде обврската за субвенционирање. Мислам дека првата фаза беше обид да се види комерцијалната рентабилност. Според моите информации, мислам дека ова запирање е процес на преговори меѓу компанијата и Владата дали ќе има поддршка или не - изјави Османи.

Авиолинијата Софија-Скопје почна да функционира од март, а нејзиното воспоставување беше резултат на договорот меѓу мешовитите владини комисии на Бугарија и Македонија. Договорот беше потпишан на 25 јануари годинава за време на меѓувладината седница што се одржа во Софија. Авионското поврзување меѓу  Македонија и Бугарија беше првиот чекор на конкретизирање на соработката што ја најавија двајцата премиери Димитар Ковачевски и Кирил Петков на нивната прва средба во Скопје на 18 јануари.

The post Влада: „Гуливер“ има одобрено термини за полетување и слетување и во текот на овој месец appeared first on Република.

Австриската авиокомпанија АУА соопшти дека од утре ќе ги прекине летовите кон Киев и Одеса, а одлуката ќе важи до крајот на февруари.

Летовите до Лавов ќе продолжат и во моментов АУА лета на таа линија три пати неделно.

АУА нагласува дека безбедноста на патниците и вработените е приоритет и оти состојбата во Украина редовно се следи.

И германската авиокомпанија Луфтханза вчера соопшти дека од утре ќе ги прекине летовите до и од украинските градови Киев и Одеса.

Компанијата ќе ги изврши последните летови до тие градови во текот на викендот пред да ги прекине од понеделник до крајот на месецот.

Луфтханза ќе продолжи да лета до Лавов, град во западна Украина.

The post Австриската авиокомпанија АУА ги прекинува летовите за Киев и Одеса appeared first on Република.