Градоначалникот на Авдеевка, кој со месеци е цел на голема руска офанзива, соопшти дека ситуацијата на некои места е критична, при што се регистрирани првите изолирани „улични битки“ со групи руски војници.

Ситуацијата во градот е многу комплицирана, многу напната. Додека неколку недели велевме дека ситуацијата е многу комплицирана, но под контрола, денес ситуацијата е многу комплицирана, а на некои места и критична“, изјави градоначалникот Виталиј Барабаш.

Авдеевка е град во источна Украина, во непосредна близина на Доњецк, кој важи за најсилно утврдување на украинските сили на целиот фронт.

Сепак, според Барабаш, руските диверзивни и ударни групи силно „го нападнале градот“, предизвикувајќи одделни судири со украинската армија на улиците.

Ова не значи дека сè е изгубено“, додаде градоначалникот, притоа посочувајќи дека руската армија „насочува многу големи сили“ кон градот.

Тој вели дека само во еден ден има по „50 масивни артилериски гранатирања“ во Авдеевка.

Според него, и покрај битките, во овој индустриски град останале 945 цивили.

The post Украинската „тврдина“ Авдеевка пред колапс, градоначалникот известува за критичната состојба appeared first on Република.