Шорцот што го носеше боксерот Мухамед Али во познатата борба „Трилер во Манила“ против Џо Фрејзер ќе се најде на аукција следната недела и се очекува да достигне цена од повеќе од шест милиони долари.

Белиот сатенски шорцот ќе биде ставен на продажба од реномираната аукциска куќа Сотби в четврток, а понудата веќе достигна 3,8 милиони долари, јави Би-би-си.

Аукцијата во филијалата на Сотби во Њујорк ќе трае до 12 април.

Легендарната борба „Трилер во Манила“ се одржа во октомври 1975 година во главниот град на Филипините и е една од најважните борби во историјата на боксот.

The post Се очекува цена од над шест милиони долари: Шорцот на Мухамед Али од легендарната борба „Трилер во Манила“ ставен на аукција appeared first on Република.

Куршум испукан од пиштолот употребен за убиството на Џон Ленон во Њујорк во 1980 година, ќе биде понуден на наддавање денеска во британскиот град Њукасл. Се очекува да достигне цена од 2.000 фунти (околу 2.350 евра).

Аукционерската фирма „Андерсон и Гарланд“ го продава сувенирот во име на семејството на Брајан Тејлор, британски полицаец кој служел во областа Нортамбрија во Англија. На Тејлор му било дозволено да пука од оружјето за време на посетата на полицискиот оддел во Њујорк, САД, во 1984 година. „Пакетот“ од наддавањето вклучува и фотографија на Тејлор во униформа како го држи револверот, соопшти аукциската куќа.

Занимливо, тој и самиот бил нападнат додека патувал со полициското возило при посетата, а како извинување му бил покажан мал полициски музеј каде што се чувал револверот. Семејството одлучило предметот да биде предаден на друг обожавател на „Битлс“, пренесе Би-би-си.

„Таму (на Тејлор) му беше дозволено да го испроба оружјето што претходно било искростено за убиството на една од најдобрите и најомилените ѕвезди на музиката, Џон Ленон. Куршумот и патронот беа извадени и дадени на Тејлор како подарок. Тој ги постави и ги закачи на ѕид од неговата канцеларија каде што останаа до крајот на неговата кариера“, објави аукциската куќа на својата интернет-страница.

Атентаторот на Џон Ленон - Марк Дејвид Чепмен, кој сега има 68 години, отслужува доживотна затворска казна.

The post Куршум од пиштолот што го уби Џон Ленон оди на аукција appeared first on Република.

На електронска аукција ќе се продаваат делови од поранешните хотели „Кристал“, „Куманово“ и „Ку-ба“, култни објекти за кумановци, дел на поранешната фирма „Бисерка“.

Стечајниот управник на „Бисерка АД“ во стечај објави оглас за втора продажба на имотот на стечајниот должник по пат на електронска продажба со јавно наддавање без утврдена почетна цена. Аукцијата ќе се одржи в четврток, на 25 јануари годинава.

Според огласот, се продава дел од хотел „Куманово“ со вкупна површина од 349 метри квадратни, со проценета вредност на недвижниот имот која изнесува 24.335.450,00 денари.

Вториот пакет е продажба на дел од хотел „Кристал“ со вкупна површина од 1.585 метри квадратни лоциран во Куманово со проценета вредност од 60.981.290,00 денари. Ќе се продава и дел од „Ку-ба“ кој има површина од 334 метри квадратни, за овој објект проценетата вредност е 3.158.971,00 денари. Аукциите се закажани едноподруго почнувајќи од 10 часот.

Некогашните репрезентативни објекти по транзицијата се сврталишта на бездомници и руинираните објекти често се мета на вандалски однесувања. Неколку пати беа опожарувани, особено хотелот „Кристал“. Хотелот „Куманово“ беше дел и од проектот „Знаење, заштита и вреднување на старите јадра“, бидејќи е еден од најрепрезентативните објекти во градот

Во поранешните хотели „Кристал“ и во „Ку-ба“, и двете сопственост на АД „Бисерка“, претходно беа сместени внатрешно раселените лица од липковскиот регион од конфликтот во 2001 година.

Од Секторот за урбанизам од општина Куманово укажуваат дека овие објекти мора да останат хотели согално генерален урбанистички план.

The post Хотелите „Кристал“, „Куманово“ и „Ку-ба“ во Куманово ставени за продажба на аукција appeared first on Република.

Оригиналните сценарија од две епизоди од глобално популарната телевизиска серија „Пријатели“ сместени во Обединетото Кралство ќе бидат понудени на наддавање, објави во четвртокот BBC.

Нацртите на епизодите од четвртата сезона на познатиот американски ситком ги пронашол во 1998 година од вработен во студиото „Fountain Studios“ во Вембли, каде што е снимемо финалето на сезоната во две епизоди наречени „The One With Ross’s Wedding.

Аманда Батлер од аукциската куќа Hanson Ross вели дека сценаријата требало да бидат уништени за да „не протече крајот на нив“, пренесува BBC.

„Очигледно, на актерската постава и на екипата им било наложено да ги уништат нивните копии (од скриптите) за да не протече крајот. Сепак, овие две се лизнаа низ мрежата“, вели Батлер во соопштението за печатот.

Сепак, вработен во студиото до 1999 година, кој останува анонимен, ги пронашол свиткани во корпа за отпадоци неколку седмици по снимањето. Оттогаш ги чувал во фиока, но решил да ги продаде при неодамнешното расчистување.

„Не бев сигурен што да правам со нив, па само го ставив во фиоката во мојата канцеларија. Се сеќавам дека се прашував на кој член од актерската екипа можеби припаѓаат. Го напуштив студиото Fountain во 1999 година и кога дојдов да го исчистам моето биро, само збришав сè во голема картонска кутија. Заборавив дека сценаријата беа таму… Завршија во фиоката покрај креветот и оттогаш се таму“, вели анинимниот продавач во изјава која ја лиферуваше аукциската куќа.

Се очекува скриптите на наддавањето да достигнат цена меѓу 600 и 800 фунти, но може да биде многу повисока. На продажба ќе бидат понудени , заедно со пуловер од продукцијата и ДВД-сетот на „Пријатели“.

„Помалку се смешни, јас не сум голем фан на ‘Пријатели’. Не ми се допаѓа серијата, но неодамна ги гледав епизодите за кои ги имам сценаријата. Американскиот хумор е различен од нашиот (британскиот). Овие сценарија заслужуваат да бидат во сопственост на голем фан на ‘Пријатели’“, додава продавачот.

The post Оригиналните сценарија од две епизоди на „Пријатели“ одат на аукција appeared first on Република.

Руските власти на Крим го ставија на аукција претходно национализираниот стан на сопругата на украинскиот претседател Олена Зеленска во Јалта, проценувајќи го на 24,6 милиони рубљи (околу 2,5 милиони евра). Известувањето е објавено на руската веб-страница „ГИС Торги“, пренесува Укринформ, повикувајќи се на руските медиуми.

„Предмет на лицитацијата е имотот лоциран на адреса Крим, Јалта, општина Ливадија, улица Батурина, зграда 44 А, стан 501, со вкупна почетна минимална вредност од 24.642.490 рубљи“, се наведува во соопштението.

Пријавите за наддавање се затвораат на 26 октомври, а самата аукција ќе се одржи на 30 октомври.

The post Русија го стави на аукција станот на сопругата на Зеленски во Јалта appeared first on Република.

Колекционер од Америка купил капут специјално направен за Елвис.

На аукција во Велика Британија за близу 150.000 евра е продаден капут по нарачка за една од најголемите музички ѕвезди на сите времиња, Елвис Присли.

Палтото од кожа и визон, кој Елвис го носеше во последните години, беше продадено на аукција од Хенри Олдриџ и Сон во Вилтшир.

Го купил колекционер од Америка за 128.000 фунти (околу 148.000 евра).

Аукционерот Хенри Олдриџ претходно изјави дека проценил дека палтото ќе достигне цена од околу 15.000 фунти (околу 17.000 евра).

Елвис го дал палтото долго 120 сантиметри на братот на својата вереница, Џинџер Олден, пред да умре во 1977 година.

Приложено е и писмо кое ја потврдува автентичноста на палтото, напишано од Розмари Олден Старки, сестрата на Џинџер Олден.

Аукционерот Хенри Олдриџ претходно изјави дека палтото било купено од клиент кој го купил на годишна аукција во поранешниот дом на пејачот во Грејсленд, Мемфис, Тенеси.

„Елвис во палто од визон за мене е олицетворение на гламурот од 1970-тите“, додаде Олдриџ.

Прстен во форма на златна був, кој исто така му припаѓал на Присли, е продаден за 14.000 фунти (околу 16.000 евра).

The post Палтото на Елвис Присли продадено на аукција за близу 150.000 евра appeared first on Република.

Мал концертен клавир на покојниот фронтмен на „Квин“, Фреди Меркјури, беше претставен како централен дел на претстојната аукција во „Сотби“ во Лондон.

Купен во 1975 година и увезен во Англија од Јапонија, клавирот „Јамаха“ (Yamaha G2) се проценува дека ќе достигне цена помеѓу 2-3 милиони фунти кога ќе биде ставен на продажба во септември.

Тоа беше инструментот што го користеше за да ја компонира култната песна „Боемска рапсодија“ истата година.

The post Клавирот на Фреди Меркјури на аукција во „Сотби“ appeared first on Република.

Процесот на издавање на првата емисија на граѓанската обврзница денеска успешно заврши со одржување на аукцијата на која беа запишан износ од 1.448.030.000 граѓански обврзници, што е двојно повеќе од она што беше објавено со Проспектот за граѓанската обврзница во износ од 600 милиони денари, соопшти Министерството за финансии.

Интересот беше голем за овој нов иновативен производ на финансискиот пазар. Граѓаните го препознаа својот интерес и ја искористија можноста да инвестираат во производ кој за нив е безризичен, сигурен и носи атрактивен принос, штитејќи ја вредноста на нивните пари во момент на висока инфлација - рече министерот за финансии Фатмир Бесими.

Тој додаде дека ова дополнително ќе влијае и на намалување на сивата економија, затоа што ќе ја активира готовината што граѓаните ја чуваат надвор од системот.

На аукцијата, соопшти Министерството за финансии, учествувале 1.283 граѓани кои имале уплатено средства во износ од 1.448.030.000 денари. Минималниот износ кој граѓаните можеле да го уплатат за учество на аукцијата изнесувал 10.000 денари, со поднесување барање за купување на една граѓанска обврзница. Максималниот износ не беше предвиден.

Процесот на поднесување барање и уплатата на средствата се одвиваше преку шалтерите во деловните банки.

Со аукцијата се заокружува процесот на издавање на граѓанската обврзница, во кој сега следува постапка на евидентирање на граѓанските обврзница во Централниот депозитар за хартии од вредност.

Од министерството соопштуваат дека приносот по основ на камата на граѓаните ќе им биде исплатен на 20 јули 2024 година за првата година и 20 јули 2025 година за втората година, кога ќе им биде вратен и целиот вложен износ.

Каматната стапка за оваа емисија на граѓанска обврзница изнесува 5% годишно и таа е фиксна за двегодишниот период на важност на обврзницата. Тоа значи граѓаните кои инвестирале во граѓанска обврзница ќе добијат принос вкупно 10% од инвестираниот износ.

The post Заокружен процесот на издавање граѓанска обврзница: На аукцијата учествувале 1.283 граѓани appeared first on Република.

Првата аукција за граѓанската обврзница во вкупен износ од околу 600 милиони денари ќе се одржи денеска. Граѓаните во изминатиот период имаа можност да запишат обврзница со минимален износ од 10.000 денари.

Граѓанската обврзница, како нов финансиски инструмент се нуди со поволни услови - камата од пет проценти и рок на доспевање две години.

Министерот за финансии Фатмир Бесими во неодамнешното интервју за МИА појасни дека се работи за транспарентна, едноставна и поволна безризична финансиска инвестиција која нуди низа поволности за граѓаните.

Граѓаните што ќе се одлучат да вложат во оваа обврзница, имаат неколку бенефиции. Прво, ова е безризична инвестиција. Второ, граѓаните ќе добијат околу пет проценти камата во однос на влогот. Една обврзница што ќе се издава на аукција е 10.000 денари и доколку некој се реши да инвестира околу 100 илјади денари на 20 јули следната година ќе има пет илјади денари принос од камата. Наредната година уште пет илјади денари што значи вкупно 10.000 денари камата за 100.000 денари, рече Бесими.

И тој преку објава на „Фејсбук“ минатата недела соопшти дека поднел барање за купување на една граѓанска обврзница.

The post Прва аукција за граѓанската обврзница appeared first on Република.

Аукција на слики од реномирани македонски уметници ќе се одржи вечер, со почеток во 19 часот, во локалот „Тексас барбекју“ (поранешен Перон 8, кај железничка станица).

Средствата што ќе се соберат од продажба на сликите ќе бидат донирани на погодените од земјотресите во Република Турција.

Аукцијата ја организира хуманитарното здружение „Подај рака“, а донираните дела се на уметниците Сокол Марковски, Новица Трајковски, Тофе Јаковлевски, Благојче Наумоски Бане, Билјана Толевска, Драги Хаџи Николов, Виолета Силјан, Катерина Поп Арсова, Марија Панова, Оливера Ивановиќ, Љубен Цветкоски и Ванчо Јаков.

На хуманитарната вечер ќе учествуваат и уметници музичари Џенгиз Ибрахим, Каан Мазхар, Јулија Мицевска, Нина Николовска.

The post Аукција на донирани слики вечерва во локалот „Тексас барбекју“, сретствата ќе бидат донирани на погодените од земјотресите во Република Турција appeared first on Република.

„Голф“ двојка е еден од култните автомобили на Балканот, но своја популарност има во САД, каде што возило од овој модел неодамна бил продаден на аукција за неверојатна цена од 80.000 евра.

Толку висока цена е постигната затоа што двајца купувачи се натпреварувале толку жестоко што ја подигнале цената до небо, со што на крајот достигна вредност многу пати поголема од парите потребни за купување на нов „Голф“.

Текот на аукцијата течел со вообичаен ритам до сумата од околу 35.000 долари, а потоа со своите понуди се истакнале двајца корисници Кбод и Паблов. Останатите се откажале на 45.000 долари, а потоа овие двајца се нафрлиле на голфот како да е судниот ден. Застанаала на споменатата сума што ја понудил Паблов. На аукцијата учествувале повеќе од 1.000 луѓе, а огласот собрал над 620 коментари, пренесува Б92.

Станува збор за „голф два“ ​​од 1992 година со поминати 85.000 километри.

The post Култниот „голф“ продаден за 80.000 евра appeared first on Република.

Во аукциската куќа „Дејвид Ли“ се продаваат 32 писма на покојната принцеза Дијана. Целата заработка оди на сметките на организациите кои таа ги поддржувала.

Серија приватни, срдечни писма и картички напишани од принцезата Дијана до нејзините пријатели Сузи и Тарек Касем, излегуваат на аукција. Овој потенцијално одличен архивски материјал се предвидува дека ќе заработи добри пари. Секоја буква ќе се продава посебно, а експертите веруваат дека продавачите ќе заработат вкупно најмалку 90.000 фунти. Парите од продажбата одат во хуманитарни цели, на сметки на организации поддржани од Дијана.

А во 32 писма и честитки, кои ги напишала и ги испратила до пријателите меѓу 1995 и 1996 година, принцезата од Велс зборува за тоа колку жали за разводот со принцот Чарлс, за чувството на изолација и стравувањата дека нејзиниот телефон се прислушува.

Писмата откриваат дека принцезата не би се согласила на развод доколку знаела дека ќе биде „толку очајно и грдо“.

Парот ги продава писмата затоа што сметаат дека „имањето такви документи е голема одговорност“ што не сакаат да им ги пренесат на своите деца. Зачувале за себе некои од писмата кои се особено лични или доверливи.

Идниот сопственик ќе може да додаде во својата колекција, на пример, писма од 28 април 1996 година во кои Дијана го откажува одењето во опера поради напнатост.

Поминувам низ многу тешки времиња и притисокот е сериозен и доаѓа од сите страни. Понекогаш ми е премногу тешко да ја држам главата горе и денес сум на колена и само сакам овој развод да заврши бидејќи неговата цена е огромна“, напишала принцезата.

The post На аукција се продаваат 32 писма на покојната принцеза Дијана во кои зборува колку жали за разводот со принцот Чарлс appeared first on Република.

Часовникот на поранешниот нацистички лидер, Адолф Хитлер, е продаден на аукција во американската сојузна држава Мериленд за 1,1 милион долари.

Аукциската куќа „Alexander Historical Auctions“ од Чесапик Сити, Мериленд часовникот го процени на вредност меѓу два и четири милиони долари, со образложение дека станува збор за „остаток од Втората светска војна со историски размери“.

Еврејските водачи се спротивставија на продажбата, изјавувајќи дека часовникот има мала или никаква историска вредност.

Претседателот на аукциската куќа Бил Панагопулос изјави дека купувачот е Евреин од Европа.

На часовникот има иницијали „A“ и „Х“, како и свастика.

Часовникот бил земен како воен плен од француски војник на 4 мај 1945 година, кога неговата единица влегла во колибата на Хитлер „Бергхоф“ во Баварските Алпи, во близина на Берхтесгаден.

Хитлер изврши самоубиство во Берлин на 30 април 1945 година.

The post Го купил Евреин од Европа: Часовникот на Хитлер продаден на аукција во САД за 1,1 милион долари appeared first on Република.

На големата онлајн аукција ќе бидат понудени низа интересни предмети од филмовите, од книгите и костимите до безвременските автомобилски класици.

Аукциската куќа Кристи прославува 60 години од филмската франшиза за Џејмс Бонд со аукција во два дела, чии приходи ќе бидат донирани во добротворни цели.

Се нудат голем број предмети, а кога се во прашање автомобилите, најзначаен е последниот филм од серијата, Нема време за умирање. Понудата започнува со Jaguar XF возен во филмот од негативците во потерата по Бонд и Медлејн Сван. Се очекува дека би можел да достигне цена од 70.000 фунти.

Во понуда е и Range Rover SVR, кој би требало да достигне цена од најмалку 80.000 фунти. На аукција се најде и Land Rover Defender Bond Edition. Придвижуван од V8 мотор, овој модел не се појави во филмот, но е дел од ограничената серија од 300 примероци и единствен со ознаката „60 Years of Bond“. Се проценува дека ќе предизвика голем интерес, а со тоа и веројатно цена од 300.000 фунти. Понуден е и Defender од филмскиот сет, кој би можел да достигне повисока цена.

Конечно, тука се и Aston Martin. Посебно интересен е моделот V8, кој се појавува во филмот со Крег, а буди спомени на моделот од филмот The Living Daylights. Доволно да ја доведе цената до 700.000 фунти. Конечно, како врв на понудата доаѓа репликата на DB5 која е произведена исклучиво за снимањето на најновиот филм. Има модерен 3,2 шестцилиндричен мотор и мануелен менувач, а и покрај оштетувањата е најскапиот експонат со проценета цена до два милиони евра.

Да речеме и дека дури и обожавателите со поскромен буџет ќе најдат интересни предмети на аукцијата. Се нудат различни костими, куфери, па дури и маски од филмот Spectre. Почетокот на лицитацијата е најавен за 15 септември.

The post Голема аукција по повод 60. годишнината од Џејмс Бонд- се нудат славните автомобили appeared first on Република.

Британската аукциска куќа „Кристи“ ја продаде познатата маслинесто зелена јакна на украинскиот претседател Володимир Зеленски во Лондон за 90.000 фунти, пишуваат медиумите во светот.

Додека Украина се бори против многу поголема воена сила и ресурси со кои располага, се одржуваат аукции за собирање помош за Киев, објави британски „Мирор“.

Аукциската куќа „Кристи“ учествува во меѓународна програма чија цел е да се подигне помошта за Украина до еден милион фунти.

Британскиот премиер Борис Џонсон успеа да го поттикне наддавањето на веќе познатата војничка јакна на Зеленски, нарекувајќи ја почетната цена од 50.000 фунти „смешна“.

Тој ги повика учесниците на аукцијата да учествуваат во тоа дека големата античка европска престолнина Киев никогаш повеќе не може да биде загрозена и Украина повторно да биде цела и слободна.

Зеленски, кој ја донираше јакната на аукција во февруари, по почетокот на руската инвазија, се обрати во видео пред почетокот на натпреварот во рамките на хуманитарниот собир „Храбра Украина“ и зборуваше за „храбриот Борис“ кој дошол да го посети во Киев, пренесуваат агенциите.

Меѓу предметите понудени на аукцијата бил и керамички бокал во форма на петел, кој Зеленски му го подарил на Џонсон за време на неговата посета на украинската престолнина на 9 април.

На купувачите им била понудена и посета на Киев во придружба на градоначалникот и поранешен боксерски шампион во тешка категорија Виталиј Кличко.

The post За 90.000 фунти продадена маслинесто зелената јакна на Зеленски appeared first on Република.

Дресот, кој аргентинската фудбалска легенда Диего Армандо Марадона го носеше кога постигна гол во четвртфиналето против Англија на Мундијалот 1986, две години по неговата смрт ќе биде понуден на продажба, објави денеска аукциската куќа „Сотби“, изразувајќи надеж оти предметот ќе може да достигне цена од над пет милиони долари.

Повеќе од 35 години сопственик на легендарниот дрес со бројот 10 е поранешниот англиски репрезентативец Стив Хоџ, кој по завршувањето на четвртфиналето го размени својот дрес со Марадона. Победата на Аргентина во четвртфиналето на Светското првенство во 1986 година е една од најконтроверзните во историјата на мундијалите токму поради голот што Марадона го постигна со рака.

Поранешниот англиски репрезентативец, кој својата автобиографија ја наслови „Човекот со дресот на Марадона“, дресот му го довери на Националниот фудбалски музеј во Манчестер за таму да биде изложен и вети по смртта на Марадона во 2020 година дека предметот нема да се продава, бидејќи има „неверојатна сентиментална вредност“.

Во меѓувреме, Хоџ очигледно се предомислил.

„Сотби“ објави дека дресот ќе биде понуден на онлајн аукција од 20 април до 4 мај за почетна цена од четири милиони фунти (5.2 милиони долари)

The post Дресот на Марадона од Мундијалот 1986 на аукција appeared first on Република.

Аукциската куќа „Кристи“ објави дека во мај ќе се продава портрет на Мерилин Монро од американскиот поп-арт“ уметник Енди Ворхол. Сликата е проценета на 200 милиони долари.

Станува збор за делото „Shot Sage Blue Marilyn“ („Мудрата Мерилин во сино“) насликано 1964 година, соопштија од „Кристи“. Познатата слика сега ѝ припаѓа на Фондацијата на Томас и Дорис Аман од Цирих. Средствата ќе бидат наменети за децата ширум светот и подобрување на животот преку здравствени и образовни програми.

Сите приходи ќе одат во добротворни цели, соопшти аукциската куќа.

Енди Ворхол (1928 – 1987) се смета за еден од најважните претставници на „поп-артот“. Насликал обвивки за неколку прехранбени производи, меѓу кои и „Кока-кола“. Познат е и по портретите на холивудските икони, а осмислил и омоти за два албума на рок-групата „Ролинг стоунс“.

The post Портрет на Мерилин Монро на аукција во „Кристи“, проценет е на 200 милиони долари appeared first on Република.

Во 2017 година Том Хенкс, патувајќи низ Европа случајно се сретнал со полски Fiat 126p, кај нас попознат како „Пегличка“. Тоа беше љубов на прв поглед, а Хенкс се` почесто објавувал фотографии од автомобилот на социјалните мрежи со опис „Добив нов автомобил“.

Граѓаните на Биелско-Бјала, градот од кој потекнува полскиот Fiat 126p, решија да му се заблагодарат на Хенкс за промовирањето на автомобилот, и да му донираат еден примерок. И не каков било, туку навистина посебен. Моника Јасколска организирала акција за собирање средства, а откако биле собрани околу 8.500 полски злоти, купен е половен автомобил. Тука во приказната влегува Carlex Design, кој наводно целосно бесплатно го преуредил автомобилот.

Пегличката е лакирана во бела боја, а по реновирањето, внатрешноста добила зеленикаво-жолта кожа и посвета на познатиот актер преку етикетите на уникатниот модел „Биелско-Биала за Том Хенкс“ и „Еден од еден“. Бидејќи Хенкс е голем љубител на машините за пишување, Carlex одлучиле да ги заменат прекинувачите со нови што изгледаат како оние од машина за пишување.

Актерот лично се потпишал и на внатрешната страна на возачката врата, а дополнителен детал е црвеното куче под задното стакло кое кимнува со главата на свиоците. Автомобилот го задржал оригиналниот, двоцилиндричен мотор со зафатнина од 594 кубика и 23 КС.

Автомобилот е пренесен во Лос Анџелес и предаден на актерот, кој сега решил да го продаде по пет години и помалку од 500 поминати километри. Се нудел преку платформата Bring A Trailer, а целата сума е донирана на фондацијата Елизабет Дол и нејзината кампања Скриени херои. И тоа е огромна сума бидејќи автомобилот на аукција достигнал неверојатни 87,2 илјади долари.

https://www.youtube.com/watch?v=i7bmsiA-QhE&feature=emb_logo

The post „Пегличката“ на Том Хенкс на аукција достигна неверојатни 87,2 илјади долари appeared first on Република.

Аукциската куќа „Кристи“ објави дека на наддавање во јуни ќе бидат понудени повеќе од 1.100 уметнички дела, мебел и скулптури што биле во сопственост на легендарниот моден дизајнер Ибер де Живанши.

Пред аукцијата, предметите ќе одат на патувачка изложба, која ќе започне во Палм Бич, САД (од 5 до 26 март), Њујорк (15 – 23 април), Хонг Конг, Кина (26 мај – 1 јуни) и Париз (8 – 17 јуни).

Наддавањето кое го прославува исклучителниот вкус на познатиот моден дизајнер и неговиот животен партнер Филип Вене, почнува со прикажување на интернет на 8 јуни. Продажбата во живо ќе се одржи од 14 до 17 јуни во парискиот огранок на „Кристи“.

Основачот на брендот, кој освен по модата е познат и по парфемите,  Хјуберт де  Живанши ја продаде својата етикета на LVMH во 1988 година за 45 милиони долари по 36 години независност. Тој остана шеф на креативниот дизајн седум години пред да се пензионира во 1995 година. Живанши почина на 91-годишна возраст во 2018 година.

За куќата дизајнираа славни креатори, а Холивуд уште е фан на нивната мода: Џон Галијано, Александар Меквин и Џулиен Мекдоналд. Тиши ја презеде етикетата во 2005 г., ставајќи ја повторно на мапата за дизајн со неговите смели, мотиви во боја за време на ѕвездениот 12-годишен мандат.

Вејт Келер стана првата жена уметнички директор на брендот. Таа ја засили меѓународната слава на куќата со тоа што ја облече Меган Маркл во венчаница за нејзината свадба во 2018 година со принцот Хари, а последователно и на многу кралски ангажмани.

The post Мебелот и уметничките предмети на Живанши одат на патувачка изложба, па на аукција appeared first on Република.