Здружението на тениски професионалци (АТП) изрече казна во износ од еден милион долари на Тениската федерација на Велика Британија (ЛТА) поради забраната за настап на руски и белоруски играчи на годинешниот Вимблдон и други АТП турнири одржани оваа година на британска територија.

Забраната на ЛТА беше образложена ро руската инвазија врз Украина која почна во февруари.

Реагирајќи на одлуката на АТП, британската министерка за култура Мичел Донелан ја нарече „погрешен чекор“.

Сметаме дека спортот не смее да се користи за легализација на смртоносната инвазија и оти спортистите кои ги претставуваат Русија и Белорусија не би смеело да настапуваат во други држави, изјави Донелан.

АТП од своја страна веднаш откако во април беше објавена забраната на ЛТА за настап на руските и белоруските тенисери и тенисерки, објави дека таквата одлука не е фер и претставува преседан кој би можел да го уништи спортот.

The post Милион долари казна за Британската федерација за забраната за настап на руски и белоруски тенисери appeared first on Република.

Асоцијацијата на тениските професионалци (АТП) го објави најголемото зголемување на паричните награди во историјата. Вкупниот награден фонд на АТП турнирите и Челинџерс следната сезона ќе изнесува рекордни 217,9 милиони долари.

Во однос на 2022 година ќе порасне за 17%, односно за 37,5 милиони.

Наградниот фонд на АТП турнирите ќе порасне за 12% до 175 милиони.

Да потсетиме дека оваа сума не ги зема предвид Грен слем наградите кои организаторите сами ги одредуваат.

Наградниот фонд на Челинџер турнирите ќе порасне за 75% до 21,1 милиони

The post АТП ќе плати за турнирите 217 милиони долари appeared first on Република.

Русинот Данил Медведев ја задржа лидерската позиција на најновата на АТП ранг-листа на која нема промени меѓу првите десет најдобри светски тенисери.

На второто место е Германецот, Александар Зверев, по што следува Рафаел Надал од Шпанија. Освојувачот на Вимблдон, Србинот Новак Ѓоковиќ остана на седмото место.

АТП ранг-листа:

Данил Медведев (Русија) 7.775 бодови

Александар Зверев (Германија) 6.850

Рафаел Надал (Шпанија) 6.165

Стефанос Циципас (Грција) 5.045

Каспер Руд (Норвешка) 4.890

Карлос Алкараз (Шпанија) 4.845

Новак Ѓоковиќ (Србија) 4.770

Андреј Рубљов (Русија) 3.540

Феликс Оже – Алијасим (Канада) 3.445

Јаник Синер (Италија) 3.185.

The post Нема промени меѓу Топ 10 тенисери на АТП листата, Надал трети, Ѓоковиќ на седмо место appeared first on Република.

Здружението на тениски професионалци (АТП) изрази вечерва несогласување со одлуката на организаторот на најпрестижниот грен – слем турнир Вимблдон да им забрани настап на руските и белоруските играчи поради инвазијата врз Украина.

– Нашиот спорт се гордее со функционирањето врз принципите на заслужен и фер успех каде играчите се натпреваруваат како поединци и го обезбедуваат својот настап на турнирите врз основа на постигнатите резултати. Веруваме дека денешната еднострана одлука на организаторите на Вимблдон и Британската тениска федерација не е фер и постои можност дека ќе постави темел за разорен преседан, соопшти АТП.

Во соопштението, како што пренесува агенцијата Бета, се нагласува дека одлуката за исклучување на руските и белоруските тенисери е во спротивност на договорот меѓу АТП и Вимблдон.

– Дискриминацијата врз национална основа, исто така, претставува кршење на нашиот договор со Вимблдон според кој настапот на играчите на турнирот се базира исклучиво врз постигнатите резултати. Притоа, важно е да истакнеме дека руските и белоруските тенисери и натаму ќе можат да настапуваат на АТП турнирите без национални обележја. Паралелно со тоа, ќе продолжиме со хуманитарната поддршка за Украина, порача АТП.

И официјална Москва ја осуди одлуката на Вимблдон да мине без настап на руски тенисери, како дел од меѓународните санкции поради инвазијата врз Украина.

Портпаролот на Кремљ, Димитриј Песков, рече дека е неприфатливо на руските тенисери да им биде забранет настап на Вимблдон.

Уште еднаш руските спортисти се држат како заложници на политички предрасуди и политичките интриги. Ова е неприфатливо, изјави Песков.

Тој додаде дека таквата одлука ќе влијае и врз самото натпреварување, бидејќи Русија има неколку тенисери на врвот на светската ранг-листа во машка и женска конкуренција.

Изјавата на Песков доаѓа откако британските медиуми претходно денеска најавија, а организаторите попладнево официјално потврдија дека одлучиле да им забранат на руските и белоруските играчи да настапат на Вимблдон, кој е на програмата од 27 јуни до 10 јули.

Таквата одлука ќе има особено влијание врз вториот светски рекет Дмитриј Медведев и белоруската тенисерка Арина Сабаленка, кои лани беа полуфиналисти во Вимблдон.

The post АТП против одлуката на Вимблдон да не им дозволи на руските и белоруските тенисери да настапат на турнирот appeared first on Република.

По завршувањето на Австралија опен, првиот годинашен Грен слем, на ранг-листата на АТП во првите десет позиции има само една промена. Италијанецот Матео Беретини од седмото напредуваше на шестото место коешто шретходно го држеше Русинот Андреј Рубљев.

На ранг-листата и натаму лидер е Ѓоковиќ кој не настапи на Австралија опен поради тоа што австралиските власти му ја укинаа визата.

Швајцарецот Роже Федерер падна на 30-то место, што е негов најлош ранкинг од јануари 2001 година.

Пласман на најдобрите 10 тенисери во светот:

1. Новак Ѓоковиќ (Србија) 11.015 бодови

2. Данил Медведев (Русија) 10.125

3. Александар Зверев (Германија) 7.780

4. Стефанос Циципас (Грција) 7.170

5. Рафаел Надал (Шпанија) 6.875

6. Матео Беретини (Италија) 5.278

7. Андреј Рубљев (Русија) 4.830

8. Каспер Руд (Норвешка) 4.065

9. Феликс Оже-Алиасиме (Канада) 3.923

10. Јаник Синер (Италија) 3.705

The post Ѓоковиќ останува на врвот на АТП ранг-листата, Федерер со најлош пласман од 2001 година appeared first on Република.