Тренерот на Атлетико Мадрид, Диего Симеоне е задоволен од играта на неговиот тим синоќа на натпреварот од 10. коло на Ла Лига со Леганес.

Домаќините славеа со 3:1 и покрај тоа што Леганес на полувреме водеше.

-Задоволен сум што успеавме да се вратиме од тешка ситуација откако противникот ни поведе. Одигравме одлично второ полувреме. Треба да продолжиме во истиот дух. На паузата им кажав на моите фудбалери дека се добро подготвени, дека работиме 15 дена, дека примениот гол не треба да не извади од ритам, изјави Симеоне за „As“.

Атлетико има 20 бодови и е на третото место на табелата во шпанското првенство.

Во следното коло избраниците на Симеоне ќе играат против бетис на 27 октомври.

The post Атлетико ја сврте од „два во кец“ appeared first on Република.

Фудбалерот на Атлетико Мадрид, Мемфис Депај, ќе го пропушти натпреварот од Лигата на шампионите против Борусија Дортмунд поради повреда на мускулот на левата нога, соопшти денеска шпанскиот клуб.

Депај се повреди на тренинг во саботата, а по деталните прегледи е одлучено дека ќе го пропушти првиот четвртфинален натпревар од Лигата на шампионите в среда.

Атлетико не соопшти колку долго се очекува да отсуствува Депај, но според локалните медиуми тој би можел да отсуствува три недели и со тоа да го пропушти и реваншот од четвртфиналето на 16 април во Дортмунд.

Депај во реваншот од осминафиналето во ЛШ постигна гол на дуелот против Интер во 87. минута и со тоа обезбеди продолженија за тимот од Мадрид, по што Атлетико по подоброто изведување пенали се пласираше во следната рунда

The post Атлетико Мадрид ослабен против Борусија appeared first on Република.

Тренерот на Барселона, Чави е задоволен од изданието на неговите фудбалери во натпреварот од 29. коло на шпанското првенство. Синоќа Барселона оствари победа на гостински терен над Атлетико Мадрид со 3:0.

Стрелци на головите беа Жоао Феликс, Роберт Левандовски и Фермин Лопез.

- Навистина добро ги нападнавме слободните зони. Ова е совршено совпаѓање во однос на нашата методологија и филозофија за игра. Ние сме Барселона, никој не се опушта овде. Ќе вршам поголем притисок врз играчите од било кога. Посебно со оглед на тоа што си заминувам, изјави Чави за „Marca“.

Барселона во моментов е на второто место во Ла Лига со 64 бодови. Заостатокот од водечкиот Реал Мадрид е осум бода.

The post Барса го згази Атлетико среде Мадрид appeared first on Република.

Атлетико Мадрид е последниот тим кој обезбеди пласман во четвртфиналето на Лигата на шампионите. „Јорганџиите“ синоќа го совладаа минатогодишниот финалист Интер по неверојатна драма која заврши со пенали.

Во регуларното време мадриѓаните победија со 2:1 и ја избришаа негативата од првиот меч во Милано. Во продолженијата голови не паднаа, иако се отворија шанси за двете екипи, а во пеналите дури тројца играчи на „нероазурите“ промашија, па така избраниците на Симоне Инзаги беа елиминирани.

И покрај силниот домашен притисок, Интер прв постигна гол. Федерико Димарко беше прецизен во 33. минута, но во контра нападот израмни Антоан Гризман, а во 87. минута резервистот Мемфис Депај постигна втор гол за домаќините и го испрати натпреварот во продолженија.

При пеналите, за Атлетико промаши само Саул Нигез, а кај гостите непрецизно стрелаа Алексис Санчез, Дејви Класен и Лаутаро Мартинез. Ѕвездата на италијанскиот гигант не го ни погоди голот и спектаклот заврши со триумф на „црвено-белите“.

Двата тима лесно ја надминаа групната фаза и не ги криеја амбициите да постигнат нешто големо на овогодинешното издание на турнирот.

За Атлетико, Лигата на шампионите е последна шанса за трофеј во сезоната, а Интер сакаше да стигне до финалето втора година по ред, откако веќе изгради солидна предност пред ривалите во Серија А.

The post Интер се бранеше и не додржа, Атлтико е во четвртфиналето на ЛШ appeared first on Република.

Пред завршните натпревари од групната фаза во лигата на шампионите (ЛШ) познати се 14 од 16 екипи, кои се пласираа во осминафиналето.

Пласман меѓу 16. најдобри екипи обезбедија ПСЖ, Бенфика, Баерн Минхен, Челзи, Манчестер сити, Наполи, Порто, Тотенхем, Ливерпул, Клуб Бриж, Интер, Ајнтрахт Франкфурт, Борусија Дортмунд и Реал Мадрид.

За преостанатите две места во осминафиналето конкурираат четири екипи – Милан и Салцбург во групата Е и Лајпциг и Шахтјор во групата Ф.

Засега се познати и пет екипи кои се селат во Лига Европа – Ајакс, Баер Леверкузен, Барселона, Спортинг и Севиља.

За Глазгов Ренџерс, Атлетико Мадрид, Викторија Плзен, Олимпик Марсеј, Селтик и Копенхаген европската приказна за оваа сезона заврши.

The post Каква луда ноќ во ЛШ, Атлетико Мадрид нема да игра ни во Лигата на Европа appeared first on Република.