Радоје Звицер по убиството на Алан Кожар и Дамир Хаџиќ во дворот на изнајмена вила на островот Крф организирал огномет во бункерот на стадионот на Партизан,

Кожар и Хаџиќ беа убиени на 23 јули 2020 година, неколку месеци откако нивните соработници Игор Дедовиќ и Стеван Стаматовиќ беа ликвидирани во Атина. За нас е интересно што Дедовиќ и Стаматовиќ во моментот на ликвидација поседуваa македонски пасош издаден од претходната власт.

[caption id="attachment_817773" align="alignnone" width="640"] foto Kurir.rs[/caption]

Сиве овие убиства и успешно завршена работа Звицер ги прославил со спектакуларен огномет кој се слушал и гледал низ цел Белград.

The post Звицер организирал огномет на стадионот на Партизан за да објави дека „Шкаљарците“ со македонски пасош се ликвидирани appeared first on Република.

Во обвинението против членовите на Кавачкиот клан за убиството на Игор Дедовиќ и Стеван Стаматовиќ во Атина,  пишува дека водачот на криминалната група Радоје Звицер ги нарекол директните извршители „имбецили“, бидејќи тие биле уапсени поради тепачка само неколку дена пред извршувањето на делото.

Според извештаите, во преписката на „Скај апликацијата“ Свицер напишал:

Беа потребни 43 часа за да се извлечат овие имбецили“.

Звицер откри дека дал 43.000 евра за ослободување на Марко Петковиќ, Љубомир Лаиновиќ и Милинко Брашновиќ. Инаку, тие на 5 јануари 2020 година беа уапсени во Грција поради учество во тепачка и поседување оружје.

Двајца високи членови на Шкаљарците Игор Дедовиќ и Стеван Стаматовиќ, беа убиени на 19 јануари 2020 година.

Еден од членовите на кланот испратил порака „завршив со тоа“, на што другите одговориле „Тоо куме“ и „Те сакам, те сакам најмногу.

Убиството на Дедовиќ и Стаматовиќ, кое ја шокираше Грција, се случи во ресторан во предградието на Атина. Дедовиќ и Стаматовиќ долго време се криеле во Грција. Кобниот ден вечерале во ресторан со сопругите и децата. Четворица маскирани напаѓачи упаднале во ресторанот околу 18 часот и 30 минути и додека двајца од нив чувале стража, двајца од нив пукале  пред очите на нивните сопруги и деца.

Убијците испукале повеќе од 20 истрели во главите  а нападот бил изведен прецизно и молскавично, бидејќи за неполни 30 секунди се било готово. Убијците, искористувајќи го метежот и паниката, непречено го напуштиле ресторанот и влегле во џип, кој ги чекал во близина, по што избегале.

The post Ликвидаторите на „Шкаљарците“ со македонски пасош Звицер ги нарекувал „имбецили“ appeared first on Република.

Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.

Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.

Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.

Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.

Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.

Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.

The post Грција ќе забрани нови дозволи за изнајмувања на станови во центарот на Атина appeared first on Република.

Од пет часот утрово таксистие во Атина, организирани од нивниот Синдикат, започнаа 24-часовен штрајк поради, како што велат,„низа владини одлуки и важни законодавни пропусти што се однесуваат на нивниот сектор“, јави дописничката на МИА од Атина.

Од Синдикатот потенцираа дека новите даночни и осигурителни закони ќе ги доведат до финансиска пропаст, а планираната транзиција кон електрични возила од 2026 година ќе ја загрози нивната професија.

Паралелно, за претпладнево закажаа Генерално собрание на кое ќе разговараат за проблемите со кои се соочуваат.

Грчката метропола до утре наутро ќе биде без такси превоз. ср/

The post Штрајкуваат таксистите во Атина appeared first on Република.

За околу три евра поевтино ќе биде патувањето со автомобил меѓу Солун и Атина со намалувањето на цените на пет патарини во централна Грција, што вчера го соопшти грчкиот премиер Кирјакос Мицотакис, јави дописничката на МИА од Атина.

Намалувањето на цените за 17 отсто за лесните возила и пет проценти за тешките, што ќе трае 15 месеци, ќе стапи во сила на 1 октомври, а ќе важи до крајот на 2025 година, е резултат на искористување на 15,8 милиони евра, што произлегле од рефинансирањето на договорот за концесија на конкретниот дел на автопатот.

Поконкретно за автомобилите, по промената на цените, за петте патарини до крајот на годинава, граѓаните ќе плаќаат 13,7 евра, наспроти 16,5 колку што е сега, а во 2025 година, цените ќе бидат за три евра пониски, односно од 17,4 на 14,4 евра.

Петте патарини се во централниот дел на Грција, во близина на градовите Катерини, Лариса, Волос и Ламија.

Грчкиот премиер објасни дека со намалувањето на каматните стапки од рефинансирањето на договорот за концесија на делот од автопатот, државата е со придобивка од нешто помалку од 16 милиони евра, по што решиле, конкретните средства, наместо да бидат вклучени во државниот буџет како вонреден приход, „да ги вратат на локалното население“.

Сметаме дека е фер да можеме да ги вратиме парите во локалната заедница, но не само тоа, ова значи дека секој што ќе патува од Атина во Солун преку автопатот ќе ја има оваа придобивка. Нагласувам дека ова е од 1 октомври до 31 декември 2025 година, што во суштина го покрива периодот кога сметаме дека сè уште ќе има притисоци во однос на инфлацијата, дури и да се намалува, рече Мицотакис.

The post Се намалуваат цените на пет патарини на автопатот Солун – Атина appeared first on Република.

Четири рачни бомби, пиштол и пендрек, според грчките медиуми, содржела чантата што две непознати лица ја фрлиле од мотор во движење во атинската населба Керацини, додека бегале од полицијата, јави дописничката на МИА од Атина.

Инцидентот се случил претпладнево кога моторот не застанал на знаците од полицајците, по што следела потера при која еден од патниците ја фрлил чантата.

На местото веднаш пристигнал тим за неутрализирање на експлозивни направи, а полицијата сè уште трага по двете лица.

The post Непознати лица од мотор во движење во Атина фрлиле чанта со рачни бомби и пиштол appeared first on Република.

Најмалку едно лице загина, а над 60 се згрижени поради повреди во пожарите во Грција. Повредени се и пожарникари. Тело на жена беше пронајдено во опожарена фабрика во Атина во, како што се верува тоа е, првиот смртен случај од шумскиот пожар. Силните ветрови го отежнуваат големиот шумски пожар во Грција принудувајќи илјадници луѓе да ги напуштат своите домови.

Грција трет ден денеска се бори со огромниот шумски пожар во близина на Атина, каде се очекува пристигнување на стотици европски пожарникари кои треба да се приклучат во борбата да се локализира смртоносниот пожар што пеплоса делови од предградијата на главниот град. Меѓу земјите кои ѝ испраќаат помош на Грција се Франција, Италија, Чешка, Романија и Србија.

Повеќе од 700 пожарникари, 200 возила и 35 противпожарни летала се вклучени во гаснењето на пожарите во Грција. Првиот избувна во неделата попладне околу 35 километри северно од Атина. Вчера имало интервенции на 40 различни локации, а во некои области пламенот бил висок 25 метри.

The post Гори околу Атина appeared first on Република.

Јагленисано тело на жена било пронајдено доцна синоќа во деловен објект што изгоре во атинска населба, што воедно е и првата жртва во големиот пожар што од неделата го зафати североисточниот дел на областа Атика, додека утрово ситуацијата со огнената стихија е значително подобрена, јави дописничката на МИА од Атина.

Пожарот остави изгорени куќи, објекти и огромна материјална штета на голема површина што надминува над 10.000 хектари.

Портпаролот на противпожарната служба на Грција Василис Ватракојанис, доцна синоќа рече дека ситуацијата е подобрена и постојат само помали активни жаришта.

Кусо по 5 часот утрово имаше големо разгорување во близина на населено место во источниот дел на областа Атика и до жителите беше испратена порака за евакуација од бројот 112 за итни случаи.

Пожарот е активен веќе трет ден, интервенираат 702 пожарникари со 27 пешадиски тима и 199 возила, како и голем број волонтери, а со првите зраци на сонцето почна гаснењето и од воздух.

Преку Европскиот механизам за цивилна заштита, Грција побарала помош во справувањето со огнените јазици, а позитивно одговориле Франција, Чешка, Италија, Србија, Романија и Турција, кои испраќаат противпожарни сили.

Воздушни средства испраќаат Турција, два противпожарни авиони тип „Tractors“, Србија еден хеликоптер од типот „Kamov“ и Франција хеликоптер од типот Супер Пума со кофа, додека пак копнените сили ќе пристигнат од Франција (200 лица, со 28 цистерни), од Романија, која испраќа 44 лица со четири цистерни, како и од Србија 35 лица со десет возила.

Од Италија утрово се очекува да пристигнат два противпожарни авиони Канадер, а Чешка испраќа 75 пожарникари и 25 возила, од кои 9 се цистерни

The post Јагленисано тело на жена пронајдено во новиот пожар во Атина appeared first on Република.

Пожарот во североисточниот дел на областа Атика, поширокиот регион на Атина и понатаму е вон контрола, голем број куќи изгореа во различни населби, евакуирани се низа населени места и една болница, а противпожарните сили продолжуваат со битката со огнената стихија што зазеде огромни размери, јави дописничката на МИА од Атина.

Портпаролот на противпожарната служба на Грција Василис Ватракојанис, попладнево информирајќи за пожарот рече дека „ситуацијата останува исклучително тешка“, дека континуирано има разгорувања и нови жаришта што „брзо се шират, потпомогнати од многу силните ветрови“.

Објасни дека интервенираат 702 пожарникари со 27 пешадиски тима и 199 возила, како и голем број волонтери, а од воздух гаснењето е со 35 средства, односно 17 авиони и 18 хеликоптери, од кои три се за нивна координација.

Од бројот за итни случаи 112 досега беа испратени 30 пораки за евакуација на граѓаните што се во загрозените подрачја, а попладнево, превентивно беше евакуирана и општата болница.

Обемот на предизвиканата материјална штета е огромен и дополнително ќе се утврдува, огнените јазици проголтаа куќи, автомобили, изгоре и едно противпожарно возила, а полесно е повреден еден пожарникар.

Поради силниот ветер пожарот се шири со голема брзина и попладнево стигна и до урбани средини, односно до населби во северниот дел на Атина.

Според Националната опсерваторија во Атина и порталот Метео, процените се дека до 12.20 часот денеска изгореле околу 10.000 хектари површина.

За справување со пожарите, како што претходно објави МИА, Франција, Чешка и Италија, праќаат помош во Грција преку Европскиот механизам за цивилна заштита.

The post Изгорени куќи, евакуирани граѓани – состојбата со пожарот во североисточниот дел на Атика особено тешка ситуацијата appeared first on Република.

Илјадници луѓе се евакуирани од нивните домови додека голем пожар се шири северно од Атина, при што пламенот се издигнува до 25 метри. Историското место Маратон е меѓу областите чија што евакуација беше наредена.

Пожарникарите велат дека има изгорени домови и имоти во гратчето Варнавас, 35 километри од Атина, при што се обидуваат да извлечат луѓе заглавени во конвој од 20-25 возила.

Во саботата попладне избувнале повеќе од 40 пожари, од кои се активни седум. На терен се распоредени повеќе од 500 пожарникари, 150 возила и над 30 противпожарни летала.

„Работевме цела ноќ, но и покрај натчовечките напори, пожарот многу брзо се развива. Ветровите беа силни во текот на целата ноќ, па очекуваме разгорување на пожарите“, изјави портпаролот на пожарникарите Василис Ватракојанис.

Јужно од Атина се евакуирани три болници зашто пожарот се движел кон селото Пентели.

Стотици пожари се регистрирани во Грција од мај и властите предупредија дека ова ќе биде многу тешка недела.

„Половина од Грција ќе биде во црвено“, изјави министерот за климатска криза и цивилна заштита Василис Кикилијас, алудирајќи на температурите од 40-ина Целзиусови степени и силните ветрови.

The post Илјадници луѓе се евакуирани од нивните домови додека голем пожар се шири северно од Атина appeared first on Република.

Шумски пожар денеска избувна во грчкиот град Оропос, северно од Атина, а на граѓаните им беше кажано да внимаваат.

Пожарот избувнал во близина на населбата Сикамино нешто пред 15 часот, а на местото се испратени 73 пожарникари и 16 возила, а од авионска помош пружиле седум авиони и четири хеликоптери.

Во изјава за Катимерини, градоначалникот на Оропос, Јоргос Јасимакис, рече дека пожарот стивнува и дека моментално нема активни фронтови, пофалувајќи ја работата на единиците на терен.

Во месноста Врисија на Родос избувнал пожар во близина на куќите, поради што на мештаните им било кажано да бидат на готовност.

На терен работат околу 28 пожарникари со осум возила, три авиони и еден хеликоптер.

The post Гори кај Атина и на Родос appeared first on Република.

Задолжителната маска во сите внатрешни делови и рапид тестови за лицата кои придружуваат пациенти, како и за оние кои доаѓаат во амбулантите, одново се воведуваат во онколошка болница во Атина со цел заштита на пациентите, јави дописничката на МИА од Атина.

Мерките, како што соопштија од болницата ќе важат во следните 15 дена и доколку биде потребно ќе се продолжат, а воведени се „поради драстичното зголемување на случаите на коронавирусот во изминатите денови“.

Согласно последниот неделен извештај од Националната организација за јавно здравје на Грција за ситуацијата со Ковид-19 во земјата, објавен во четвртокот, во периодот од 1 до 7 јули регистрирана е зголемена активност на вирусот, зголемување има кај позитивноста на сите тестирани примероци, на хоспитализираните лица, како и на починатите.

За една седмица, со Ковид-19 биле хоспитализирани 575 лица, а бил регистриран 21 смртен случај.

The post Онколошка болница во Атина враќа дел од Ковид мерките appeared first on Република.

На две различни локации во источниот дел на областа Атика, поширокиот регион на Атина, попладнево се активни два големи пожари во кои интервенираат противпожарни сили од копно и воздух, а од бројот 112 за итни случаи беше испратена порака до жителите на околните населени места да се евакуираат, јави дописничката на МИА од Атина.

Едниот пожар е во областа Кератеа, каде што се активни четири различни жаришта, а огнените јазици се во делови што не се густо населени, меѓутоа пожарот зафати неколку куќи, додека, пак, со помош на полицијата околу 50 граѓани беа пренесени на безбедни локации.

Паралелно со овој, избувна и друг пожар во населбата Стамата, што исто така е во источниот дел на областа Атика и каде што имаше превентивни евакуации на населението.

И во двата пожари силниот ветер дополнително го отежнува гаснењето.

The post Два големи пожари во близина на Атина, жителите се евакуираат appeared first on Република.

Кусо пред 15 часот избувна голем шумски пожар на планината Парнита во северниот дел на областа Атика, поширокиот регион на Атина, интервенираат противпожарни сили од копно и воздух, а силниот ветер дополнително го отежнува гаснењето, додека пак, иако пожарот е во планински дел, сепак од бројот 112 за итни случаи беше испратена порака до жителите на околните населени места да бидат во состојба на готовност за евентуална евакуација, јави дописничката на МИА од Атина.

Портпаролот на противпожарната служба на Грција Василис Ватрахојанис попладнево информираше дека од воздух во справувањето со огнените јазици интервенираат четири авиони и осум хеликоптери, а над 100 пожарникари и 30 возила од областите Тесалија, Епир и северниот дел на Грција се упатуваат кон планината за да помогнат.

– Во областа на пожарот брзината на ветерот достигнува до 50 километри, а јачината надминува 100 километри на час. Овие услови, но и фактот што во областа има столбови со висок напон го отежнуваат работењето на воздушните средства. Поради оваа причина главно интервенираат хеликоптерите, рече Ватрахојанис.

Во гаснењето помагаат волонтери, цистерни и камиони од периферијата Атика и војската.

Планината Парнита беше зафатена од големи пожари лани во август, како и во текот на летото во 2021 година.

The post Голем шумски пожар на планина во северниот дел на областа Атика, поширокиот регион на Атина appeared first on Република.

Грчките пожарникари од копно и воздух се обидуваат да го стават под контрола големиот пожар во ниска вегетација во источниот дел на областа Атика, поширокиот регион на Атина, огнените јазици се во близина на домови и деловни објекти, а преку порака од бројот за итни случаи 112 беа евакуирани жителите на една населба, јави дописничката на МИА од Атина.

Противпожарните сили постојано се зголемуваат, интервенираат над 50 пожарникари со два пешадиски тима и 19 возила и со четири авиони и шест хеликоптери, додека пак силниот ветер дополнително го отежнува гаснењето.

Неофицијално, пожарот предизвика материјална штета на неколку објекти.

The post Голем пожар во источниот дел на областа Атика, поширокиот регион на Атина appeared first on Република.

Во фабрика која најверојатно е за производство за садови за готвење, што се наоѓа во северниот дел на областа Атика, поширокиот регион на Атина, изби голем пожар на кој му претходеле и експлозии, а голем црн час се шири во околните населби.

Интервенираат 45 пожарникари со 15 возила, како и хеликоптер кој помага во гаснењето од воздух.

The post Разорна експлозија и пожар во фабрика во Атина: 45 пожарникари и хеликоптер се борат со огнените јазици appeared first on Република.

– Под драконски безбедносни мерки, според портпаролката на грчката полиција на ниво на Олимписки игри, со ангажирани над 5.000 полицајци, дронови и хеликоптери, затворени улици околу стадионот „АЕК Арена“, неколку контролни зони за навивачите и специјален план на полицијата, денеска е Атина во пресрет на финалето на Конференциската лига меѓу Олимпијакос и Фиорентина, јави дописничката на МИА од Атина.

Натпреварот ќе се одигра на стадионот на АЕК „Опап арена“, сега преименуван во „АЕК Арена“ во атинската населба Неа Филаделфија, на кој ќе присуствуваат нешто повеќе од 27.000 гледачи.

Стадионот од неделата е затворен, откако беа направени и последните безбедносни проверки, а од грчката полиција вчера, на прес-конференција ги соопштија безбедносните мерки коментирајќи дека странува збор за „празник на спортот“ и Грција мора да се погрижи се да помине во најдобар ред „бидејќи сликите од Атина ќе се емитуваат ширум светот“.

Портпаролката на полиција Константина Димоглиду, говорејќи за државната телевизија ЕРТ утрово истакна дека Грција изготвила посебен оперативен план,

- Безбедносните мерки се на многу високо ниво. Би рекла дека се на ниво на Олимписки игри, рече Димоглиду.

За денешниот натпревар постојат три вида на билети, црвени, сини и бели, првите се за навивачите на Олимпијакос вторите за оние на Фиорентина, а неутралните гледачи имаат бели билети.

Согласно мерките на полицијата предвидени се две различни места за собирање на навивачите на двата тима т.н. Fan Meeting Points, а движење на навивачите ќе биде контролирано, со полициска придружба и со линија од метрото и автобуси кои ќе сообраќаат само за натпреварот и за оние кои имаат билети.

Навивачите на Олимпијакос планирано е да се соберат на специјално одреден простор во близина на спортската сала во Пиреас, од каде организирано ќе се упатат накај стадионот, додека пак збирното место за навивачите на Фиорентина е во друг дел од Атина, на Олимпискиот стадион и под строги безбедносни мерки ќе бидат транспортирани до стадионот со автобуси.

Оние со бел билет, неповрзани со двата тима, ќе можат да ја користат специјалната метро линија.

Сторги ќе бидат мерките и вон и во стадионот, а на сите гледачи со обезбеден билет при влезот ќе им се вршат неколку проверки.

Паралелно, ќе бидат затворени и улиците во околината на стадионот, додека пак жителите на конкретната населба, добија специјални акредитации за движење.

Навивачите на Олимпијакос, кои не обезбедија билет за финалето, натпреварот ќе можат да го следат на големи видеобинови поставени на три различни локации во Пиреас, предградието на „црвено-белите“, каде што, доколку тимот ја победи Фиорентина и ја освои Конференциската лига, ќе се одржи и прославата.

Токму учеството на Олимпијакос во финалето предизвика особено голем интерес во Грција, а градот, веќе пулсира во ритамот на утрешното финале.

Како што вчера објави МИА, на плоштадот „Коѕиа“ пред општинската зграда во центарот на Атина започна „UEFA Europa Conference League Fan Festival“ за фудбалските фанови со поставени фудбалски терен, разни фудбалски игри за најмладите, но и постарите, а она што е најинтересно за сите – пехарот што ќе го добие победникот.

Навивачите на двата тима, но и неутралните љубители на фудбалот, имаат можност да се сликаат со пехарот, до кој се поставени и официјалните дресови на Олимпијакос и Фиорентина.

The post Во Атина пиле не смее да прелета пред финалето на Лигата на конференции appeared first on Република.

Голем број училишта во Атина денеска добиле мејлови со заканувачка содржина за поставена бомба, а според грчката полиција испраќачот е од странство и веројатно намерата е да се создаде вознемиреност, јави дописничката на МИА од Атина.

Според грчките медиуми, мејловите биле испратени во најмалку 35 училишта во различни делови на Атина и најверојатно зад нив стои Русин познат по фарси.

Од грчката полиција соопштија дека постоела брза мобилизација во соработка со Министерството за образование и самите училишта за спроведување соодветната контрола, додека пак Дирекцијата за борба со електронски криминал води истрага за откривање на испраќачот.

Пораката се чини дека доаѓа од земја од странство, а масовното испраќање, дури и до училишните единици кои денеска не функционираат, покажува дека целта на пораката е да создаде вознемиреност и да го разниша чувството на безбедност кај граѓаните, соопштија од грчката полиција.

The post Mасовни заканувачки мејлови до училишта во Атина: Пораките биле испратени од странски земји appeared first on Република.

Денешното финале на УЕФА Конференциската лига меѓу Олимпијакос и Фиорентина што ќе се одржи во Атина, предизвика особено голем интерес во Грција, не само поради тоа што грчката метропола е домаќин, туку и поради тоа што еден од финалистите се црвено-белите од Пиреас, а градот веќе пулсира во ритамот на утрешното финале, јави дописничката на МИА од Атина.

Натпреварот ќе се одигра на стадионот на АЕК „Опап арена“, сега преименуван во „АЕК Арена“ на кој ќе присуствуваат нешто повеќе од 27.000 гледачи, а Атина од денеска се подготвува за финалето, како во забавниот дел, за љубителите на фудбалот, така и во безбедносниот, за се да помине во најдобар ред.

Дописничката на МИА од Атина ги посети двете главни локации во пресрет натпреварот – плоштадот „Коѕиа“ пред општинската зграда во центарот на Атина каде што утрово започна „UEFA Europa Conference League Fan Festival“ и стадионот во атинската населба Неа Филаделфија.

На дводневниот фестивал за фудбалските фанови поставени се фудбалски терен, разни фудбалски игри за најмладите, но и постарите, а она што е најинтересно за сите – пехарот што ќе го добие победникот.

Навивачите на двата тима, но и неутралните љубители на фудбалот, имаат можност денеска и утре да се сликаат со пехарот, до кој се поставени и официјалните дресови на Олимпијакос и Фиорентина.

- Се сликав со пехарот бидејќи утревечер ќе биде наш. Сигурно е дека ќе го освоиме, вели за МИА млад Грк кој со дрес од Олимпијакос се сликаше со трофејот, изразувајќи убеденост дека атинскиот тим ќе биде убедлив во дуелот со Фиорентина.

И додека во фан зоната пред општината е раздвижено и опуштено, на десетина километри од центарот на Атина во северозападниот дел на градот е мирно, стадионот АЕК арена е под драконски безбедносни мерки и никој, без соодветна акредитација не може да се доближи.

Стадионот од неделата е затворен откако беа направени и последните безбедносни проверки, утрово тренинг одржаа фудбалерите на Олимпијакос, а попладнево првиот тренинг ќе го имаат гостите од Фиренца.

Од грчката полиција денеска, на прес-конференција ги соопштија безбедносните мерки за утрешниот натпревар, коментирајќи дека странува збор за „празник на спортот“ и Грција мора да се погрижи се да помине во најдобар ред „бидејќи сликите од Атина ќе се емитуваат ширум светот“.

Портпаролката на полиција Константина Димоглиду информираше дека мерките предвидуваат две различни локации за собирање на навивачите на двата тима т.н. „Fan Meeting Points“, а движење на навивачите ќе биде контролирано, со полициска придружба и со линија од метрото и автобуси, што ќе сообраќаат само за натпреварот и за оние кои имаат билети.

Навивачите на Олимпијакос имаат црвени билети, на Фиорентина сини, додека пак неутралните гледачи имаат бели билети.

Навивачите на Олимпијакос планирано е да се соберат на специјално одреден простор во близина на спортската сала во Пиреас, од каде организирано ќе се упатат накај стадионот, додека пак збирното место за навивачите на Фиорентина во друг дел од Атина, на Олимпискиот стадион и под строги безбедносни мерки ќе бидат транспортирани до стадионот со автобуси.

Оние со бел билет, неповрзани со двата тима ќе можат да ја користат специјалната метро линија.

Строги ќе бидат мерките и вон и во стадионот, а на сите гледачи со обезбеден билет при влезот ќе им се вршат неколку проверки.

Паралелно, од утре наутро ќе бидат затворени и улиците во околината на стадионот, додека пак жителите на конкретната населба, според грчките медиуми добиле специјални акредитации за движење.

Според истите информации, за безбедноста ќе се грижат над 5.000 полицајци, хеликоптери, дронови, додека пак една атинска болница нема да работи со други пациенти и утре ќе биде во готовност во случај да биде потребна масовна интервенција.

The post Атина ќе гори: Денеска се игра финалето на Конференциската лига appeared first on Република.

Грчката полиција во Атина уапсила две лица, странски државјани, кои пуштале во продажба медицински маски и ковид тестови на кои им ги менувале датумите на производство и рокот на траење, а процените се дека нелегално се стекнале со 1,6 милиони евра, јави дописничката на МИА од Атина.

Биле откриени и одземени 351.000 селф тестови за Ковид, 2.500.000 медицински маски и 120.000 налепници-етикети од странска фармацевтска индустрија.

- Според Националната агенција за лекови, промената на датумите на производство и на траење, како и условите за складирање, транспорт и ракување со производите, ги прават медицинските маски и тестови опасни за јавното здравје, соопштија од грчката полиција.

The post Во Атина уапсени две лица кои пуштале во продажба ковид тестови и медицински маски со изменет рок appeared first on Република.