Тимовите од Генералниот секретаријат за санација на штетите од елементарни непогоди на Министерството за климатски кризи и цивилна заштита на Грција, во голем дел ја завршиле евиденцијата и процените на штетите од големиот пожар во североисточниот дел на областа Атика, поширокиот регион на Атина и 104 домови се класифицирани како несоодветни или привремено несоодветни за користење, јави дописничката на МИА од Атина.

Од Министерството за климатски кризи и цивилна заштита на Грција соопштија дека тимовите извршиле проверки во општините зафатени од пожарите и досега биле проверени 184 објекти, од кои 158 куќи, 21 магацин, два јавни објекти и три деловни простории.

Проверките покажале дека 40 куќи се класифицирани како несоодветни за употреба и треба да се срушат, 64 се привремено несоодветни и потребна е поправка, додека пак 54 куќи биле окарактеризирани како погодни за употреба со помали оштетувања.

Од Министерство за климатски кризи и цивилна заштита на Грција посочија дека проверките ќе продолжат и во следните денови во поширокиот регион на Атика.

Пожарот во близина на Атина што избувна во неделата попладне и 40 часа подоцна беше целосно изгорен зафати површина од околу 10.000 хектари и предизвика штета на голем број објекти.

The post Пожарот ја пеплоса Атика: 104 куќи целосно или привремено несоодветни за користење appeared first on Република.

Кусо пред 15 часот избувна голем шумски пожар на планината Парнита во северниот дел на областа Атика, поширокиот регион на Атина, интервенираат противпожарни сили од копно и воздух, а силниот ветер дополнително го отежнува гаснењето, додека пак, иако пожарот е во планински дел, сепак од бројот 112 за итни случаи беше испратена порака до жителите на околните населени места да бидат во состојба на готовност за евентуална евакуација, јави дописничката на МИА од Атина.

Портпаролот на противпожарната служба на Грција Василис Ватрахојанис попладнево информираше дека од воздух во справувањето со огнените јазици интервенираат четири авиони и осум хеликоптери, а над 100 пожарникари и 30 возила од областите Тесалија, Епир и северниот дел на Грција се упатуваат кон планината за да помогнат.

Во областа на пожарот брзината на ветерот достигнува до 50 километри, а јачината надминува 100 километри на час. Овие услови, но и фактот што во областа има столбови со висок напон го отежнуваат работењето на воздушните средства. Поради оваа причина главно интервенираат хеликоптерите, рече Ватрахојанис.

Во гаснењето помагаат волонтери, цистерни и камиони од периферијата Атика и војската.

Планината Парнита беше зафатена од големи пожари лани во август, како и во текот на летото во 2021 година.

The post Голем шумски пожар на планина во северниот дел на областа Атика appeared first on Република.

Грчките пожарникари од копно и воздух се обидуваат да го стават под контрола големиот пожар во ниска вегетација во источниот дел на областа Атика, поширокиот регион на Атина, огнените јазици се во близина на домови и деловни објекти, а преку порака од бројот за итни случаи 112 беа евакуирани жителите на една населба, јави дописничката на МИА од Атина.

Противпожарните сили постојано се зголемуваат, интервенираат над 50 пожарникари со два пешадиски тима и 19 возила и со четири авиони и шест хеликоптери, додека пак силниот ветер дополнително го отежнува гаснењето.

Неофицијално, пожарот предизвика материјална штета на неколку објекти.

The post Голем пожар во источниот дел на областа Атика, поширокиот регион на Атина appeared first on Република.

Во последните седум години, односно од 2017 година до крајот на јули годинава, во 11 големи пожари во грчката областа Атика, поширокиот регион на Атина, изгореле над 55.000 хектари, односно 23 отсто од вкупната површина на конкретната периферија, пренесува порталот Метео на грчката Национална опсерваторија, јави дописничката на МИА од Атина.

„Метео“ ги анализира податоците од службата за брзо мапирање Коперник и Европската опсерваторија за шумски пожари и пишува дека најголема површина во Атика изгорела во 2017 година (25.870 хектари), а годинава, до крајот на јули изгореле 15.610 хектари.

Горенаведените алармантни бројки за Атика ја истакнуваат потребата од целосно редефинирање на стратегијата за управување со шумските пожари во нашата земја. Конкретно, управувањето со шумските пожари бара интегриран пристап што ќе вклучува врвни знаења од различни науки, вклучувајќи ја и метеорологијата за пожари, пишува „Метео“.

The post За седум години пожарите изгореле 23 отсто од вкупната површина на Атика appeared first on Република.

Преку порака од бројот 112 за итни случаи беше побарано од жителите на четири населби во источниот дел на областа Атика, поширокиот регион на Атина превентивно да се евакуираат поради големиот пожар што сè уште не е ставен под контрола, а неофицијално огнените јазици веќе се блиску до домови, јави дописничката на МИА од Атина.

Портпаролот на противпожарна служба на Грција Јанис Артопиос на вонредниот брифинг рече дека во делот зафатен од пожарот дува силен ветер, што го отежнува гаснењето од воздух.

Соопшти дека интервенираат 150 пожарникари, меѓу кои и 31 пожарникар од Романија, шест пешадиски тима, 40 возила, како и седум авиони и четири хеликоптери од кои еден е за координација.

Исто така, мобилизирани се и полициски сили за, како што рече, превентивна, безбедна и организирана евакуација на жителите.

Од бројот 112 за итни случаи до жителите на населбите во близина на пожарот беа испратени вкупно четири пораки од кои три беа за евакуација.

Во исто време со пожарот во близина на Атина, активен е уште еден пожар на Пелопонез во близина на Коринтскиот канал, каде што исто така интервенираат голем број пожарникари од копно и воздух, а и таму, превентивно беа евакуирани населби.

The post Вон контрола пожарот во источниот дел на областа Атика, евакуирани четири населби appeared first on Република.