Директорот на Државниот завод за статистика, Апостол Симовски, при гостувањето во Тема на денот на ТВ Сител, се осврна на техничката грешка во однос на податоците од верската определба во Пописот за 2021 година, за која кажа дека се извиниле и дека таа е искоригирана.

Во однос на верската определба искорегиравме една техничка грешка којашто ја направивме првиот ден на објавување на соопштението. Ни се промакна да не приметиме дека сме направиле пермутација во полето за атеисти и евангелисти методисти. Луѓе сме и ние од крв и од месо и може да се погреши, а човечки е и да си ја признаеме грешката и да се извиниме. Апсолутно ни е жал што настана таква грешка и затоа си ја признаваме и се извинуваме. Не сакавме тоа да се случи, меѓутоа се случи, не можеме да го вратиме филмот назад - изјави Симовски.

Според првично објавените пописни податоци на Државниот завод за статистика (ДЗС), беше наведено дека вкупно 355 лица се изјасниле како атеисти, но сега е направена корекција и нивниот број е 8.764 лица.

Прашан за бројката од 242.579 граѓани кои на пописот се изјасниле само како христијани, Симовски изјави дека како одговориле граѓаните така е запишан нивниот одговор.

Попишувачот не смееше да се меша во одговорот на испитаникот. Им беше забрането да се мешаат и да сугерираат одговори. Како е даден одговорот, така се запишало. 240 илјади и кусур граѓани се изјасниле како христијани, претпоставувам мислејќи дека се подразбира кога ќе кажат христијани на што се мисли меѓутоа ние мораме да го запишеме податокот прецизно - изјави Симовски.

The post Симовски: Направена е техничка грешка при презентирањето на бројот на атеисти appeared first on Република.

При објавувањето на податоците од пописот во делот на религиозната припадност, беше направена техничка грешка, па така како граѓани кои се изјасниле како атеисти беше наведена бројката од 355, наместо 8.764 лица кои се изјасниле дека не се верници, изјави за МКД.мк Апостол Симовски, директор на Државен завод за статистика.

Симовски во изјавата за МКД.мк нагласи дека станува збор за замена на местата на бројките, односно наместо евангелисти - методисти било наведено „атеисти“. Тој додава дека со последниот попис е заведена и графа за агностиците, зашто така барале да бидат заведени тие граѓани (1 964 лица).

Тој нагласи дека другите податоци се во ред и дека граѓаните можат сите податоци кои се во нивен интерес да ги пронајдат во МакСтат базата на Заводот за статистика.

The post Симовски: Во Македонија нема 355, туку 8.764 атеисти, направивме печатна грешка и ја исправивме appeared first on Република.

Директорот на Државниот завод за статистика Апостол Симовски не е запознаен со промените во пописните резултати во делот за религиската припадност.

Ќе провериме за што станува збор и ќе бидете известени во понеделник, најверојатно се работи за техничка грешка, но мора да провериме, вели тој за „Слободен печат“.

Според новата табела која од вчера е достапна на официјалната страница на ДЗЦ, има промена на бројот на атеисти каде првичната бројка беше дека само 355 лица во земјата се изјасниле како атеисти, додека сега бројката е 8.764.

https://republika.mk/vesti/makedonija/od-355-ateistite-stanaa-8-764-ima-li-pogolem-dokaz-od-ova-za-kakov-falsifikat-se-raboti/

Во оваа табела „исчезна“ и графата Евангелско-протестантски христијани каде претходно беа впишани 8.764 лица. Од табелата мистериозно исчезнаа и попишаните лица чија по верска определба чија бројка беше помала од 500, па така ги „снема“ и попишаните лица кои се изјасниле како Евреи.

The post Симовски не знаел зошто се изменети резултатите од пописот appeared first on Република.

Криминалците од власта ги корегираат резултатите од пописот во од и си измислуваат бројки!, реагира пратеникот Борислав Крмов од Левица, споделувајќи нови резултати од пописот каде наместо првичните 355 граѓани кои се изјаснале како атеисти, сега станаа 8.764.

https://republika.mk/vesti/makedonija/popis-budisti-i-jehovini-svedoci-ima-povekje-od-ateisti/

Има ли поголем доказ од ова за каков фалсификат се работи!? Каков е овој попис, по нарачка ли? Ова е невиден скандал!
Оваа лакрдија веднаш да се поништи!
Сите ќе одговарате!, потенцираше Крмов.

The post Од 355 атеистите станаа 8.764: Има ли поголем доказ од ова за каков фалсификат се работи!? appeared first on Република.