Турскиот претседател Реџеп Таип Ердоган утре во Астана ќе се сретне со рускиот претседател Владимир Путин, соопштија денеска неименувани турски претставници.

Средбата ќе се реализира на маргините на регионалниот самит во главниот град на Казахстан.

Турскиот министер за надворешни работи Мевлут Чавушоглу денеска ги повика Русија и Украина на одржлив прекин на огнот.

Турција, која има неутрална позиција од почетокот на руската инвазија на Украина, претходно понуди да посредува во почнувањето на преговорите меѓу Киев и Москва.

Русија вчера изврши неколку десетици напади врз цели во Украина, како одмазда за експлозијата на мостот на Крим од саботата. Во нападите вчера загинаа најмалку 19 лица.

The post Ердоган и Путин утре ќе се сретнат во Астана appeared first on Република.

Претседателот на Казахстан, Касим-Жомарт Токаев денеска потпиша закон со кој се враќа старото име на главниот град, Астана.

Законот е дел од уставните измени што ги потпиша Токаев, меѓу кои и продолжување на претседателскиот мандат на седум години без можност за реизбор. Досега мандатот на шефот на државата беше пет години со можност за реизбор.

Парламентот на Казахстан вчера гласаше и ги усвои уставните амандмани.

Астана од 2019 година беше именувана во Нурсултан, во чест на поранешниот Нурсултан Назарбаев. Промената на името на главниот град на Казахстан е индикатор за дистанцирање од Назарбаев

The post Главниот град на Казахстан го врати старото име – Астана appeared first on Република.