Ситуацијата во Тајван може да доведе погрешни пресметки, сериозна конфронтација, отворени конфликти и непредвидливи последици за големите сили, предупредија денеска министрите за надворешни работи на Асоцијацијата на нации од Југоисточна Азија (АСЕАН) од средбата во главниот град на Камбоџа, Пном Пен.

Шефот на кинеската дипломатија Ванг Ји денеска во Пном Пен ќе се сретне со претставниците на АСЕАН, како и со американскиот колега Ентони Блинкен.

Кинеската армија денеска ги почнаа најголемите воени вежби во нивната историја околу Тајван, по 24-часовната посета на претседателката на американскиот Претставнички дом Ненси Пелоси на Тајван.

Министерството за одбрана на Тајван денеска соопшти дека во текот на ноќта неидентификувани авиони, најверојатно беспилотни летала, прелетале над регионот на островите Кинмен.

The post АСЕАН: Ситуацијата во Тајван може да доведе погрешни пресметки, сериозна конфронтација, отворени конфликти и непредвидливи последици appeared first on Република.

Земјите од Југоисточна Азија денеска изразија длабока загриженост поради конфликтот во Украина и повикаа на дијалог, но не го осудија нападот на Русија.

Министрите за надворешни работи на 10-те членки на Асоцијацијата на нации од Југоисточна Азија (АСЕАН) побараа од конфликтните страни да направат напори за воспоставување дијалог, пред ситуацијата да излезе од контрола.

Одговорност на сите страни е да ги почитуваат принципите на почитување на взаемниот суверенитет, територијалниот интегритет и еднаквите права на сите народи, соопшти АСЕАН, пренесува АП.

Членки на АСЕАН се Индонезија, Филипини, Виетнам, Тајланд, Сингапур, Брунеи, Камбоџа, Лаос, Малезија и Мјанмар.

The post Десет земји од Југоисточна Азија одбија да ја осудат Русија appeared first on Република.