Коалицијата ВЛЕН ја изразува својата непоколеблива посветеност да спречи секоја форма на корупција и злоупотреба на довербата на граѓаните.Тие бараат да има одговорност за случајот „Лотарија“.

Со поништувањето на договорот помеѓу компанијата „ХЕЈ ДООЕЛ“ и Државната Лотарија, се отвора пат за одговорност на сите оние кои профитирале преку оваа шема на корупција.  Им  упатуваме повик на обвинителството и другите инстанции да преземат соодветни чекори за целосно расветлување на овој срамен скандал кој нанесе големи штети врз нашето општество.

Нивната реакција доаѓа откако вчера владата го раскина договорот со фирмата „Хеј“ на Пуцко Петрол за ресторанот за свадби што го користеше Државна лотарија.

https://republika.mk/vesti/makedonija/vladata-go-raskina-dogovorot-so-restoranot-za-svadbi-na-putsko-petrol-shto-go-koristeshe-drzhavna-lotarija/?fbclid=IwY2xjawFYsOFleHRuA2FlbQIxMQABHaUsLToUQ2aLVgyOHpxyUbGhZs2o-9sBfRh5jzzlMpTYIexYhLm3RlroEA_aem_hwdwEtBvK373RyrXzgx-VQ

Од ВЛЕН потенцираат дека Артан Груби, како глава на овој распаднат систем, и Перпарим Бајрами, неговата десна рака во индустријата за коцкање, се симболи на една империја изградена врз корупција, која ги крши правата на чесните граѓани на оваа земја.

Овие индивидуи, тесно поврзани со раководството на ДУИ, проектирале иуправувале со структурирана мрежа со цел лично богатење и на нивните најблиски.  Уверени сме дека ова е само врвот на ледениот брег. Секој чекор кон уништувањето на оваа империја изградена врз коцкање и корупција, е важен чекор за правдата.

На правосудните органи и обвинителството им е отворена вратата за да ги изнесат пред правдата оние што ја изградиле оваа шема. Нема враќање!  Ќе се бориме до крај против оваа епидемија на коцкање и корумпирани шеми на политичките казиномани. Артан Груби и Перпарим Бајрами, заедно со сите оние кои профитирале преку овој валкан пат, ќе одговараат пред правдата и пред народот.

The post Артан Груби е главата во индустријата за коцкање appeared first on Република.

Иако го споменуваат само со иницијали, евидентно е дека од ВРЕДИ одговорноста за скандалот на скопскиот аеродром ја лоцираат кај лица блиски до Артан Груби. Велат дека не би биле зачудени ако зад инцидентот стои токму тој, пренесува „360 степени“.

Владејачката коалиција партии на Албанците – ВРЕДИ смета дека партијата на Ахмети ДУИ свесно и со умисла се обидува да манипулира со јавноста. Косовските власти јасно и недвосмислено изразија сомневање дека инцидентот е намерно испровоциран со цел влошување на билатералните односи со Косово.

Владејачката коалиција на партиите на Албанците – ВРЕДИ смета дека Демократската Унија за интеграција свесно и со умисла се обидува да манипулира со јавноста, имајќи предвид дека косовските власти јасно и недвосмислено изразија сомневање дека инцидентот е намерно испровоциран со цел да се влошат билатералните односи меѓу Македонија и Косово.

Иако не сакаат да ја попречуваат истрагата која што е во тек, од ВРЕДИ оценуваат дека поради паничните соопштенија кои ги испраќа ДУИ, тие мора да постават отворени прашања за можната вмешаност на кадри од партијата на Ахмети во инцидентот. Велат дека не случајно вчера напоменале дека нема да бидат зачудени доколку луѓе блиски до лицето А.Г. познато по масивна политичка корупција и казино бизниси, биле замешани на некаков начин во аеродромскиот инцидент.

Повод за тоа, според нив е фактот дека пред и за време на предизборната кампања ДУИ отворено покажуваше незадоволство од отсуството на политичка поддршка за нивната платформа од косовските државни функционери.

„Кое е вработеното лице на аеродромот кое објавува фотографии на социјалните мрежи со лицето А.Г. а се појавило на местото на инцидентот и со кои намери и причини? Колку криминал имаат направено поранешни функционери на ДУИ кога на ваков подмолен начин се обидувате да ја вовлечете претседателката на Косово во обид да креирате тензии и да ги направите Албанците заложници, за да се спасите од правосудна одговорност?“, ги прашуваат од ВРЕДИ нивните опоненти од ДУИ.

Од ВРЕДИ им порачуваат дека тоа нема да им помине и ќе мора да се соочат со вистина, која откако ќе биде обелоденета ќе ја засрами политичката партија на Ахмети.

Претходно, ДУИ побара политичка одговорност за скандалот да преземат собранискиот спикер Африм Гаши бидејќи по негов налог, диво и недоволиво на скопскиот аеродром се однесувал шефот на неговото обезбедување, како и заменик министерот во МВР Астрит Исени, кој воопшто не бил информиран за скандалот.

The post ВРЕДИ му возвраќа на ДУИ: Да не излезе дека блиски на Артан Груби се вмешани во инцидентот на скопскиот аеродром appeared first on Република.

Поранешниот вицепремиер од редовите на ДУИ, Артан Груби, преку „Фејсбук“ побара прошка од претседателката на Косово Вјоса Османи за случувањата на скопскиот аеродром.

Косово, прости ни! Од газда на куќа во кираџија, од одлучувач до слуга, од горд до ракобакнувач, од достоинствен до без’рбетен, од бел образ до црн образ, од упатен до неук, од храбар до кукавица, од владеење во служење, од победник во губитник, од Европа и Америка до Русија и Србија, од Али Ахмети до Иван Стоилковиќ, напиша тој.

На ова реагира Ивор Мицковски, кој му порача дека од грешно место бара прошка.

Артан Груби бара прошка од Косово.
Од Македонија треба да побараш прошка, за 22 години безочен криминал, уништена држава и поделби, вели Мицковски.

The post Мицковски: Груби, од Македонија треба да побараш прошка, не од Косово appeared first on Република.

Кога следен пат ќе зборат за наводни криминалци прво нека си заметат во својот двор, патем и нека уклучат шмрк, реагира ВМРО-ДПМНЕ откако СДСМ обвини дека Владата правела пиши-бриши на соопштенијата под притисок на јавноста во врска со назначувањето на Ибрахим Ељези е именуван за в.д. заменик директор на Идризово, одделение во Велес.

„Кога СДСМ ја гледа политиката низ призма на аквариумска риба со помнење од 3 минути и сака да освои ситни поени преку ниски страсти ќе одржи прес конференција каде ќе нападне свој довчерашен сопартиец и ќе излаже дека екс осуденик станал директор на затвор. Но истата оваа партија ќе молчи кога Филип Андов Сокол партиски кадар на СДСМ и директор на затворот Шутка му ги собира затворениците Управата за извршување санкции додека тој ги пушта. Истата партија каде Ден Дончев беше реформски кадар кој ги наполни џебовите и ја дувна во Австралија, или пак главен коалициски партнер и сродна душа во политиката им е ДУИ каде главни ликови се Артан Груби, внучето на Ахмети Дрин, и самиот Ахмети. Зошто СДСМ и Филипче не кажат збор за тоа што лиценците за игри на среќа се доделени на две фирми, од која едната струмичка блиска директно до Вице Заев, се доделени со потписот на Артан Груби. Ете така здушно функционира пљачкачката банда СДСМ – ДУИ“, се наведува во реакцијата на ВМРО-ДПМНЕ.

СДСМ попладнево истакна дека во владино соопштение до медиумите од 24 јули, самата Влада соопштила дека Ибрахим Ељези е именуван за в.д. заменик директор на Идризово, одделение во Велес, каде се наведни и други назначувања.

„Тоа соопштение го имаат сите медиуми и денешната реакција на истата прес служба дека не бил именуван е смешна. Впрочем врз основа на ова владино соопштение медиумите и ја пренесоа веста за неговото именување. Зарем денеска Владата на Мицкоски сака да каже дека медиумите сами си ја измислија веста? До толку несериозно, неодговорно однесување од Владата со потценување на јавноста и на медиумите досега не е забележано. Тоа што си правеле пиши-бриши на соопштенијата под притисок на јавноста Владата треба да одговори дали и реално значи дека Владата е пишман и за други одлуки? Кое друго име е избришано од најавените назначувања за директори“, се наведува во соопштението на СДСМ.

The post Што ќе каже Филипче на тоа дека Груби му потпишувал лиценци за игри на среќа на Вице Заев appeared first on Република.

Во Министерство за политички систем и односи меѓу заедниците незаконски се снимале вработените, објави Канал 5. Новиот министер Иван Стоиљковиќ за телевизијата потврди дека биле направени проверки и биле утврдени „некакви неправилности“. Тој посочи дека е ангажирана фирма која се грижи за системот која забележала неправилности кои веќе се предадени на истражните органи.

Телевизијата пренесува дека до неа но и на социјалните мрежи се појавуваат анонимни писма со обвинувања дека поранешниот прв вицепремиер и министер Артан Груби наводно незаконски ги снимал и следел своите вработени преку надзорни камери и дека тоа го правел и преку далечинско управување. Дополнително пишува и дека снимките од хард-дисковите се избришани пред Груби да ја напушти позицијата, воедно и дека за видео надзорот била задолжена надворешна компанија, која сега е фантомска.

Новиот министер Иван Стоиљковиќ потврди дека по направените проверки биле утврдени „некакви неправилности“ и посочи дека ангажирана фирма која се грижи за системот забележала неправилности кои веќе се предадени на истражните органи.

„Па надворешен упад во системот на камери во министерството за односи помеѓу заедниците, така што некој констатно од различните ип-адреси во системот и набљудувал што се случува внатре во министерството, ги набљудувал вработените и така натаму, тоа фирмата која е задолжена за таа работа, која го опслужува системот го установила и го дала во својот извештај, со докази нормално и ние тие докази сме ги проследиле до управата“, изјави Стоиљковиќ.

Тој не ја исклучува можноста и самиот Груби како министер да го правел тоа.

„Со оглед на тоа каква состојба начекавме во министерството, сѐ е можно“, вели Стоиљковиќ

Телевизијата стапила во писмен контакт и со поранешниот министер Артан Груби, кој обвинувањата ги нарекол апсолутна невистина и додал дека институцијата си имала видео-надзор како што било монтирано при изградбата на објектот, од компанијата уште пред да стапи тој на функција, а камери имало само во ходниците, влезовите и на законски дозволени места, што биле инсталирани уште во времето на претходната владата на ВМРО-ДПМНЕ, а камерите биле под надлежност на обезбедувањето определено од МВР во нивна канцеларија без тој да има било каков пристап во било кое време и под било какви околности.

The post Стоиљковиќ: Утврдени се неправилности со снимање на вработени во Министерството за политички систем appeared first on Република.

Принципот на правична застапеност воопшто не важел во Министерството за политички систем, што доскоро беше превдодено од Артан Груби, открива новиот министер Иван Стоилковиќ, кој во интервју за „Канал 5“ ги покажува списоците на кои се гледа дека иако над 90% од вработените се Албанци, дел од нив се декларирале како Македонци за вештачки да се намали процентот.

Од вкупно 294 вработени само 5-мина се Македонци, покажува увидот. 99 луѓе се декларирале како Македонци иако очигледно се од албанска националност. 184 лица кои не доаѓале на работа, ќе бидат дислоцирани од министерството до крајот на годината, истакна меѓудругото министерот Стоилковиќ.

Тој најави и посебна ревизија на сите кои биле вработени првично преку ова министерство, а потоа биле распределувани по останатите институции.

Целиот разговор тука

The post Башким и Ветон и илјадници други „Македонци“ кои Груби ги вработувал во неговото министерство, па ги префрлал низ институции appeared first on Република.

Пратениците од Влен и ВМРО-ДПМНЕ денеска поднесоа барање за автентично толкување на член 7 став 3 од Законот за игрите на среќа и за забавните игри, со цел да добијат прецизно толкување дали одлуката на претходната влада и раководството на државната лотарија за интернет игрите на среќа има законска основа.

Пратеникот од коалицијата Вреди Халил Снопче денеска на прес-конференција посочи оти нивните правни тимови се убедени дека одлуките за формирање на три нови компании за организирање на интернет игри на среќа се целосно без законски основ.

-Благодарение на погрешните, неодговорни и коруптивни одлуки на претходната влада, преку отворање на три нови компании за организирање на интернет игри на среќа, коцкањето преку мобилните уреди и компјутерите влезе и во домовите и младината стана уште полесна цел. Затоа, очекуваме Владата да го поткрепи ова наше правничко толкување, уверување, со соодветно мислење, кое Законодавно правната комисија ќе го преточи во автентично толкување, кое пак ќе овозможи затворање на интернет игри на среќа, и тоа веднаш, рече Снопче.

Тој напомена дека следната точка од планот за справување со штетните последици од игрите на среќа е покренување со соодветни правосудни постапки за докажување на злоупотреби на службената положба и овластување на сите надлежни органи кои учествувале во донесување на незаконските одлуки поврзани со организирање на различни видови игри на среќа.

-Со оглед на фактот дека формиравме работна група, очекуваме во разумен рок Владата да му предложи на Собранието нов Закон за игри на среќа и забавните игри кој ќе содржи низа одредби, со кои сме сигурни дека бројот на постоечки објекти за игри на среќа ќе се намали минимум за половина, додаде Снопче.

Како што рече, во рамките на владејачката коалиција постои политички волја овој план да се спроведе во целост.

The post ВМРО-ДПМНЕ и Влен поднесоа барање за автентично толкување на измените на Законот за игри на среќа на Груби appeared first on Република.

Најблискиот соработник на Ахмети, поранешниот прв вицепремиер Артан Груби нема да бара апанажа и се враќа назад на своето старо работно место - Тетовскиот универзитет каде предава на факултетот за новинарство.

На клиника, поточна на дигестивна хирургија се враќа и Бујар Османи додека неговите колеги од ДУИ, Бесими и Бектеши засега не се одлучиле дали ќе побараат апанажа. На исто мислење е и поранешниот министер Кренар Лога додека Азир Алиу вели дека ќе се врати во приватниот информатички сектор,

Досега само Јетон Шаќири побарал апанажа од причини како што вели тој на министерското место дошол од позицијата директор на „Водовод“ – Струга, бидејќи директорската функција не може да се стави во мирување, Шаќири вели дека нема старо работно место и затоа побарал апанажа.

Од поранешните функционери во Владата на Ковачевски апанажа побарал само Бојан Маричиќ кој вели дека останал без работа откако си дал отказ од работното место пред да влезе во Владата.

Ексвицепремиерката за добро владеење Славица Грковска веќе се вратила на старото работно место во МВР , како и ексминистерката за животна средина Каја Шукова.

The post Груби професор на факултет, Османи на Клиника, Грковска и Шукова на старите работни места, Шаќири и Маричиќ побарале апанажа appeared first on Република.

Поранешниот вицепремиер Артан Груби во Германија ја бодри репрезентацијата на Албанија на Европското првенство во фудбал. Вчера го следеше мечот на Албанија против Хрватска, на кој еден од играчите ги пцуеше Македонците.

https://republika.mk/sport/fudbal/novo-video-ushte-edna-navreda-od-albanskite-navivachi-za-makedontsite-gi-narekuvaat-shkiji/

Таму се и неговите „Шверцери“, навивачите на ФК Шкупи од Македонија, кои ја бодреа англиската репрезентација кога таа играше против Србија.

На вчерашниот меч, пак, покрај извиците „Убиј Србина“, која ги спои албанските и хрватските навивачи, фудбалерот Мирлинд Даку по мечот на разглас извикуваше „Qifsha Maqedonien“ додека навивачите ракоплескаа.

https://republika.mk/sport/fudbal/ffm-pobara-albanskiot-reprezentativets-da-se-izvini-za-navredite-ke-se-zhalat-i-vo-uefa/

The post Груби ја бодреше Албанија на мечот на кој се пцуеја Македонците appeared first on Република.

Репрезентацијата на Албанија има поддршка и од политичарите од албанско етничко потекло од Македонија. Па така, во Германија на Европското првенство отпатуваа некогашниот прв вицепремиер Артан Груби и лидерот на Алијанса за Албанците Зијадин Села.

[caption id="attachment_788313" align="alignnone" width="380"] фото Скопје 1[/caption]

Тие во албански дрес навивата за својата, албанска репрезентација.Стајлинот на Села беше збогатен и со кече.

Поддршка за репрезентација како „наш национален тим“ дадоа и Билал Касами и Арбен Таравари.

The post Груби и Села во Германија навиваат за својата, албанска репрезентација appeared first on Република.

Претседателот на Демократската унија за интеграција Али Ахмети денеска се сретна со заменик министерката за надворешни работи на Грција Александра Пападопулу која е во посета на Скопје и учествуваше на состанокот на министрите за надворешни работи на Процесот за соработка во Југоисточна Европа.

Изборите, Охридскиот договор и легитимитетот, европската перспектива на земјата и потребата од натамошна поддршка од Грција, беа дел од разговорот меѓу Ахмети и Пападопулу.

Двете земји како сојузници и партнери играат клучна улога во обезбедувањето стабилност не само на Западен Балкан, туку и пошироко, додека ПСЈЕ како иницијатива е добра платформа за дијалог и решавање на отворените прашања.

Грција отсекогаш била поддржувач на евроинтегративниот пат на Македонија, како и сигурен сојузник во НАТО, беше истакнато на средбата.

Ахмети понатаму додаде дека очекува оваа поддршка за ЕУ и соработката во НАТО да продолжи и во иднина.

Европската интеграција на регионот е од големо стратешко значење и е од заеднички интерес за општата безбедност на Европа.

Двајцата соговорници изразија задоволство од динамиката со која се развиваат билатералните односи, особено во последните седум години по потпишувањето на Договорот од Преспа, со што беше изразена потребата од негово целосно почитување и спроведување од двете страни.

Ахмети го истакна духот на Охридскиот договор, чие почитување 23 години гарантира мир, безбедност, стабилност, социјална кохезија и евроатлантска иднина на државата.

Затоа, од исклучителна важност е мнозинската заедница да го почитува демократскиот легитимитет на втората заедница во државата и другите заедници во согласност со духот на Охридскиот договор.

Меѓународната заедница е гарант на Охридскиот договор и заедно не смееме да дозволиме да се врати назад, туку континуирано да го унапредуваме како што е нагласено во самиот текст на Охридскиот договор.

The post Прво појавување на Груби по изборите со грчката министерка appeared first on Република.

Пораншениот министер за финансии, професорот Џевдет Хајредини, коментира дека „причината зошто Али Амети и Димитар Ковачевски станаа заложници на Артан Груби, ce наоѓа во содржината на „бомбите“ што тој ги добил од Заев.

За ова и за повеќе други причини и едниот и другиот наскоро ќе мораат да одговорат пред членовите на своите партии, вели Хајредини.

The post Хајредини: Ковачевски и Ахмети станаа заложници на Артан Груби поради содржината на „бомбите“ кои тој ги доби од Заев appeared first on Република.

Говорот на новата претседателка Гордана Силјановска-Давкова го слушаше и Артан Груби. Иако на изборите гордо се пофали дека не зеде ливче за избор на шеф на државата, сепак смогна храборст да се појави во Собранието и внимателно го слушаше говорот на Давкова.

Сигурно има што да научи.

https://republika.mk/vesti/makedonija/siljanovska-davkova-vleze-vo-vilata-vodno-ja-precheka-pendarovski/

The post Иако на изборите не зеде ливче за претседател: И Груби го слушаше говорот на Силјановска-Давкова appeared first on Република.

Ниту Европскиот фронт, ниту ДУИ не повикуваа, ниту мотивираа на бојкот, беше оставено на слободната волја на граѓаните да ја изразат на гласачкото место, кажа премиерот Талат Џафери на денешната прес-конференција.

Во однос на бојкотот на Артан Груби, на вториот круг на претседателските избори, Џафери кажа дека неговиот став е индивидуален и дека не став ниту на Владата, ниту на партијата.

Индивидуалните ставови не можат да се претставуваат како генерални ставови на субјектот. Груби ниту е Влада, ниту е партија. Јас имав изјава како премиер на избирачкото место и потврдив дека ги земав двете ливчиња и гласав. Индивидуалниот став не е општ став по кој може да се извлече заклучок. Нека си е министер, индивидуа е во однос на Владата, не е став на Владата, ниту на партиски органи. Индивидуално може да каже што сака, тоа е слобода и на мисла и на изразување - одговори Џафери и додаде дека не може да се повикува на одговорност.

The post Џафери се огради од Груби: Тој не е ниту Влада, ниту е партија appeared first on Република.

Кога ќе се споредат бројките на граѓани кои гласаа за парламентарните и претседателските избори се наоѓа бројот на оние кои ги бојкотираа изборите за шеф на државата. На парламентарните избори гласаа 997 596 а на претседателските избори, пак, гласаа 859 951 избирачи.

Бојкотирале 137 645 гласачи. Најголем број на овие гласови што ги има на парламентарните а ги нема на претседатеслките се во средини со албанско население, претежно со поддржувачи на ДУИ. Негативата оди на контото на претседателскиот кандидат на СДСМ, Стево Пендаровски, кој после првиот круг сметаше на поддршката од владиниот коалиционен партнер ДУИ. Но, се чини, ДУИ го пуштија Пендаровски низ вода.

The post Го пуштија Пендаровски низ вода: Бојкотот на ДУИ за претседателските избори однесе 137.000 гласови appeared first on Република.

Му благодарам на „ликов" што ме убеди дека патриотски е да излезам на гласање за #ЦЕНЗУС за Претседател на Македонија.
1, Х, 2 секое ливче е добитно !!!!, порачува доктор Нико Беќаровски од Токсикологија, споделувајќи го видеото од јавното гласање на Артан Груби.

https://republika.mk/vesti/makedonija/glasniot-tivok-bojkot-na-artan-vo-zhivo-odbi-da-zeme-livche-za-pretsedatelski/

Вицепремиерот денеска јавно одби да земе ливче за да гласа за претседателските избори.

The post Беќаровски: Му благодарам на „ликов” што ме убеди дека е патриотски да излезам на гласање за цензус за претседател на Македонија! appeared first on Република.

Вицепремиерот Артан Груби денеска во живо на „Фејсбук“ го пренесуваше своето гласање на двојните избори во Македонија, и јавно покажа дека ги бојкотира претседателските избори.

Во видеото јасно се гледа дека на членовите на комисијата им кажува дека ќе гласа само на парламентарите избори, а потоа влегува зад параванот и откако завршува со гласањето става ливче само во кутијата за паралментари избори.

Видео ТУКА 

Со ова тој јавно им покажува на следачите што да прават, во случајот она што од неговата партија никој јавно не сакаше да го признае - дека ќе направат сè за да нема цензус во вториот круг од претседателските избори.

Не гласав за претседателските бидејќи не сакам да легитимирам претседател или претседателка која е против УЧК, против Охридскиот договор, против добрососедството со Косово, со Бугарија, со Грција, против интеграција во ЕУ и уставните измени, против пријателството со САД. Не сакам идниот претседател или претседателка да го има и легитимитетот на гласовите на демократскиот свет тука во Cеверна Македонија, овозможувајќи избор на еден таков претседател. Затоа го искористив моето демократско право да гласам за парламентарните но не и за претседателските избори, рече Груби по гласањето.

https://republika.mk/vesti/makedonija/vo-opshtinite-so-dominantno-albansko-naselenie-i-do-tripati-pogolema-izleznost-na-parlamentarnite-vo-odnos-na-pretsedatelskite-izbori/

Само неодамна, одговарајќи на прашањето дали ќе го бојкотираат вториот круг на изборите, лидерот на партијата на Груби рече дека „бојкотот не е потребната алатка во демократијата и воопшто не се дискутира прашањето за бојкот“.

Со ова само уште еднаш покажаа дека се далеку од вредностите кои ги промовираат.

Но, и дека и од двата кандидати, од кои едниот важеше за „проевропски“, барем во нивните усти, не е доволно добар за нив.

The post Гласниот „тивок бојкот“ на Артан: Во живо одби да земе ливче за претседателски appeared first on Република.

Која е улогата на Груби во криминалот во Лотарија и доделувањето на трите лиценци за онлајн игри на среќа? праша потпретседателот на ВМРО ДПМНЕ Александар Николоски кој денеска беше во посета на Гевгелија.

Можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот.

Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа. Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред, oбјани Николоски на фејсбук.

The post Николоски: Која е улогата на Груби во криминалот во Лотарија и доделувањето на трите лиценци за онлајн игри на среќа? appeared first on Република.

Носителот на Листата во првата зона на Коалиција ВЛЕН, Изет Меџити, воедно и претседател на Демократско Движење, се сретна со граѓаните на Чаир, но и ја посети Старата чаршија, разговарајќи со разни трговци и гастрономи.

„Продолжуваме со нашите средби со граѓаните, денес сме во Старата чаршија, односно во близина на зградата која порано беше дел од Тетовски универзотет, додека денес Артан Груби ни ги донесе казината во најфреквентниот простор како што е Скопската чаршија, изјави Меџити.

Меџити ја обвини власта дека прави девијација на општеството со деструктивни инвестиции и казина кои го одземаат здивот на новата генерација.

Меџити ја презентираше и политичката програма велејќи дека програмата на ВЛЕН е прагматична, достапна и многу достојна за граѓаните и општеството на земјата.

The post Изет Меџити: Во Чаршија некогаш носевме студенти, денес Артан Груби ни донесе Казина appeared first on Република.

Вечерва Артан Груби од ДУИ на ТВ21 најави дека утре Европскиот фронт со почеток во 13:00 часот во Чаир ќе одржи прес-конференција на која ќе побараат оставка од лидерите на ВРЕДИ. Груби рече дека ќе побараат од лидерите на албанската опозиција да му покажат на нотарот каде поднеле оставки.

„Од ова студио сакам да побарам итна оставка од Изет Меџити за спектакуларната загуба во Чаир, Арбен Таравари за загубата во сопствената куќа во Гостивар, Билал Касами за загубата во Тетово, Африм Гаши… Не знам каде загуби, дури и од тој претседател на општина Желино, Блерим Сејди, и од него, за спектакуларната загуба во Желино“, изјави Груби на ТВ21.

The post Груби: Барам оставки од Меџити, Таравари, Касами и Гаши appeared first on Република.