Стево Пендаровски веќе сериозно го има совладано синдромот на ретерирање кој што го наследи од Зоран Заев.

Стево Пендаровски јавно се откажа од македонските национални интереси и интересите на граѓаните, и ја одбра антимакедонската политика и по кој знае кој пат покажа и докажа дека не е на страната на граѓаните, туку е на страната на тесно партиските политички, антидржавни интереси на СДСМ, Димитар Ковачевски и Зоран Заев, како основоположник на сите овие неуспеси на Република Македонија.

Наместо заштитник на државните и националните интереси како што сакаат граѓаните да изгледа и да биде, и да работи нивниот претседател на државата, претседател на Република Македонија како што треба да изгледа, Стево Пендаровски стана соучесник на Ковачевски и негов послушник.

По само неколку денови Стево Пендаровски ретерираше од сопствените ставови. Ретерирајќи од референдум, за кој што и самиот Пендаровски се изјасни дека треба да има референдум со чесна формулација, кој треба го поддржат сите политички партии, Стево Пендаровски покажа дека или нема политички капацитет да има сопствен став на кој што ќе опстои цело време или пак Ковачевски и Зоран Заев сериозно го имаат притиснато и му имаат покажано дека тој е само нивни пиун кој го манипулираат и управуваат како сакаат од Владата.

The post Aрсовски: Пендаровски веќе сериозно го има совладано синдромот на ретерирање кој што го наследи од Зоран Заев appeared first on Република.

Портпаролот на ВМРО-ДПМНЕ Димче Арсовски, на денешната прес-конференција одговараше и на новинарско прашање кое се однесуваше во врска со убиството на младо момче кое се случи во струмичко Ново Село.
Арсовски рече дека за жал, во Македонија станало многу нормално да гинат луѓе откако е СДСМ на власт и додаде дека во градот Струмица се говорело и пишувало на социјалните мрежи дека во целиот овој случај биле вмешани структури кои што имаат блиски релации до власта, а нормално, МВР за тоа молчи.

Еве јавно прашуваме, дали во ова убиство се вмешани такви блиски структури до власта. Јавното обвинителство и МВР не треба да молчат, не треба да се обидуваат да прикријат и сокријат било какви докази за убиство за едно недолжно младо момче за кое штотуку почнувал животот и нормално, доколку се вмешани, а сѐ повеќе се говори, се пишува по социјалните мрежи, се зборува низ струмичкиот регион дека се вмешани блиски луѓе до власта, треба најстрого да бидат казнети и нормално сите оние кои што им давале заштита и закрила да сносат одговорност. Не е првпат СДСМ да се обиде да сокрие убиство или докази, или било што поврзано со убиство, така беше и со трагично загинатиот ракометар од Хрватска Тот, така е и сега, но тоа за жал стана пракса на СДСМ.
Очекуваме решавање во најбрз можен рок и очекуваме оние кои го извршиле овој грозоморен чин да одговараат, а доколку МВР продолжи да се однесува вака со обид да го затскрие ова дело и овој случај, нормално е да се поднесе оставка од највисоко можно ниво. – рече Арсовски.

The post Арсовски: Јавно прашуваме, дали во убиството во Ново Село се вмешани блиски структури до власта, ЈО и МВР не треба да молчат appeared first on Република.

Бујар Османи вчера кажа дека помеѓу Бугарија и Македонија има документ кој е основа за договор меѓу двете држави кој што македонската страна го прифаќа и еве јавно во името на граѓаните на државата, во името на интересот на сите, повикуваме да го обелоденат тој таен документ и да кажат јавно што содржи, изјави портпаролот на ВМРО-ДПМНЕ, Димче Арсовски одговарајќи на новинарско прашање на денешната прес конференција

Арсовски прашува дали владата на Димитар Ковачевски оди по стапките на претходникот Заев и се откажала од идентитетските обележја, историјата и јазикот?

За ова треба да дадат одговор денес, а не да молчат и да кријат цело време Зошто тој документ е таен и што има владата да сокрие од македонската јавност? Доколку се е како што велат во интерес на граѓаните зошто би го криеле, вели Арсовски.

Тој истакна дека криењето со право отвора сомнежи дека се спрема ново предавство.

Тоа нас ни дава право и како политичка партија ВМРО-ДПМНЕ, но и на граѓаните да се сомневаме дека се подготвува ново предавство на штета на националните и државните интереси и тоа за нас потенцираме дека е неприфатливо и ВМРО-ДПМНЕ нема да прифати таков штетен договор, нагласи Арсовски.

The post Арсовски: Власта јавно да го обелодени договорот со Бугарија и дали спрема национално предавство appeared first on Република.

The post Арсовски: Ковачевски лицемерно носи мерка за забрана на набавка на мебел, а изминативе неколку месеци набавиле мебел од 300.000 евра appeared first on Република.

Непродуктивното трошење во време на сериозна економска криза е практика на работењето на оваа Влада. Наместо антикризни мерки, тие продолжуваат да се луксузираат и да трошат буџетски пари на непродуктивни работи, рече на прес-конференција портпаролот на ВМРО-ДПМНЕ, Димче Арсовски.

Цели 2 милиони евра изминативе месеци СДСМ ги троши на работи без кои што можат да преживеат нивните функционери. Телефонски услуги во Собранието, режано цвеќе во СОЗР, 1.700 кафиња на ден цела година набавени од СОЗР, златни лажици и вилушки и многу други работи. Сето тоа за личен луксуз на Владата во време на сериозна економска криза за која што од Владата знаеле дека ќе следи и дека ќе ја има. На пример, министерство за политички систем и вицепремиерот Артан Груби 30.000 евра ги троши на непотребни работи, кои може да му ги завршат институциите на системот и на Владата. Новоформираното министерство и новопечениот вицепремиер 350.000 денари потпишале тендер за перење на автомобили. За овие пари секоја недела преку целата година треба да се перат најмалку 30 возила. Ниту министерството има потреба од 30 возила секој ден, ниту пак е потребно секоја недела да се перат сите 30 возила, а знак прашалник е дали тоа министерство има 30 возила на располагање. За ажурирање на веб сајт одвоиле 530.000 денари. Па на толку вработени во МИОА и во министерството во кое што раководи самиот вицепремиер е тотално непотребно да се одвојат дури 7.500 евра за ажурирање на веб сајт, па каков и да е. Пропратно и 400.000 денари се двојат на жардињери и уште 470.000 денари за консултантски услуги за јавни набавки. Сето ова можеле да го завршат институциите на Владата кои што ги имаме во државата, кои што се одговорни и за јавни набавки кои што имаат вработени експерти и за сите останати работи на кои што се трошело пари. Овие 30.000 евра можеле да ги пренаменат ако сакале за други работи, но, незаинтересираноста за кризата која следела не им била предмет на размислување, истакна Арсовски

Можеби за оваа Влада и за нив 30.000 евра и не се некои огромни пари, но затоа со овие пари можеле на над 100 социјално ранливи семејства како еднократна помош да им ги поделат за да можат да преживеат одредено време, додаде тој.

https://www.youtube.com/watch?v=C5o9fxX7hlY

The post Арсовски: Потрошени 30.000 евра за перење коли, ажурирање веб сајт, жардињери во министерство за политички систем appeared first on Република.

СДСМ е директен виновник што државата и граѓаните не можат да се справат со економската криза, ова денеска на прес-конференција го истакна Димче Арсовски од ВМРО-ДПМНЕ.

Иако знаеле дека ќе има економска криза, не преземале ништо. Не предвиделе антикризни мерки кои што требало да ја ублажат кризата која што во моментов ја чувствуваат и живеат граѓаните. Наместо антикризни мерки, изминативе неколку месеци откако знаеле дека ќе има сериозна економска криза, продолжиле од Владата со непродуктивни трошења. На пример, изминативе неколку месеци потрошиле 2 милиони евра на луксуз. Само вчера презентиравме дека за кафиња, златен прибор за јадење, хотелски сместувања, телефонски услуги, режано цвеќе се потрошиле над половина милион евра. Еве на пример, претпријатието Железници иако е на раб на банкрот секој месец во годината, повторно се потрошиле над 7 милиони денари за канцелариски материјал и кондуктерски ташни. Иако доколку некој ги праша вработените таму, самите ќе кажат дека можеби баш сега и не им се потребни ташните и дека имало претходно набавка односно дека поважно им е редовно да земаат плата, вели Арсовски.

Тој додава дека Републичкиот совет за безбедност при сообраќај на пример одвоил околу 5 милиони денари за услуги за печатење. Да беа свесни дека ќе има економска криза, иако знаеле, ќе сфатеа дека тие пари би било попаметно да ги потрошат на некоја друга ставка или за нешто друго.

ЈП за стопанисување со станбен и деловен простор, во време кога знаеле дека ќе има криза, за процена на деловен простор одвоиле 4.7 милиони денари. Ако сакале да заштедат и ако сакале да превенираат со трошење пари, ќе искористеле некоја од државните институции која што може да направи процена на деловниот имот и ќе ја направеле процената, а претпријатието ќе ги заштедело овие 4.7 милиони денари. И така, милионски суми на пари се трошат непродуктивно изминативе месеци, иако од Владата знаеле дека ќе има економска криза. Нема ниту една антикризна мерка и она што се обидуваат да го наметнат дека го донеле изминативе неколку денови како антикризни мерки е задоцнето и нема да го даде резултатот за да граѓаните ја преживеат оваа економска криза. Оваа политика на СДСМ е добро позната и се вели купи ден – помини, додека тие самите живеат и уживаат во луксузот со парите на граѓаните, вели Арсовски.

https://www.youtube.com/watch?v=_KeX5f40KjQ

The post Арсовски: Владата знаела дека ќе има криза минативе месеци и потрошиле 2 милиони евра appeared first on Република.

Портпаролот на ВМРО-ДПМНЕ, Димче Арсовски одговарајќи на новинарско прашање во врска со изјавата на Џафери за информацијата која што излезе во јавноста во однос на набавката на телефони за пратениците, истакна дека наместо за луксузирање на пратениците, средствата за телефони може да се пренаменат за инвестиции во образованието, градинките, болниците или да се спаси нечиј живот за лекување ,на некој на кој што му е потребно а фондот за здравство не му одобрува средства.

Сакам јасно да порачам дека сепак, треба да му биде јасно на господинот Џафери дека парите, кои што ќе бидат дадени за тие телефони за пратениците се пари на граѓаните. Не е точно дека не се пари на граѓаните, туку се пари на граѓаните, бидејќи се исплаќаат директно од буџетот на Република Македонија, а буџетот на Република Македонија го полнат граѓаните на Република Македонија. И да, тие пари кои што ќе бидат дадени за телефони за пратениците кои што ќе бидат потрошени, сериозна, огромна сума на пари, се пари на граѓаните, не се ниту на Собранието, ниту на Талат Џафери, ниту на пратениците, туку на граѓаните. Е сега наместо тоа луксузирање многу едноставно може тие пари наместо за телефони Талат Џафери да ги пренамени дали во образованието, да се инвестира во некое училиште, дали да се инвестира во некоја градинка, дали да се инвестира во некој универзитетска секција од клиниките во Република Македонија, односно во некоја клиника каде што им е потребно да бидат инвестирани или многу едноставно може да отвори некој од луѓето во кабинетот на Талат Џафери, да разлиста по социјалните мрежи, секојдневно гледа и може да види безброј повици за донации, за мали деца, кои што немаат средства нивните родители да ги лечат. Наместо да ги дадат тие пари за телефони и да се луксузираат пратениците, може да ги пренамени за лекување на некој на кој што му е потребно а фондот за здравство не му одобрува средства. Многу едноставно треба само волја да се спаси нечиј живот, наместо да се луксузираат пратениците во Собранието, истакна Арсовски.

The post Арсовски: Наместо да се луксузираат пратениците со скапи телефони, да се пренаменат средствата во образование и болници appeared first on Република.

Криминалот на градоначалниците на СДСМ е очигледен. Секојдневно гледаме и слушаме како направиле низа неправилности, а Јавното обвинителство и Антикорупциската спијат. Нема општина кај и да се свртат, кај и да погледнат граѓаните, а да не се правело сериозен криминал и кривични дела. Јасно беше дека уште од претходно се потонати во криминал до гуша, но сега веќе има и евидентни докази кои ги презентираме во јавноста и нормално ги носиме до обвинителството.

Илија Јовановски, поранешен градоначалник на општина Прилеп, кој јасно беше дека му е прв и последен мандат како градоначалник, направил сериозни кривични дела додека бил на функцијата.

Имено, накратко да им објасниме на граѓаните, а за се поседуваме и докази дека веќе е поднесена кривична пријава за Јовановски, што и како направил за да го прекрши законот?

Извесна парцела каде што се имало одобрение за градба од 2005-тата година, некаде на средина на мандат на Јовановски, се менува на чуден начин инвеститор и се отпочнува со градба на објект. Инаку првото одобрение за градба е на одредена фирма АГД Градба која што за 6 месеци откако им е дадено во 2005-тата година одобрение за градба не отпочнале со изградба на објектот кој што го планирале. Менувањето настанува токму баш за тоа, и нејасно е  дали и како односно спротивно на закон Илија Јовановски го дава одобрението за градба за истава оваа парцела каде што не била отпочнато да се гради објектот на друга фирма одредена ДПТУ Дино 99.

Е сега, оттука, откако почнува да се гради новава фирма која што на чуден начин го стекнува одобрението на градба, односно Илија Јовановски го менува инвеститорот за оваа парцела. Градежни инспектори од општина Прилеп излегуваат на терен и констатираат неправилности, нелегалности и крајно, ја стопираат градбата. Ја стопираат затоа што на страна од законот, односно од проектот кој што го поднеле има направено плус одредени други простории кои што не биле влезени во проектот. И со тоа се покажува дека го прекршиле законот.

Откако го констатираат сите неправилности инспекторите, законот наложува да одобрението за градба градоначалникот го стави како ништовно, односно целата постапка треба практично да се отпочне одново или тој објект да биде срушен. Но, наместо да се поништи актуелното одобрение, инвеститорите поднесуваат барање за измена на основниот проект во градба, практично да ги легализираат нелегалностите кои што ги направиле.

И оттука наместо да има правна разрешница, како што вели законот за овој објект, инвеститорите си продолжуваат и го градат целиот објект, а градоначалникот не презема никакви активности. Напротив на секој можен начин им дава легитимитет на овие неправилности кои што биле направени.

Јасно е дека Илија Јовановски како градоначалник извршил сериозно кривично дело и злоупотреба на службена положба и прашуваме дали добил некаква награда за истото прекршување на законот за цела оваа постапка?

Она што е најинтересно до неговото заминување, на сила било решението за стопирање на градбата односно констатираниот записник од страна на инспекторите, а сепак инвеститорот си го изградил објектот, нормално и најверојатно со амин на Илија Јовановски, кој што бил градоначалник.

Повторно ги повикуваме Јавното обвинителство и антикорупционерите, да поведат постапка и да не замижуваат пред овој криминал, кој е само еден во низата. Верувајте дека во секоја општина каде што говориме дека има сериозен криминал и поднесуваме пријави никаде Јавното обвинителство и Антикорупциската немаат преземено ниту еден чекор.

Начинот на работа на СДСМ е јасен и евидентен. Помили им се провизиите и наградите, отколку почитувањето на законите и потребите на граѓаните. Впрочем какво раководство, такви и послушници низ општините, истакна Арсовски.

The post Арсовски: Поранешниот прилепски градоначалник сторил кривични дела, имаме и докази appeared first on Република.

Како што на трибината викендов ветивме дека ќе објавуваме каде завршуваат народните пари – во џебовите на кадрите на СДСМ. Денеска продолжуваме со обелоденување на можеби најголемите бизнисмени од СДСМ. Адвокатурата излезе најисплатлива професија во СДСМ, истакна портпаролот на ВМРО-ДПМНЕ, Димче Арсовски.

После адвокатското друштво Калеска – Ванчева кое инкасирало 55.000 евра од адвокатски услуги, сега го имаме и вториот адвокат кој што со лесни пари од СДСМ ги заработи без многу да се помачи, а од пред еден месец стана и втор човек во партијата на власт. Генералниот секретар на СДСМ, Миле Зечевиќ, од адвокатски услуги од 2019-тата до 2021 година има инкасирано над 30.000 евра и тоа само од 3 општини со кои раководеле кадри на СДСМ. Општина Неготино, општина Пробиштип и Градот Скопје, додека биле под водство на СДСМ, за само 2 години му овозможиле и му дозволиле на генералниот секретар кој што е во моментов на СДСМ, Миле Зечевиќ како адвокат да инкасира над 30.000 евра, истакна тој.

Арсовски прашува: Само од три општини заработил толку, кој ли знае уште колку пари земало неговото адвокатско друштво од други институции и јавни претпријатија?

Дали има еден просечен адвокат во Република Македонија без партиски повластувања кој заработува вакви лесни пари како што заработиле Миле Зечевиќ и Калеска – Ванчева? И кога ќе размислите вака, зошто не прекинува и се шири грабањето на државните пари од сите ешалони на СДСМ, функционерски ешалони, одговорот е многу јасен, го гледаат врвот и продолжуваат надолу сите останати. Очигледно е дека ништо не се менува во СДСМ и ги интересира единствено власта за да се здобијат со бенефиции и финансиска тежина, па така ќе продолжат да функционираат и во иднина. Не очекуваме ништо да се смени во иднина. Може да биде само полошо. Замислете кога членовите на СДСМ и сите надолу гледаат како заработува лесни пари генералниот секретар на СДСМ, Миле Зечевиќ, замислете колку тие самите ќе се обидат да надокнадат и да заработат во било какви коруптивни зделки. И за тоа секојдневно имаме афера до афера која што за жал не завршува кон граѓаните оправдано, односно да излезе правдата на виделина, затоа што оваа власт ги има правосудните органи под себе, посочи Арсовски.

Тој истакна: „СДСМ и нивните функционери како Зечевиќ, Калеска – Ванчева и останатите, ги интересира власта единствено за личен бенефит“.

The post Арсовски: Адвокатурата излезе најисплатлива професија во СДСМ, Зечевиќ инкасирал над 30.000 евра од три општини appeared first on Република.